من عجائب السودان: 👈 أكد ماردوخ الاعلام السوداني حسين خوجلي أن الاسلاميين يمثلون 98% من الشعب السوداني وباقي الشعب ال 2% ديل جرزان ساكت ، وقال مدير جهاز الأمن الاقتصادي السابق عادل عبد العزيز لـ"العربي الجديد" إن الهدف من أمر الطوارئ الخاص بالعملة الوطنية هو إعادة أوراق العملة من الخزائن الخاصة للبنوك، وذلك لتوفير سيولة لها وتمكينها من العمل، مشيراً إلى أن ما يقرب من 98% من الأوراق النقدية أصبحت خارج النظام المصرفي، ما عطل البنوك عن أداء مهامها..... 📌 تطابقت النسب لكن اغرب مافي الموضوع انه الاسلاميين الذين يمثلون 98% ساكين ال 2% الجرزان عشان يوردوا 98% المفقوده من السيولة للبنوك ، والله اينشتاين لو حضر زمننا دا كان مات قهر....وكان قال #تسقط_بس...... . . 📰 من عجائب السودان: 👈 اشترى أحدهم اغراض للبيت من البقاله ووضعها في صندوق العربيه وبينما هو في شارع الاربعين بامدرمان في طريقه لمنزله اوقفته دورية تفتيش مثله كباقي العربات والضابط شاب صغير قال ليه افتح الضهريه ونزل فتحها ليه الضابط شاف اكياس البقاله والعيش والخضار فقام الضابط بسؤاله قائلا الحاجات دي موديها وين ... فرد عليه موديها وين كيف يعني وليه السؤال ... رد الضابط قال له شنو؟.. ثم أردف سؤال بايخ لكن من حقي اسألك وانت ما عليك الا تجاوب ... فقال الرجل ما موديها مكان عاوز أخليها في العربية متى ما جعت آكل منها... فقال الضابط والملوخيه دي بتاكلها نيه ولا انت عاوز تتماسخ علي ... فرد عليه قال ليه الملوخيه بهش بيها الضبان ... احد العساكر وهو من ابناء حي الاربعين ويعرف صاحب العربية وعندما رأى أن النقاش سيتخذ منحى آخر تدخل وسحب الضابط بهدؤ ومرروا العربيه ... 📌 تقول لي الطوارئ مقصود منها شنو كدا.... كل يوم يمر يأكد انها لازم #تسقط_بس .ه. .ه. 📰 الجريدة: 👈 "الجريدة” تنشر أسماء”35″ متورطًا في تجاوزات الحج 📌 والله ديل الا الاسراء والمعراج ال ما عندهم فيه تجاوزات . 📰 الجريدة: 👈 جمعية الجراحين:”50%” من النواب يعملون بلا وظائف 📌 المطلوب انهم يهاجروا عشان يجيبوا مصريين مكانهم . 📰 الجريدة: 👈 احتجاجات بالعاصمة والولايات والسلطات تتدخل 📌 الفورة مليون . 📰 الجريدة: 👈 والي الجزيرة يقيل ثلاثة مسؤولين من مناصبهم 📌 محسوبين على ايلا والا شنو؟ . 📰 الجريدة: 👈 الإرصاد: استمرار انخفاض درجات الحرارة بالبلاد 📌 يسمع منكم الله . 📰 الجريدة: 👈 الكهرباء تقر بانخفاض الأحمال لتخزين المياه 📌 بدينا في الجرسة ؟ . 📰 الوطن: 👈 القمة العربية تطالب برفع اسم السودان من قائمة الارهاب 📌 حديث من لا يطاع له أمر لمن أصلا لا يطيع أي أمر . 📰 الوطن: 👈 قرارات بحل "صندوق تنمية الشرق" وإعفاء المدير ونائبه 📌 هو فضل فيه شي الصندوق دا والا فاضي ؟ . 📰 الوطن: 👈 "الوطني": انتهى عهد الهيمنة والبرلمان ليس مؤسسة حزبية. 📌 هيمنة منو بالضبط ؟ . 📰 الانتباهة: 👈 "الوطني” يختار رئيسه الجديد في أكتوبر 📌 ان شاءالله في اكتوبر ما يكون في وطني . 📰 الانتباهة: 👈 مستشار سلفا لـ”الانتباهة”: قطاع الشمال بجوبا للتفاوض مع الخرطوم 📌 قطاع الشمال ياتو فيهم ؟ . 📰 الانتباهة: 👈 "الفأر” يهدد”40%” من مساحات الذرة بالقضارف.. 📌 چي حليلو هو . 📰 الانتباهة: 👈 رئيس اتحاد العمّال لـ”الانتباهة”: استغرب لانعدام السيولة 📌 نحن نستغرب وجود الاتحاد ذاتو . 📰 الانتباهة: 👈 قرب دخول حقول نفط جديدة وآبار متعطلة للإنتاج في الجنوب 📌 ما يهمنا في شي . 📰 الانتباهة: 👈 طه يرأس لجنة إصلاح” الوطني” ونافع لجنة الحوار مع الأحزاب 📌 تاني اتلم الهناي على البتاع ليتمموا اسباب الضياع . 📰 السوداني: 👈 "مجلس الدعوة” يمنع تقييد طلاب الخلاوي بسلاسل الحديد 📌 والله قرينا الخلوة ولا عمرنا سمعنا بتقييد الطلاب بالسلالسل الحديديه الا هسع . 📰 السوداني: 👈 مسلحون يختطفون رجل أعمال من ساحة مطار الخرطوم 📌 شكلنا متجهين الى عالم البودي قاردات . 📰 السوداني: 👈 خطاب مهم للبشير بالبرلمان اليوم 📌 ههههاااي كلين،،، تاني شوفوا ال يشرب لكم المقلب دا . 📰 السوداني: 👈 السجن”5″ سنوات لأجنبي ضبطت بحوزته عملات أجنبية 📌 دا قلع راسو عديييل . 📰 الصيحة: 👈 مسؤول سابق:”56″ مليار جنيه دخلت جيوب دستوريين 📌 دي في كم يوم ؟ . 📰 الصيحة: 👈 قمة ثلاثية مرتقبة بين البشير وسلفا وموسيفيني بجوبا 📌 عاوزين يعوضوهو قمة تونس . 📰 الصيحة: 👈 نهر النيل تشرع في تسليم مشروع الهواد الزراعي للحكومة القطرية 📌 الله يستر ما تسلم المواطنين لي قطر برضو . 📰 أخبار اليوم: 👈 قرارات جديدة لأيلا بالإقالة والتعيينات وبيان توضيحي لمكتبه. 📌 مستمتعين مافي داعي للبيان . 📰 أخبار اليوم: 👈 قيادي بالمؤتمر الوطني يكشف مصير الانتخابات الرئاسية بالبلاد. 📌 نحن تاني أي قيادي بالمؤتمر الوطني غير (حمدي خارم بارم) ما بنسمع له . 📰 أخبار اليوم: 👈 وزير الداخلية في حوار مع (أخبار اليوم) : ليس هناك كبير علي القانون. 📌 يازول ما تصرح تصريات زي دي بي يفنشوك البلد دي فيها عائلة مالكة . 📰 المجهر السياسي: 👈 محكمة الطوارئ تصادر ذهبًا بقيمة”66″ مليار جنيه وتسجن المتهم”5″ سنوات 📌 المتهم المتهم والا دوبلير . 📰 الأخبار: 👈 الكودة: العرض للإسلام وتقديمه للآخرين بطريقة غير معتدلة ربما أتى بنتائج عكسية 📌 دا ما ربما يا الكودة دا أكيد وأكيد جدا . 📰 الأخبار: 👈 كبر يؤمن على دور الدبلوماسية الشعبية في تعزيز العلاقات بين الدول 📌 الدور دا لكن حايقوم به ال98% والا ال 2% ؟ . 📰 الأخبار: 👈 إجراءات لضبط مناجم التعدين والأسواق بالولايات 📌 تطير عيشتنا نحن مع الاجراءات والضوابط دي . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست