انه الجنون حقا وإنها سخرية تقلبات هذه الثورة التي لا يفهم رأسها من ذيلها لا أحد يعلم أن كانت صاعدة ام هابطة ان كانت ذاهبة ام قادمة أحيانا لا أعرف أن كنا في حزن ام في فرح هذه الثورة مجنونة كانها قرد مخمور ،اين التغيير الحقيقي الذي ولدته هذه الثورة العظيمة .اين قصاص الشهداء؟ ولأن الوضع هكذا من يستبعد هذا السيناريو :
قال ليك البشير صحي من النوم وناسي قصة الثورة وسجن كوبر والحاصل كله. لقي اللواء مدير سجن كوبر نايم بالجلابية ومعلق هدومو في الشماعة . قال ليك البشير دخل ليك في الكاكي وجر عصايتو ومرق اول زول لاقاهو اللمبي حايم باللباس والفنيلة الداخلية طوالي البشير قال ليهو يلا يا عبدرحيم شالتنا نومة البس ليك حاجة سريع ، يلا نمشي علي القصر نفطر ونمشي العُمرة ونخمش لينا شوية ريالات من بن سلمان ونجي راجعين قال ليك اللمبي طوالي نط في أقرب بنطلون وقميص وقال ليهو والله يا ود حاجة هدية انا عرفتك عامل مقلب في الجماعة ديل. ارح نمشي. اول ما وصلوا البوابة الخارجية لسجن كوبر الدعامة فتحوا ليهم الباب وادوهم التحية عبدالرحيم طوالي ركب في أقرب عربية وقال لي الدعامة امشو قدامنا عشان تفتحوا الطريق الليلة بتاع النجدة مافي. قال ليك اول ما وصلوا القصر حميدتي شافهم طوالي جري علي عربيته وقال لي سواقو شتت يا ود ابوك علي جبل عامر عمك ده مرق نمشي علي دهبنا وشغلنا البنعرفو.. قال ليك البشير طوالي دخل علي مكتبو لقي البرهان وحمدوك قاعدين طوالي مشي قعد في كرسيهو خمش ليهو حبة بلح بركاوي من الشوال المجدوع في ركن المكتب لزوم فكة الريق .عاين لي حمدوك وقال ليهو: * حمدوك شنو يا حمدكة انت الا يغشوك كده ما كان تقول لي عايز رئيس وزراء كنت عينتك طوالي في داعي للفة الطويلة دي. **** برهان ،،،،برهان،،،قوم يا برهان جيب شاي. بلا يخمك يا كهنة تمثيل ساي، ما قادر تبقي رئيس قوم جيب الشاي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حسن كجروس
فيس بوك
تويتر
انستقرام
يوتيوب
بنتيريست