لا خير فينا ان لم نقلها ولا خير فيهم ان لم يسمعوها يقوم حمدوك ينزل كادوك تطير قحت تنزل تحت نظافة القضاء ومحاكمة المفسدين والقصاص هم الأهم . . 📄 اذا هان الجواز السوريين لذاذ: 👈 شبكة السودان نيوز أوردت شبكة السودان نيوز حصائية عن الجوازات المستخرجة للسوريين بواسطة الكيزان خلال العام 2016 فقط حيث بلغ العدد الكلي لحاملي الجواز السوداني من الجنسية السورية عدد 45 الف موزعين على النحو التالي (10ألف) منهم في الكويت ، (15 ألف) في تركيا ن (5ألف) في الإمارات ، (3ألف) في قطر ، بينما يوجد منهم ألف في السودان.... البقية لا تعلم السلطات بمكان تواجدهم في حين أنه تم الكشف عن دفاتر جوازات مفقودة و غير مفعلة في النظام . 📌 لك تؤبش ألبي سوريا...... العجيبة لما تمشي انت المواطن عشان تطلع جواز لو ما عندك واسطة تجد نفسك في مواجهة نكير شخصيا..... في سنة 2016 دي ذااااتها مشيت عاوز اطلع جواز تجاري لما غلبني استخرجه لقيت واحد سمسار بتاع جوازات قال ياخد 750 جنيه وافقت واديته 500 جنيه والورق يحاحي في شهر بعد الشهر شلت ورقي منه وعفيت له ال500 جنيه وصرفت نظر عن الجواز.... . . 📄 من دقنو أقصد من قضاءه وافتل له: 👈 وبحسب مراسل “سبوتنيك”، “حذف القاضي، الصادق عبد الرحمن، تهمة حيازة العملة الوطنية بموجب أمر الطوارئ “3”، والذي تم إلغاؤه من رئيس المجلس العسكري السابق رئيس المجلس السيادي، كما حذفت التهمة تحت المادة “9” من قانون مكافحة الثراء الحرام والمشبوه، المتعلقة بتقديم إقرارات الذمة، مسببة حذفها من التهم الموجهة للرئيس المخلوع عمر البشير بأن النيابة لم توجه بها اتهاما”. وأمرت المحكمة بـ “الإبقاء على تهمة حجز العملة المحلية “5” ملايين جنيه [306 ألف دولار]”. 📌 وســـــــاد قانون البتاع......ولا علة ولا مـعلــول فالقاضي تبع الـبتاع......فالحق ع الــمقـــتول والجهل زاد في البتاع.......ولا مقري ولا منقول .ه. .ه. 📰 التيار: 👈 في الجلسة الخامسة.. تطوّرات ماراثونية في محاكمة المخلوع 📌 بلا ماراثونية بلا ماسونية أردموا المجرم قبل ما يستلموهو ناس لاهاي ويرطب . 📰 التيار: 👈 عبد الواحد: حكومة التكنوقراط”وهم” أزمة السودان تحتاج حلاً سياسيًا 📌 طيب اتقلع من باريس دي وتعال ورينا الحل شنو . 📰 التيار: 👈 الخطيب: الشيوعي لا يسعى لانتخابات مبكرة 📌 والله الشيوعي دا كان قال الرووووب الكيزان برضوا شايفنو خطر عليهم . 📰 التيار: 👈 القضارف: وقفة احتجاجية لقوى الحرية والتغير تطالب بإقالة الوالي 📌 عقبال ولاية نهر النيل . 📰 الجريدة: 👈 الشيوعي: الدعم السريع ”مليشيا” ولن نضمها لـ”الجيش” 📌 أهاااا دا الكلام ال بي يعمل هيديك . 📰 الجريدة: 👈 عبد الواحد يهاجم قوى الحرية وعقار يتمسّك بالحكم الذاتي للمنطقتين 📌 عقار لابد له فوق رأي . 📰 الجريدة: 👈 إبراهيم الشيخ يكشف أسرار جديدة لـ”الجريدة” عن إطاحة ابن عوف ولقاءه برهان 📌 هو ابراهيم (السيخ) دا موش خلاص جاء بدله الدقير؟ . 📰 الجريدة: 👈 مبادرة استعادة نقابة المهندسين ترفض أيلولة الاتصالات للدفاع 📌 كلنا نرفض لكن السنجة في الرنجه والاستكانة في السلخانة . 📰 الجريدة: 👈 المحبوب عبد السلام: لابد من تمييز الدين عن الدولة 📌 انت وين ياخي ، جماعتك ديل راس الخيط ضاع منهم . 📰 الجريدة: 👈 التعايشي يعلن استعداده عن التنازل من منصبه لأجل السلام 📌 كبير والله ،، اذاً ليهم حق ناس ابو الهناية يخافوا منك . 📰 الوطن: 👈 حذف تهم “النقد الأجنبي” والمحكمة ترفض إعادة استجواب البشير 📌 خلاص فكوهو خلوهو يجينا في الشارع دا بعدين الزارعها الله فوق حجر بي تقوم . 📰 الوطن: 👈 تجمع المهنيين: تفكيك دولة التمكين مسألة وقت 📌 ومسألة جدية برضو . 📰 الوطن: 👈 القاهرة تستضيف مباحثات سد النهضة اليوم 📌 ناويين على شنو اولاد بمبة ديل ؟ . 📰 الوطن: 👈 القضايا المتداخلة بين الخرطوم وأسمرا تتصدر أجندة أفورقي بالخرطوم . 📌 ماعندنا معاهم اي قضايا متداخلة ، عندهم شوية كيزان لابدين عندنا امرقوهم ليهو وخلاص . 📰 الانتباهة: 👈 لقاء بين ”السيادي” و”التغيير” حول تسيير المواكب 📌 الموكب دا الا يتنظف القضاء لكن ما مفروض نتخلى عنه . 📰 الانتباهة: 👈 حسم تعيين رئيس القضاء خلال أسبوع 📌 اسبوع ليه ،، سماية هو؟ . 📰 الانتباهة: 👈 شاهد: البشير تبرّع بـ”1.2 مليون يورو تمثّلت في معدات عسكرية لدولة مجاورة 📌 شوف السفاهة دي عليك الله . 📰 الانتباهة: 👈 طعن في المحكمة العليا ضد قرار التمديد للاتحادات 📌 الناس في شنو وديل في شنو . 📰 السوداني: 👈 قوش يخرج عن صمته: دوري في التغيير يعرفه جنود مجهولون بلجان الأحياء 📌 الأحياء خلهم ورينا دورك في الأموات والقتلى كان شنو؟ . 📰 السوداني: 👈 عيساوي لـ”السوداني”: سأكون سعيدًا إذا أقالوني من التلفزيون 📌 نان زي كورة التنس اقالوك دقيت في الحيطة وجيت راجع . 📰 السوداني: 👈 استئناف الدراسة بالخرطوم وتلاميذ يمتنعون عن الحضور لمدارسهم 📌 حضور بي وين مع الطين وعدم المواصلات . 📰 السوداني: 👈 وصول”4″ بواخر محمّلة بالقمح لميناء بورتسودان 📌 اوع تكون واقفه عاوزه حق الشحن زي بتاعة الغاز الزمان ديك . 📰 السوداني: 👈 الدقير يستنكر مواجهة المواكب السلمية بالهراوات والغاز المسيل للدموع 📌 كلنا نستنكر ونشجب وندين كمان . 📰 السوداني: 👈 وزير المالية: ترتيبات لفتح حساب وديعة” دولار الكرامة” 📌 يلا اتحرك قبل ما الناس حماسهم يبرد . 📰 الصيحة: 👈 انسحاب الشركات الصينية والماليزية والهندية من النفط السوداني 📌 الباب يفوت جمل . 📰 الصيحة: 👈 مدير ”سودانير” يكشف لـ”الصيحة” حقائق طائرة الإيرباص بأوكرانيا 📌 هي الحقايق دي الا الناس يحكوها براهم حتى تطلعوها ؟ . 📰 الصيحة: 👈 انفراج نسبي بالمصارف وانحسار ”الصفوف” بالصرافات الآلية 📌 والله قايلها مصارف الامطار والسيول .. .. 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست