في ديارهم حجبوا القمر: 👈 قالت صحيفة "السوداني" السودانية، أمس السبت، أن النيابة العامة في الخرطوم طلبت تسليم الرئيس السابق، عمر البشير، للتحقيق معه، لكن إدارة السجن ردت بالقول إن الرئيس السابق ليس نزيلا لديها...... 📌 جاروا أهلك وجورهم أمر بالبعاد والأمِر الأمَر في ديارهم حجبوا القمر بشيري هوي هوي..... . . 📄 الحزب الشيوعي كتل الدش في يد الحركة الاسلامية: 👈 في جزء من بيان من الحركة الاسلامية السودانية تقول الحركة: جماهير الشعب السوداني الاصيل. لقد تابعنا باهتمام شديد الحوار الطويل بين المجلس العسكري الانتقالي وقوى الحرية التغيير وكان كل املنا ان يتم اتفاق يرضي الجميع وان تستقر البلاد ونخرج من هذه اللحظة الحرجة التي تمر بها البلاد. ولكن تفاجأنا في ظل الفرحة التي عمت المواطنين في كل البلد، بالحزب الشيوعي وهو يعلن رفضه لهذا الاتفاق بحجج واهية والغرض الاساسي لهذا الرفض ان يأجج الصراع في هذا الوطن الآمن وان يدفع لعدم الاستقرار ويزج بالشباب الغض في اتون صراع مرير بلا مبرر ويحرمهم من قطف ثمار تضحياتهم... انتهى 📌 ياخي الشيوعيين ديل مضرين مضرة لا رضعوا ولا خلوا ناس الحركة الاسلامية نزلوا كسلا.... .ه. .ه. 📰 الوطن: 👈 "الثورية" تطالب بتأجيل تشكيل هياكل السلطة الانتقالية 📌 لزومو شنو التأجيل عندكم هدوم ماجات من عند الترزي ؟ . 📰 الوطن: 👈 تجمع المهنيين يعلن عن جدول جديد لدعم ضحايا فض الاعتصام 📌 لو باليد حيلة ديل يستاهلو ترعة عديل موش جدول . 📰 الوطن: 👈 مياه الأمطار تحاصر جنوب الخرطوم ومخاوف من ظهور الأمراض 📌 يا شماتة أبلة مامون فينا . 📰 الوطن: 👈 تجمع قدامي المحاربين يطالب بحل الدعم السريع 📌 والله كان طولتوا بالكم الدعم السريع دا الزمن براهو بي يحلو . 📰 التيار: 👈 “العسكري” يوصد الباب أمام فتح التفاوض حول الإعلان السياسي 📌 والله ساعة نضطر ابواب ما قاعدة توقفنا . 📰 التيار: 👈 تصريحات نارية للفريق أول جلال الدين الشيخ تكشف المثير 📌 كان فيه خير ما رماهو الطير . 📰 التيار: 👈 أركو مناوي: لم نطرح خيار تقرير المصير والحكم الذاتي 📌 أبقوا لاجوه وأطرحوا العاوزنه نحن فترنا من المناولات بي فوق الحيطة دي . 📰 التيار: 👈 الخميس المقبل آخر يوم للتقديم للجامعات 📌 أولادنا خايفين يقدموا للجامعات تقوموا تشيلوهم للحج . 📰 الانتباهة: 👈 “الثورية” تقترح مناوي للسيادي وجبريل للخارجية 📌 كدا ما ضيعتوا الامام . 📰 الانتباهة: 👈 تحذيرات من انتشار أرز فاسد بالعاصمة 📌 والأرز دا وراهو منوووو ؟ . 📰 الانتباهة: 👈 اجتماعات غير معلنة بين”العسكري” و”التغيير” 📌 طيب عرفتوها كيف وكت غير معلنة والا دي بركات شيخ اسحاق . 📰 الانتباهة: 👈 مقتل شرطي وإصابات في اشتباكات بالقضارف 📌 الناس ديل شوفوا لهم جاز قبل ما يكملوا بعضهم . 📰 الانتباهة: 👈 المهدي: أحزاب متطرّفة تراهن على الفوضى وعرقلة الاتفاق 📌 دي أحزاب بوخة ساكت . 📰 الانتباهة: 👈 توقعات بتأجيل التفاوض حول الوثيقة الدستورية للأسبوع المقبل 📌 أقعدوا دردقوا فيها كدا لحي ما تطير منكم . 📰 الانتباهة: 👈 الغموض يكتنف مصير العودة للتفاوض المباشر عقب طلب”الثورية” 📌 بركاتك يا شيخ اسحاق تفك سر الغموض دا . 📰 آخر لحظة: 👈 النيابة تأمر بالإفراج عن الحاج عطا المنان 📌 كعععع... التنقلات جابت نتيجة . 📰 آخر لحظة: 👈 اجتماعات مكثفة بإثيوبيا وتفاؤل باتفاق سوداني 📌 طالما الاجتماعات في اثيوبيا نحن مطمئنين بس ابعدوا لنا من دول اللي ما حدش له دعوة بالتاني ديك . 📰 آخر لحظة: 👈 عقار: التفاوض يتم بصورة جيّدة وإمكانات التوافق كبيرة 📌 خشمك فيهو اللبن . 📰 آخر لحظة: 👈 القاهرة ترّتب لإقامة مشروعات اقتصادية بالخرطوم 📌 ما عاوزين . 📰 آخر لحظة: 👈 قرار مرتقب بزيادة أجور الأطباء ومنسوبي القطاع الصحي 📌 من الحكومة والا من الهناي البتيع ؟ . 📰 آخر لحظة: 👈 حمدوك: جاهز للعمل متى ما طلب مني ذلك 📌 ما قصرت كتر الله من أمثالك . 📰 السوداني: 👈 “السوداني” تكشف أسماء مرشحي”نداء السودان” 📌 يا كشيفين انتو . 📰 السوداني: 👈 الدقير لرئاسة الوزراء...يحي الحسين للبرلمان وشيخ إدريس لـ”السيادي” 📌 الليله في زول يكون هسع يقابض في مرارته ما تنط منه تقع في الواطة . 📰 السوداني: 👈 النائب العام يتسلّم نتائج التحقيق في فضّ الاعتصام اليوم 📌 هو موش دا التحقيق الفصله أقصد ال عمله أيام ما كان هو نفسه وكيل نيابة والا تحقيق غيرو . 📰 السوداني: 👈 قوى الحرية والتغيير: الوسيط الإفريقي تعهّد بإقناع”العسكري” بفتح الاتفاق السياسي 📌 كان ما فتح تعالوا عندنا (ماستر كي) في ميدان بري الدرايسة يفتح أي حاجة . 📰 السوداني: 👈 عقار لـ”السوداني”: توقيع الاتفاق السياسي كان مفاجئًا للجبهة الثورية 📌 كلنا والله يا (كمرد) لكن أن تأتي مفاجأة خير من أن لا تأتي . 📰 أخبار اليوم: 👈 الثورية تتمسك بإدراج مقترحاتها في الإعلان السياسي قبل الدستوري. 📌 الامام وبنته رأيهم شنو . 📰 أخبار اليوم: 👈 ضبط شبكة إجرامية تعمل على تزوير شهادات البحث ولوحات المركبات... 📌 بس أوع يكونوا من الناس ال لابسين الكاكي بتاع الدعم السريع وسايقين تاتشرات وشايلين كلاشات ودوشكات وسيطان وخراطيش من سوق ليبيا وقاعدين يعملوا تجاوزات عشان يخربوا سمعة الدعم السريع . ... 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست