برضو يوجد فيديو تانى كلام الجنجويد و لكنتهم الظاهرة و بانهم احضروهم لفض الاعتصام و قطعوا لهم اجازة العيد و يظهر فيه امراتان و هم يقولوا لهن : قولو عسكرية و هو ادانة مباشرة للجنجويد و بان قيادتهم احضرتهم خصيصا لفض الاعتصام ... معتصم الحبيب ... الماسى كتيرة .. و نحسبها ابتلاءات و نسال الله خير الجزاء ارادة الشعوب لا و لن تقهر و الفجر آت و النصر لاح و القصاص منتظرهم دنيا و اخرة اللهم نصرك و فرجك و عزتك
07-13-2019, 09:29 AM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
ده براهو بيكفي ادانة كاملة مع سبق الاصرار والترصد والتخطيط لفض الاعتصام
لم يتحدث احد عن منطقة كولمبيا ولكنهم يتحدثون عن الاعتصام والمدنية وصابنها وتسقط بس هي الهدف
وخلي حميدتي يجي يقول ديل مندسين ،،، تاتشرات واسلحة ثقيلة ومئات الجنود ... كلهم مندسين وكلهم لا يتبعون للدعم السريع طيب وين كانت قوات الدعم السريع لو ديل كلهم مندسين علي بعد مترين من القيادة العامة والمندسين بالاسلحة والحجم ده لي ما احتلوا القيادة وشنقوكم كلكم في ميدان عام
07-13-2019, 09:30 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48867
واضح أن التصوير بواسطة أحد أفراد القوات التابعة للجنجويد بدليل قربه من مايكروفون الكاميرا "الهاتف".
وطبعا الناس ديل غشام وبسيطين، لم يكونوا يظنون أن وضع الفيديو في الشبكة سوف يكون دليل إدانة لهم ، وإثبات على أنهم فضوا الاعتصام وسخروا من الثوار ومن سلميتهم. لقد كان هناك من ملأ أدمغتهم بأن حركات دارفور المسلحة كانت موجودة داخل الاعتصام. وكما قال محمد بدر الدين هم ظاهر أنهم دعم سريع ، جنجويد، ما دايرة اتنين تلاتة، في هذا الفيديو وفي الفيديو الآخر الذي ذكره محمد.
07-13-2019, 11:28 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
احتمال يكون التصوير من عصابات المؤتمر والوطني للاستفاده من التصوير في ردت فعل الجمماهير لماذا كان التصوير فقط لحمله العصا و لاتجد صور للذين أطلقوا الرصاص
07-13-2019, 11:54 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
Quote: احتمال يكون التصوير من عصابات المؤتمر والوطني للاستفاده من التصوير في ردت فعل الجمماهير لماذا كان التصوير فقط لحمله العصا و لاتجد صور للذين أطلقوا الرصاص
بالتأكيد التصوير من الجنود, الثوار في وضع ماساوي لا يستطيع الواحد رفع راسه خليك من ان يرفع تلفون ويصور دا غير انو الحرامية ديل شالوا منهم تلفوناتهم و القروش وكل ما يمكن نهبه لكن الواضح ان الفيديوهات تم تسريبها بعناية, اكيد حذفت اللقطات التي فيها قتل او اطلاق نار
07-13-2019, 07:07 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
ديل اسري في قلب الخرطوم قدام بوابات الجيش.في كل فيديوهات (فض) الاعتصام قام الثوار بادوار بطوليه وضربوا من البسالة والشجاعة اقل ما يوصف بالندر في مواجهة رصاص الجنجويد والموت , مساعدة الجرحي والمصابين ونقلهم (شيل) للمستشفيات القريبة أو سحب من سقطوا شهداء. الفيديو دا فيه كسر للعزيمة.. فيه قهر للثوار وغرس خنجر في قلب الثورة. الجنجويدي في الفيديو بقول ديل ياهم (الصابنها) ودا بيعني أنهم قصدوا اسرهم دون سواهم.. طيب ليه؟ الاجابه لانه توقيت الفض كان لضرب اكثر الثوار ثورية. أنا لا افاضل بين ثوارنا لكن لكلٍ دور في الاعتصام والثورة. ودا امتَدّ في نفس اليوم لاصطياد الشهداء وليد بالقنص وحنفي بالدهس في شوارع حاراتهم وليس في مكان الاعتصام. السؤال المهم جدااا هو اين هم؟ هل ديل من تم رميهم في النيل بعد ربطهم ببلوكات الاسمنت ام من تم دفنهم في مقابر جماعية بعد تصفيتهم؟ علما بانه لسة الفيس والواتس وتويتر مليانين بصور المفقودين من يوم فض الاعتصام , ولا ننسي انه في لسه شهداء موجودين في ثلاجات بعض المستشفيات لحدي امس. عدم وجود النت أثر بشكل كبير في حصر عدد او مكان المفقودين.
