|
Re: عبد الحي يوسف يسحـــــق القحاتـــة في قنا (Re: Elhadi)
|
وأظهر قدرات عالية جداً
قد لا تتوافر في 99.99% من القحاتة البطلعوا في التلفزيون ـ بدون ذكر أسماء
آآآآآآآآآآ آآآآآآآآآآآآآآآآ آآآآآآآآآآآآآآآ بين كل كلمة وكلمة
والله أفتكر يعني.. و أعتقد.. واااااااااا .. أاااااااااااي..
أو زي الوزيرة القحاتية في لقاء قناة الجزيرة تقلب في الورق أمام الكاميرا
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: عبد الصمد محمد)
|
اتفق معك يا الهادي بأن عبد الحي يوسف متحدث لبق درس فنون الخطابة كداعية هذه لا يختلف فيها اثنان لكن هو متملق لبق و من علماء السلطان و انتهازي يعرف من اين تؤكل الكتف احتفاءك به لن يضيف اليه شئ لكنه يخصم منك انت هذا المعتوه مكانه السجن حتى الممات و انت مكانك مزبلة البورد :)
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: خضر الطيب)
|
أي لكن الحق ده زاتو يا خضر ممكن يضيع أو تضيع ملامحه لمن يتولاهو ناس ما عندهم قدرات ـ صحيح ؟؟
وممكن زي عبد الحي ده بقدراته الفردية أن يسوق للباطل.. ده زمن الإعلام وانت عارف كده كويس
وده البرجعنا لأنو : هي ولاء البوشي وأمثالها يعني كان مالهم ومال عبد الحي وقت هي ما قدرو وقدر الصراع معاهو ؟؟
ولا يا خضر هم هاجموا عبد الحي واتخذو منو ومن أمثاله ( ذريعة ) للتغطية على أمور أخرى ؟؟
جات فترة الناس في وسائل التواصل الاجتماعي بقت ما عندها شغلة غير موضوع عبد الحي ده،
للدرجة الإنو حتى استغلتو قناة العربية في المقاطع المجتزأة إياها القاعد يديها ليهم جهاز الأمن.. يعني في النهاية جهاز الأمن أو الجهة البتتعمد تخرج المقاطع لقناة العربية لغرض سياسي معين بتستغل موضوع عبد الحي نفسو في ذات السياق
عشان يشغلو بيهو الناس عن العدو الحقيقي
وقع ليك إنو الشغلانة دي ودت الناس لي وين ؟؟
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Elhadi)
|
Quote: أي لكن الحق ده زاتو يا خضر ممكن يضيع أو تضيع ملامحه لمن يتولاهو ناس ما عندهم قدرات ـ صحيح ؟؟
وممكن زي عبد الحي ده بقدراته الفردية أن يسوق للباطل.. ده زمن الإعلام وانت عارف كده كويس
وده البرجعنا لأنو : هي ولاء البوشي وأمثالها يعني كان مالهم ومال عبد الحي وقت هي ما قدرو وقدر الصراع معاهو ؟؟
ولا يا خضر هم هاجموا عبد الحي واتخذو منو ومن أمثاله ( ذريعة ) للتغطية على أمور أخرى ؟؟
جات فترة الناس في وسائل التواصل الاجتماعي بقت ما عندها شغلة غير موضوع عبد الحي ده،
للدرجة الإنو حتى استغلتو قناة العربية في المقاطع المجتزأة إياها القاعد يديها ليهم جهاز الأمن.. يعني في النهاية جهاز الأمن أو الجهة البتتعمد تخرج المقاطع لقناة العربية لغرض سياسي معين بتستغل موضوع عبد الحي نفسو في ذات السياق
عشان يشغلو بيهو الناس عن العدو الحقيقي
وقع ليك إنو الشغلانة دي ودت الناس لي وين ؟؟
|
بتفق معاك يا الهادي في مسألة انو وزراء الحكومة ما عندهم تجربة في الحكم قبل كده لكن ما بفتكر دي مشكلة كبيرة عشان كده بقول ليكم ادوهم فرصة كافية و بعدها تبدأ المحاسبة اما بالنسبة لموضوع الوزيرة ولاء البوشي انا كنت من المعارضين ليهو و كتبتا عن رفضي للتصرف دا من وزيرة بتمثل الحكومة في انها تنزل لدرك عبد الحي يوسف وصفها بأبشع الصفات نعم وهو مقر بذلك لكن لكل فعل ردة فعل باختصار ما كان في داعي لكل الحصل دا
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: عبد الصمد محمد)
|
Quote: لاحظ في الدقيقة 28.36 |
Very Accurate قال بلغوهو و هو خارج السودان بالانقلاب ووجه رسالة للمخلوع بان لايسفك دماء المسلمين و محاسبة كل من اعتدى على المال العام و المخلوع في آخر محاكمة قال اداهو خمسة مليون دولار و فار الفحم علي عثمان قال انو قناة طيبة الخبيثة حقتم ياخ دا منافق تافه و منحط .. انا مستغرب والله ليه العمبلوق دا لسه ما دخلوهو في فتيل ؟ منتظرين شنو ؟
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Abdullah Idrees)
|
بالغت ياهادى لو جابو ليهو اى واحد من القحاته من طرف حتى ولو من قيادات الصف الثانى كان دقل بيهو وسحقو سحق . ياخ دا زول متناقض وبيبيع المويه فى حارة السقايين واكتر شئ غاظنى فى كلامو دا كلووووووو .. التحــلل ... اخخخخخخخخ .. دا اصلو ما بنى آدم الكيزان شغالين تحلل واصلا مين الاباح ليهم التحلل مش هو وغيره من علماء السلاطين المقبوحين . والله حزنت ليك يا هادى .
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Elhadi)
|
و أنا قلت في الأول انو هو من علماء السلطان وإنو حرامي و.. و.. الخ ----------------------------------------------------------------------------------------- طيب يا الهادى طالما انت عارفو حرامى الجابرك تشكرو شنو؟؟؟ من عادات اهل امدرمان الحرامى البينقبض فى السوق بيسيروه بالهتافات: ياهو ياهو وانت الان قايم على القحاتة سرك عند ربك
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Hassan Farah)
|
وعن أُمِّ سَلَمةَ رضي اللَّه عنها: أَنَّ رَسُول اللَّه ﷺ قَالَ: إِنَّمَا أَنَا بشَرٌ، وَإِنَّكُمْ تَخْتَصِمُونَ إِلَيَّ، وَلَعَلَّ بَعْضَكُمْ أَنْ يَكُونَ أَلْحَنَ بحُجَّتِهِ مِنْ بَعْضٍ؛ فأَقْضِي لَهُ بِنحْوِ مَا أَسْمَعُ، فَمَنْ قَضَيْتُ لَهُ بحَقِّ أَخِيهِ فَإِنَّمَا أَقْطَعُ لَهُ قِطْعَةً مِنَ النَّارِ مُتَّفَقٌ عَلَيهِ. 18/220- وعن ابنِ عمرَ رضي اللَّه عنهما قال: قال رسولُ اللَّه ﷺ: لَنْ يَزَالَ الْمُؤمِنُ فِي فُسْحَةٍ مِنْ دِينِهِ مَا لَمْ يُصِبْ دَمًا حَرامًا
وقيل خذو عن من اتقو ولا تخأذو عن من قالو
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Hassan Farah)
|
الهادي طبعا كالعادة مستمر في التربص بالثورة وحكومة للثورة والتحالف السياسي الذي قاد الثورة شكلك فتشت ما لقيت شئ قلت خليني ابلهم بي عبدالحي عشان صورت الموضوع حسب رغبتك في الهجوم واخترت عنوان صارخ (عبدالحي شنو البيقدر يسحق) يمشي يشوف الخمسة مليون دولار ال شالتها طيبة عبدالحي موضوعه مستحمي
المرة الجاية شوف ليك موضوع كويس يا الهادي خليني أديك مواضيع تستهدف بيها ق ح ت
المجلس التشريعي وإكمال هياكل السلطة الإنتقالية تلويح الصادق ب الإنتخابات المبكرة
يعني شوف ليك مواضيع فعلا تخت بيها الحكومة في خانتة اليك مش الود عبد الحي بتاع قناة طيبة
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: عبدالعظيم عثمان)
|
محاولة للاصطياد في المياه العكــرة
وفقدان البوصلة الوطنيــة
ومساندة للارهاب وقادتـه
صورة عبد الحي يوسف يؤدي صلاة الغايب على بن لادن بينما السودانيين يموتون بقصف الانتونوف يومياً وحدها تكفي
وارسال الاولاد وحتى البنات للمحارق تحت وابل كثيف من دعايات الجهاد (من الذي يؤججها ويطلقها) ؟
أحمد الشايقي
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: الزبير بشير)
|
الدعي الكذاب عبد الحي يكذب وينكر كلام علي عثمان بشان تمويل قناة طيبة .
سألتكم بالله .. هل اذا كان على عثمان على سدة الحكم اومكذبه هذا الدعي الكذاب ؟؟ هل كان سيجرؤ على تكذيب الرجل الثاني في الدولة ومن اولياء نعمته الذين اغدقوا عليه اموال الشعب واستحلها دون حرمة ؟ انه استغل الوضع الذي يعيشه علي عثمان الذي يقبع خلف القضبان وكذبه على الملأ ؟ لم ولن يجرؤ هذا الدعي الكذاب على تكذيب سيده علي عثمات وان تجرأ وفعل إبان سطوتهم لالحقه بخوجلي عثمان و د. عوض دكام .. وان تعاطف معه فسينتف لحيته شعرة شعرة او يعلقه منها تعليق المصلوب .. هذا الدعي يستمر في كذبه ونفاقه وافكه .. الله ينتقم منك يا عبد الحي ويرينا فيك يوما اسودا كيوم عاد وثمود .
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: الهادي الشغيل)
|
Quote: رغم رأي المسبق في عبد الحي يوسف ونظرتي ليهو كأحد وعاظ السلاطين وكأحد المستهبلين المتاجرين بالدين
و الوالغين في الفساد..
لكن الحق يقال في قناة الجزيرة اتجدع ومسح بالقحاتة الأرض |
مقدمة متناقضة يا الهادي اللقاء لا يمكن الحكم عليه بمعزل عن بقية الأشياء وإذا كان رأيك المسبق في عبد الحي مبني على حقائق وليس رأي إنطباعي فإن مثل رأيك هذا يجعل عبد الحي غير مؤهل للحكم على أداء حكومة قحت وغير مؤهل للحكم على مسار الأحداث بعد الثورة دعك عن المسح بالقحاتة الأرض.
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: طلعت الطيب)
|
ما رأيكم في كلام عبد الحي يوسف عن مسألة اختطاف الثورة وتجييرها لمصالح إقليمية ودولية ؟؟
وما رأيكم في حديثه عن سرقة الثورة وأحلام الشباب وبيع دماءهم وتضحياتهم رخيصة بواسطة أقلية ( متحكمة) في حقت ... أو ما يطلق عليهم بعض الثوار أنفسهم ( بالشلة) ؟؟
وما رأيكم عن قيام الحكومة نفسها بالتشريع وسن القوانين ؟؟
في حقائق كتيرة موجعة ومؤلمة في حديث عبد الحي يوسف
لكن الكثيرين يعمدون لتجاهلها وتخطيها ويمسكوا في القشور.. ياخي منو الما عارف عبد الحي كوز وحرامي وفاسد ؟؟
كوز وحرامي وفاسد زيو زي أي حرامي تاني لكنه أقام الحجة على قحت.. ودخلهم في كستبانة في أول ظهور إعلامي له
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Elhadi)
|
Quote: ودخلهم في كستبانة في أول ظهور إعلامي له |
و ان شاء الله يكون آخر ظهور اعلامي له دي اسمها فرفرة المذبوح يا الهادي لانو عارف سيف العدالة سيطاله لانو المخلوع اعترف قدام المحكمة بانو اعطى عبد الحي خمسة مليون دولار و على عثمان في برنامج العربية قال انهم كانوا بمولو قناة طيبة من حر مال الشعب
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: خضر الطيب)
|
كستبانة شنو يا الهادي الزول دا اتفضح فضيحة لا ليها اول ولا آخر زول متهم باخذ أموال من المال العام بشهادة المخلوع البشير في المحكمة.. دي نهاية المشروع الرسالي بتاعهم الرئيس قابع في السجن ومتهم بأكل مال الشعب وامام جامع إرهابي ادوه ملايين الدولارات من أفواه الجائعين... تبا لهم تجار دين
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: كمال عباس)
|
استمعت للفيديو كامل غايتو يا الهادي بس اظنك عايز تجيب سيرة غلب الهلال بس! سحق شنو دا منتهي! لو كان مستضاف طرف آخر في البرنامج كان بستفو ومن كلامه بس ومسح به الأرض إمام و شيخ وعالم دين يباري القوالات ولا يتبين كما أمره الله! قال وزيرة الرياضة اول ما عملته كان اقامة الدوري النسائي! في حين لو كلف نفسه دقايق وبحث عن الموضوع كان عرف ان لا علاقة للوزيرة و الوزارة بل و الحكومة كلها بهذا الموضوع اللهم الا حضورها الافتتاح! ولو ارادت كوزيرة ايقافه او الغائه ارضاء لك لما استطاعت
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: محمد البشرى الخضر)
|
يا الهادي ما تقدّنا كل مرة بإنك قلت (إنه من علماء السلطان ... الخ) عشان تثبت للناس إنه عندك رأي سلبي في المنحط السافل عبد الحي يوسف. مقصد قولك الزائف هذا (حتى لو أنزله وحي) لا ينطلي على أحد ولا ينفي سوء مقصدك وطويتك ورأيك السلبي في السلطة الانتقالية وقوى الحرية والتغيير. ما عندك مشكلة يا الهادي، ممكن تقيف في المكان البريحك، وتصلي في "مسجد خاتم المرسلين" إن شئت، لكن ما تحاول تستهبل بعصاة مرفوعة وعصاة مدفونة.
| |
|
|
|
|
|
|
Re: عبد الحي يوسف يسحـــــق القحاتـــة في قنا (Re: Adil Ali)
|
Quote: عبد الحي يوسف يسحـــــق القحاتـــة في قنا |
ده اسمو الخواء المزخرف في فضائيات العربان التي لا توقظ فكرة او تهذب شعور نحن في الجزيرة خلينا من كعوك السودان واهل الرجس من الكيزان والسلفيين وعبدالحي وعشة الغبشاوي والحبر وغيرهم خليهم يجيبو القرضاوي ذاتو في مناظرة مع دعمر القراي الجمهوري القحاتي الان او احمد الدالي نحن نتحدي العرب ديل من المحيط الي الخليج فكريا وحضاريا بس يبقو رجال يفتحو فضائياتهم الكئيبة للسودانيين الاصليين
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|