ﻫﻴﺎ ﻳﺎ ﺷﺒﺎﺏ ﻫﻴﺎ ﻟﻸﻣﺎﻡ ﺳﻮﺩﺍﻧّﺎ ﻗﺪ ﻣﻞّ ﺍﻟﻤــــــﻼﻡ ﺣﺮﻳﺔ ﻛﺎﻣﻠﺔ ﻫﻲ ﺍﻟﻤُﺮﺍﻡ ﺗﺆﺧﺬ ﻭﻻ ﻳﺠﺪﻱ ﺍﻟﻜﻼﻡ ﺣﺬﺍﺭﻱ ﺃﻥ ﻭﻃﻨﻚ ﻳﻀﺎﻡ ﺣﺬﺍﺭﻱ ﺃﻥ ﻳﺼﺒﺢ ﺣﻄﺎﻡ ﺟﻬﻞٌ .. ﻭﻓﻘﺮٌ .. ﻭﺍﻧﻘﺴﺎﻡ ﻓﻠﻨﺘﺤﺪ ﻭﻳﺠﺐ ﻧﻌــﻴــــﺪ ﻟﻮﻃﻨّﺎ ﺃﻣﺠﺎﺩ ﺍﻟﻜـــــﺮﺍﻡ .ه. .ه. 📌 دبابيس من الصحف تصدر اليوم (من غير التزام قاطع بالمواصلة) تلبة لطلبات ومناشدات عجزت عن الصمود أمامها وخشيت على نفسي من أن تصيبني تهمة من التهم المتناثرة الايام دي حتى ضايقت البعوض في هواء ربنا دا...... .ه. .ه. 📰 الجريدة: 👈 محاولة لفض الاعتصام وتجمع المهنيين يطالب بإقالة رئيس القضاء 📌 القضاء دا عاوز يتنفض من رئيسه لحدي ميكانيكي القضائية بتاع رب رب رب داك . 📰 الجريدة: 👈 بريطانيا تطلب توضيحًا حول مكان البشير وتحذّر من العنف 📌 كدي انتو بعد تعرفوا مكانه ورونا ليهو بعدين موضوع العنف دا بي نتفاهم فيه . 📰 الجريدة: 👈 المراجع: تلاعب بـ”النقل النهري” أفقد الدولة “50” مليون دولار 📌 نناشد المجلس العسكري يساعد المراجع العام دا لأنه مسكين لسانه يبس من الكلام عن التلاعب والاختلاس . 📰 الجريدة: 👈 مركز حقوقي يحذّر من خلافات المعارضة 📌 غايتو نحن معارضه مابنعرفها نحن بي نعرف تجمع المهنيين والشباب المعتصمين أي عجوز خرفان مليان سكري وضغط ما يلزمنا في شي يروح يشوف له حاجه يشغل بها فراغه غيرنا . 📰 الجريدة: 👈 الشعبي: أتينا بالإنقاذ وإزاحة البشير جزء من توبتنا لله 📌 ان الله يقبل التوبه لكن لم يلزم عبيده بقبولها انما قال من عفى واصلح فأجره على الله وطبعا ال ما عاوز أجر ممكن ما يعفي ويعصر رفيقه لحدي ما يجيب الزيت . 📰 أخبار اليوم: 👈 الاتحاد الأفريقي يمهل المجلس العسكري الانتقالي (15) يوماً لتسليم السلطة للمدنيين. 📌 بس أوووووعكم ترسلوا لنا أمبيكي . 📰 أخبار اليوم: 👈 علي الحاج : نحن من أسقطنا النظام من الداخل مع آخرين دون تفاصيل 📌 والله نحن لينا بالظاهر الداخل وما يدور في الغرف دا ما عندنا بيهو شغلة . 📰 أخبار اليوم: 👈 محمد ناجي الأصم : تجمع المهنيين السودانيين يطالب بحل المجلس العسكري . 📌 العساكر ديل ماااا بفكوها بي اخوي واخوك ركزوا على مطالبتكم بمجلس سيادي مدني عسكري عشان يكون عنده فيه دور . 📰 أخبار اليوم: 👈 المؤتمر الوطني : سنواجه قرار المجلس العسكري حول ممتلكات الحزب بالقانون . 📌 قانون ، بيانو ، وازا ، طرومبيتا ما مشكلة كدي جربوا الجري وراء الحقوق المغتصبة دا شوفوهو حلو كيف . 📰 أخبار اليوم: 👈 حميدتي : متمسكون بالتزاماتنا بالتحالف العربي وبقاء قواتنا باليمن . 📌 كلام في المرحلة دي مقبول لكن لي قدام لينا رأي تاني . 📰 أخبار اليوم: 👈 وزير النفط بجنوب السودان: أحداث السودان لم تؤثر علي تدفق النفط. 📌 مبسوطين انتو ، اتفكيتوا من أقفل البلف يا عوض وافتح البلف يا عوض . 📰 التيار: 👈 السيسي...زيارة وشيكة إلى الخرطوم 📌 ياقول نظيم شعراوي عاوز ايه دا ، عاوز ايه دا . 📰 التيار: 👈 الكهرباء...تدابير احترازية تجنبًا للقطوعات خلال رمضان 📌 كان قطعت بس الناس يجيبوا فطورهم ويجوا قدام القيادة ، والله تاني وقعتوا معانا وقعة . 📰 التيار: 👈 رئيس المجلس العسكري يعيد تشكيل رئاسة أركان الجيش 📌 هل من مزيد ؟ . 📰 الصيحة: 👈 مخاطبة الإمارات وماليزيا للكشف عن أرصدة مسؤولين سابقين 📌 يازووووول دي قيامه رابطة . 📰 الصيحة: 👈 المجلس العسكري يعتزم إعادة المحاكمات التي تمت فيها تسويات أو تحلل 📌 أفلح ان صدق . 📰 الصيحة: 👈 “السكة حديد” تطلب من المعتصمين السماح بتسيير القطارات لتوصيل الوقود 📌 أدونا مواعيد مرور القطارات ونحن حاضرين . 📰 السوداني: 👈 الآلاف يتمسكون باستمرار الاعتصام... 📌 يتمسكوا لحدي ما يبين لها صاحب يفضوهو على شنو هسع ؟ . 📰 السوداني: 👈 محاولة لفض الاعتصام و”الدعم السريع” تؤكد قيامها بحملات نظافة 📌 انتو نضفوا الكيزان باقي العدة خلوهو علينا . 📰 آخر لحظة: 👈 سلمان وتميم وسلفاكير يهاتفون البرهان ويؤيدون المجلس 📌 سمح . 📰 آخر لحظة: 👈 مطالبات بمصادرة ممتلكات رموز الوطني 📌 دي ما مطالبات دا فرض من فروض الثورة تركه يوجب القضاء والكفارة . 📰 آخر لحظة: 👈 حميدتي يلتقى سفراء بريطانيا وهولندا والاتحاد الأوروبي 📌 مسكين البشير فات (خرمان) لي لقاء واحد منهم . 📰 آخر لحظة: 👈 البرلمان العربي يدعم المرحلة الانتقالية بالبلاد 📌 اللي هو شنو البرلمان العربي دا ؟ . 📰 آخر لحظة: 👈 مقتل”14″ نازحًا في اشتباكات بمعسكر كلمة 📌 يا دي (كلمة) ال كل يوم تجرحنا جرح جديد . 📰 الانتباهة: 👈 علي الحاج: ذهاب الطاغية البشير جزء من توبة الإسلاميين 📌 نعم لكن الهناية مابتتوب . 📰 الانتباهة: 👈 حرق مزارع تخص رموز”الإنقاذ” والخسائر تفوق مليون دولار 📌 دا غلط ، نحن نصادر ولا نحرق الا كان حرقوها براهم ويتحاسوبا على ذلك . 📰 الانتباهة: ...
... 📌 ياخي مافاضيين للحاجات دي هسع . 📰 الانتباهة: 👈 البوشي: الدولة العميقة ما زالت موجودة... 📌 أكيد يا بوشي والدليل التلفزيون والاعلام . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست