|
|
|
 Re: عايزين كل الأخوة المسيحين يرجعوا سودانهم (Re: منصوري)
|
الا واحد اسمو ايميل برسوم ياخ ده جلدنا في المدرسة جلد قربنا ندخل السوق هههههههههههههههههههههه
شندي والايام الجميلة طبعا نحن شارعنا في شندي كلو أقباط وهم أصبحوا جعليين في كل السلوكيات للجلد في الاعراس كابوسنا فيهو نعم الجيران ونعم الاحباب
| |
 
|
|
|
|
|
|
|
|
Re: عايزين كل الأخوة المسيحين يرجعوا سودانهم (Re: منصوري)
|
موش نحنا كتبنا في مسودة دستور الفترة الانتقالية
لاتفريق بين السودانيين لافى اللون ولا فى الاقليم ولا فى العقيدة؟
اهو هسه الحاجات دى حا تنزل على ارض الواقع
موش الكنداكات والشباب كانوا بيهتفوا ويقولوا ( كل البلد دارفور ، يا العنصري المغرور ) ؟
اها هسه الحاجات دى حا تتنزل على ارض الواقع،،
والشعب هو البي يساعد فى تنزيلا على ارض الواقع
،،،،،،،،
قصة ريدة بين انسان مسلم وبين مسيحية
إلا الريدة ما بتعرف قيود واديان سماوية
غناها احسن فنانيين الشوايقة محمد كرم الله رحمو الله
ياريت احبابنا هنا ينزلوها لينا بى صوت ناقع مسموع
،،،،
وإييك كترة اغاني
من زمن الحقيبة وقبلها
لى فى المسالمة غزال
،،،،
جدى العزاز الجيدو قزاز
،،،،،،،،
وسيدة وجمالا فريد ،، الخلقوها زى ما تريد
فى ناس قالوا الخلقوها زى مدريد ،، مدريد دى مرة الحاكم البريطانى
،،،،،،،،
احمد المصطفى برضو عندو اغنية ذكر فيها المسالمة ،،
،،،،،
عايزين التسامح داك الكلن بين الأديان يرجع،،
،،،،
جون قرنق رحمو الله ،كان رجل وحدوى ،، قال حصل شفتوا ليكم دولة شايلة ابريق وتتوضأ؟
ويوم القيامة ربنا بى يسأل دولة ؟ والا بى يسأل كل زول براهو ؟
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
منصوري
Asim Ali
فيس بوك
تويتر
انستقرام
يوتيوب
بنتيريست