لمن لا يعرف فسوة العجوز، فسوة العجوز هي هبة إعصار صغيرة تهيّج وسُرعان ما تنتهي ويصحبها دايماً صوت كركبة طشت كان متكول علي الحيطة، ويحلق في دورانها مجموعة من أكياس النايلون وقصاصات ورق الجرايد ؤ كمية من كلآب العُشر. يظهر في الفديو فسوة عجوز، وسُميت فسوة عجوز لأنها عبارة عن إعصار صغير عابر لا يرقى لمستوي كتاحة، وهي كالبرق الخُلّب في اللغة العربية وهو البرق الذي لا يأتي بمطر ...
07-13-2019, 12:47 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الجزيرة وآقفة قنا، والشعب كلو في الشارع. شعب سيّد نفسو خرج في المواعيد الدايرآ هو، وحدد مطالبوا دون الرجوع لتجمع أو مجلس دم أو قوى حرية ؤ تغيير، وبُناءً عليه يكون الحوار طلع فسوة عجوز...
07-13-2019, 02:25 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
سلام معاوية عندنا بنسمي "اوسار" هبوب شيطان (من اعصار) حسب اللهجة المحلية لما يجيك في الخلا, الحل الوحيد انك ترقد واطة و تغطي راسك بعراقيك. بالمناسبة ده ياهو ذاتو "التورنادو" بتاع الامريكان بس لحكمة ربانية هناك بتجي بالحجم الصغيروني ده.
____ بخصوص التفاوض بين العسكر و قحت, اها تاني حيجرجروهم 40 يوم و بتحصل كارثة تانية و الحكاية حتجر الي ما لا نهاية.
في ناس بسموها "كُشواّرة" بتكون زي العامود و بتتحرك من حتة لي حتة. ================== حبيبنا ناصر الامين تحياتي .. والحبيب ودالمدير
سبحان الله يا ناصر النوبية عندنا ( كاجوار kagwar ) عندنا قريبا كان يعمل مع شيخ في السعودية سائق سيارة ( جاكوار) ولكن يقول أنا سائق ( كاجوار ) أصبح نكته عند الشيخ
Quote: وفد التفاوض اقل من مستوى الثورة بي مراحل كبيرة جدا ...
وفد التفاوض يا أبو حسين من ضربة البدآية كان دون المستوى، وفد مسنود بـ 6 مليون في الشارع ؤ ما قادر يتفاوض بل حتي ما قادر يقدّر قوة الثوار الساندنو. بصراحة الناس بدو يشككو في نوايا هذا الوفد المهيض الجناح...
07-16-2019, 08:57 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا ود البدري باقيلك جا واللآ ما جا !. المواقف الزي دي والتصدي لمثل هذا العمل لا يقبل التخاذل والإنكسار، لأنوا الشعب وضع كل ثقته في المجموعة المحاورة بإسمه وهاهو يفقد هذه الثقة يبقى بعد دا هذه المجموعة أصبحت فاقدة الصلآحية وهذا هو الحاصل الآن، والنستعد لمشهد آخر...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
Nasser Amin
ABUHUSSEIN
حامد بدري
Mahjob Abdalla
كمال عباس
علي عبدالوهاب عثمان
فيس بوك
تويتر
انستقرام
يوتيوب
بنتيريست