الجنجويدي في الفيديو بقول للثوار أنتو ولا شئ مقارنه بأهلنا في دارفور!!. يعني الكان فيه أدني شك مجازر دارفور والجبال أرتكبوها الجنجويد بعد الفيديو الشاف وسمع أكيد إتخيل ما حصل لامهاتنا واخواتنا واهلنا هناك الكان بعيد عن ومن أي أو كل العيون. تم نشر فيديوهات الشهداء و الاسري وفي إنتظار فيديوهات الاغتصاب. أدونا لمحة منها وسمعنا الصرخات.!!!! لو أتفرست عيون الاسري تحس بأنهم بيتمنوا الموت ويكونو شهداء علي الذل والمهانة وحالة الانكسار.
07-13-2019, 08:03 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
Quote: كلام الجنجويد و لكنتهم الظاهرة و بانهم احضروهم لفض الاعتصام و قطعوا لهم اجازة العيد
نعم شفتوا.. بس دا اشد قساوة وفيه رسائل كتييييرة.
العزيز جعفر بشير
Quote: وخلي حميدتي يجي يقول ديل مندسين ،،، تاتشرات واسلحة ثقيلة ومئات الجنود ... كلهم مندسين وكلهم لا يتبعون للدعم السريع طيب وين كانت قوات الدعم السريع لو ديل كلهم مندسين علي بعد مترين من القيادة العامة والمندسين بالاسلحة والحجم ده لي ما احتلوا القيادة وشنقوكم كلكم في ميدان عام
حميدتي قفل الانترنت وحاول (يجمل) وجه المجلس ب 6مليون دولار. المجلس العسكري يا جعفر قلع ( الاعتصام لباسنا) .. الباقي تموا براااك.
المليح دكتورنا الجميل ياسر..
Quote: وطبعا الناس ديل غشام وبسيطين، لم يكونوا يظنون أن وضع الفيديو في الشبكة سوف يكون دليل إدانة لهم ، وإثبات على أنهم فضوا الاعتصام وسخروا من الثوار ومن سلميتهم. لقد كان هناك من ملأ أدمغتهم بأن حركات دارفور المسلحة كانت موجودة داخل الاعتصام.
الغشامة موجودة يا دكتور في البربرين الهمج ديل .. بس هنا مقصووووودة.
الاستاذ عمر دهب سلام.
Quote: احتمال يكون التصوير من عصابات المؤتمر والوطني للاستفاده من التصوير في ردت فعل الجمماهير لماذا كان التصوير فقط لحمله العصا و لاتجد صور للذين أطلقوا الرصاص
التصوير بواحد لابس جنجويد.. بقي ما معروف منو الما جنجويد فيهم يا عمر طالما الهدف واحد.. شقّنا بالطول والعرض لكن.. هيهاااااات.
العزيز عاصم علي..
Quote: بعد دا كلو الناس انو الغصابه دى جاده فى انجاز اتفاق ينتصر للشغب ويعيد حقوقه ويحاكم من اجرم فى حقه ؟؟؟؟ !!!! الشارع بس تسقط بس
السقوط قادم لاا محاااااال.. دا لعب شفع.. قال حصانة للمجلس وحميدتي..
العزيز محمد ودالبشري..
Quote: دا غير انو الحرامية ديل شالوا منهم تلفوناتهم و القروش وكل ما يمكن نهبه لكن الواضح ان الفيديوهات تم تسريبها بعناية, اكيد حذفت اللقطات التي فيها قتل او اطلاق نار
نعم بالتاكيد التصوير كان منهم.. والتسريبات كل يوم نوع و الموجة الجاية ح تكون بتاعة الاغتصابات.. الناس ديل (كل المليشيات) شغالين مع بعض في هارموني عجيب بالتصوير وإخراج المجزرة والتجاوزات ونسبها للمجهول أو عشان يتفرق دماء الشهداء والجرحي والاسري والمغتصبين بين (القبائل - تقرأ المليشيات) لضرب الثورة وقادتها.
07-13-2019, 09:26 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الثورة مستمرة.. لن يتحقق ولا مطلب ثوري واااحد في وجود الجنجويد ومجلس الكيزان. قوي إعلان الحرية حادت عن مطالب الثوار. تسييس الثورة لمكاسب حزبية وصبغها بدماء الشهداء , الجرحي والمغتصبين محاولة رخيصة من احزاب العار. شيك الثورة ممهور بالدم مدفوع من حساب الكادحين. قوي الحرية صرفت الشيك في (زواج متعة) باطل (مأذونه) الوسيط عدّل وفصّل شروطه علي المجلس , و(شهوده) هم دول محور الشر و (باركه) دعاة الديمقراطية افكاً وخداع. التنازل عن المدنية الكاملة في الانتقالية ولو جزئيا فتح الباب عريض لسلسلة تنازلات لا ليها حد ولا آخر.لن تنتهي عند عدم رفع الحصانة (الجرائم) واعلان الذمة المالية (مال العمالة وجبل عامر) للعسكر بل ح يتعداها لتضيع ملامح الثورة. لن يستطيع (أحد) ركوب ظهرك الا اذا أنحنيت.. ولو ركبوا ضهرك مرة أستعد للركوب مراات. شهدائنا ما ماتوا لا جرحنا أو مغتصَبينا شفوا وما لقينا اسرانا. لكن.. ح تجف مآقينا وفي يدينا البداوينا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة