|
|
|
 Re: رصد الاسماء الكيزانية المضادة للثورة حتى (Re: Salah Zubeir)
|
لن أعتنق دين الديمقراطية وابدل اسلامي ولو تم تقطيعي اربا اربا بوصة بوصة ...
ايها الديمقراطيين الخونة انتم والكيزان وجهين لعملة واحدة لا تخيف الا منافق ومرجف ومره ...
وانا سائر بدربي لتحقيق حلمي بخلق ثورة وطفرة اقتصادية ببلدي يستفيد منها المستضفين والكادحين منهم ولا ابالي ....
| |
 
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
الصاق تهمة او وصف اي انسان في المنبر او في الحياة...بما ليس فيه
او بعيد عن الحقيقة كحالة اتهام عمر التاج بمعاداة الثورةوالكوزنة. هل يرجع الى معايير؟
وتدقيق ومتابعة وقراءة متانية وفهم وادراك..ام هو مجرد اتهام اعتباطي ..دون اساس والسلام ..ومرده حالة المدعي النفسية والمزاجية دون مصداقية.
حقيقة اتهام دينق للبشر عموما بأنه (كوز) او بأنها (كوزة) ..اصبح من كثرته. بدون معنى او تاثير والدليل عمر التاج احد ابرز من كتبوا وحللوا عن الثورة بعمق وثقافة وتجرد ووطنية صادقة.
احسب ان دينق اذا ظل يكتب باستمرار في هذا المنبر (١٧) عاما اخرى فلن يساوى سطرا واحدا في (كتاب) عمر التاج
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Ahmed Yassin)
|
يا نيل يا رمادي فاتح
يا نيل يا مدغلب
يا نيل يا تويل
يا نيل يا ملولو وأسود بالليل
احب توتي وأهي أنا من البنطون ...
من قايل هذه القصيدة يا خدر الشيوعي ...
فأول لم يحتسب :-
اتو الحزب الشيوعي دا دحين ما قال هو ضد المجلس
السيادي وضد مجلس الوزراء الهما مخرجات ثورة ديسمبر
يعني الحزب الشيوعي وقرفنا والبعث ...الخ هم ثورة
مضادة معلنة وكووووولكم عاملين رايحين منهم ...
الإختشو ماتو ... امرقو عريانين قبال ما تفطسو ....
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: nour tawir)
|
قول الحق واجب :
دينق يا صديقى غايتو فى الاسماء التى وردت فى اللستة عمر التاج دائماً ما يأتى
بمواضيع جيدة تستحق النقاش ودائماً ما اشاركه فى بوستاته سلباُ وايجاباُ .
وبصراحة لم احس واشعر في يوم من الايام انه كوز او من فلول الثورة المضادة .
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: علاء سيداحمد)
|
للذين يدافعون على عمر التاج.
منذ متى كنتم تكشفون الكيزان وتفضحونهم أصلا؟
متابعتي لكتابات عمر التاج قديمة جدا، وأنا أعرف جيدا أن أربط الحروف أنقطها. لو عندكم زمن أرجعوا للأرشيف ومنذ بدايات عمر التاج، وكيف كان يحاول أن يتلون ويستهب الناس في كتاباته.
مافي زول في المنبر ده أنا أتهمته بأنه كوز أو بأنه من أذناب النظام ومن إنتهازيته وفي النهاية طلع كلامي غير صحيح.
الكيزان والإنتهازيين أنا أعرفهم جيدا، في هذا المنبر وفي خارج المنبر. وأمثال عمر التاج عرفتهم منقبل وأعرف كيف أتعامل معهم.
| |
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
| Quote: المستضفين والكادحين |
ايوة مستضعفين وكادحين يانور تاور لاني واحد منهم ما عواطلجي قاعد في كندا ولا المانيا سارح بقروش اعلانات النصارى المعروف مصدرها انا لم رجعت السودان بعد رحلة تشرد وبشتنة جيت لقيت اولادي شبه مشردين بالتيلة لميتهم اول شغل لي كان صبي ميكانيكي في ورشة مهندس كان شغال معاي في ورشتنا الضخمة مكي موتورز الكانت بتتكون من ستة جملونات وثلاثة طوابق بواقع 10 جنيه في اليوم الكلام ده 2010 هنا عشت المستضعفين والمنكسرين والصابرين وادرجت حبه حبه لمن وصلت موزع كريمات تفتيح ومسوح وعطورات من سوق امدرمان فارتفع الدخل عبر مراحل وسنين من 10 جنيه ل 100 جنيه ل 1000 جنيه خليت لي نفسي هدف واحد الناس العشت العشرة سنين وسطهم ديل هم هدفي ارفع من مكانتهم وادافع عن حقوقهم وان اعمل لي عمل مستفيد من خبرتي الفاقت 30 سنة في عالم التجارة يسهم في الارتقاء بيهم وبيهم ومعاهم نصنع نهضة السودان الالاف حاربونا وحاربوا الفكرة وكذلك السلطة الكانت حاكمة وكسر مقر مؤسستنا واتلف مافي فيه وسرقت اجهزتنا وناس دينق والزوي ينبزوا ويسخروا فينا ليل ونهار سر وجهار وكله واصلنا وها نحن اليوم على اعتاب افعال جهزت ستخلق لينا الطفرة الاقتصادية الاشتغلنا ليها ستة سنة متواصلة ليل ونهار يا نور تاور .... فهمتي ولا اعيد بلغة اهلي الغلابة ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر التاج)
|
صلاح يا جميل
Quote:
يا نيل يا رمادي فاتح
يا نيل يا مدغلب
يا نيل يا تويل
يا نيل يا ملولو وأسود بالليل
احب توتي وأهي أنا من البنطون ...
من قايل هذه القصيدة يا خدر الشيوعي ...
فأول لم يحتسب :-
اتو الحزب الشيوعي دا دحين ما قال هو ضد المجلس
السيادي وضد مجلس الوزراء الهما مخرجات ثورة ديسمبر
يعني الحزب الشيوعي وقرفنا والبعث ...الخ هم ثورة
مضادة معلنة وكووووولكم عاملين رايحين منهم ...
الإختشو ماتو ... امرقو عريانين قبال ما تفطسو .... |
متعة يا ابوصلاح ههههههه
و الله يا ود البسابير
انا كنت قايلك من حجر الطير :)
ياخ انا عندي قناعة انك رمادي
و بالمناسبة انا ما عندي حزب و لا انتميت لأي حزب
لكن عشان اريحك و تنوم مرتاح
او كما يقول المثقفاتية , الشيوعية تهمة لا انكرها و شرفون لا ادعيه ههههه
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
Quote: اتهمني البعض بأنني اكتب كتابة العارف بالإنقاذ
وكأنني كنت جزءا منها ، ووصلني سؤال البعض عني ، من
هو عمر التاج؟ ولصالح من يكتب ومن أين يستقي معلومات .. |
أنا واحد من البعض المشكك فيما تكتب من معلومات أري
إنو من المستحيل يمتلكها واحد من خارج منظومة الكيزان
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر التاج)
|
عمر التاج
تراكا ما قاعد في الواطة ....عندك دكتوراة مرة واحدة وما بتخت ورا اسمك حرف الدال....
والله انت متواضع فعلا ....والله اذا انا عندي دكتوراة في أي شئ، حتى أن شاء الله في لعب الأطفال ..طوالي اكتب المقال ، واكتب فوق بالخط العريض : بقلم الدكتورة امتثال بت عبد الله ، الحائزة على الدكتوراة من الجامعات الأمريكية
..وش باسم ...
المهم يا عمر التاج كلامك واضح، ولا تشكك أبدا في وطنينك ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: امتثال عبدالله)
|
Quote: الإجابة طبعا لا ، ولكن طبيعة عملي بعد ذلك خلقت لي علاقات واسعة وطيبة مع جماعات كثر ، وما كتبته في المنبر وخارج المنبر لا يعادل 1% مما أعرفه عن نظام الإنقاذ.
فقد تخرجت من الجامعة بشهادة البكلاريوس في نظم المعلومات ، وعملت سريعا الدبلوم العالي والماجستير والدكتوراه في تقانة المعلومات قسم علوم الحاسب ..
وطوال تلك الفترة كنت أعمل في مجال تصميم النظم ، بداياتي كانت في شركات حكومية وخاصة، وهي التي خلقت لي علاقات واسعة مع نافذين ، و البداية الحقيقة كانت في الخدمة الوطنية مع الجيش (قسم نظم المعلومات) ،
أنشأت لهم القسم وعملت لهم بعض الدراسات العلمية المحكمة ، قرأتها جهات أخرى وطلبت مني أن أتفرغ لهم وأعمل معهم بعض الدراسات المتخصصة، والدراسات بالطبع تحتاج لمعلومات ،
ورحلة البحث عن المعلومات اتاحت لي الدخول لكافة المواقع المحرمة ، |
سلامات يا ود التاج ...
ههههه انا بعد كلامك ده بقيت ذاتي شاكي فيك ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر التاج)
|
تعرف يا قسم الفضيل
اسمك تافه جداً معقول في القرن الواحد و العشرين في مخلوق اسمو قسم الفضيل ؟
و واضح من صورتك في فطور رمضان في بيت علي الكنزي
في رمضان انك شخص وضيع و تافه و لا قيمة لك
الطيب مصطفى فعلاً ساهم في ربط التلفزيون الفقير دا بالاقمار
دي حقيقة لكن كان الهدف منها خدمة المشروع الحماري بتاع نظامك البائد
لو استمريت في قلة ادبك و قلة عقلك ما حتكون في المكان دا
المكان دا للشرفاء و الناس النضيفة و الواضحة مش للزبالة الذيك
Quote: يا دينق شوف كمية التلج الكسرها صاحبك خدر لما كان في مُركب الانقاذ . .
وفي منو كمان ! في الطيب مصطفى خال الرئيس شخصيا ...
ال ايه ؟
بث يحثب للرجل انه ثعى ثعيا حسيسا ...... |
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
Quote:
الإجابة طبعا لا ، ولكن طبيعة عملي بعد ذلك خلقت لي علاقات واسعة وطيبة مع جماعات كثر ، وما كتبته في المنبر وخارج المنبر لا يعادل 1% مما أعرفه عن نظام الإنقاذ.
فقد تخرجت من الجامعة بشهادة البكلاريوس في نظم المعلومات ، وعملت سريعا الدبلوم العالي والماجستير والدكتوراه في تقانة المعلومات قسم علوم الحاسب ..
وطوال تلك الفترة كنت أعمل في مجال تصميم النظم ، بداياتي كانت في شركات حكومية وخاصة، وهي التي خلقت لي علاقات واسعة مع نافذين ، و البداية الحقيقة كانت في الخدمة الوطنية مع الجيش (قسم نظم المعلومات) ،
أنشأت لهم القسم وعملت لهم بعض الدراسات العلمية المحكمة ، قرأتها جهات أخرى وطلبت مني أن أتفرغ لهم وأعمل معهم بعض الدراسات المتخصصة، والدراسات بالطبع تحتاج لمعلومات ،
ورحلة البحث عن المعلومات اتاحت لي الدخول لكافة المواقع المحرمة ، |
الزمن داك كنت شنو!
كنت كوز ولا كنت إنتهازي متملق خاطف لونين؟
أوعك تجي تحاول تغش الناس وتكتب بأنك كنت تكره الكيزان أولياء نعمتك!
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر نملة)
|
يا دينق انت شايت وين ؟؟؟
عليك الله يا دينق...طلب واحد الكيزان الفيهم اتعرفت ومن زمان قلنا الكوز الكويس هو الكوز المربوط في الزير او الكوز الميت
والوعي درجاات في البورد والسياسة علم والفهم اقسام
خلي الكيزان
وريني الشيوعيين والبعثيين والناصريين في البورد
ويبقو رجال عديل يمرق يقول انا
شيوعي
بعثي
ناصري
ونفتح دفتر الاحزان من الاول الي الاخر من انقلاب 1958 و1969 وما قبل الاستقلال من زمن حستو والجبهة المعادية للاستعمار
الكوز عرفناه فاضل نعرف القصريات كمان يا بتاع الطلس
الطلقة ما بتكتل بكتل سكات الزول =نص وعي لا يصنع ثورة
https://up.top4top.net/
انا ختمي رجعي مركب مكنة حركة شعبية وبريد علم السودان بس والقوى الرجعية المرتبطة بالاستعمار ولود كتشنر وكرهتي بعاعيت مايو 1969
اي كوز ندوسو دوس
واي
شيوعي نخلي يعوعي
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: adil amin)
|
د. عمر التاج
Quote: فضلت الالتحاق بجهة مصرفية
ً |
اكيد المهندس/ عمر العمرابي من شركة لخدمات المصرفية الالكترونية..كان له دور في التوجيه
خاصة الى (ONB) وهو اصلا بنك الجيش وتاسس عام ٩٣ للجيش . لعب احمد محمد الفشاشوية واحمد محمد موسى ادوار كبيرة ...وبسببهم تقريبا استولى بنك السودان عليه واصبح بنك السودان شريك فيه
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
Quote: للذين لديهم مشكلة مع خضر الطيب.
عنوان البوست بتاعي واضح وضوح الشمس، ولو أنتو عندكم مشاكل شخصية معاهو أمشوا حلوها في مكان تاني.
هذا البوست ليس لتصفية خصومات شخصية. |
انا عندي مشكلة مع الشيوعيين والبعثيين والناصريين في البورد كوعي وسلوك وفراراهم من مواجهة الحقائق في البورد ده من 2002-2019
عايزين نعرف منو الشيوعيين والبعثيين والناصريين في البورد
خلي الطلس
الطلقة ما بتكتل البكتل سكات الزول
انت قايل شيوعي ولي بعثي ولي ناصري دي حاجة كويسة يعني
قاعدين فى راسنا بي بالمحاصصة عايزين يضيعو البلد
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Salah Zubeir)
|
Quote: عادل امين.
عندما أنا كنت أصارع البعثيين والعروبيين والناصريين في هذا المنبر، أنت كنت تقف في صفهم.
فأرجوا ألا تزايد. |
بتين يا دينق جيب دليل
من الارشيف
انا اصلو بضاعة مصر وعبدالناصر دي ما كنت يوم معاها وعمرييوم ما مجدت الانقلابات وبضاعاتا الرخيصة في السودان و ما اهنت الجنوبيين او الحركة الشعبية في البورد ولحدي هسة متمسك بي برنامجا وانت باريت ناس ق ح ت ديل سياح فرنسيين ما هم نفس الشيوعيين والبعثيين والناصريين ؟؟؟ شنو تجمع المهنيين وشنو قوى الاجماع الوطني نفس لخمرة المضروبة القديمة في اوعية جديدة
وهسة بقول ليك ثاني وثالث ق ح ت لا تمثلني ولا البرنامج الماشي هسة ده بمثلني
شفت قوة العين دي وين
وكل زول يسوي شبهو وما يلقى شبهو الله قبحو
انا مع الحركة شعبية بس نسخة جون قرنق الاصلية
وقرررط علي كده
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: adil amin)
|
Quote: متخلف بي درجة ممتاز .....
معقول في القرن الواحد و العشرين في ناس بالعقلية دي .... ؟؟؟ |
و هل يا ابو حسين في القرن الواحد و عشرين نعجة ذيك بلغت الخمسين من العمر بدقوها بالسوط
و بتحتمي بالحركة النسوية؟
و الله انت غاسل وشك بي مرق و ما بتستحي
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
يا محمد سيداحمد إنتا شيوعي صفق شدر ساي ...
هل حصل طوال وجودك في سودانيز دي منذ ٢٠٠٢
هل حصل قتا إنك شيوعي وافتخرت بذلك ...
بتخجلو لييييه من شيوعيتكم .... انا اقول ليك ..
لأنكم عايشين انفصام الشخصية في أسمي معانيها
شيوعي يكون عايش في بلد رأسمالي ويتتطبع
بي طبايع الرأسمالية والبرجوازية من مسكن وملبس
وكرش وصلب ... (إلخ) ويجي بدون خجله يتكلم عن
اشتراكية المهمشين والمسحوقين وهو عايش في
دبي - عود ميثاء من أرقي أحياء دبي (مش إنتا)
لكن يكفي انك في دبي ...
هو خدمة الكيزان دي كيفنها ... ما ياهو النفاق دا ...
الانا بعمل فيهو هنا هو نشر الوعي يا قول عرابكم
عبدالخالق ... ما ممكن نستبدل منافق بي منافق آخر ...
انتو والكيزان (قلوط) واحد انقسم لي نصين ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: النذير حجازي)
|
Quote: يا دينق شوف كمية التلج الكسرها صاحبك خدر لما كان في مُركب الانقاذ . .
وفي منو كمان ! في الطيب مصطفى خال الرئيس شخصيا ...
ال ايه ؟
بث يحثب للرجل انه ثعى ثعيا حسيسا . |
ههههه ياقسم الفضيل بالغت ياخ
مثالك اعلاه لا يدعم دفوعاتك بل خصم وضدها بسبب
ماورد فى آخر سطر فى المشاركة "
حيطلع لى واحد هسى يقول لى انت كوز .
غايتو فى البورد دا مافى حد ح يصدقك انو خدر كوز
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: علاء سيداحمد)
|
| Quote: غايتو فى البورد دا مافى حد ح يصدقك انو خدر كوز |
اخونا علاء شكلك كدا ما عندك معرفة بالمنبر ايام زمان ...
الزول كان كوز و ما كان داسيها و لا خجلان منها و كان مساند قوي ليهم
و ايام حملة مقاطعة الدنمارك كان متزعم المقاطعة
و تم ضبطه سارقا لقصيدة لمساندة الكيزان
بالإضافه لي انو كان المصور الوحيد لكل مناسبات الكيزان في الرياض ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: muntasir)
|
يا دكتور عمر التاج
يوم الثلاثاء يوم ٦ من عام ١٤٣٥ هجرية وفي شهر ربيع الاول الشهر الذي ولد فيه الهدى
صلوات الله وسلامه عليه.
الموافق ٧ /١/ ٢٠١٤م ..بتتذكر اليوم دا؟ كويس؟
حقيقة وللشهادة اي انسان سالته منك ويعرفك ..لا يتوقف عن مدحك
احد البروفسيرات المعروفين جدا قال بالحرف الواحد:
( عمر من اكثر الطلاب الذين مروا علي..خلقا وعلما)
لاحظ البروف قدم الخلق (بضم الخاء واللام) على العلم
هنيئا لك يا اخي عمر....كلام يشرح القلب ويدعو للفخر
الله يوفقك.
البروف قال كدة. تقول لي دينق
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Ahmed Yassin)
|
| Quote: ( عمر من اكثر الطلاب الذين مروا علي..خلقا وعلما) |
احمد يس يا صديقي ...
لا اشك اطلاقاً في خلق عمر التاج و علمه ... و يتفق معي الالاف في هذا ...
لكن وهنا لا اقصد عمر بالتحديد فانا لا اعرف ميوله ... لكن علو الاخلاق و سمو العلم لا يمنع ان يكون الشخص له ميول كيزانية ...
انا اعرف العديد من المنظمين مع الكيزان زملائي في جامعة الخرطوم اصحاب علم رفيع و اخلاق سامية جداً ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
قباني..
الفنان ..وصديق الجميع
Quote: احمد يس يا صديقي ...
لا اشك اطلاقاً في خلق عمر التاج و علمه ... و يتفق معي الالاف في هذا ...
لكن وهنا لا اقصد عمر بالتحديد فانا لا اعرف ميوله ... لكن علو الاخلاق و سمو العلم لا يمنع ان يكون الشخص له ميول كيزانية ...
انا اعرف العديد من المنظمين مع الكيزان زملائي في جامعة الخرطوم اصحاب علم رفيع و اخلاق سامية جداً
|
| |
|
|
|
|
|
|
|
|
 Re: رصد الاسماء الكيزانية المضادة للثورة حتى (Re: محمد محمد قاضي)
|
الامير توفيق..
أولا الواحد ما بتداخل معاك عشان انت ما عندك أى منطق أو مصداقية..
بل كل كلامك بيناقض بعضه..
ولكن نضطر الى التداخل احيانا حتى ننبهك الى ان هناك من يتابع ترهاتك..
دى واحدة..
تانيا..
أنت عملت نفسك أمير..
ومن ناس امدرمان..
و شتمت ناس الضهارى اشكال الوان..
و قلت يمنعوهم من دخول العاصمة حتى..
ومش حا اناقشك فى الكلام دا..
لانه كلام فاضى..
ولكن فى فترة الثورة..
أنت عّيبت على الثورة.
و رديت على احد المتداخلين وقلت ليه عمرك شفت أمير بيطلع فى مظاهرة ؟
و لما نجحت الثورة..
جيت داخل بى مشاريعك الاقتصادية الخايبة و للغلابة كمان..
دى نمرة اتنين..
تلاتة يا الامير توفيق..
أتو السودانيين العايشين برا ديل مشكلتكم معاهم شنو ؟
و انا هنا ما بدافع عنهم..
فالامر لا يحتاج..
و لكن لولا وجود السودانيين فى الخارج من السبعينيات و حتى تاريخه..
كان البشير و اللى قبله لى هسى قاعدين..
وكانت اسر و عائلات انقرضت بسبب الحكومات البترمى مسئولياتها على الشعب..
اربعة و الاخيرة..
احنا ناس الضهارى مش انت..
و مش تشرح لى بالعربى و الانجليزى و الفرنسى و شوية المانى دراب..
لو تحكى لى بجميع لغات العالم..
كلامك لا يعنى شئ بالنسبة لى و لكثيرين غيرى حسب المتداخلين معك فى المنبر..
فشنو ؟
خليك أمير و ابن امدرمان وخلى الضهارى فى حالها...
وكبس كبس كبسا كبسا..
مع تحيات المحترم دسيس مان..
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
| Quote: هوي يا صلاح الزبير ما تشيل حس الغرب والرأسمالية والله السعودية دي فيها كبرة صلبة وكروش دون ذكر أسماء والناكر يجيب لينا سيلفى لجع.. |
هههههههه ... السلفي دا بيجيب وحيد القرن
الفاكيهو عادل أمين في البورض دا ...
هو من ناحية شايلين حموله دي ما فيها شك سواء
في السعودية وما جاورها أو إذا نظرتا حواليك هناك ...
المشكلة لسع مدورين نفس اللحن القديم وعاملين
فيها الوريث الشرعي للكيزان ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
في ردي لنور تاور اقول :
اقري كلام عادل امين عني ده :
| Quote: انت يا توفي وجاهير الهلال الاوعي والاذكي في السودان والاسمي اخلاقا وعايز تحرر فعلا السودان من الشاحدين صغيرين النفس الكعوك في المركز ديل |
من الصباح دخلت النت الآن وقمت قريت كلام الحبيب عادل واكتفيت بيه انا زول بسيط يكفيني زول واحد يفهمني فما بالك لم الزول ده يكون عادل اسما ومسمى
.
.
.
.
.
.
.
ببشر بالثورة الاقتصادية والتغيير عبر مؤسستي من اكتر من ستة سنوات وهنا في المنبر ده اكتبي في قوقل مؤسسة الشفافية سودانيز اون لاين شوفي عشرات البوستات عن موضوعي الواحد الما حدت عنه وهو خلق التغيير واحداث ثورة وعي ونهضة وطفرة اقتصادية وهي الأهم وما كلام انشاء ونظريات اذ بالفعل اليوم لدي برنامج شغال بكل قوته وجذء كبير معني بيه الناس الغلابة فعلا لا قولا
اتي ذاتك يا نور تاور حصل من خلقوك شفتي ليك او سمعتي سمع بأمير طلع مظاهرة الامراء مكانتهم ما كده بالنسبة لمصطلح الضهاري انتهي بانتهاء فترة واتمنى ان لا نعيده او نربطه تاني بي وانا زول كلمتي واحدة وعملت بوست اعتذار وبينت فيه لزوم ما لزم قولا كنت منتهجه وفعلا مرتبط بحروف المزح اللطيف
واخيرا انتي من افضل وارقى من احترم في هذا المنبر طالما تتفاعلين سلبا او ايجابا بما يخط قلمي وفهمي
في ناس جلودهم جلود تماسيح مهما جلدتهم ما بيحسو عرفتي ديل منو ..... (اعانات الامم المتحدة)
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: توفيق عيسى مكي)
|
Quote: ارجع للحبيب قباني
صراحة احتمال يكون من المستحيل ان شخص يوصف بسمو الاخلاق والعلم
تكون عنده ميول كيزانية ..لانه لا يجتمع الضدان
وكلام يحي دا برضو حناخدوا في الاعتبار و يخلينا نجري مزيد من الاتصالات |
حبيبنا احمد يس
كلمة احتمال و كلمة مستحيل لا يجتمعان يا صديقي ...
انا ابدأ من عمنا الأستاذ بابكر كرار النور رحمه مرشد الاخوان في السودان
كرم و اخلاق و علم و من ذريته أصدقائي الغزالي و محمد اقبال بابكر كرار
و العديد منهم ... بروف حسن مكي على سبيل المثال ... بروف بكري عثمان سعيد ...
هما من المفكرين الاستراتيجيين للإخوان و لكنهما على خلق عالي جدا و علم رفيع ...
انا لا اتهم د.عمر التاج فانا لا اعرفه شخصياً ... و لكن كونه على خلق و صاحب علم لا يعطيه جواز مرور من ان يكون موالي او منظم او لا ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر التاج)
|
| Quote: الكوزنة يجب النظر اليها كطبع وسلوك انساني وليس انتماء، |
سلام ود التاج ...
لا يا رجل ... ما هي مصيبتنا ...
و ده الغشو بيها الناس الكيزان يا صديقي ...
الكوزنة تنظيم سياسي ... يتخفى تحت ستار الدين ...
و الانتماء مؤسس و موجود ...
عمر ده نقاش مهم و عام ما تتحسس ساكت ... انا شخصيا لا اعرف ميولك و لا انتماءك ...
و حقيقة قبل مداخلاتك الساخنة ما كان عندي ادنى شك في كونك انسان جميل ... لكنك تخاشنت و ده ما من طبعك ... عشان كده جات علامة الاستفهام ؟
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: يحي قباني)
|
"الكوزنة يجب النظر اليها كطبع وسلوك انساني وليس انتماء،"
سلوك انسانى مرة واحدة؟ اهو عمر طلع فيلسوف كمان،،الكوزنة سلوك يخص بنى الكيزان من الم نت تمين لفكر ا لبنا ومن بعده ا لترابى و هو داء من اهم سماته داء الخصاء الذهنى،،،
لا اعرف عمر ا لتاج الا من خلال كتاباته ،ولكنى اثق ثقة عمياء فى السلطان دينق وقدرته على اصطياد الكيزان وكشفهم...
اغلب من يهاجمون د ينق هنا فى هذا البوست هم من محسوبون اسفيريا على الكيزان.
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: مرتضي عبد الجليل)
|
بس عايز أضيف نقطة صغيرة أثارها أحمد يس ورد عليها قباني وهي مسألة الأخلاق، أولا مافي حاجة اسمها كوز او أخ مسلم عندو أخلاق بالمرة، الأخلاق والكوزة خطان متوازيان لا يلتقيان أبدا هذا على وجه العموم. أما ما يخص عمر التاج وقد خطه بقلمه بإنو كان شغال مع الكيزان في مؤسسة حساسة كمان، زول عندو أخلاق ومبادئ ما بشتغل شغلة زي دي
وبعد ما شغلوه ونشر أسرارهم لا لغرض سوى فضح الاسرار لا لجهة او تنظيم ينتمي ليهو دي زاتها بتقدح في أخلاق الشخص المؤتمن
ختاما الكوزة سلوك
ولقد قتل الفلاسفة بحثا عن تعريف كلمة الأخلاق
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر التاج)
|
اصلو وقت الكلام جاب الكلام والناس بقت تهرب من الانتماء للاسلاميين كالهروب من الأجرب والمجزم فأقول من كريم القدر ان ابي كان احد الذين انشأوا التنظيم بداره ببيت المال فكانت النشأة اسلامية صرفة بتربية ما يسمى بالاسر وهي تربية كانت في الجوامع بقسم فيها الاسبوع من تلاوة وسيرة وحديث ورياضة وثقافة اسلامية ومحاضرات ورحلات ترفيه وقد كنت في اسرة ود البنا شمال بيت المال وود أرو وكان كل واغلب شباب الحي والاحياء المجاورة بدون استثناء الا قلة يجمعنا الجامع كما تجمعنا المدارس صباحا ورابطة السيد المكي بميدان الاهلية والدور التاني بسينما الوطنية او سينما امدرمان ....... ثم دار الزمن فجاة وكنا لا نعرف لماذا لصغر سننا وتفرقنا وتفرقت الاسر وكل راح لحاله بالنسبة لي كانت لي اخر فترة في تنظيم الاخوان المسلمين وبعدها الواحد الله بس يغفر ليه صعلقة زي الصعلقة يومي سهر للصباح حفلات ومشاكل وحروب الاحياء في امدرمان القديمة عادي كل يوم الواحد برجع البيت مفلق ومدمم بس الحمد لله امكن اكون الوحيد في الحي ما تزوقت الخمر او لعبت قمار لكن من ناحية جكس الله يغفر بس ثم السفر لمصر للجامعة وبنفس الانطلاقة كانت حتى الواحد نسى انه ابوه مؤسس التنظيم في الفترة دي الواحد وعى وعرف ليه ده كله حصل في الاول كان طراطيف خيوط غير مفهومة لكن بعد الجامعة الواحد وعى وعرف انه كان في صراع بين ناس تريد تمكين الاسلام بالقوة طالما الاغلبية مسلمة وناس كانت منهجها تقويم وتربية القاعدة بالاسس الاسلامية السليمة بهدف الانتقال من القواعد نحو قمة الهرم فجعل المجتمع كله على خلق واسلام صحيح تلقائيا سينصلح كل المجتمع واي من يتولى السلطة لا يخرج من هؤلاء الذين تربوا تربية سليمة على اساس اسلامي سليم وهو منهج الوالد عليه الرحمة فكان الصراع بين المنهجين ادى لزوال كل المنظومة بدحر الفئة الثانية واقصاءها عندما تمكن الترابي بقيادة الفئة الاولى من الفوز بعد مؤتمر بحري الشهير تلك اللحظة التي ماتت فيها اهداف التنظيم الحقيقية لينشأ في سوداننا ما يعرف بما يسمى الاسلام السياسي الذي كان هدفه التمكين للسلطة وتثبيت قيم الاسلام بالقوة طالما يقول الجميع باننا مسلمون فكان الاتجاه الاسلامي ومن بعده الجبهة الاسلامية ومن بعدهم المؤتمر الاسلامي العالمي ثم تسريح التنظيم بامر الترابي في حادثة المصاحف المشهورة الوقت داك انا جيت من مصر واشتغلت في التجارة ولا عندي شغلة بسياسة حتى الدين في حدود صلاة وصوم بس ومرات ذكاة الوالد من اول يوم حارب الانقاذ ولم يهادنها لحظة لاسباب ايدلوجية فهو امين سر التنظيم منذ نشأته وحورب حرب اشد ضراوة من اي حرب ولا كان يعنيه ذلك كثيرا فهو كان زاهدا لهذه الدنيا حتى مات لا يملك فيها الا منزل في الحلفاية اشتراه من حقوقه عندما استقال من مشروع الجزيرة 69 خمسون عاما ولم يكتمل بناءه حتى اليوم قبل كم شهر فقط وفقنا ان نعمل بيه سايفون بعد رحيله سبع سنوات عندما ادافع عن الاسلاميين ادافع عن فكرة الاسلام التي تبناها الوالد فعندما وجدت الجميع تخلى عنه ويحاربه في اخريات ايامة ان لم اقف معه واحارب معه اكون غير راجل ولا ود رجال وهو على فراش الموت قبل ايام من رحيله قال سبحان الله ما تخيلت لحظة ان اجدك بجانبي والالاف الذين تربوا على يديا اصبحوا اعداءا لي قال ذلك لاني طيلة هذه السنوات الطويلة جدا الكل يعرفني باني آخر من يكون في حظيرة الاسلاميين وقفت مع ابي وشددت ازره وساظل ادافع عن ما يؤمن به لاعتقادي الجازم بان بهذا الطهر والذهد للدنيا نكون مسلمين
وقد كتبت هنا بوستات ربما لم ينتبه لها الناس وهي عن حقائق عايشتها وملكني لها والدي لا نعترف ابدا بالذين انتهجوا الاسلام السياسي وظللنا نحاربه نصف قرن اقول هذا لمن لا يعلم ذلك
.
.
هذا بما يخص وقوفي مع والدي له الرحمة
.
بالنسبة لي توجهي الشخصي ليس له علاقة بالسياسة ينصب فيما درست واشتغلت الا وهو مجال الاقتصاد والتجارة وفيها ما بفرق بين ده شنو وده شنو وما يجي واحد يقول لي 90% من شلتك شيوعين وناصريين وبعثييت ديل هم فردي واصحابي وعارفين ما لي شغلة بالسياسة السودانية اطلاقا ومتفهمين وقفتي وقفة الرجال مع والدي
بقول الكلام ده ليه !!!! عشان طيلة السنين دي ما كنت منظم ومع كده ما تنكرت لهذا التنظيم ولا بيجي يوم بتنكر ليه ولا بنخاف من زول لكن التنظيم البحق مش المرتزقة ديل .....
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: عمر التاج)
|
يا دينق
أنا أتحداك أن تثبت لي إنني كوز ..
لو عندك أي أدلة تثبت إنني كوز أرجو أن تنشرها هنا أمام الناس ..
والله أنا تضررت كثيراً من هذا الكذب وإلصاق هذه التهمة لي من دون أي دليل .. كلما أكتب بوست تأتي أنت وتلاحقني وتعلق على الفور ( يا كوز) ..
وتضررت كثيراً لأن كثير من الإخوة في هذا المنبر صدقوك وبدأوا يلاحقونني في بوستاتي ومداخلاتي ويشتمونني على إني كوز ..
بل إتهامك هذا وصلني حتى في الفيسبوك ..
أنا أنذرتك من قبل بإنني سوف أشتكيك في المحكمة .. وقلت لك إنني أعرف محامي كبير في واشنطن دي سي وسوف إتصل به وأقاضيك .. ولكنك للأسف لم تأخذ ذلك الإنذار مأخذ الجد ..
وأؤكد لك مرة أخرى إنني جاد في هذا .. سوف ألجأ إلى القضاء وفي الولايات المتحدة الأمريكية وفي واشنطن دي سي بالتحديد ..
I'm Serious , I will sue you for defamation
وبجانب تهمة الكوزنة أضفت إلي تهمة أخرى وهي إنني ضد الثورة .. أرجو أن تثبت لي هنا أمام الناس بالأدلة الدامغة إنني ضد الثورة السودانية ..
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Ali Abdalla Hassan)
|
ما وقفت مع الثورة ليه ؟؟ ايوه ما بقيف .. الناس دي ما بتفهم ولا شنو !!
انا لي ثورتي شغال فيها لي 6 سنة زول اشتغل بي مافي ...
يجو ناس في دقائق يخموا الناس خم مع انه الهدف واحد ظاهريا وهم كافي البلا برنامج واضح على الارض ينقذ السودانيين من الانهيار الاقتصادي العايشه السودان مافي غير شحدة ودعم ومد اليدين لليسوى والما يسوى من دول العالم الحاشاهم امريكا حش
ويسفهوا برنامجي الاقتصادي الطموح ويستهزؤوا بيه ويستمسخروا بيه بيه وهو شغال وهو الحا ينفع البلد ويفيد الناس
اليس في هذا الوطن السودان رجلا واحدا فقط رشيد
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
| Quote: الكوزنة يجب النظر اليها كطبع وسلوك انساني وليس انتماء، |
قبل الشروع في الكتابة في المسألة دعونا ننظر أولا معنى : الانتماء
ماهو الانتماء :
Quote: يُعرف الانتماء لغةً بأنه الانتساب إلى شيء ما، أمّا اصطلاحاً فهو الارتباط الحقيقي، والاتصال المباشر مع أمرٍ مُعيّن تختلف طبيعته بناءً على الطريقة التي يتعامل فيها الفرد معه، ويعرف أيضاً بأنه التمسك، والثقة بعنصر
من عناصر البيئة المحيطة بالأفراد، والمحافظة على الارتباط به وجدانياً، وفكرياً، ومعنوياً، وواقعياً مما يدلّ على قوة الصلة التي تربط بين الفرد، والشيء الذي ينتمي له.
|
فالانتماء ســـلوك وهناك فرق بين الانتماء والادّعاء فهناك من يدّعون مثلاُ
بأنهم مسلمون ولكن في الواقع تجد سلوكهم وتصرفاتهم بعيدة عن اخلاقيات الإسلام . ( الكيزان مثالا )
وبناءا عليه :
الكوزنة : ســـلوك وتصـــرف و انـتـمـاء .
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: علاء سيداحمد)
|
الحبيب م/ قباني
نعم (بكسر النون والعين) ماذكرت
Quote:
انا ابدأ من عمنا الأستاذ بابكر كرار النور رحمه مرشد الاخوان في السودان
كرم و اخلاق و علم و من ذريته أصدقائي الغزالي و محمد اقبال بابكر كرار
و العديد منهم ... بروف حسن مكي على سبيل المثال ... بروف بكري عثمان سعيد ...
|
هؤلاء ليسوا كيزان بالمعنى المتداول للاسم وما يحمله المصطلح من صفات عكس صفات
هؤلاء العلماء العظام.
| Quote: كلمة احتمال و كلمة مستحيل لا يجتمعان يا صديقي .. |
لا يجتمعان في الثابت ..ولكن في المتغير ممكن ان يجتمعا
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
Quote: و الله يا عدولي عكننتك ظريفة و مهضومة كتير ثم تباً لك .. قصدي حباً لك
ما انحنا دفعة و كده
و عبرك تباً لمعتز القريس في صمة كيبوردو :) |
دفعة شنو...قلت ليك مليون مرة ...انا البط البباري معاوية المدير ...بنكرو حطب ...
امشي اقرا المداخلة بعد عملية التجميل والاعتراف بتاعك ضيعك...
نحن اصلو كده ...الجنيه عندنا خمسة طرادات,
يا خضر ...:)
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
| Quote: في ايامكم الطرادة كانت بتجيب شنو |
بتجيب (...) و(...) و(,,,,) والدنيا كانت عوافي جوز الحمام ثلاثة فردات
انت كنت وين مش قلت دفعة
يا حليل زمن عبود كمان
الجنيه كان اربعة دولار واللحكمة بخلوها معلقة في الجذر بعد الساعة 12 وتغذي الطير والحدية
https://up.top4top.net/
دينق يفتش في الكيزان لحدي هسة
ياخ جيب طشت بس في البورد وينتهي الامر
قلنا ليكم فعلو المحكمة الدستورية تفلفل لناس ابيتو
الورجغة الفاضية لازمتا شنو في البورد
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: muntasir)
|
| Quote: لكنى اثق ثقة عمياء فى السلطان دينق وقدرته على اصطياد الكيزان وكشفهم ... اغلب من يهاجمون دينق هنا فى هذا البوست هم من محسوبون اسفيريا على الكيزان |
هههههههه ... عاين دا كمان ....
ثقتك في سلطانك دي تعرفا براك نحنا
دخلنا شنو ... مافي زول طلب منك شهادة
حسن سير (وسلوك) للمدعو ...
بعدين دا سلطان ولا وليم تيل ... قال
اصطياد ... ههههه ... أرنب إتا ؟
ومحسوبون دي شنو ... وليم دا قال هو
تخصصو (اكتشاف) الكيزان الأصليين
تجي تعملا ليهو كسور وبواقي ...
هههه ... انزل ... انزل ... اتا راكب ملح؟ ...
(جورج) هههههه اللسته ظهرت تاني ومافي
زول هببو ليك .... برضك انا باصسسسسس ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: adil amin)
|
بتجيب (...) و(...) و(,,,,) والدنيا كانت عوافي جوز الحمام ثلاثة فردات
عدولي
شايفك بتخت نقاط بين القوسين
يا خ مبالغة ههههههه
انا كنت عايش وكتها يا دفعة
لكن كنا زغب الحواصل
لكن لما بلغنا الحلم
الطرادة كانت بتجيب صحن فول و قزازة بيبسي
من عمنا الطيب عوض ريد له الرحمة و المغفرة
لكن انت حجيري واضح انك حضرتا زمن الطرادة بتجيب الطيبات
اصلاً جابوك لينا في بخت الرضا و انت كبير هههههه
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: خضر الطيب)
|
Quote: هؤلاء ليسوا كيزان بالمعنى المتداول للاسم وما يحمله المصطلح من صفات عكس صفات
هؤلاء العلماء العظام. |
سلام حبيبنا احمد ...
الفكرة كانت الميول للكيزان و موالاة النظام ...
و كل هؤلاء منتمين و اصحاب ولاء تام ...
الفكرة ما كانت التعاون مع الحرامية منهم ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: يحي قباني)
|
| Quote: كده بالله ورينا أين أنا أردت أو طالبت بحجر راي شخص معين في تلك القائمة السوداء؟ كل الذي فعلته أنني وضعتهم في قائمة واحدة وقمت بفضح توجههم المخرب للناس. |
الكوت من بوست مجاور وكاتبه دينق ... وهذا ردي عليه :-
الزول العوير دا مصدق فعلا إنو جاب الديب
من ديلو ... ههههه ... أنا شخصيا بفتكر الموضوع
جمع كلكات لا أكثر ولا أقل ... حكاية فلان كوز
وعلان (شيوعي) دا شغل مراهقه عقليه ساي ...
المنهج والنظام الكيزاني انتقدناهو وحاربناهو
بالمشاركات الحقيقية علي الارض طوال فترة
الثورة ... الثورة دعمناها ماديا بالمشاركة الفعلية
في الحراك وبالكاش جوا الإعتصام ودعمناها
معنويا بالرأي والنصيحة علي الارض وفي
الأسافير ... يبقي السؤال مين محتاج يثبت
مشاركتو ولا ينفي كوزنتو ... أظن واجب عليك
تورينا انتا عملت شنو لدعم الثورة عشان ما
نصنفك ثورة مضادة وشيوعي حاقد وتستهدف
بالبوست دا من يدعمون الثورة .... الهبي اورس اوفر ..
تعال جيب الكلام البخش العقل ...
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
بعد إذنك الأخ حيدر الزين فما إحتكمت إليه يعبر
عما يدور هنا من تقيمات صبيانية وإفتراء ...
Quote: بعض التصنيفات بتخرج بناءاً على تقييمات صبيانية وإنطباعات فطيرة وأراء شخصية مبعثها الهوى وحديث النفس ..
لا يسندها منطق ولا دليل ولا حجة إنما الهتاف والجلالات والشعارات الكذوب ثم الاعتماد بعد تكبير الحلاقيم على الغوغاء واصحاب الإحن على تسويق الفكرة ،،،
الظن بان الرد على هكذا هراءات وخربطات ونفثات بالحجة والمنطق وتوضيح حقائق بيكون كالحرث في البحر ..
فمحل كل هراء يًدحض سينبت خراء .. وعلى كل حجة ومنطق سيخرج المزيد من الافتراء..
قال العتابي رحمه الله .. إنما الناس بقر وهو لايستحي من البقر ،،، |
| |
|
|
|
|
|
|
|
|
|
Re: رصد الاسماء الكيزانية المضادة للثورة حتى (Re: Deng)
|
حاج الطيب و الله بتبالغ ....
الوهم دا ما عارف كوز يعني شنو ..
فاهم انو الكوز اي زول يخالفو الرأي ...
الوهم عقلو صغيييييير (إن وجد)....
اكسب زمنك و سف ليك سفة اخير من كتابة كلمة واحدة تدافع بيها عن نفسك هنا ..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Deng
Salah Zubeir
توفيق عيسى مكي
عمر التاج
دينق عبد الله
Yasir Elsharif
adil amin
خضر الطيب
Ahmed Yassin
nour tawir
علاء سيداحمد
ABUHUSSEIN
قسم الفضيل مضوي محمد
محمد محمد قاضي
يحي قباني
أبوبكر عباس
صديق مهدى على
عمر نملة
mohmmed said ahmed
النذير حجازي
Biraima M Adam
Ali Abdalla Hassan
فيس بوك
تويتر
انستقرام
يوتيوب
بنتيريست