|
|
|
 Re: رمضان من غير فساد (Re: عمر التاج)
|
وبالمناسبة دي ذو النون طلع ما كوز،😄
قولوا لي كيف؟
امس حضرت ليهو لايف قديم بتحدث عن تاريخه
قال انضم للمؤتمر الشعبي سنة ٢٠٠٢ وفارقه سنة ٢٠٠٨ تقريبا
أها في الفترة دي المؤتمر الشعبي كان في المعارضه وشيخهم الترابي كان زعيما للمعارضين..
ذو النون قال انه ما حصل قعد مع الإنقاذ يوم واحد وما حصل شاركهم مثقال ذرة من عملهم
طيب يطلع كوز كيف؟
الكلام على الشاركوا الإنقاذ في السلطة أو الثروة،
كان يوم وأكان خمسة سنين، والان هم في قمة قادة التغيير
مجرد رأي ولا تؤاخذوا المعتذرين مقدما عما قالوه
وان قبلتموه حاولوا شوفوا تعريف دقيق لكلمة كوز عشان العزل السياسي يكون عادل ومنطقي
| |
 
|
|
|
|
|
|
|
 Re: رمضان من غير فساد (Re: عمر التاج)
|
كل سنة وانت طيب يا ود التاج
أها انا اخت نفسي مع منو؟ كنداكين ينفع :)
ذو النون ما مشكلة الناس معاه انو كوز أو كان كوز
المشكلة الدور البلعب فيه الآن سواء بعلمه وارادته او يتم استغلاله
شوف اللحظة الحميدتي اتكلم عن تفويض التغيير من الشعب السوداني وضحت اللعبة, ذو النون في مخاطبته الاخيرة من المنصة المصنوعة كان لابد يؤدي دوره المرسوم حتى لو فضح نفسه لذا حشر حشرا مسألة ان من يفاوضون باسمكم مشوا للسفارة السعودية وطالبوا بمليون دولار!! وانت طبعا سيد العارفين انو دي وثيقة مفبركة - مش كدا ياااا ود التاج هههههه
ثم قال في اللقاء الصحفي و لايف امس ما أنا البفاوض على فك المتاريس و انكر!! في طعن واضح في اهلية من يمثلون الناس الآن في التفاوض وفي هذا خدمة لأجندة المجلس
وشوف براك ح يحصل شنو في مقبل الايام, ح يظهر جسم - أو اجسام - كلها تدعي انها تمثل شباب الميدان او شباب الثورة ولا علاقة لها بتجمع المهنيين أو تحالف التغيير وتطالب بحقها في التفاوض و سترى ذو النون على قيادة احدها ان لم يكن كلها
| |
|
|
|
|
|
|
|
 Re: رمضان من غير فساد (Re: محمد البشرى الخضر)
|
امس شفت تعليق مصولر لشاب من الثوار قال فيهو (الكوز مازول الكوز فكر).
.
الكوز عقليه بتحكم وتدير سلوك فرد او مجموعه. والكائن الاسمو ذا النون انتمى لفتره للشعبى .طيب هسى دى اى واحد من الشعبى او الاصلاح او منبر السلام نعرفو حسب كلام الشاب دا شنو كوز ولاحاجه تانيه.الواحد لو انضم الليله لواحد من الكيانات دى لامجال الا توصييفو كوز على على الفكر الاتقدم ليهو واقنعو بالانضمام والبرامج التربويه والثقافيه وخلافو اللى بيخضع ليها .
.الكلام ياعمر اى زول بيقول لكن الحقيقه هى ماخلف الكواليس.ومازال (اذهب للقصر رئيسا وساذهب للسجن حبيسا) اكبر مثال على عقليه الكوز ويشكك فى مصداقيتو .
تحياتى عمر التاج وودالبشرى ورمضان كريم
| |
|
|
|
|
|
|
|
|
|
Re: رمضان من غير فساد (Re: محمد البشرى الخضر)
|
كل عام وانت بالف ياخير ياحبيب
انت يا ود البشرى بالنسبة للمنبر كنداك ليه ضل، إلا عندي محسوب من الخواص، اختصك الله بوصل ود الناس وكشف الزيف😊
الاسماء المذكوره قصدتها في ذاتها لأنها الوحيدة التي احتكت معي بعنف لفظي- بالإضافة للأخ عبد المنعم الطيب له مني العتبي مرتين، مرة للمخاشنة ومرة للنسيان، اما انت ياود البشرى فكل مداخلاتي معك معمولة بحب ولا احسب مافيها الا مابين الأخوة في بيت أبينا بكري.
ذو النون احسبه تعرض لمؤامرة خبيثة من حميدتي ووقع في فخها بسذاجة، كما تعرض لضغوط كثيفة من قبل كارهي الكيزان اودت بمواقف المخزية الأخيرة.
عن نفسي لا امانع ان يكون ذو النون أو الأصم أو أي شاب ناشط رئيسا للمرحلة القادمة، في النهاية هي فترة انتقالية وسنتنسم فيها عبير الحرية، وسنصبر على أخطائها الي أن تحل علينا ديمقراطية أكثر اخطاءا، وبمرور الديمقراطيات سنصل للوضع الذي ننشده، والي ذلك الوقت سنصبر ونتحمل ونرشد اي حكومة قادمة غض النظر عن توجهها، لا حبا فيها ولا رغبة في مهادنتها ولكن لعشم فينا انها ستكون افضل من الإنقاذ مهما بلغت درجة اخطائها وانحرافها. ولهذا تمنينا في عنوان البوست ان يكون رمضان خاليا من الفساد وليس الكيزان.
| |
|
|
|
|
|
|
|
|
|
Re: رمضان من غير فساد (Re: عمر التاج)
|
مرحبا بالصديق الحبيب عاصم على، وتحية معزة خاصة وشكر عميق لك ولمداخلاتك وبوستاتك القيمة في المنبر..
Quote:
امس شفت تعليق مصولر لشاب من الثوار قال فيهو (الكوز مازول الكوز فكر). |
هذا هو الوعي الذي نعول عليه يا عاصم، الكوز ليس شخص بل فكرة، وكذا الشيوعية وكل الفكر الحديث، ومحاربة الأفكار يجب أن تكون بالأفكار، بالنقاش، بالحب، بالخير، بالكلم الجميل، حتى إذا ما اندثرت فكرة قامت في محلها فكرة افضل وأكثر مواكبة للعصر ومواءمة للجيل.
| |
|
|
|
|
|
|
|
|
|
Re: رمضان من غير فساد (Re: عمر التاج)
|
الأفكار أحبتي لا تحاسب بل تناقش وتنقح من الشوائب وترقى لترتقي بمعتنقيها ومجتمعهم، طيب اذا كانت الأفكار لا تحاسب من نحاسب إذن؟ المحاسبة والحساب يجب أن يك ن على مستوى الأفراد، فالمسلم الإرهابي مثلا اذا قام بعمل خاطئ وأجرم في حق انسان اخر فهذا لا يعتبر عيبا في الإسلام، بل الشخص الذي قام بالعمل الإرهابي، وكذا اذا كان الإرهابي مسيحي أو يهودي،ولذا لا أجد من الحكمة محاكمة البشير أو ذو النون مثلا او بعضهم لأنهم كيزان، بل يحكمون ويحاسبون على ما اقترفتهم اياديهم، وكذلك كل من أفسد أو أخطأ أو سرق أو سفك الدماء في فترة الإنقاذ، استدعوهم واحدا واحدا وابحثوا عن مافعلته اياديه وليس ما اعتنقه من فكر، فالانسان خلقه الله حرا في عبادته حرا في معتقداته وقسم له بعض ما يحب ويهوي، ولكنه حاسبه على فعله الصحيح و الخاطئ، وعلى نيته السليمة فقط، وجعل النية في النهاية مخفية لايطلعها عليه الا هو، فمتى حاسبتم الناس بنياتهم وان كانوا كيزانا.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عمر التاج
محمد البشرى الخضر
Asim Ali
فيس بوك
تويتر
انستقرام
يوتيوب
بنتيريست