. يا ساااارية الجبل ياااااا حمدوك القضــــاء والنيابة . . 📄 أخبار سمحة : 👈 بدء محاكمة وداد بابكر الإسبوع المقبل بعد حجز ممتلكاتها كافة.... أعلنت منظمة سودانية مهتمة بمكافحة الفساد، الثلاثاء، أن جلسات محاكمات ستبدأ الأسبوع المقبل بحق 37 شخصًا تم الحجز الكامل على ممتلكاتهم بينهم حرم الرئيس المخلوع، وداد بابكر، ووالي الخرطوم الأسبق، عبدالرحمن الخضر. وقال الناطق الرسمي باسم منظمة زيرو فساد، المثنى أبوعيسى، إن المنظومة استصدرت 30 أمر حظر سفر في مواجهة المتهمين بالفساد، وأكد أن المنظومة ليس لها خلاف مع أي جهة سياسية أو حزبية وأن مهمتها مكافحة الفساد بكافة أنواعه. 📌 والله أنا قاعده تحيرني كلمة ممتلكاتهم دي.... نحن تلاتين سنة نزح اشتغلنا من الخليج للمحيط بي طلوع الروح حتى امتلكنا بيت وكتير من زملاءنا البيت غلبهم..... . . 📄 خبر مزعج: 👈 إن وجود المدنيين من المجلس السيادي ومعهم وزير الصناعة والتجارة ومشاركتهم في افتتاح مسلخ الكدرو وتكريم البرهان لوزير التجارة يعتبر دعم لامنلاك الجيش لمثل هذا النوع من المشروعات ودخوله بقوة الى منافسة القطاع الخاص وهو عين ما يفعله المشير السيسي في الشقيقة مصر..... عســكرة الاقتصاد وبالتالي عسكرة البلد.... فأين المدنيه هنا؟ 📌 كان ناقصكم زول مغير ركب يرقص لكم وترفعوا اصبعكم تقولوا الله أكبر.... ديل شنو الدراويش ديل؟ حلقنا اتقرش ونحن نكروك مدنيااااااااااو .ه. .ه. 📰 التيار: 👈 ديوان المظالم يبدأ التحقيق في عمليات فساد بالبنك الزّراعيّ 📌 عووووك دا مولد عدييييل كدا . 📰 التيار: 👈 مصادر لـ”التيار”: نيابة الثراء الحرام حظرت الكاردينال 📌 النيابة دي رئيسها مريخابي والا شنو؟ . 📰 التيار: 👈 شاهد في قضية المعلم: ثلاث صرخات أطلقها المجني عليه 📌 الحمد لله صرخاته دارت عليهم وهاهم الآن كلهم يصرخون . 📰 التيار: 👈 تصاعد الأحداث بالقضارف واعتقال منسوبين للحرية والتغيير 📌 خليها تتصاعد وتتدك وتتوزع من جديد . 📰 التيار: 👈 حمدوك يصل القاهرة في أوّل زيارة لدولة عربية ويلتقي السيسي 📌 الله يجيب العواقب سليمة . 📰 التيار: 👈 البلاد تشيّع درة الفن السوداني صلاح بن البادية إلى مثواه الأخير 📌 ربنا يرحمه ويتقبله القبول الحسن . 📰 الجريدة: 👈 فساد في بيع قطعة أرض تابعة لجامعة الخرطوم لحرم المخلوع 📌 هي حرم المخلوع دي خلت شنو ما دخلت ايدها فيه ؟ . 📰 الجريدة: 👈 أزمة مياه بمروي و”150″ جنيهًا للبرميل 📌 أها دي يقاطعوها كييييف؟ . 📰 الجريدة: 👈 العاملون بمالية الخرطوم يشرعون في سحب الثقة من النقابة 📌 نقابات غندور الله لا عادها . 📰 الجريدة: 👈 اتحاد المخابز: أزمة الخبز سببها نقص الغاز 📌 ونقص الغاز سببو شنو؟ . 📰 الوطن: 👈 القبض على مسؤول سابق بالقصر الرئاسي وإيداعه السجن 📌 نلفت عناية المواطنين سكان مربع "84" بالجريف غرب بأن يشيلوا نوبتهم ويحصلوا المولد دا . 📰 الوطن: 👈 استقالة الصادق المهدي من رئاسة "نداء السودان" 📌 ساق بنتو معاهو والا خلاها ليهم مسمار جحا . 📰 الوطن: 👈 في أول زيارة لدولة عربية... "حمدوك" يبحث بالقاهرة تعزيز العلاقات 📌 لا أستحي أن أعبر عن عدم ارتياحي لهذه الزيارة . 📰 الوطن: 👈 "الحرية والتغيير" تواصل البحث عن مرشحين لوزراة الثروة الحيوانية 📌 كان غلبتكم أقسموها الثروة براها والحيوانية براها . 📰 الانتباهة: 👈 الجمارك تقاضي الشقيق الأصغر للمعزول 📌 الشقيق الأصغر مرطططططب في تركيا وقاعد مع مهند ونور هناك . 📰 الانتباهة: 👈 وفاة حالة وإصابتين بـ”الكوليرا” في سنار 📌 ايكولاي تاني . 📰 الانتباهة: 👈 تحقيق لـ”الانتباهة” يكشف تبديد”4″ ولاة سابقين لـ”11″ ترليون جنيه 📌 سمعنا بي (من أمن العقوبة اساء الأدب) لكن ما كنا قايلنو للدرجة دي . 📰 الانتباهة: 👈 رئيس المجلس السيادي في إفاداتٍ مثيرة لقناة الجزيرة 📌 انتو بالمناسبة دي وين الكباشي ؟ . 📰 الانتباهة: 👈 الأمة القومي: الاستقالة منذ الثلاثاء وتتعلّق بمتطلبات المرحلة 📌 يعني ماشي يجيب حطب ويجي ؟ . 📰 الانتباهة: 👈 أمر بالقبض على”آدم جماع” 📌 عليكم الله أدوني البوكسي ال هدوهو ليه ناس كسلا . 📰 السوداني: 👈 وكيل التربية لـ”السوداني”: تأجيل امتحانات الشهادة لن يحدث إلا لطارئ 📌 طارئ أحمد آدم؟ . 📰 السوداني: 👈 “السيادي”: لن نمنع الناس التظاهر وندعو لمنح الحكومة فرصة للعمل 📌 هو أصلا تاني مافي زول بي يقدر يمنع التظاهر لكن قول نمنح الحكومة فرصة للعمل (عِلا) ال بي يقنع الحكومة العميقة شنو؟ . 📰 السوداني: 👈 وزير المالية: السودان موعد بتحوّل اقتصادي 📌 نشيف . 📰 السوداني: 👈 إحباط عملية تهريب”150″ من الحيوانات البرية النادرة 📌 وديل كانوا حا يهربوهن كيف شايلنهن في شنطة يد يا قول صلاح قوش . 📰 السوداني: 👈 السيسي: ندعم أمن السودان ونساند خيارات شعبه 📌 كويس لكن بس من بعيد لبعيد . 📰 الصيحة: 👈 مناوي لـ”الصيحة”:”قحت” لا تريد السلم وتتحايل على الشعب 📌 هسع قحت وين ؟ البلد فيها حكومة مدنية ومجلس سيادي . 📰 الصيحة: 👈 غرفة النقل تكشف معلومات مثيرة عن تجاوزات نقابة الحافلات 📌 قلنا لكم نقابات غندور دي لازم تتكنس وتترش بي جمكسين . 📰 الصيحة: 👈 السودان ومصر يتفقان على استمرار التنسيق وتعزيز التكامل 📌 منتجات مروية بالصرف الصحي ما عاوزين . 📰 الصيحة: 👈 البرهان: متى ما استدعت الظروف انسحاب القوات السودانية من اليمن حتمًا ستنسحب 📌 ما تقول لي ظروف زي ظرف الرئيس أبو مليون داك . 📰 الصيحة: 👈 عبد العزيز عشر:”الثورية” لم تطرح قضية الحكم الذاتي في الاجتماعات 📌 أي لكن قاعدين يتونسوبو طوالي . 📰 آخر لحظة: 👈 تدهور الحالة الصحية لثلاثة من معتقلي النظام 📌 دعواتكم ليهم يا اخوان وكل زول حسب نيته . 📰 آخر لحظة: 👈 والي القضارف: لن نستجيب للمطالبة بإقالة مسؤولين 📌 ليه المطالبة دي جاتك مستورده من دولة تانية والا من مواطنين الولاية ؟ . 📰 آخر لحظة: 👈 استبعاد (11) مرشحاً للثروة الحيوانية لعدم استيفائهم المعايير 📌 المخلوع زمان كان يشوف أكبرهم كرشا ويختارو . 📰 آخر لحظة: 👈 تجار الجزيرة يهددون بالإضراب بسبب الضرائب. 📌 انتو التجار ديل لما يضربوا بي يحموا الناس يشتروا من مناطق تانية؟ . 📰 أخبار اليوم: 👈 مديرو (٣٢) جامعة حكومية يردون على وزيرة التعليم العالي ويطالبون بالإعفاء 📌 عافين منكم لله والرسول . ..... 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست