|
كتب الكاتب الفاتح جبرا المتوفرة بمعرض الدوحة
|
|
 Re: رسالتك إلى حمدوك (Re: ترهاقا)
|
كتر خيرك يا صديقي ، يا بلدي يا حبوب..
كتر خير استاذنا (المجامل جدا) الموسيقار ترهاقا..!
اختلف معك يا بلدي يا حبيب..المفقودين لا يحتاجون مفوضية..اللهم الإ ان كانت طفاسة كيزان او مستفيدين من عهد الكيزان..!
انت زول قانون يا صديقي ، ومارست القانون في امسودان..يعني شنو (مفقودين)؟
في مكتبتي ، في سودانيز اونلاين ، نشرت ، قبل عشرات السنين ، رواية اسمها (اختفاء) ، وفكرتها تتحدث عن المفقودين في حروب امسودان اللعينة في جنوب كردفان، ناس اتفقدت يا صديقي من سنة 1994 ، مدير مدرسة الدلنج الثانوية بنين ، من عيال العسيلات بتاعة بحري التي تعرفها ، اسمه عبد الباقي الشيخ ، ومعه الأستاذ الطيب بدوي ، من عيال كادقلي ، وكان استاذ السيكولوجي في معهد التربية لإعداد المعلمين بمدينة الدلنج ، المعهد الذي يعرفه تاريخ التربية والتعليم في امسودان بانه مجرد فرع لمعهد بخت الرضا بالدويم في النيل الأبيض..!
قضيت فترة الإلزامية ، يا بلدي يا حبوب ، قضيتها كمدرس بائس، في مدارس ابي زبد الثانوية (طبعا يا حبيب امثالك ما عندو فكرة عن ابي زبد دي وين..!!..ولو بتعرف عنها تعال قول لينا هنا قدام الخلق دي ، وح اقول ليك عن ابي زبد كما عرفتها..!!..ناهيك عن الكفاءات..)..!!..بنات يا بلدي يا حبوب بتسأل عن الطيب بدوي وعبد الباقي..وانا لا استطيع اجابة عن مصير الإثنين..!!
This is true story
يا قريبي..!!
مفقودين ميدان الإعتصام في القيادة العامة ، يا بلدي يا حبوب ، اتأسست منظمات بتابع امرهم ، واخر خبر عندي ، اتلقوا منهم 45 فرد..!..اشمعنا يعني تطالب ان تكون ليهم مفوضية؟
ويا ترهاقا..ابوزبد..دي الحتة المرقت منها رائعة الكابلي:تسلمي لي خال فاطنة..!..اما عقدة اوديب ، بتاعة الحزب الشيوعي السوداني ، فدي اسأل منها دكتور عبد الله على ابراهيم يا ترهاقا..!!..
اعترض يا بلدي يا حبوب ، لو جبت معاك ابونا دكتور سيد احمد الحردلو..اعترض ان تكون مفوضية للمفقودين في اعتصام القيادة العامة ، ببساطة يا قريبي ده شغل كيزان ما جايب حقو..!!
ببساطة لأنك كضاب يا بلدي يا حبوب..والناس في الأرض كل يوم بتتحدث عن لم مفقودينك ديل..وحتى اللحظة مافي زول/ة بيتكلم عن المفقودين تبعنا..!!!
دايرين تبنوا سودان للجميع ، ولا دايرين تبنوا سودان (قدر ظروفك)..؟؟!!
لأ لمفوضية لمفقودي اعتصام القيادة..يعني فرقهم شنو من مفقودين ومفقودات كتار في الحروب السودانية؟..ولا هم ناس العاصمة يا بلدي يا حبوب عشان كده يستاهلوا مفوضية؟؟؟السودان واسع يا قريبي..واسع شديد..!!
كبر
| |
  
|
|
|
|
|
|
|
 Re: رسالتك إلى حمدوك (Re: Kabar)
|
عمار هاشم السيد محمد عثمان مفقود من 2014 ويعمل صحفي بجريدة الصحافه
المصدر صفحه مفقود
----------------------------------
مفقودى مجزره القياده وماقبلها ومابعدها مش هم براهم فى مفقودين وعندكم هنا من ماجيت المنبر بسمع عن مفقود من ناس الحوش (شهاب كرار) وهمليسو الا قمه جبل الجليد لما جرى طوال 30 سنه فى الجانب دا.
المفقودين قضيه اوسع وين المفقودين فى مناطق الحروب ؟
هل تمت تصفيتهم ودفنهم فى مقابر جماعيه ؟
هل تفرقت السبل بين افراد الاسر وكل منهم مفقود فى نظر الاخر ؟؟
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
بلدى يا حبوب
ترهاقا
Kabar
Asim Ali
فيس بوك
تويتر
انستقرام
يوتيوب
بنتيريست