|
|
|
 Re: ده شنو يا (تجم) ؟ (Re: عمر التاج)
|
سوري؛
الصورة مفبركة
.
.
.
.
لقينا ليكم مراقة من اسه يا شباب التجم
تعالوا ناقشوا لو كانت الصورة صحيحة البحصل شنو؟
سي سي :
- محمد البشرى
- عبد الله ادريس
- جلالدونا
- مولانا حافظ
- محمد قاضي
- خضر الطيب فلة
- محمد سيد احمد
- صديق مهدي
واخرون نحن نعلمهم و عبد العظيم بتاع الخسوسية لا يعلمهم..
| |
 
|
|
|
|
|
|
|
|
Re: ده شنو يا (تجم) ؟ (Re: جلالدونا)
|
Quote:
هههههه جنس هضربة هى
شلاقة اشراقة |
مافي حبة مجاملة ساكت يا صاحب
يا خسارة سنين الكفاح المسلح معاكم
على الأقل خلينا نتخيل رد فعلك لو فعلا حصل ما حصل
واصبحت الجامعة تأجز بمناسبة اجتماعات حزب سياسي
حايكون موقفك شنو في الأمم الغير متحدة؟
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
Quote: لما تعلف و انت محوص ممكن يدك تطلع برة الصحن و تشيل ليك صرصور من الواطة
اللهم لا شماتة هههههه |
جاء في الأثر يا حدوري؛
لا تظهر الشماتة لصاحبك فيقلب الله الاشاعة حقيقة ويشاغبك
فحقو شنو؟
خت احتمال واحد ٪ يطلع الخطاب صحيح..
غايتو انا رامي طوبتك وبتخيل ردك يكون كالاتي؛
(انا ما شايف اي مشكلة حتى ولو تم حل مؤسسات التعليم العالي كله من أجل أن تستكمل هياكل التجم )
ابو التلج زاتو
| |
|
|
|
|
|
|
|
|
 Re: ده شنو يا (تجم) ؟ (Re: عمر التاج)
|
اها شوف جنس ده | Quote: واصبحت الجامعة تأجز بمناسبة اجتماعات حزب سياسي |
تجمع المهنيين ما حزب سياسي
التجمع جسم يضم بداخله كل النقابات و من حقهم الاجتماع بأذن الجهة المشغلة
لمناقشة قضاياهم و قوانين نقاباتهم
ده حق مشروع و قانوني
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
والله يا شباب دي مسالة في غاية الخطورة لأنها بتتعلق بموضوعين أمن البلد والشباب ..
ما ممكن البلد تكون مفتوحه لمن يشاء يجي يخمش شبابنا ويغريهم بالمال ..
الدولة مسؤولة مسؤولية مباشرة عن رعاياها..
أي إجراء كهذا مفروض يتم من خلال المؤسسات الرسمية ..
دي الحتة المفروض الناس تتكلم فيها وتنبه ليها.
| |
|
|
|
|
|
|
|
|
|
Re: ده شنو يا (تجم) ؟ (Re: محمد على طه الملك)
|
Quote: والله يا شباب دي مسالة في غاية الخطورة لأنها بتتعلق بموضوعين أمن البلد والشباب ..
ما ممكن البلد تكون مفتوحه لمن يشاء يجي يخمش شبابنا ويغريهم بالمال ..
الدولة مسؤولة مسؤولية مباشرة عن رعاياها..
أي إجراء كهذا مفروض يتم من خلال المؤسسات الرسمية ..
دي الحتة المفروض الناس تتكلم فيها وتنبه ليها.
|
فيك الخير يامولانا
حانشيل المداخلة ونقسمها كيمان ونوزع دمها بين البوستات
| |
|
|
|
|
|
|
|
|
|
Re: ده شنو يا (تجم) ؟ (Re: جلالدونا)
|
يا عمر تخيلوا ان الصورة كانت صحيحة دي مالها بقت لي زي السأل ماهو إسم الذئب الذي أكل سيدنا يوسف لما قالو لي ليه يا شيخنا ما أكلوا قال ليهم إذن ما هو إسم الذئب الذي لم يأكل سيدنا يوسف 😂 تاني بسمل قبل ما تلفح وأرخي لود البشرى زي التكنك ..😅
| |
|
|
|
|
|
|
|
|
|
Re: ده شنو يا (تجم) ؟ (Re: محمد محمد قاضي)
|
Quote: تجمع المهنيين ما حزب سياسي
التجمع جسم يضم بداخله كل النقابات و من حقهم الاجتماع بأذن الجهة المشغلة
لمناقشة قضاياهم و قوانين نقاباتهم
ده حق مشروع و قانوني |
أها نحن البوستات زي دي بنعملها عشان نوثق للمواقف دي
وبعدين لما نعمل جسم يضم النقابات يبقى نفرغ البلد كلها لعام واحد عشان مؤتمرنا العام..
طيب نحن شلنا الكيزان ليه؟
مو في متل خرمجتكم دي ياتجم
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
منتصر ومحمد القاضي
انتو صدقتوا فعلا الصورة مفبركة
ههه
أمانة ماوقعوا رجال
أها الصورة طلعت حقيقة؛ شن قولكم؟
ويلا ورينا عرض أسنانك تاني يا القاضي
| |
|
|
|
|
|
|
|
|
|
Re: ده شنو يا (تجم) ؟ (Re: Abdullah Idrees)
|
سلامات ياعمر
صراحة انا مافهم المشكلة شنو في الطلب دا بتخصيص ساعة واحدة للعاملين لأمور نقاباتهم؟
Quote: وبعدين لما نعمل جسم يضم النقابات يبقى نفرغ البلد كلها لعام واحد عشان مؤتمرنا العام..
طيب نحن شلنا الكيزان ليه؟ |
هل انت معترض على نقابات العمال وتجمعاتهم وشايفها ترف وتضييع زمن العمل؟
والا شايف انها مفوض تتم في وقت فراغهم وما من حقهم يأخدوا ساعة من زمن العمل
والا عتراضك فقط على كون تجمع المهنيين هو الوريث الثوري الشرعي لنقابات الكيزان وتجمعاتهم المعينة وبامر النظام ( ودا كلام رئيس النظام ما كلامي )
ولا ملخبط بين تجم وقحت؟
والا عاوز تكاوي اللستة الجبتها دي ساي هههههههه
المهم فسر ووضح ياابوكنيّز
| |
|
|
|
|
|
|
|
|
|
Re: ده شنو يا (تجم) ؟ (Re: Deng)
|
| Quote: عمر التاج ليس سوى كوز حقير ومندس. |
دينق
مالنا ومالو يكون كوز ولي قصرية
المهم الموضوع ده كيف
تجمع المهنيين ده شنو من الاساس
رجعتو لي طلائع مايو وكتائيب مايو والشارلسون الترفيرا والكادر والقميص التحرمني منك وحاجات مايو 1969
والله يا عمر التاج الكيزان كان بودو ناس الجنوب جهاد فطايس ويدوهم مكفاءة شهدات من جامعة الخرطوم وطبعا دي لسه ما فتحت كفضيحة
وديل عايزني اخلي جون قرنق ومحمود محمد طه والسيد عبدالرحمن والسيد علي واباري روبوت اسفيري
ياخ انتو شيوعيين وبعثيين وناصريين مش احسن تجو باسمكم الحقيقي وشموليتكم الواضحة
ثورة شنو وديمقراطية شنو
الكوز انقلاب 1989 والقصرية انقلاب 1969
https://top4top.io/
كويس يا عمر التاج تاخذ اوسكار
بس خضر ده بالله بي الحتة الفيها الحديدة
ده من مدرسة الطيب مصطفي وتلفزيون الانقاذ الذى اكل المسشتفيات
| |
|
|
|
|
|
|
|
|
Re: ده شنو يا (تجم) ؟ (Re: adil amin)
|
Quote: بس خضر ده بالله بي الحتة الفيها الحديدة
ده من مدرسة الطيب مصطفي وتلفزيون الانقاذ الذى اكل المسشتفيات |
انا من مدرسة الكادر يا كدارة انت :)
عدولي يا دفعة
ياخ انت تحفة ذي السحارة ضهر التور بتعرفا ؟
عندك مقدساتك الخمسة الشايلا كوبي اند بيست ديل ما عند غيرم
انا لوبقيت يساري حيكون بي سببك
لكن مسألة ضبط المصنع دي انساها
و احزاب البيوتات التجارية دي كمان انسى اني في يوم انتمي ليهم
حاجاتك الخمسة الشايلا دي ابتت تتلايق لي كلو كلو
بالله عليك البلم احزاب البوتات التجارية و رؤية جون فرنق و الحزب الجمهوري شنو
حتقول لي فكر وطني, وين الفكر بتاع احزاب البيوتات التجارية
لو كان عندهم فكر ما كان ضيعو السودان من 1956
| |
|
|
|
|
|
|
|
|
|
Re: ده شنو يا (تجم) ؟ (Re: خضر الطيب)
|
Quote: بالله عليك البلم احزاب البوتات التجارية و رؤية جون فرنق و الحزب الجمهوري شنو
حتقول لي فكر وطني, وين الفكر بتاع احزاب البيوتات التجارية
لو كان عندهم فكر ما كان ضيعو السودان من 1956 |
انت بس يا بطة مثلث الحمدي خليك في هذيانك ده
السيد محمد عثمان الميرغني كان رئيس لتجمع وفيه الحركة الشعبية نسخة جون قرنق الاصلية
الحركة الشعبية 2020 عبدالعزيز الحلو هسة عمل تحالف مع الحزب الاتحادي الديمقراطي الاصلي مع جعفر
اانت خليك مع القصرية الشيوعيين ولبعثيين والناصريين مشوهين المركز ديل وهم شبه بعض فعلا والمحاصصة دي حدها قريب
تقول لي البلهم شنو
ديل سودانيين عديل الاربعة ديل
وانت السودان مختل في وعيك لحدي هسة يا جحبور الطيب مصطفي وجماعة الثور الاسود
الضيعو السودان يا فلة
الانقلابات دي
1958 عبود 6 سنة
نميري 1969 16 سنة
البشير 30 سنة
ابن عوف 209 سنة
والسودان الكان موجود وضيعو ديل من 1898-1956 هو سودان الجيل الذهبي الاستقلال ومؤتمر الخريجين ومجاينة التعليم والسكن والعلاج والسفر
مخك راكب بي المقلوب ذى ذب الجمل تعال نعمل ليك ضبط مصنع احسن ليك قبل تفوويت وتلحق معاوية المدير
| |
|
|
|
|
|
|
|
|
|
Re: ده شنو يا (تجم) ؟ (Re: adil amin)
|
طيب معليش قبل ما نرد ننضف الجو شوية من الحشرة الاسمها دينق دي؛ بالله عليكم من الله خلقكم سمعتوا سوداني اسمه (جورج بوك شان) ..
آي صحيح هي حشرة ناقصة التطور وما عقلها دون مستوى النقاش لذا اعتادت تتغوط فقط في بوستاتي
وانا ماعندي ليها غير مبيد حشري ومعطر.. وبعد شوية مارشات عسكرية... وقرآن.
بف باف  ثم معطر جو 
نرجع التجم البجم والفضيحتهم بقت بجلاجل..
َبالله يا جلال مابتخجل تقول لي تجمع المهنيين هو البمثل النقابات ومن حقه يعطل مؤسسة تعليمية عشان يقيم مؤتمر أو اجتماع يخص كيانه..
كدي تعال ووريني تجمع المهنيين علاقته شنو بأجهزة الدولة
تابع لياتو وزارة؟ ورئيسه منو البمثله في الدولة
وطيب خليتو شنو للوحدة الجهادية في الجامعة الكانت بتعطل الدراسة عشان استنفار أو جهاد؟
ما كلها أهداف شخصية لكيانات سياسية..
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
| Quote: سوداني اسمه (جورج بوك شان) .. |
ده فاول كبير يا عمر
حسب تصورك للسوداان وسماء السودانيين حتي في مثلث الحمدي في سودانيين كثيرين اسماءهم كده وفي لتاريخ في عمارة دنقس وفرانيس دينق من دينكا نقوك سوداني جنسية خضراء
واردم ناس القاضي ديل وانا معاك
وق ح ت الرايح ليهم درب ديل
دينق ده خلي لي بس
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
صباح الزين حيدر الزين
| Quote: صراحة انا مافهم المشكلة شنو في الطلب دا بتخصيص ساعة واحدة للعاملين لأمور نقاباتهم؟ |
الخطاب لو قال نقاباتهم زي ما انت قلت كنا مشيناها،
لكن الخطاب ختاها واضحة وصريحة وقال (الجمعية العمومية لاجازة النظام الأساسي لتجمع المهنيبن)
ممكن بقى تعرفني علاقة إدارة الجامعة بتجمع المهنيين شنو؟
وهل من الممكن تخبر الناس متى تم تسمية نقابات العمال ووزارة العمل باسم وزارة تجمع المهنيين؟
وهل من الممكن نعرف كيف انتقلت الجهة الممثلة لموظفي المؤسسات التعليمية من نقابة المعلمين والأستاذة التابعة للاتحاد العام لعمال السودان الى تجمع المهنيين؟
وهل تنكر يا حيدر ان تجمع المهنيين عبارة عن كيان سياسي؟
سمه ماشئت (حزب؛ تنظيم، جماعة، تجمع... الخ)
ولكنه لا يختلف عن التجمع الديمقراطي الذي يضم مجموعة أحزاب سودانية
ولا يختلف عن كيان الانصار أو الختمية أو الاتحاد الاشتراكي الا في الانتماء..
وبالمناسبة حتى المؤتمر الوطني بدأ ككيان وطني جامع..
الموضوع إذن عبارة عن تدخل سياسي عنيف في مؤسسات يفترض تكون اكاديمية وترتقي بالتعليم والبحوث..
وإذا بدأ التمكين السياسي بالتعليم فقل على البلد السلام
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
قريبي ود ادريس كيفنك؛
| Quote: يا عمر ياخ ما تلمنا في الناس البتلفح منهم ديل . |
وحات الله بلفح من ناسكم ديل..
ورقهم بقى مكشوف ويجوك مدردقين مو فارزين كوعهم من بوعهم..
عليك الله قول ليهم انستروا شوية وشوفوا مصالح البلد وين..
النظرة الضيقة دي هي الضيعت الكيزان من قبلكم
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
حبابك كبيرنا عادل..
(كبيرنا دي بالمناسبة لطشتها من واحد زميل؛ ووقعت لي لأنها بتعبر عن تفكيرك ورؤيتك المستقبلية)
| Quote: الكيزان كان بودو ناس الجنوب جهاد فطايس ويدوهم مكفاءة شهدات من جامعة الخرطوم وطبعا دي لسه ما فتحت كفضيحة |
الكيزان بالمناسبة وصلوا المرحلة الحرجة دي بعد سنوات من الجري وراء شراء الذمم وفبركة القوانين؛ وبعد ما استلموا النقابات بصورة رسمية عملوا فيها مالم يفعله الذئب بابن يعقوب..
يعني الموضوع كان تدريجي ومخطط له بعناية؛ مش زي ناس قريعتي راحت رب رب عايزين يغيروا العمل النقابي فجأة من جسم نقابي معروف الي كيان سياسي مكشوف..
الشغل ده ممكن يتم لو ختيتوا الرحمن في قلبكم وعملتوا احياء للنقابات ودورها الثوري وعملت تغيير ديمقراطي في عضويتها وبعد داك كل شئ بيتم باسم الواجهة وليس الكيان..
وبالمناسبة شغل الكيزان رغم انو كان مؤسس الا انه كان قاصمة ظهر التعليم العالي في البلاد؛ الجامعات على وجه الخصوص يفترض تكون مناطق محررة من السياسة ولا تمارس الا على مستوى مناشط طلابية تحددها اللوائح، اما الإدارة فدورها في مكاتبها يفترض يقتصر علي تطوير وتجويد الانتاج الأكاديمي لكل الطلاب بغض النظر عن توجههاتهم الفكرية والدينية والسياسية..
Quote: ياخ انتو شيوعيين وبعثيين وناصريين مش احسن تجو باسمكم الحقيقي وشموليتكم الواضحة
ثورة شنو وديمقراطية شنو |
وده الحايحصل غصبا عنهم لما تنتهي الفترة الانتقالية
ولكنهم يخشون ضوء الديمقراطية ولا يسعون الا لتمديد فترة الظلام وتمكين أنفسهم من خلالها بهكذا خطابات فطيرة.. شأنهم في ذلك شان البشير ونميري إذ ظنا ان التمكين يعصمهم من غضبة الشعب ولكن هيهات وولات حين مناص.
Quote: انا لوبقيت يساري حيكون بي سببك
لكن مسألة ضبط المصنع دي انساها |
وانا لو بقيت كوز بكون بسبب حدوري ده هههه
لكن مسألة الضبط الشغالين فيهو التجامة ديل فهو بالتأكيد تلاعب في الضبط ليس إلا..
وذكرني نكتة واحد شاف الشباب بعملوا في البودرة والروج
ومعاهم بنات عاملات شفاتة ولابسات بناطلين وفنايل.. قالهم (مين اللعب في اعدادات البلد دي)؟
وبالمناسبة انا لاتنقصني الشجاعة أعلن عن انضمامي لأي حزب أو تنظيم
وإذا انضممت بالتأكيد لن انضم لحزب في السلطة زي ماعمل خدوري
انا زول معارضة رشيدة ودواس؛ ولكني لا أجد كيانا بقدر حريتي التي تتيح لي التمدد في كل الاتجاهات؛ والنقاش في كل الموضوعات.
Quote: دنقس وفرانيس دينق من دينكا نقوك سوداني جنسية خضراء
واردم ناس القاضي ديل وانا معاك
وق ح ت الرايح ليهم درب ديل
دينق ده خلي لي بس |
كانوا يا كبيرنا؛ واسه الجنسية بقت بطاقة بيضاء ممغنطة
وبالمناسبة الجنوبيين انا عشت معاهم كتير؛ وجاورني ٤ سنوات من ثلاثة اتجاهات
واعرف طباعهم واعرف الصالح والطالح منهم.
وماتمنيت يوما ان تنزل صاعقة على الكيزان وتبيدهم أكثر من يوم فصلهم للجنوب..
ومن هذا المنطلق نرجو ان تعمل الحكومة الإنتقالية على إعادة هذا الجزء الاصيل ليصبح من الوطن من جديد..
ولكن بالشايفو ده الله يستر علينا من هذه الخريطة القميئة.
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
التجم والبجم والقحط دي ما مني أنا يا محمد القاضي
ديل جماعتك سموا نفسهم كده ، أو للدقة قل قريبا من كذا هههههه
المهم قبل فترة وفي احدى الجامعات بادرت جمعية القران الكريم المعتمدة لدى الجامعة حسب اللوائح
وتقدمت بطلب لتفريغ أستاذ للاشراف على منشط الجمعية
تخيل القيامة قربت تقوم بسبب هذا الطلب الغريب،
وفي النهاية تم اصدار قرار بإلغاء اشراف أي أستاذ على أي جمعية
حتى وانت كانت أكاديمية تابعة للقسم الذي يرأسه ..
العمل النقابي يا ناس تجم شيء ،
والعمل السياسي شيء آخر يجب ألا يخلط بعمل الإدارة بأي حال
| |
|
|
|
|
|
|
|
|
|
Re: ده شنو يا (تجم) ؟ (Re: عمر التاج)
|
سلامات عمر التاج
الفهمتو من ردك إنك
| Quote: والا عتراضك فقط على كون تجمع المهنيين هو الوريث الثوري الشرعي لنقابات الكيزان وتجمعاتهم المعينة وبامر النظام ( ودا كلام رئيس النظام ما كلامي ) |
وفي نف الوقت برضو مختلط عليك مفهوم النقابات والعمل النقابي طالما إنك بتعتبر انه النقابات مامفروض يكون عندها دخل بالسياسة ومعترض على دور الطلاب والعمال الجامعيين السياسي ..
أنابقترح عليــك انك تبدأ من البداية في الاول بتعريفك ومفهومك للسياسة ..ماهي السياسة ومن الذي يمارسها ؟!
.. ثم نمشي قدام لمسألة النقابات وتجمع المهنيين..
ــــــــــ..
الهوم وورك حايكون النقابات والاتحادات متى نشأت وكيف ولماذا :) :)
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عمر التاج
جلالدونا
خضر الطيب
محمد على طه الملك
محمد محمد قاضي
Abdullah Idrees
HAIDER ALZAIN
Deng
adil amin
فيس بوك
تويتر
انستقرام
يوتيوب
بنتيريست