طه الحسين (الدلاهه) خدع الجميع

Quote: السلام عليكم ورحمة الله يا ناس الراكوبة وشيخها باشمهندس بكري بعد غيبة عساكم تامين ولامين

Quote: بعد اربعة اشهر من الكر والفر ودماء الشهداء استوالى رجال طه الحسين (البرهان - حميدتي) على الثورة باردة مبردة ، وطه الدلاهه قدر يخدع الجميع بـــ double kick مرة تانية. تسقط الثالثة مربعا باذن الله

Quote: وأرجوا أن لا تشيع الإحباط والتخذيل هذا جل ما يسمح به توازن القوي داخل الجيش

Quote: ماتميت القراية تحت بعد المقدمة دي ..

Quote: يادكتور شلوووووم، ياخي بتقول كلام عجيب خلاس! عبدالفتاح او حمدتي ديل، اعلم عمـــــــــــــــلاء مخابرات اجنبية، عديل كده، فوق لي انهم بضاعة انقـــــــــاذية بالكامل!! حمرتي بيتلقي اوامرو من ملك الوهابية تحديدا! ورجغة عبدالفتاح هذا غرضا الاساسي فض الاعتصام والســــــلام، ليواصل ذات مسيرة النظام الهالك، اياها وكماهي اللي تربي وترقي في احضانو! لهذا النظام الهالك، مؤسساتو، رموزو قاعدة، او قاعدين كما هي وهم، في سلام وامن!! المصيبة كلها في السذاجة البتعاملو بيها امثال الدقير، وبمثل هكذا انطباعات وتصورات مسبقة عن عبدالفتاح هذا او حمرتي حرامي الحمير، اللي اصبح واجهة ووجه للثورة، يا لسخرية الاقدار بحق، بفضل تخبط، عبط وعوارة القائمين بامرنا، من بعاعيت البعث، واغوات عبدالناصر، وما اليه من منظومات كرتونية عفي عليها الدهر حتي في بلدانا! لو تواصل هكذا تدافع مخذي، جري مخجل، تمسح مذل، من ممثلي المعارضة بالمجلس الانقاذي، الاماراتي، السعودي، المصري، فسينفض الاعتصام لامحالة، اللي اخد مننا 30 سنة واكثر من 7,000,000 شهيد!! نعم زي ما اضطر عبدالفتاح يمرقا للاعتصام والمعتصمين بي نفسو او يطوف بي كرعيهو متوسلا لي ابراهيم الشيخ، احزاب التجمع ديل كانو يبطلو خفة او يتقلو شوية كما فعل ابراهيم الشيخ او هتف في وجه الجنرال تسقط بث! واضح للكل الدربكة الحاصلة في اوساط احزاب التجمع، اللي ماعندو برنامج زمني مفصل حتي الان لما بعد سقوط النظام! يكفي بيان عرمان كدليل علي الفوضي والتخبط من هؤلاء في لحظة مصيرية زي دي!! حولا ولاقوة، الا بامون!!