من عجائب السودان: 👈 حسب كشف أعده المراجع العام، تورط 35 موظفاً بالإدارة العامة للحج والعمرة في تجاوزات مالية وتبديد وصرف حوافز وسلفيات دون وجه حق بلغت (559.680.33) ريال سعودي ، منها (114.832.33) ريال بطرف مدير الحج السابق المطيع محمد أحمد 📌 ناس يسرقوا أموال الحجاج ديل بعد يسقطو مفروض يرجموا زيهم وزي الشيطان... #تسقط_بس...... . . 📰 من عجائب السودان: 👈 كثيرا ما يتم ضبط كمية من المخدرات ولكن لا يتم ضبط أصحابها 📌 انتو المخدرات دي بتحرام ؟ ما عندها أهل؟ .ه. .ه. 📰 الجريدة 👈 أمين حسن عمر: على الحكومة أن تحترم القانون قبل أن تطلب من المواطنين احترامه 📌 يازول الحكومة جات بي انقلاب قانون شنو ال بي تحترمه . 📰 الجريدة 👈 الوطني: لا بديل للحوار إلا الحوار وسنقدّم أي تنازلات 📌 والله ان رقدتوا برش عديييل ماعندنا ليكم غير #تسقط_بس . 📰 الجريدة 👈 يوسف حسين: سقوط النظام ليس هو الحل وإنما بداية الطريق نحو الحلول 📌 ما عندنا مشكلة بداية بداية . 📰 الجريدة 👈 البشير يدعو الرئيس السنغالي لزيارة السودان 📌 عاوزه يجيب له كجور سنغالي والا شنو ؟ . 📰 الجريدة 👈 والي شمال دارفور يقر بوجود مشكلة مياه في الفاشر 📌 يلا دي فرصة عطاءات وتجاوزات ما تتفوت . 📰 أخبار اليوم: 👈 هارون: نقل صلاحيات البشير في الحزب لشخصي ليست تمثيلية. 📌 هههاااي أومال اذهب الى القصر رئيسا وانا اذهب الى السجن حبيسا كانت وحي . 📰 أخبار اليوم: 👈 الوطني يوجه شبابه للالتقاء بنظرائهم في الشارع لادارة حوار. 📌 يلا خلوهم يجونا في ميدان بري الدرايسة . 📰 أخبار اليوم: 👈 احكام علي متهمين بينهم اجانب بمخالفات أوامر الطوارئ رقم (٢) و (٤). 📌 ولاد ام زقدة الجابهم شنو لي بلد فيها طوارئ . 📰 أخبار اليوم: 👈 وزير العدل يوكد علي مكافحة الفساد القانوني والعدلي. 📌 أقنعنا بس ، عليك الله حاول اقنعنا . 📰 أخبار اليوم: 👈 د. نافع: المروجون لشيخوخة الوطني ويريدون إرهاب عضويته في الاسافير واهمون. 📌 عليك الله اسكت ما تجيب سيرة الوهم . 📰 المجهر: 👈 إلغاء بيع منزل رئيس الوزراء الأسبق محمد أحمد محجوب 📌 مبروك ان صح الخبر . 📰 المجهر: 👈 الرئيس الجزائري عبد العزيز بوتفليقة يقدم استقالته 📌 لينا بي فالهم . 📰 الإنتباهة: 👈 السفير المصري للإنتباهة: إقامة المخابز بطلب من الجيش السوداني 📌 طلب من الجيش والا حركات منكم عشان تأكلونا دقيقكم الملوث دا . 📰 الإنتباهة: 👈 توقيف مافيا عالمية للمخدرات بالخرطوم... 📌 عقبال توقيف المافيا السياسية . 📰 الإنتباهة: 👈 ارتفاع حالات الانتحار وسط غير المتزوجات 📌 الله يجازي من كان السبب . 📰 السوداني: 👈 هارون: سنسلم قيادة الوطني للشباب خلال 4 أشهر 📌 الشباب ديل ناس ابوهريرة ؟ . 📰 السوداني: 👈 نافع: نحن مستهدفون وجاهزون لأي منازلة 📌 خلاص تعال بري يوم 6 ابريل . 📰 السوداني: 👈 طعن دستوري ضد تشكيل محكمة عسكرية للمتهمين بقتل معلم خشم القربة 📌 محكمة عسكرية لي شنو عاملين انقلاب هم؟ ديل ناس قانلين زول . 📰 السوداني: 👈 المعارضة ترتب لتظاهرة السبت ونافع يعلن المنازلة 📌 حبابه ألف في بري الدرايسة . 📰 مصادر: 👈 ضبط (75) عربة بوكس و(8) شاحنات وقود مهربة 📌 مصادرة بس . 📰 الأخبار: 👈 تأخر صرف أجور مارس واتحاد العمال يلوم المركزي 📌 أممممك دا المرتب القالوا كاش ؟ . 📰 الأخبار: 👈 مصرع وإصابة (19) امرأة داخل بئر لتنقيب الذهب جنوب كردفان 📌 يا ساتر النسوان كمان الدخلهن البير شنو ؟ . 📰 الوطن: 👈 نافع: مستعدون لمنازلة الاحزاب العقائدية "العجوزة" 📌 أيوا ألعبوا مع بعض عجايز لي عجايز فخار يكسر بعضو . 📰 الوطن: 👈 بوتفليقة يستقيل من رئاسة الجزائر بعد اسابيع من الاحتجاجات.. 📌 تاني ياريت لينا بي فالهم . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست