عارف يا ول ابا علي عبد الوهاب..الدنيا دي مرات عندها جاكات عجيبة وغريبة ومدهشة يا علي..! اول مرة سمعت بخبر رحيل حبيبنا محمد عبد الله حرسم..كنت في عيادة ، مقابلة دكتور قلب في شان بتك الأميرة شهد كبر (اطمئن هي بخير يا علي..)..الموبايل رن..وتاني رن..!!..هل تصدق يا علي ، كان شيوعي سوداني جميل..وبكل ادب قال لي: ما قريت سودانيز اونلاين؟..صاحبك محمد عبد الله حرسم حضر في الأعالي البهية..!!..أي والله يا علي..ياخي امسودان دي فيها جخانين تسقط حجرك وتجننك ذاتو..!.. كان ذاك الشيوعي السوداني الجميل..صاحبنا وصديقي عضو المنبر المهندس حامد الصاوي..!! شهد مشت لإختبارات قلب ، وانا الملعون اسمع خبر حضور محمد عبد الله حرسم..!!..ان لله وانا اليه راجعون ذاتو..!! منها يا علي ، رغما عن اسرة حرسم ، كان حضور اولئك البنات..صرت بسميهن بيني وبيني وبين نفسي: بنات حرسم..!
وما خذلنني تب يا علي..ولا خذلن ابوهن ، المدعو محمد عبد الله حرسم..!
بنات حرسم يا علي ، خلي بالك منهن..خلي بالك يا عم..!!
فكرة الحبشية جي جي ، في هذا المشروع يا علي، هي: محاولة خلق التسامح والتوحيد بين هندوس ومسلمين ويهود ومسيحين..وما تنسى صورة بت حرسم ، تلك الحبشية الأنيقة البتقول للدنيا: الحب..ولا شئ غير الحب..!!
بالمناسبة رمضان كريم يا علي..مرات في حاجات بتخليك تعيد التفكير في فكرة رمضان ذاتو..!!
كبر
05-06-2019, 07:27 AM
Kabar Kabar
تاريخ التسجيل: 11-26-2002
مجموع المشاركات: 18537
تمنيتك ان تحضر هذى اللحظة ، لحظة الجوباك والممحاحكة..لحظة ان تقتل ثورة بدم بارد يا صديقي..!..وبرضك فيها تروايح واعتصام في القيادة العامة..! هل تصدق يا حرسم..اسبوعين ، واكتر، ونحن بلا عمر البشير..!!..اسبوعين ويأتي رمضان الأول..الأول يا صديقي بلا عمر البشير.. وذاك بعد قرابة الثلاثين سنة..!
فشنو..
التحية المعهودة التي افتكرها شباب وشابات حزب سوداني صغير اسمه المؤتمر السوداني ، تحية (ان دار محور سؤالكم عنا ، لا ينقصنا شيئا سوى مشاهدتكم الغالية المرضية..!!)..تلك التحية المجوبكة التي ستكلف دارسي ودارسات السيوسيولجيا والأنثروبولجيا الثقافية والسيكولوجيا الإجتماعية ، ستكلفهم الكثير الكثير وكذا هاشم الحسن وابكر الطويل وعلي عبد الله ابراهيم ، وكائنات اخرى ، وقت الزنقة ، ما لقت غير الهروب والإنزواء في زوايا ضيقة..زوايا حزينة يا حرسم ، وكذا فعلنا ونسأل المغفرة من شعبنا ، ثم من الرب في اعاليه البعيدة..!
كارك كان المسرح يا صاحب ، وانا زيك بحب المسرح (اجمل لحظاتي ذات مسرح ادتني البراءة الفنانة سمية حسن، ذات حزن غريب في مدينة الدلنج ، ولا ادري هل يعرفها اهل امسودان ام لأ..وخنت تلك البراءة ، لأذهب في سكة تانية ، سكة القانون والأسئلة المالحة المؤجلة الإجابات..!!) هل اهنيك يا حرسم واقول ليك سقط عمر البشير ، ام اواصل النواح بحثا عن سكك الحقيقة؟.. سكك ان اشرح للشباب السوداني معاني مثل الزريبة ، الكبسولة..الخ..!
بالمناسبة ياحرسم..حليمة دوما عندها قديما الذي تعود اليه..!
هل تصدق النخبة السودانية ، ذات فقه تقية، غشت شباب الثورة وقالت ليهم اتوحدنا..ولمن الحكاية نجضت شوية (يعني زي ما تقول لبنت وكده)..تلك النخبة غلب عليها التطبع ورجعت لقديمها..مشاكسات واتهامات وممحاكات..ياخي لمن دينا طلع ذاتو يا حرسم (واللهم اني صائم)..!!
الفاتك يا حرسم..شباب السودان انجز ثورة..!
والما فاتك..انو النخبة السودانية ، وبدم بارد بتكتل ثورة الشباب..!
كن طيبا في تلك البقاع النورانية البهية يا حرسم..!
واهو بعد حضورك الزاهي ، يا حرسم ، بنحاول نبقى طيبين ، لغاية ما نلاقيك..!!
بنات حرسم..
وانسان اسمه محسن خالد..سرقته اللحظة البهية..يا علي عبد الوهاب...!!
نلقاها من وين ولا من وين ياعلي عبد الوهاب يا الشاهد الأخير..!!
كبر
05-06-2019, 07:27 AM
Kabar Kabar
تاريخ التسجيل: 11-26-2002
مجموع المشاركات: 18537
تمنيتك ان تحضر هذى اللحظة ، لحظة الجوباك والممحاحكة..لحظة ان تقتل ثورة بدم بارد يا صديقي..!..وبرضك فيها تروايح واعتصام في القيادة العامة..! هل تصدق يا حرسم..اسبوعين ، واكتر، ونحن بلا عمر البشير..!!..اسبوعين ويأتي رمضان الأول..الأول يا صديقي بلا عمر البشير.. وذاك بعد قرابة الثلاثين سنة..!
فشنو..
التحية المعهودة التي افتكرها شباب وشابات حزب سوداني صغير اسمه المؤتمر السوداني ، تحية (ان دار محور سؤالكم عنا ، لا ينقصنا شيئا سوى مشاهدتكم الغالية المرضية..!!)..تلك التحية المجوبكة التي ستكلف دارسي ودارسات السيوسيولجيا والأنثروبولجيا الثقافية والسيكولوجيا الإجتماعية ، ستكلفهم الكثير الكثير وكذا هاشم الحسن وابكر الطويل وعلي عبد الله ابراهيم ، وكائنات اخرى ، وقت الزنقة ، ما لقت غير الهروب والإنزواء في زوايا ضيقة..زوايا حزينة يا حرسم ، وكذا فعلنا ونسأل المغفرة من شعبنا ، ثم من الرب في اعاليه البعيدة..!
كارك كان المسرح يا صاحب ، وانا زيك بحب المسرح (اجمل لحظاتي ذات مسرح ادتني البراءة الفنانة سمية حسن، ذات حزن غريب في مدينة الدلنج ، ولا ادري هل يعرفها اهل امسودان ام لأ..وخنت تلك البراءة ، لأذهب في سكة تانية ، سكة القانون والأسئلة المالحة المؤجلة الإجابات..!!) هل اهنيك يا حرسم واقول ليك سقط عمر البشير ، ام اواصل النواح بحثا عن سكك الحقيقة؟.. سكك ان اشرح للشباب السوداني معاني مثل الزريبة ، الكبسولة..الخ..!
بالمناسبة ياحرسم..حليمة دوما عندها قديما الذي تعود اليه..!
هل تصدق النخبة السودانية ، ذات فقه تقية، غشت شباب الثورة وقالت ليهم اتوحدنا..ولمن الحكاية نجضت شوية (يعني زي ما تقول لبنت وكده)..تلك النخبة غلب عليها التطبع ورجعت لقديمها..مشاكسات واتهامات وممحاكات..ياخي لمن دينا طلع ذاتو يا حرسم (واللهم اني صائم)..!!
الفاتك يا حرسم..شباب السودان انجز ثورة..!
والما فاتك..انو النخبة السودانية ، وبدم بارد بتكتل ثورة الشباب..!
كن طيبا في تلك البقاع النورانية البهية يا حرسم..!
واهو بعد حضورك الزاهي ، يا حرسم ، بنحاول نبقى طيبين ، لغاية ما نلاقيك..!!
بنات حرسم..
وانسان اسمه محسن خالد..سرقته اللحظة البهية..يا علي عبد الوهاب...!!
نلقاها من وين ولا من وين ياعلي عبد الوهاب يا الشاهد الأخير..!!
كبر
05-06-2019, 07:56 AM
Kabar Kabar
تاريخ التسجيل: 11-26-2002
مجموع المشاركات: 18537
يا سلام على الاديب الاريب كبر .. أصيل يا كبر .. وانت تحي ذكرى هذا الاديب الشاعر الذي لن يجود الزمان بمثله ( حرسم ) قبل أيام كنا في منتدى الاربعائية في سيرة حرسم رحمه الله .. هذا الفقد اصاب الجمع لأنه كان القائد المستنير الذي يثير فينا حماس البحث والكتابة .. سبحان الله الحبيب كبر قبل أيام مررت بالقرب من العمارة التي كان يسكن فيها حرسم .. وقفت فترة أتأمل وكأنني في إنتظاره لنذهب سوياً إلى منتدى الاربعائية .. حرسم رحمه الله .. لن يغيب عن مجالسنا أبداً فروحه حاضرة وفكره وشعره يزين مجالسنا ..
يا سلام يا كبر .. صدقني إنت زول جميل وأصيل وود بلد ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
علي عبدالوهاب عثمان
فيس بوك
تويتر
انستقرام
يوتيوب
بنتيريست