من عجايب السودان : 👈 نصحت هيئة علماء السودان باخضاع الوزراء ووكلائهم الى دورات عن مشاهد يوم القيامة قبل تعينهم لتخويفهم حتى يؤدوا اعمالهم بتفاني ، وارجعت ظاهرة الفساد لعدم الخوف من الله ، وحذرت من الغلو في اشارة الى (ان اي شخص اخذ مال عام ياتي بيه يوم القيامة )....... 📌 ولكم في الأمين العام للمجلس القومي للذكر والذاكرين الشيخ المهندس الصافي جعفر هناية حسنة في مشروع سندس يبكيكم وفي المسجد يبكيكم....... . 📰 خبر لم يرد في الصحف السودانية : 👈 الحزب الاتحادي الديمقراطي الاصل اصدر بيانا امس الاربعاء حول الراهن السياسي وقد اعلن انهاء اتفاقه مع المؤتمر الوطني بعد حل حكومة الوفاق الوطني وإعلان حالة الطواريء...... 📌 دي يا مولانا ما نقدر نقول عليها قفذ من السفينه دي اسمها النزول بحلطة وفي رواية أخرى زحلطة.... .ه. .ه.
📰 الأخبار: 👈 الحركة الشعبية تفاجئ القوى السياسية بالموافقة على التفاوض 📌 دردقة ذكية من الحركة ؟ . 📰 الأخبار: 👈 إحباط محاولة لبيع قطعة أثرية فرعونية بالخرطوم 📌 عاوزين يلحقوها شجرة الصندل ؟ . 📰 الأخبار: 👈 تفاصيل مثيرة في محاكمة المتهم في (فيديو المنشية) 📌 تاااااني ؟ يا خلف الله ما عذبتانا . 📰 مصادر: 👈 حيرة وترقب وسط قيادات وقواعد الوطني 📌 اللهم زيد في حيرتهم . 📰 مصادر: 👈 دورات عن (أهوال يوم القيامة) لتخويف الوزراء من الفساد 📌 أوع يكون بي يدرسهم الصافي جعفر ؟ . 📰 مصادر: 👈 إيلا: مشاورات مع الاحزاب بهدف تشكيل حكومة كفاءات 📌 رص الانترلوك بتاعك بلا احزاب بلا وهم . 📰 السوداني: 👈 تشاور بين البشير وإيلا لتشكيل (حكومة كفاءات) 📌 سجمنا . 📰 السوداني: 👈 حميدة يكشف لـ(السوداني) تفاصيل جديدة حول أحداث الجامعة 📌 المهم الفيك اتعرفت واصلها معروفة . 📰 السوداني: 👈 الشرطة توضح ملابسات مصرع وإصابة طفلين دهساً بسيارة ببحري 📌 غايتو المرة دي ربنا مرق منها ناس عبدالواحد . 📰 آخر لحظة: 👈 قرارات إقتصادية مرتقبة ورفع سقف السحب من الصرافات 📌 بوووو . 📰 آخر لحظة: 👈 علماء يطالبون بإخضاع الوزراء لدورات تذكرهم بـ(القيامة) 📌 والله زول ينهب له مليارات قدر دي لو جيتو شايل القيامه في طرفك ما يعاين لها . 📰 المجهر: 👈 البرلمان يدعو لجلسة طارئة في (6) مارس للنظر في أوامر الطوارئ 📌 مستعجلين أوي كدا ليه ؟ . 📰 الصيحة: 👈 رفع السحب الى ألفي جنيه في المعاملة الواحدة بالصراف الآلي 📌 وألفين جنيه في اليوم يعني لو عندك دواء يس ستة ألف الا تصبر تلاته ايام لا اكل ولا شراب عشان تقدر تتم حقه رغم انها قروشك . 📰 الإنتباهة: 👈 في تحقيق أجرته (الإنتباهة) تعطل (25) طائرة مملوكة لشركات وطنية 📌 الموت ال يلحقكم امات طه . . 📌ابووضاح 📌
02-28-2019, 03:03 PM
عمر سعيد علي
عمر سعيد علي
تاريخ التسجيل: 08-20-2015
مجموع المشاركات: 885
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة