|
Re: عدت للمنبر هذه المرة يا جماعة عشان اديكم ق (Re: MOHAMMED ELSHEIKH)
|
Quote: علي الطلاق بالتلاتة امبارح بدون مناسبة بالليل افكر في قيقراوي ياربي الزول دا دحين مش غير اسمو لاحمد حمودي؟؟؟؟
انا بقيت فكي |
سماتا .. ديل اهل الواتا! اهل العلب .. والفاتحين بقدرة رب العالمين .. على الله وعليه بشربوا دخانهم .. وببينوا برهانهم في العدو .. والبشيل حاجة ما حقتو بي دستورهم اولاد ماما .. يعفوا .. يرضوا
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: عمر أبوعاقلة)
|
Quote: يا سلالالالالام ياخ العود أحمد والله
زمان كنّا نقرأ لكم من النفاج لما دخلنا سحبتوا كيبورداتكم ومشيتو شئ محزن والله ربنا يسهل عودة الباقيين
مودتي |
البرتقالة أنت .. وانا بعض الرحيق
ما نفاج هو .. كنت بشاغلكم بي يا معاين من الرقراق شغلتنا أموالنا -المافي- واهلونا الفي عن التواصل .. ركن رجعنا بأمر الثورة والثوار ..
وكان حيين بنتلاقى تحت ضل شجرة الحرية ام همبريباً طااالق قريييب
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: هاشم الحسن)
|
والله يا قيقا غيابك كان مبلوع ومفهوم إلى حد ما في الأيّام العادية, لكن بعد انطلاق ثورة ديسمبر المباركة كان في شي ناقص, معقول يا قيقا! تنجز ثورتك الشخصية و ترعاها براك ايّام ثورة تونس و يناير و لامن يحين أوان ثورة السودان المنتظرنها العمر دا كلّه تغيب! العود أحمد و ان شا الله الفال طيب على قدومك اشتقنا ليك وللغلاط معاك :) وهاك دي عينة: من اسي القصيدة وزنها مكسور محتاجة مراجعة
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: هاشم الحسن)
|
بركة في الشوفة يا CD الحسن
تعرف ياداب وقع لي ليه تشي جيفار دا كان بريد اللطام ومتلقي حجج ياخي الفعل الثوري دا فيهو متعتة غير متوفرة في اي نوع من المتع التقليدية .. إيفن الجنس ذاتو خليط مشاعر عجيب ومدهش .. رغبة ورهبة وجلال .. خوف وفرح غبطة وسرور .. آمال الآم .. شي عجيب كلو كلو
يا حليكم .. بعد تنجزوا ثورتكم دي برحل اشوفي لي بلد قايمة فيهو ثورة جديدة
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: عباس محمود)
|
والله يا شباب كمية من الكلام و الأشجان والأشواق وحاجات تانية ذاتو ما عارف كيف يقولوها ..
في جنس الورطة الانا فيها دي خلوني ابدأ بالقصيدة .. وهي كانت ضاااربة وسارت بها الركبان والعربان الماشين كداري ساي في ثمانينات القرن المنصرم ... هي دعوة لعجايز الثوار -وعجائز لغوياً تنطبق على الجنسين- وقدامى المحاربين للمساعدة في تذكر النص وصاحبه من باب حفظ الحقوق الادبية.
ح اسرد المتذكره منها في مقطعين .. والباقي ذهبت به السنون والزهايمر .. الى المقطعين اذن دون إبطاء:
(1)
بالامسِ زارني الشهيد .. عاصباً جبينه بهالة النضال يشعُ من جبينه الجلال ...
(2)
مددت يدي .. أردتُ ضمه ... ففضني في انكسار نفسي الواجفة
لا أنسى حين فضني مودعاً وقال: أرواحنا تزوركم .. لتطرد النعاس من جفونكم غاية أن تكون .. ألا تنام .. أو .. تهون
---------
اذكر - من ثقب ذاكرة زلقة- اني كنت استمع للقصيدة من شريط TDK فيه مجموعة من الافذاذ .. اذكر منهم محمد طه القدال .. ومحمد الجاك الصراف وانا متهم الاخير صراحة!
ورود بقدر الشباب هنا
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: Munir)
|
Quote: دى زى قصيدة حصلت لى حكاها لى واحد 😁
|
منير حبيبنا ..
اكيد هي مستقاة من السخف الابداعي للكوميديان عمر موز 😁
------------
تحت تحت كدا سمعت انو (الواحدين) القاعدين يحكوما ليو ديل قرروا تاني ما يحكوا ليو اي شي .. لانه حرامي بسرقا وبدعى البطولة لنفسو😁
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: عبد الوهاب المليك)
|
بالأمس جأني الشهيد عاصباً جبينه بهالة النضال بصدره إرتعاشة الفداء نازفة ملفحاً بجزوة الكفاح يكسو وجهه الجلال
*** فركة أعيني أردت ضمه فصدني صغرت مرتين ثم غصت في إنكسار نفسي الواقفة تقلصت مسرتي تناثر إندفاعي الخجول في الهموم الزاحفة وجمت إذ عجبت ما أكون قد فعلت للرفاق لعلني لم اخفض اللواء أو أداعب النفاق نظرت في شحوب ماذا يريد زائري الغضوب
*** قال لي وكفه تصد دمه المراق: أرواحنا تزوركم لتطرد النعاس من جفونكم
*** فركة أعيني كبيرة كبيرة فتحتها ثم استطلت ... تمخر السحاب قامتي سحقت غيمة الركود دستها تراقص انتعاش صحوي فوق راحتي
دعاني الشهيد مد يده حضنته توازت القامات في إعتدال مدة طويلة شددت كفه نظرت في عيونه رأيت واحة ظليلة جبينه يصوغ كبرياء وصدره يشع في إزدهاء ثم استدار بعد حين باسماً ووجه يعانق السماء حين غاب في الماضي انتفضت في انفعال لن أنسي حين هزني مودعاً وقال : غاية أن تكون أن لا تنام أو تخون ....
أنزالها العضو محمد يسين علي بدر ... 30/8/2009 لم يذكر شاعرها ... الشاعر الأستاذ المعلم / عبد العظيم عبد القادر زيارة تفقدية ...
هلا قيقراوي .. حضرنا حضورك الدهشة في أيام خلت .. فهلا بنبض حروفك من جديد ...
ــــــــــــــــــــــــــــــــــــــــــــــــــــــــــــــــــــــــــــــــ تسقط بس ...
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: معاذ حسن)
|
معاذ حسن حبيب ألبي .. غاية الاشواق ياخي
Quote: عودا حميدا مستطاب يا قيقا ود البشرى ما شاء الله صامد في المنبر خرتمية سنة الله يديك العافية زي البشير بس |
ؤ غاية الطعمية الحامضة مع ود البشرى
قالوا في مرا قالت عاوزا عريس زي البشير بس .. قدر ما يقولوا ليو ارحل هو زايد كنكشة.
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: خضر الطيب)
|
Quote: عودتك تعنى حتمية انتصار الثورة .. وسلام على السودان |
يا علاء ياخ ما تبالغ كمان هههههههههه
اي نعم الناس مشتاقة جداً لذلك الرجل الذي سند ظهره الى استار الكعبة او كما قالها البطل
ولكن كمان ما تكبرولو راسو شديد كدا عشان ما يرفع القزاز مننا ويختفي مرةً اخرى
--------
كلام البطل دا كان مضحك جداً يا قيقا وكل ما اتذكرو اضحك
فعذراً اذا نكأت لك جرحاً لم يحدث اصلاً
| |
|
|
|
|
|
|
Re: عدت للمنبر هذه المرة يا جماعة عشان اديكم ق (Re: HAIDER ALZAIN)
|
يا حياك يا قيقراوي المفضال مع الأشواق ما تعرفها وما لا تعرفها وبالمرة حباب الزين حيدروف ............... هاهاهاها
Quote: عدت للمنبر هذه المرة يا جماعة عشان اديكم قصيدة كتبتها انا .. لكن ما عارف شاعرها منو؟! |
دا عنوان بوست واللا عمود رمضان أحمد السيد ؟؟ خخخخخخخخخ على العموم فيهو هبة ظرافة وكتحة خفة دم .. بخ بخ
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|