من عجايب السودان: 👈 ياخي السودان دا عنده جيش على رأسه مشير وعدد معتبر من رتب الفريق والفريق اول وعنده قوات دعم سريع على راسها فريق اول وعنده هناي بتاع على رأسه فريق أول وعنده قوات الدفاع الشعبي عنده جهاز شرطة ووزارة داخلية وعنده شرطة اسمها الاحتياطي المركزي وعنده شرطة اسمها الشرطة الشعبية وعند جهاز أمن اسمه الامن الشعبي ما معروف عنده كم راس وعنده جهاز امن اسمه أمن الطلاب وعنده كتائب ظل ما معروف عددها كم ديل كولللللللهن قاعدات ويجيك السفير المصري لدى الخرطوم، حسام عيسي، يوم الخميس يقول لك ، بأن القوات المسلحة المصرية تقوم بإنشاء عدد من المخابز ومحطات الطاقة الكهربية بالسودان، في إطار دعم مصر للعلاقات المشتركة مع السودان...... 📌 والله شعار #تسقط_بس دا شعار لين ويعتبر غاية العطف والرأفة ويمكن يعتبر قمة في السماح والمسامحة... . . 📰 خبر من لم يرد في الصحف : 👈 السفير السوداني بفرنسا بعد خروجه من ندوه اقامها المعهد العربي عن الاوضاع في السودان مساء أمس يواجه بهتافات تسقط بس من بعض الشباب السودانيين بباريس... 📌 انتو السبعين نفر ديل متين لحقتوا تودوهم من الكلالكلة للحاج يوسف لي باريس؟ المحتجين ديل راكبين بساط الريح؟ ...... هءه هءه 📰 الصيحة: 👈 دراسة غربية تكشف تورُّط الموساد في الحرب بين الخرطوم وجوبا 📌 الحرب مع جوبا دي بقت من الماضي خلونا في الحاصل الايام دي . 📰 الصيحة: 👈 القضاء يرفض تسليم سيدة أعمال سودانية للإمارات 📌 الله يكفيها شر المبادلة مع ود المامون . 📰 الصيحة: 👈 الصافي جعفر: فساد الذمم والأخلاق وفشل إدارة الموارد سبب الأزمة 📌 يازول الموضوع دا ما تفتحو هسع اصبر خلي الناس ينسوا مشروع سندس . 📰 السوداني: 👈 الجيش المصري ينشئ مخابز بالسودان 📌 الله يفضحكم ويشرط عينكم . 📰 السوداني: 👈 إصابات وسط المواطنين والشرطة خلال تفريق احتجاجات بالخرطوم 📌 تسقط بس والفورة مليون . 📰 السوداني: 👈 وفد صحفي يزور عثمان ميرغني بالمعتقل وتوقعات بالإفراج عنه 📌 عثمان ميرغني عمل العليهو واتحاد الصحفيين الفيهو اتعرفت . 📰 السوداني: 👈 المتحدث باسم صناع السوق لـ(السوداني): لم يصدر قرار بحل أو تجميد الآلية 📌 أممممك بدينا في الكنكشة . 📰 السوداني: 👈 المالية تعتزم مراجعة وتقييم أداء الهيئات والشركات الحكومية 📌 كدي راجعوا وزارتكم دي في الاول . 📰 السوداني: 👈 مسؤولة أمريكية تبحث أوضاع الحريات وحقوق الإنسان في السودان 📌 الانسان ياتو فيهم ال 98% والا الجرزان ؟ . 📰 الانتباهة: 👈 “الوطني” يتجه للتحالف مع أحزاب إسلامية ووطنية 📌 والا كان اتحالف مع طحنية الوطنية برضو #تسقط_بس . 📰 الانتباهة: 👈 “172” الف طالب على الأرض بالنيل الأبيض 📌 اول انتو زمان قايلن المعلمة قشطت الوالي بالشبشب في شنو ؟ . 📰 الانتباهة: 👈 مخابز ومحطات كهرباء للجيش المصري بالسودان 📌 كنا فاكرين الموضوع حلايب تاريهو ما خفي أعظم ، عقبال ما نسمع يعيش السيسي حاكم مصر والسودان . 📰 الانتباهة: 👈 باسان: مناقشة دمج الحزب والحركة غير وارد بالشورى 📌 دمج شنو ؟ هو اصلا الحزب والحركة والحكومة كلهن الرابط بينهن (قناة فالوب) . 📰 الانتباهة: 👈 النفط تعلن توسعة مصفاة الخرطوم وإجراءات جديدة للصيف 📌 هو اكنها ما وسعت لي هسع ؟ . 📰 الانتباهة: 👈 تشريعي الخرطوم يأمر بتفتيش الوزارات لرفع الظلم عن المواطنين 📌 رفع الظلم عن المواطن ما يلزمه تفتيش يلزمه تفنيش النظام بي فنش جون سينا . 📰 الانتباهة: 👈 ضبط أكبر شحنة من حبوب الإجهاض السريع 📌 يكون جايبها عبدالواحد عاوز يجهض بها افكاركم . 📰 الانتباهة: 👈 حميدة: من يحتجون ويحرقون اللساتك في الشوارع هم أبناؤنا 📌 أمممممك البلدوزر عاوز يستولى على اولادنا . 📰 آخر لحظة: 👈 حملات تفتيش مرتقبة للمنازل بشمال دارفور 📌 اها عاد بعد كدا نترقب المشروع داك بتاع بي يقطعوا حتى بعدين يعدوا . 📰 آخر لحظة: 👈 حميدة يستنكر استقدام ممرضات من الهند والفلبين 📌 ياخي انت جايب لك سباك اجنبي وعنده كبد وبائي ما استنكرتو عاوز تستنكر الممرضات . 📰 آخر لحظة: 👈 الخرطوم والقاهرة: علاقاتنا مقدسة ومستهدفة من البعض 📌 ابدا ما مستهدفه بس ما شرعية وخايفينكم تجيبوا جنا . 📰 آخر لحظة: 👈 تحذيرات من خطورة تمدد معسكرات الجنوبيين 📌 هسع الخطورة في معسكرات الجنوبيين والا في الجيش المصري . 📰 آخر لحظة: 👈 وفد صحفي يزور عثمان ميرغني في المعتقل 📌 كتر خيرهم والله . 📰 آخر لحظة: 👈 النائب الأول يتعهد بإعادة مشروع الجزيرة لسيرته الأولى 📌 اها النائب الاول بدأ يكذب . 📰 آخر لحظة: 👈 الخارجية تتسلم قرار المحكمة الأمريكية بشأن المدمرة (كول) 📌 فرحانين أوي ؟ . 📰 آخر لحظة: 👈 مسؤولة أمريكية تبحث أوضاع الحريات وحقوق الإنسان بالخرطوم 📌 كدي عليكي الله اشرحي لهم انسان يعني شنو بعدين حقوقه ملحوقه . . 📌ابووضاح📌 .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست