في كل مره الواحد ينزل مطار الخرطوم ويلقي نظره من الجو علي الخرطوم يقرب يبكي. عاصمه ترابه ساي. لا وظهر واحد خواجه اخر تريقة علي عاصمتنا بيقول تصدق او لاتصدق هذه هي الخرطوم عاصمة دولة اسمها السودان.
لقيتو معاهو حق والله .
شوارع متربه وبيوت متربه لونها طين طين.
يمينك الحاج يوسف ممتده ويسارك الكلاكلات للشجره وأبو ادم والمناطق الطرفيه.
حتي وسط الخرطوم تكون لافي جواها يخيل ليك الألوان زاهية وهي العاصمه مافيها الا كم عماره وبرج الفاتح ومبني الخارجيه .
اقترح كل زول يضرب بيتو جير ابيض وكلها كم صفيحة ما اظن تاثر في ميزانيه أي اسره.
والمستطيع يديها بوهيه عشان مايقعد كل خريف يجدد.وياريت لو كل شباب حي قامو بالشغله دي وما اظن تغلبوم.
اتمني من شباب الثوره كما ضربو فلول الكيزات بالفليب والجمكسين ان يتبنو و يقومو بصبع جدران احيائهم بالجير الأبيض حتي نغير من هذه الصورة الكئيبة لعاصمتنا الحبيبه.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة