رجاء: نرجوا من مجلس السيادة القادم مراجعة موقفنا من جامعة الدول العربية الخلاء ولا الرفيق الفسل..... . . 🍋 مجرد سؤال وممكن تقول ما برئ: 👈 قررت محكمة سودانية، ، تسليم رئيس نادي القمة ”المريخ“، آدم سوداكال إلى دولة الإمارات بواسطة الإنتربول لمحاكمته في قضية ملف الاسترداد المتهم فيها بالاحتيال على رجل أعمال إماراتي. وأصدر قاضي محكمة جنايات الخرطوم شمال برئاسة أسامة عبدالله قرارًا، الاثنين، بتسليم ”سوداكال“ للإمارات عبر الشرطة الدولية ”الانتربول“ لمحاكمته في قضية الاحتيال الشهيرة على رجل أعمال إماراتي بمبلغ ”20“ مليون دولار . 📌 طيب... ليس لدينا أي اعتراض على حكم المحكمة ولا على (الغانون) لكن بي نسأل بس هل ممكن يوم تجي محكمة تحكم بتسليم المخلوع الى الجنائية في لا هاي والا ؟ . . 📰 فساد صندوق الزكاة: 👈 موش قلت ليكم الفساد عند الاسلاميين ديل عامل زي الأريل بتاع الراديو كلما تجره يطلع ليك حته جديدة.... يعني مثلا ناس المرور يقبضوا على سيارة عندها مخالفة معينة دا أمر طبيعي يقابله اجراء معين وانتهينا... عند الاسلاميين الوضع غير.... يعني عندك ديوان الزكاة ودا طبعا مختص بما يتعلق بشعيرة الزكاة زيو وزي لجنة الحج المختصة بكل ما يتعلق بأمر شعيرة الحج وديوان زي ديوان الزكاة طبعا من المستحيل يكون ماسكنو الشيوعيين والا البعثيين ولا حتى ناس المؤتمر السوداني لأنه الناس الفيهو يفترض فيهم يكون قدوتهم مثلا معاذ بن جبل (رض)...... يقوموا ناس المرور يوقفوا بيك أب تابع لدبوان الزكاة عامل مخالفة...... مفروض شي عادي يقطعوهو ايصال وانتهينا لكن ناس المرور بي هباشه كدا قاموا هبشوا ليك الايريال بتاع البيك اب دا وجرهوا جروا الايريال.....طلع البيك أب مركبين له لوحات سيارة كريسيدا.... جروا الايريال تاني.....طلع البيك أب ما عنده أراق جمارك جروا الايريال تالت..... طلع البيك ما براهو معاهو سيارات تانية جروا الايريال رابع طلع عدد السيارات يبلغ 43 سيارة ناس المرور طولوا بالهم جروا الايريال خامس اتضح انه السيارات ال 43 طالعة بناءا على فواتير من السهم الذهبي 📌 قالوا هسع ناس المرور بي يفتشوا لهم على سلم عشان يطلعوا فوقه لأنه الايريال بقى أطول منهم لأنه تقريبا الناس المسؤولين عن الموضوع دا من اخواننا المجاهدين جزاهم الله خير وربنا يجعله في ميزان حسناتهم فهم اكيد طلعوا فواتير السهم الذهب وجابوا السيارات من سوق عربات بوكو حرام وضربوا الفرق حتى لا يدخل في مال الزكاة فيلوثه...... الموت للشيوعيين والعلمانيين اعداء الدين .ه. .ه. 📰 الجريدة: 👈 “16” مليار جنيه جملة المخالفات في ملف فساد إدارة المياه بشندي 📌 دي حالتها شندي بس أها الخرطوم الله يحضرنا كيلها . 📰 الجريدة: 👈 جماهير عطبرة تصل الخرطوم”17″ أغسطس بقطار خاص لحضور توقيع الإعلان الدستوري 📌 عطبرة مرقت وشمسنا شرقت . 📰 الجريدة: 👈 تواصل أزمة المواصلات في الخرطوم 📌 إشتدي يا أزمة تنفرجي . 📰 الجريدة: 👈 توقف العمليات الصغيرة والغيار بمستشفى السكري ببحري 📌 أكيد لانعدام الشاش والمعينات الأخرى الله لا بارك في من كان السبب . 📰 التيار: 👈 قرار مرتقب اليوم بإسقاط عقوبة الإعدام عن عرمان وعقار 📌 الاعدام الناس ال بي يستاهلوهو قاعديييين . 📰 التيار: 👈 إطلاق سراح عدد من المدنيين المتهمين في المحاولة الانقلابية الأخيرة 📌 ياتها فيهن الأخيرات كتار . 📰 التيار: 👈 “التيار” ترصد أوضاعًا سيئة لحجاج ولاية الجزيرة 📌 فتش عن جماعة المطيع . 📰 التيار: 👈 العسكري يتوّقع رفع اسم السودان من قائمة الدول الراعية للإرهاب 📌 قالوا لكم الا تجي المدنياااااااو . 📰 التيار: 👈 معتمد الخرطوم يتسبب في أزمة بعد تشكيله لجان خدمية من كوادر النظام البائد 📌 يسقط بس . 📰 الوطن: 👈 قيادي بـ "التغيير": "بقايا النظام" تخطط لإنقلاب وفوضى في العيد 📌 إن شاء الله ديل تاني صاج لحمة العيد ما يقدروا يقلبوهو . 📰 الوطن: 👈 نقابة الأطباء: حقبة مأمون حميدة في وزارة الصحة "وصمة عار" 📌 أمحق حقبة الله لا عادها . 📰 الوطن: 👈 واشنطن: نركز على مساعدة الشعب السوداني في المرحلة الانتقالية 📌 والله نحن محتاجين المساعدة لكن مساعدة بي شروط ما عاوزين . 📰 الوطن: 👈 المخابز تتسلم حصتها المضاعفة من الدقيق لتغطية فترة العيد 📌 كتروا لنا من الأخبار ال زي دي . 📰 الوطن: 👈 "المهن الصحية ": جهات تعرقل تنفيذ زيادة البدلات والحوافز بالقطاع 📌 الجهات دافعة من جيبها ؟ . 📰 الوطن: 👈 قريباً بالوطن: كيف تم تدمير صناعة الدواء ولمصلحة من .. ؟. 📌 أيوا يا أولاد سيد أحمد جيبوا من بيت الكلاوي . 📰 أخبار اليوم: 👈 شروط أمريكية جديدة لرفع اسم السودان من قائمة الإرهاب 📌 شرط ميتينكم ذاتو . 📰 أخبار اليوم: 👈 الحزب الشيوعي يرهن المشاركة بتحول مهام مجلس السيادة إلى رمزية و شرفية 📌 رمزية نرمزها ليك وشرفية نشرفها ليك وكان أبت نحنكها ليك . 📰 أخبار اليوم: 👈 بن لبات: "لا خوف على المرحلة الانتقالية في السودان" 📌 والله فرقك من ثامبو أمبيكي . 📰 أخبار اليوم: 👈 رئيس اللجنة السياسية بالمجلس العسكري يقدم تنويرا للسفراء المعتمدين لدى السودان 📌 أوع يكون الكباشي ؟ . 📰 أخبار اليوم: 👈 اجتماع هام للجبهة الثورية بالجمعة حول الإعلان الدستوري 📌 نشيف . 📰 الانتباهة: 👈 “التغيير”:”الوطني” يخطط لانقلاب 📌 ههههااااي كلين . 📰 الانتباهة: 👈 برمة: إبراهيم الأمين لم يرفض تضمين”الاتفاق” في الوثيقة الدستورية 📌 مين دا ؟ . 📰 الانتباهة: 👈 الإسلاميون يكوّنون هيئة حقوقية للدفاع عن المعتقلين السياسيين دوليًا 📌 كان فيهم خير كان بان في ال30 سنة الفاتت . 📰 آخر لحظة: 👈 تسليم سوداكال للإمارات ومحاكمة”عبد المطلب” قريبًا 📌 جاك الموت يا تارك الصلاة . 📰 آخر لحظة: 👈 دعم سعودي إماراتي بـ”540″ ألف طن قمح 📌 كتر خيرهم لكن برضوا مدنياااااو . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست