مجرد سؤال: 👈 أخبار البصل شنو؟ .... . . 📰 يا الالمانية والكنيسة العلمانية: 👈 أقر الأمين العام لحزب المؤتمر الشعبي الدكتور علي الحاج بأن الشعارات التي رفعتها الحركة الإسلامية في حقبة الرئيس المخلوع بأنها شعارات كلها خاطئة حيث قال:(شعارات الحركة الإسلامية كلها شعارات غلط) مضيفاً قوله متحدثاً عن القضاء: (القضاء المسلم ياتو دا قضاء زائف) وعبر الحاج عن اطمئنانه للقضاء الغربي والعلماني والمحاكم الكنسية قائلاً: (الكنيسة الغربية العلمانية أنا عشت معاها وقاعد معاها وما في أي مشكلة وما فيها اي مشكلة فقهية)... ومن جهة أخرى أوضح الدكتور علي الحاج بأن سقوط النظام البائد ومشروع الحركة الإسلامية لصالح قوى التغيير والحرية كان نتيجة إلى الصراع بين الأخوان المسلمين حيث قال:(صراع داخلي بتاع اخوان مسلمين وتصفية حسابات اللادتنا للحتة دي انو في الاخر يجوا الناس ديل يمسكوا).... 📌 أحبك وانت بالألماني....أموت أنا في الدوتشي.... . . 📰 لقاءات دونالد بوث مع الحكومة والحركات: 👈 كشف مصدر عن لقاءات بين المبعوث الأمريكي الخاص للسودان وجنوب السودان “دونالد بوث” مع كل من رئيس الجبهة الثورية “د. الهادي إدريس يحى”، ورئيس حركة العدل والمساواة “جبريل إبراهيم”، و”مني أركو مناوي” رئيس حركة تحرير السودان، يوم (السبت) بالعاصمة الإثيوبية اديس أبابا مبيناً أن عبد الواحد محمد نور تخلف عن الاجتماعات. والتقى “بوث” في زيارة للخرطوم بحسب صحيفة المجهر، برئيس المجلس السيادي الفريق أول ركن عبد الفتاح البرهان ووزيرة الخارجية أسماء محمد عبد الله ووزير الدفاع وعقد معهم اجتماعات حول عملية السلام الشامل وأبان خلال اللقاء مع “البرهان” أنه سيبذل مجهودات مع قيادات الحركات المسلحة والجبهة الثورية. 📌 عبدالواحد دا عامل زي بير السلم في الطوابق العليا لابيزح من مكانه ولا في زول بي يستفيد منه... .ه. .ه. 📰 الوطن: 👈 السيادي: الجوازات الدبلوماسية كانت تباع في سوق “الله أكبر” 📌 والغريب في الموضوع انه المواطن عشان يطلع جواز يتهان وتطلع عينه . 📰 الوطن: 👈 استقالة المدير التنفيذي لمكتب وزير النقل 📌 علموهم كيف يكون التغيير خلي الرجرجة ياخدوا نقلة بالله . 📰 الوطن: 👈 زيرو فساد تفتح بلاغ ضد “2” من الضباط في الخدمة 📌 هلاهوووك.... زيرو فساد ديل جادين والا شنو؟ . 📰 الوطن: 👈 إحتجاز (3) سودانيين بالهند بتهريب (148) كيلوجرام من الصندل 📌 السودانيين أدمنو التهريب لحدي ما بقوا عابرين للحدود . 📰 الوطن: 👈 تضرر 4 آلاف تاجر جراء الصيانة بعمارة السلام 📌 اصلو دي عمارة السلام والا عمارة الصين الشعبية ؟ . 📰 الوطن: 👈 توقعات بإنخفاض درجات الحرارة وموجه من الغبار 📌 يعني برد و(معاو) غبار على وزن شاي ومعاو كيكة . 📰 الوطن: 👈 اعفاء وتعيين مديرين للتعليم الثانوي والأساس بالخرطوم 📌 نضافة وكدا . 📰 الجريدة: 👈 الأمين: البشير يعاني من”سخانة” الزنزانة والباعوض وروائح الصرف الصحي 📌 حلو ياريت كمان شوية فيران من الأكلوا الكبري . “📰 الجريدة: 👈 السيادي”: النظام البائد أهان الجواز السوداني بمنحه للإرهابيين 📌 ربي يهينهم زي ما هانوهو وهانونا . 📰 الجريدة: 👈 وقوع إصابات في موكب لجان المقاومة بالحصاحيصا 📌 نعتبرها اصابات ملاعب . 📰 الجريدة: 👈 هيئة محاميي دارفور: المدنيون بالسيادي أصبحو مطيّة للعسكر 📌 والعسكر ذاتهم مطية لي منو؟ . 📰 التيّار: 👈 بأمر العسكر والمدنيين...إرجاء تشكيل البرلمان إلى ديسمبر 📌 قريب على الحي . 📰 التيّار: 👈 غرفة النقل تكشف أسباب أزمة المواصلات وتدفع بروشتة حلول 📌 كان عرفتوا السبب دي براها بركة . 📰 اليوم التالي: 👈 متضررون من مشروع الراجحي: لن نتنازل عن حقوقنا 📌 أوعكم تخلوا حقكم . 📰 اليوم التالي: 👈 زيرو فساد تحرك إجراءات قانونية ضد منظومة معاً ضد الفساد 📌 زي لما تقول (طلعت مرقة رقبة بقرة بركة أطعم من مرقة رقبة بقرتنا) . 📰 السوداني: 👈 " قوى الحريّة”: غدًا آخر موعد لتسلّم أسماء المرشحين للولاة 📌 موضوع الولاة دا حقو تخلوهو لحدي ما تشوفوا ناس الحركات خبرهم شنو . 📰 السوداني: 👈 تعديلات على التقويم الدراسي بالخرطوم 📌 هسع يقوموا ناس عبدالحي يولولوا فوقنا . “📰 السوداني: 👈 الدعم السريع” تدوّن بلاغًا ضد صديق يوسف 📌 أممممك الدعم السريع بقى يشتكي بالغانون؟ . 📰 السوداني: 👈 هروب تجار سلاح من حراسة قسم شرطة بالشمالية 📌 معناتها هناي . 📰 السوداني: 👈 "الطاقة”: انجلاء الأزمة مع أهالي”بليلة” ورفع الحصار عن الحقل النفطي 📌 يلا غنوا بلاء وانجلى . 📰 السوداني: 👈 المؤتمر السوداني: حزبنا فقيرًا ولا نملك عربة أو قطعة أرض 📌 كيف الكلام دا يا ابراهيم الشيخ؟ . 📰 الصيّحة: “👈 فيسبوك” يغلق صفحات لجهاز المخابرات العامة 📌 ويييي ويييي ويييي كشفوهم . 📰 الصيّحة: 👈 والي شمال كردفان: قرار بإعادة مفصولي”المياه” خلال أيّام 📌 المياه ذاتها خبرها شنو ؟ . 📰 آخر لحظة: 👈 تورط ولاة بالنظام السابق في نهب عائدات النفط 📌 أومال العمارات وشقق دبي دي جابوها من وين؟ . 📰 آخر لحظة: 👈 الحكومة تفتح خطاً ساخناً لتلقي بلاغات الفساد 📌 دا بدل الخط الساخن مع ربنا بتاع حسبو عبدالرحمن ؟ . 📰 آخر لحظة: 👈 إحتجاجات بالكلاكلات تطالب بإقالة معتمد جبل أولياء 📌 هو لسع في معتمد قاعد ؟ . 📰 الانتباهة: 👈 تظاهرات تطالب بإقالة واليي الخرطوم والجزيرة 📌 ونهر النيل ما تنسوهو . 📰 الانتباهة: 👈 شحّ الجازولين يشلّ حركة المواصلات في العاصمة 📌 متعوداااا دايمنننن . 📰 الانتباهة: 👈 أسامة سعيد: المفاوضات قائمة في موعدها ما لم يطرأ جديد 📌 يلا خلاص أنجزوا . 📰 الانتباهة: 👈 جبريل لـ”الانتباهة”: لم نتلقَ ما يفيد بتغيير موعد المفاوضات 📌 تعالوا في الموعد . 📰 الانتباهة: 👈 مطالبة بفتح باب الاستيراد للمركبات وإعفاء الإسبيرات من الضرائب 📌 والله تملوا البلد حديد ساكت ماعندكم ليهو شوارع ولا وقود . 📰 أخبار اليوم : 👈 وزير المالية يدعو لإعادة النظر في الإستدانة بالعملة الأجنبية. 📌 زيقيلم . 📰 أخبار اليوم : 👈 عقار يطالب بحكم ذاتي وتقرير المصير في مناطق النزاعات ودارفور . 📌 رايكم شنو السودان دا نقسموا سواقي وكل ناس يتحكموا في ساقيتهم براهم . 📰 أخبار اليوم : 👈 مجلس شورى حركة المستقبل للاصلاح والتنمية ينتخب عبدالواحد يوسف أميناً عاماً. 📌 عبدالواحد تاني؟ نحن عبدالواحد نور ما عرفنا فيهو حاجة . 📰 أخبار اليوم : 👈 منتجو الصمغ العربي بمحلية القوز بجنوب كردفان يشكون من رسوم تفرضها هيئة الغابات. 📌 المشكلة ما هنا الخوف تكون هيئة الغابات ما عندها خبر بالرسوم دي . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست