|
|
|
 Re: زيادة في سعر الزلابية عشان ارتفاع الدولا (Re: Osman Musa)
|
يا عثمان لهن الحق فى رفع السعر.. لو سعر الدولار ارتفع معناها كل شئ سيرتفع.. المواصلات الركشات الزيون الدقيق الزيت ... الخ
يعنى قروشها التلمها نهاية اليوم ما حتشترى ليه حاجات امس. تعمل شنو؟ الإقتصاد لا يتجزأ و هو عبارة عن سلسلة متصلة..
| |
 
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Osman Musa)
|
اخونا ابوالريش سلام
1996 كان عندنا محل ملابس صغير في الطابق التاسع في شارع البرود وي .
مع شارع ال 27 .
المنطقة دي كان الشغل فيها مولع نار . وكان انزل من المترو في محطة ال 34
واطلع بي الباب المقاصد ال 32 عشان
ارجع بين الميدسون وال6 افينيو لي بتاع زلابية هناك . كانت احلي زلابية
خمسة كبار بي دولارين مع السكر المسحون وكان الصف من الساعة ستة صباح
واشتري الشاى من قهوة يمانى في ال27 . كانت ايام القروش فيها خم والشغل
راقد . وكان نقعد علي الزلابية لاحدي الساعة اربعة بعد داك نمشي نضرب العصيدة
في اتلانتك افينو في بروكلن . كانت لنا ايام
| |
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Osman Musa)
|
عثمان موسى
الحتة Quote: 1996 كان عندنا محل ملابس صغير في الطابق التاسع في شارع البرود وي .
مع شارع ال 27 . |
الحتة دى أعرفها جيدا لأنو كنت كل يوم أمر بيها أطلع من الباثترين الجاى من نيوجيرسى. فى الطريق إما للبنستيشن او بورت تيرمينال او تايمز سكوير.
أكتر من دا أعرف السودانيين الكانوا شغالين فى شارع 14 و راكم شوية و كانوا يبيعوا طواقى و تكك بناطلين (حزامات) و نظارات. بس حتة الزلابية دى ما شفتها واللاى.
كان فى دنكن دونت يبيع زلابية.. و لسة موجود فى 6 افينيو مع 32 (تقريبا) فى المثلث داك.
أظنك من زمن التوكن المقدود!!!
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
عشان كدا حمدوك طلع زلابية
Quote: إما للبنستيشن او بورت تيرمينال او تايمز سكوير.
أكتر من دا أعرف السودانيين الكانوا شغالين فى شارع 14 و راكم شوية و كانوا يبيعوا طواقى و تكك بناطلين (حزامات) و نظارات. بس حتة الزلابية دى ما شفتها واللاى.
كان فى دنكن دونت يبيع زلابية.. و لسة موجود فى 6 افينيو مع 32 (تقريبا) فى المثلث داك.
أظنك من زمن التوكن المقدود!!! |
| |
|
|
|
|
|
|
|
|
 Re: زيادة في سعر الزلابية عشان ارتفاع الدولا (Re: Abureesh)
|
التلاته ديل + البصل هم اسيات طعام اى بيت
القمح ندره لاسباب مامكان ذكرها وازمه خبز تتطاول صفوفو يوم بعد يوم
السطر زياده فى اسعاروو لغايه مايظهر انتاج الموسم الجديد
الزيت زياده برضو
انفلات الاسعار بسبب عدم الرقابه الرسميه والشعبيه (حمايه المستهلك)
الناس بقت كايسه للجنيه التعبان دا بعد ماكان الدولار حجه اى زول الشافع بتاع الاكياس وبتاع الركشه والمره بتاعت الدكوه والويكه ....الخ
الدولار حاجه بقت فى منطقه تانيه حتى المفارنه كذريعه تصبح نوع من الكوميديا المضكحه المبكيه
الدولار ممكن يكون هم وهاجس التدار والسماسره لكن المواطن يتالم ويتوجع ويعانى فى صمت
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Asim Ali)
|
عارف يا اخ عاصم
محسوبك هنا فى بلاد العم سام و لا أذكر متى تناولت خبز (من أى نوع) اخر مرة.. يعنى لو نقرت على رأسى شوية ممكن أتذكر. دخن و ذرة و لبن و شوية خضار من وقت لأخر.. فقط لا غير.
و كانت عندى مبادئ رطوبة فى الركبتسن الحمد لله أنتهت.. و ممكن الان من البرش أقوم فت مرة. عندنا فى اى مدينة سيوبرماركت بتاع هنود يبيع الذرة و الدخن.
المانع شنو السودانيين يأكلوا الكسرة و العصيدة و يقدموها للضيوف.. طيب ليه يشتكون من الأمراض المختلفة و منها القاتلة؟ السبب هو:
السودانيون يصرفون اموالهم فى شراء السم، و يصرفون ما تبقى منها فى العلاج.
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
الاخ ابوريش تتصور فى صف العيش كم مره فتحت نقاش ليه الكسره والعصيده مانرجع ليها ؟اغلبهم حجتهم انو بقى تكاليفها غاليه واخير الرغيف الا واحد اول امس قال فى البيت دقيقنا جاهز باشال واكلنا بلدى بس بشترى رغيف عشان يسند العيال مع شاى الصباح.
ثقافه الطعام الخالى من الخبز او بكميه صغيره الناس بتستغربوهو وبعتبرو الخبزاساسى والغموس هو الثانوى..شخصيا بديت تجربه عدم الاعتماد على الخبز بشكل اساسى
هسى شايف الافارقه عموما الاكل عندهم حاجه متوازنه فى الحته دى
محتاجين شغل كتير لنقل الناس لثقافه ونمط طعام يقل فيهو موضوع الخبز
تحياتى
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
ههههههه مبالغة يا ابو الريش ...
عندنا واحد من أب جلفا نواحي شرق الجزيرة
عينو حارس أمن في المنطقة البترولية ... قريبو
جا لقاهو واقف في البوابة وقعد يوصي فيهو
ووضح ليهو أهمية بطاقة التصريح الأمني
البدخلو بيها للمواقع البترولية .. ردا عليهو
قالو ببقي عليها عشرة وبربطا في تكة سروالي
زي المحكاكة ...
المحكاكة = قطعة حديدة بنضفوبا الملودة من
باقي الطين اثناء نضافة البلاد (كسر الباء)
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Salah Zubeir)
|
عاين،
غني ليها: يا زا زا زا لابيه..
عبثك بي لو سِبتي..
-
عثمان هوي، أرجع لبروكلين والدوناتز وطرمبه بتاعكم وخلينا مع زلابيتنا وحمدوكنا وقندهارنا وسلوى بت الأبيضنا وأم جنقرنا..
يمين الله حاجه حوا في شارع الشنقيطي كانت الدغش بتعمل شاي بلبن مقنن ، كان لنا زميل يترجمه codified tea with milk ، تشرب منه كبايه ولقيمايتين XXL تفرد سدرك وتقول أين الدعم السريع!!
والمغرب عندها طعمية بالشمار اللخدر مع سمسم تشم (عبقه) من شارع كرري، أها دا مع رغيف حار من البربري ، سندوتش يفضي بك إلى مثلث برمودا..
بعدين (الدولا) دا شنو؟
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
| Quote: يقصدون بالتكاليف الدريش و العجين و العواسة.. و هذا انتهى زمنه.. فى دقيق جاهز النسوان ممكن يستعملوه.. و اللا كمان ما دايرات يعوسن. |
النسوان شكلن بقن ماديرات تعب العجين والعواسه كان بى صاج الغاز ولا الكهربه ماعارف او بالدوكه وتكلفه الحطب وبيوت ايامنا دى بقى مافى فيها مكان لى دوكه (الدقيق بيتباع جاهز فى اكياس فى الطواحين مازى زمان تنضف عيشك وتودي يدققو).هسى لفه الكسره فى السوق بقت غاليه ماعارف وصلت كم بالضبط وحتى بدت تختفى من السوق .
يبدو انو الناس اتعودت على الجاهز وعصر السرعه وبرنامج خماره للكسره ويجهزوها وبرنامج عواسه دا بقى تقيل على النسوان خاصه انو كتير منهن اصبحن شغالات .
هسى بقى تجهيز خضار الاسبوع مقطع جاهز فى التلاجه (تحسبا منمشاكل الكهربه او رغبه فى اكل طازج) وومعاهو تحمير البصله فى يوم الاجازه. ويفضل كل يوم مجهود وزمن بسيط عشان الحله.
.
الاكل البلدى بقى فى الجمع والعطلات
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
معقولة السودانيين هاجروا حتى إلى الصين في أقصى بلاد الدنيا...واحتمال اذا مشينا الاسكا ممكن نلاقي سودانيين...
والله يجازي الكان السبب ولا شك انهم ناس نظام اللصوص والحرامية الذين شردوا السودانيين في أصقاع العالم....فتبا لهم..
فقد جوعوا الناس ، وجوعوا الحيوانات، وفصلوا آلاف الموظفين والعمال ...وان الاوان كي ترجع الطيور المهاجرة إلى الوطن..
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: امتثال عبدالله)
|
في زميلة معانا هنا بتسأل سؤال مهم ...وهو
هل في الصين في ناس يتكلموا انجليزي...واذا ما في هل في مكاتب ترجمة ممكن تستاجر مترجم يرافقها في المولات ...
وكم أجرة المترجم في الساعة ...وقالت هي بتعرف أن أصعب لغة في العالم هي اللغة الصينية وتتوقع أن أجرة المترجم حتكون حاجة خيالية ...وان شاء الله بس الصينيين يتكلموا انجليزي...واليافطات تكون مكتوبة بالصيني والإنجليزي ..
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: امتثال عبدالله)
|
| Quote: هل في الصين في ناس يتكلموا انجليزي...واذا ما في هل في مكاتب ترجمة ممكن تستاجر مترجم يرافقها في المولات |
1. هى أول شئ عاوزة تشترى شنو؟ لأن المدن الصينية متخصصة (موش الأسواق فقط) مثلا الهتش مدينته إيوو Yiwu ) تنطق Yeeee Wooo و من نوع المشتروات ممكن أقترح ليها المدينة.
2. المصانع الكبير فيها على الأقل واحدة تتكلم إنجليزى.. لكن السوق يحتاج مترجم برضو لما نحدد المدينة ممكن اديها تلفون بت تساعدها بالترجمة.
3. إجرة المترجمة تحتلف حسب المدن.. مدن كبيرة زى شنغهاى و شينزين و قوانقزوو اليوم بحوالى 60 دولار فى اليوم.. فى إيوو من 40 الى 50 دولار فى اليوم (اليوم كله)
4. لو عاوزة تشترى بضاعة تجارية 20 أو 40 قدم (حاوية) فممكن أديها رقم وعنوان مكتب شركة سودانية تريحها من المترجمين .. و يقوموا بكل شئ بما فيه التخليص و الشحن.
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
ابو الريش
شكرا كتير، والله ما قصرت أبدا..والشقية الدايرة تنافسني في التجارة من الصين دي اسمها ابتهال، وقالت حتحتاج ليك لمن تنوي السفر ،،وقالت حكاية أجرة المترجم اليوم كله ب ٦٠ دولار دي شجعتها كتير للسفر وان السعر ده كانه مجان بالنسبة ليها لأنها كانت خايفة ما تقدر تتكلم مع الصينيين ( نعمل شنو يا ابو الريش إذا انا عايشة مع برجوازيات )
...وطبعا هي التي اكتشفت شارع البرودواي ونورتنا بي دكاكين الصينيين، وأول ما قرت تعليقك عن الهتش والإكسسوارات في الصين فكرت طوالي تزور الصين ...
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Abureesh)
|
نعم يا ابوالريش حضرنا زمن التوكن المقدود .
يتخيل لي التوكن كان شغال لاحدي 1998 . ولاحدي داك الزمت اذكر انو الاتصال
بالسودان كان صعب جدا والتلفون محتاج سهر وانتظار عشات يجيك الخط .
مكان الزلابية حق مكسيكان . و شغال زلابية بس وعليه زحمة شديدة يديك ليها
في كيس ورق .
| |
|
|
|
|
|
|
|
|
|
Re: زيادة في سعر الزلابية عشان ارتفاع الدولا (Re: Osman Musa)
|
Quote: اذكر انو الاتصال
بالسودان كان صعب جدا والتلفون محتاج سهر وانتظار عشات يجيك الخط . |
أظنك ما كنت تستعمل البخرة ههههه. كانوا ناس فلب يبيعوها ب 15 دولار يتكلموا اليوم كلو.. و ناس شغال فى مجالو تلقاهم كل واحد ماسك كورنر مضلم و يكورك .. يا بت نادى ابوكى الكرت قرب يتلحس
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
Abureesh
Ali Alkanzi
Asim Ali
Salah Zubeir
محمد المرتضى حامد
فيس بوك
تويتر
انستقرام
يوتيوب
بنتيريست