👈 في سنة 2014 السيد الرئيس عمر البشير يقول : العندو رأي في قانون النظام العام أحسن يراجع دينو ويغتسل..... . 👈 في سنة 2019 نفففففس الرئيس عمر البشير يقول : قانون النظام العام يخالف الشريعة الاسلامية ب 180 درجة..... 📌 ياريس عليك الله في ظل الظروف دي نظرة كدا لي رمضان... . . 📰 الوطن: 👈 الشعبي: نسعي للإنتقال بالبلاد إلي الشرعية الدستورية. 📌 شكر الله سعيكم شيلوا خاذوقكم ال جبتوهو لينا من تلاتين سنة دا وادونا عرض اكتافكم . 📰 الوطن: 👈 الكاروري يطالب بالقصاص من قتلة المعلم أحمد الخير. 📌 المطالبة بالقصاص دا امر مفروغ منه ، كلمنا عن صدور مثل هذه الافاعيل من الحكومة الاسلامية . 📰 الوطن: 👈 الوطني: لا لتخوين شباب الإحتجاجات ودمغهم بالعمالة. 📌 أحي أنا . 📰 الوطن: 👈 البشير إلي أديس أبابا للمشاركة في القمة الإفريقية. 📌 والله البشير دا مطظظ لنا طظيظه بنت كلب . 📰 الانتباهة: 👈 الشعبي: الحكومة”غرقت وما بنطلع منها”. 📌 نتمنى لكم غرقا مبرورا وغطسا مشكورا وربنا يجعلها آخر الغرقات . 📰 الانتباهة: 👈 الحزب الحاكم:”تسقط بس” سيحول السودان لوطن مدمر. 📌 فعلا الجمل مابيشوف عوجة رقبتو . 📰 الانتباهة: 👈 اجتماع في البرلمان لبحث إنهاء إغلاق الجامعات. 📌 بالبخرات ؟ . 📰 الانتباهة: 👈 مصطفى عثمان إسماعيل: الاحتجاجات ضد أوضاع اقتصادية سيئة. 📌 او بمعنى آخر عشان ما نبقى (شحادين). . 📰 الانتباهة: 👈 غرف النقل: لا تأثير لرفع سعر الجازولين على القطاع. 📌 قريتوا ليها (يا نار كوني بردا وسلاما) والا جاءت كيف دي ؟ . 📰 الرأي العام: 👈 محمد الأمين خليفة: الشعبي مؤسس”الإنقاذ” تخطيطًا وتنفيذًا ولن نترك السفينة تغرق. 📌 مع السلامة انتو والسفينة الله لا جاب باقيكم . 📰 الرأي العام: 👈 الرئيس الهندي يتعهد بتعزيز العلاقات مع السودان. 📌 كتر خيركم كفاية علينا (كرسي الصحة الابدية). . 📰 الرأي العام: 👈 الدرديري: اتفاق بانقي سيقدم للقمة الأفريقية لاعتماده مرجعية للسلام. 📌 الدرديري دا عامل زي المرأة ال بي ترقص رقيص الرقبه في موسيقى جيمس لاست . 📰 أخبار اليوم: 👈 إجراء أول عملية للنخاع الشوكي والشلل لمواطن سعودي بمستشفي الأبيض. 📌 ان شاءالله ما يطلع زي فنيلة (ميسي). . 📰 أخبار اليوم: 👈 نائب برلماني يشرع في إستدعاء محافظ بنك السودان المركزي. 📌 زيقيلم . 📰 التيار: 👈 شقيق المعلم: تلقينا تطمينات من النيابة لتحقيق العدالة والقصاص. 📌 نشيف . 📰 التيار: 👈 سلفاكير: اتفاق السلام”غير جيد” ووقعته لوقف المعاناة. 📌 نحن ذاتو اتفاقنا معاكم كان غير جيد لكن الحمدلله على كل حال . 📰 التيار: 👈 مصطفى عثمان: الاحتجاجات مبررة وهناك خط أحمر. 📌 عليك الله تعال لنا في (بري) ورينا الخط دا عشان الاحتجاجات دي عندها عمى الوان . 📰 آخر لحظة: 👈 بالمستندات..بنك شهير يتلاعب في حساب عميل بالدولار. 📌 نحن عاوزين الاسماء ، التمويه والتلاعب بالالفاظ دا شبعنا منه . 📰 السوداني: 👈 الوطني: شعار “تسقط بس” سيدمر البلاد. 📌 هو البلد انتو فضلتوا فيها حاجه ما دمرتوها ؟ خلونا نجاملكم شوية . 📰 السوداني: 👈 الخرطوم: لا زيادة في تعرفة المياه والإمداد سيستمر خلال الصيف. 📌 معناتها في زيادة جايه . 📰 السوداني: 👈 مصرع”3″ أطفال أشقاء حرقًا بالخرطوم. 📌 لا حول ولا قوة الا بالله . 📰 السوداني: 👈 المعادن: تحديد احتياطات البلاد من اليورانيوم خلال العام الجاري. 📌 استعينوا بالكاروري بتاع سيبرين . 📰 السوداني: 👈 الكاروري: الإعتداء على مواطن لصًا كان أو متظاهرًا يستوجب القصاص. 📌 يعني اللصوص الشفطوا السكه حديد ومشروع الجزيرة وخط هيثرو والحاجات دي كلها نقول لهم بالهناء والشفاء والا كيف ؟ . 📰 المجهر السياسي: 👈 أزمة بإدارة الحج والعمرة بالقضارف بسبب تعيين مديرها الجديد. 📌 المدير الجديد فيهو شنو ؟ او يكون منقول من سنجة ؟ . 📰 المجهر السياسي: 👈 مدير مصفاة الجيلي لـ(المجهر): لا توجد مشكلة في توفير البنزين. 📌 طيب المشكله وين؟ قاعد يشربه االهواء ؟ . 📰 الصيحة: 👈 النيابة: تحقيقات لمعرفة الجهات التي قتلت المتظاهرين. 📌 ان شاءالله بس التحقيقات ما تخلص الى انه المتظاهرين ماتوا براهم . 📰 الصيحة: 👈 لام أكول يعود إلى جوبا والأمم المتحدة تؤكد تراجع العنف بالجنوب. 📌 ربنا يصلح حالكم. . 📌ابووضاح📌 .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست