|
|
|
 Re: غموض الموقف وغطغطة الاشياء(التهام الثورة) (Re: عبدالقادر محمد)
|
هذا ليس هو التغيير الذي كنا ننشده ولا هو بالتغيير الذي خرجنا لاجله
ان لم يستطع قوي الحرية والتغيير حمل احلامنا فليضع ورقة التفاوض الان وليعود معنا لارض ميدان الثورة
التاخير في تحقيق المطالب هو تسويف للزمن ومضيعة للوقت والتهام للثورة
علي قوي الحرية والتغيير تعليق التفاوض والعودة لميدان الثورة
واشهار اسلحة العصيان المدني والتظاهرات مع الاعتصام
هذا الذي يفعلونه ما هو الا مجرد لعب عيال لا يثمن ولا يغني
وهذه ليست احلامنا
وهذا ليس التغيير الذي خرجنا لاجله
ولا نريد مضيعة الوقت في التسويف والالتفاف وقتل الاحلام
| |
 
|
|
|
|
|
|
|
|
Re: غموض الموقف وغطغطة الاشياء(التهام الثورة) (Re: عبدالقادر محمد)
|
جزء من عمود زهير السراج . . فيهو كلام معقول . .
* الموضوع الاول هو التفاوض، وهو علم وفن بيدرسوا الناس في الجامعات وبيعملوا ليو ورش عمل قبل الدخول في مفاوضات، وما مجرد كلام وصراخ، واصرار وتعنت وتمسك كل طرف برأيه، وما أى زول بنفع ليو .. يعنى الزول البينفع يقود الثورة أو يخطب في المنابر ما بالضرورة ينفع يكون مفاوض، والعكس صحيح .. والتفاوض ما مكافأة عشان يكون فلان او علان القادوا الثورة في وفد التفاوض، وبنفس القدر ما بالضرورة رئيس المجلس العسكرى او اعضاء المجلس يكونوا هم وفد التفاوض في الجانب الآخر .. المهم تكون الجهة أو الشخص المكلف بالتفاوض مفوضاً ويستطيع أن يتخذ القرار وعنده ملكة وفن التفاوض !!
* بعدين انت لمن تمشى تتفاوض ما بتكون شايل ورقة واحدة خاتيها في جيبك، وما بتتنازل عن الفيها لو السما انطبقت على الأرض، الواحد بيمشى وعندو عدة خيارات يستخدمها حسب الظروف وبيكون متفق عليها مع ناسو، وفى نفس الوقت تلبى (غالب) طموحاتك ما بالضرورة (كل) .. لأنو لو كل طرف أصر على (كل) ما حنصل لى حاجة، ومافى داعى للتفاوض وكل زول يعمل العايزو!!
* كمان لمن الناس يصلوا لى طريق مسدود او يكونوا عايزين مفاوضاتهم تنتهى بسرعة وتنجح، بتفقوا على مجموعة خبراء و(مسهلين) عندهم خبرة بفن التفاوض ودراية بظروف البلد ومعرفة بالقوانين الدولية، يقربوا وجهات النظر ويشاركوا في وضع المقترحات ويحاولوا يصلوا مع الطرفين لحلول مرضية للجميع،
| |
|
|
|
|
|
|
|
|
|
Re: غموض الموقف وغطغطة الاشياء(التهام الثورة) (Re: عمر سعيد علي)
|
| Quote: لكن يبدو انهم سيتم التهامهم ببعض مناصب |
سلام يا عبدالقادر
مخاطبة قوي الحرية بعد الاجتماع كانت كافية وشاملة
واظن انهم علي الدرب الصحيح
لا يوجد ما ذهبت اليه من مجموعة سترضي وتلتهم بمناصب والا كان الموضوع انتهي
الشباب قوي الحرية والتغيير وراهم قوي سياسية عندها خبرات وصدامات طويلةة مع الجبهة الاسلامية
ومع كل ده هم عارفين انهم مفوضين ويمكن سحب هذا التفويض في اي لحظة وما بيقدروا يغامروا بفقدان ارضيتهم وما صدر منهم حتي الان ما يوحي بذلك ... اللهم الا مشاكل خاص بتنسيق وترتيب وتباطؤ في كثير من الاحيان ... واخطاء بتقديم ممثلين ضعيفين لكن في المجمل ووفق الظرف الراهن هم عارفين شنو ماطلب الشاريع وما عندهم ادني استعداد يتنازلوا عن جوهر المطالبات
كلنا مستعجلين النتائج لكن الواضح انو الامور ليست بالتمني
والمشوار طويل وصاحب النفس الاطول هو الفائز
| |
|
|
|
|
|
|
|
|
Re: غموض الموقف وغطغطة الاشياء(التهام الثورة) (Re: Gafar Bashir)
|
حبيبنا عبدالقادر .. تحياتي
أراك أيها الحبيب تعلو بقيمة الوطن .. واشعر أنك واقعي
ولا تقودك عواطفك .. تهتف بالحق دائماً ..
من خلال بوستاتك ( الوطن هو الأول ) ولا شيء يعلو عليه
ليس مثلنا كوم من العواطف لنسوق التبريرات لكل من أخطأ وعجز عن إبلاغ الرسالة
نعم الثورة والتحشيد أسهل جداً من ( الحوار ) لأن التحاور يحتاج إلى نوع معين من الناس
وليس كل خطيب محاور .. بل العكس المحاور البارع هو الصامت دوماً ليعرف ماذا لدى خصمه
الاصرار من الجانب العسكري فيه غباء .. وعلى التجمع الاستفادة من هذه النقطة
شكراً الحبيب عبدالقادر ..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالقادر محمد
عمر سعيد علي
علي عبدالوهاب عثمان
فيس بوك
تويتر
انستقرام
يوتيوب
بنتيريست