عيون اهلنا في السودان كلها تترقب دخول نجم الثورة حمدوك لي دي البناية التاربخية المبهجة . واكيد حمدوك المتلفح بي هموم الكادحين والمليان بي الدموع من مشاهدات صور شهداء المتاريس حيقول من هناك الكلام البجيب الزيت .
09-26-2019, 10:47 AM
walid taha walid taha
تاريخ التسجيل: 01-28-2004
مجموع المشاركات: 4206
اخونا الكريم وليد سلامات بحب دي البناية المنصفة حب شديد . ولي الليلة ولي باكر بحبها . ما تتخيل يا وليد عدد الكيلو مترات السجتها كداري بين دي البناية وجاراتها والبنايات التاريخيات الانيقات . ما تتخيل كمية السواجة وانا البايع المتجول الهارب من جحيم الانقاذ في سنة 1995 . كنت يا وليد بحس بي حسناوات شارع ال 74 الحنينات يشترن الجينز مني مجاملة وانا المجامل الاكبر القادم من بلاد النيل المنهوب .
ارتفاع البناية الانيق المطلة علي النهر الشرقي 39 طابق . الشابين المهندسين في داك الزمن البعيد (المهندسين اوسكار نيماير ) و ( لو كوربو زييه ) ابدعوا بعد كشف الخمار عنها يوم الافتتاح الرهيب سنة 1951 .
09-26-2019, 01:02 PM
walid taha walid taha
تاريخ التسجيل: 01-28-2004
مجموع المشاركات: 4206
مرحب حبيبنا ود موسى و وليد طه مرحب بيك بعد الغياب يا وليد عثمان ما بجيب صورة بخليها على القراء عذبنا والله بالبحث هههههه هو يقصد مبنى الأمم المتحدة في الصورة التحت دي https://www.0zz0.com
09-26-2019, 03:27 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا شيخ وليد انا هنا وبي مساعدة الاخوان بحاول اكتب عن البناية بناية الامم المتحدة البازخة الجمال . البناية الما بقدر اعتب ناحية المدخل حقها . البركة في ابن الوطن البار حمدوك . حمدوك يا الوليد ح يقضي الليلة في في دي النواحي في فندق خمسة نجوم وانت عارف الفرق بين الخمسة نجوم في بلاد نجمات شارع ال 74 والخمسة نجوم في بلاد الحرابة . حمدوك ح يتضرع ويقدل وهو يتمتم بي اغنية ( الاماني العذبة تتراقص حيالي ) والملايين الاربعين تشيل معاو . .. اجدع صور المكان ده بلاي .
09-26-2019, 03:37 PM
walid taha walid taha
تاريخ التسجيل: 01-28-2004
مجموع المشاركات: 4206
Quote: حمدوك يا الوليد ح يقضي الليلة في في دي النواحي في فندق خمسة نجوم وانت عارف الفرق بين الخمسة نجوم في بلاد نجمات شارع ال 74 والخمسة نجوم في بلاد الحرابة . حمدوك ح يتضرع ويقدل وهو يتمتم بي اغنية ( الاماني العذبة تتراقص حيالي ) والملايين الاربعين تشيل معاو .
كلنا حمدوك
09-26-2019, 06:56 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا الفنان خضر سلامات وتحيات من نواحي شارع ال 74 . من ديك النواصي المترعة بي الحيوية والحركة . في ديك النواصي ممكن جدا تلمح السيد جو بايدن وممكن علي بعد امتار تلاقي د. حمدوك و حقيبتو تقنت من ملفات الاماني العذبة . ولو ما خليت بالك يا خدر في الدرب كويس حتقوم تقع تكسر سنك زي ما حصل لي عمر البشير قبل 60 سنة لمان وقع من العجلة . لكن يا خدر في شارع ال 74 سبب وقعتك بكون سببو معروف . بس السبب التاني داك لما سالت واحد من الزهجانين . قال لي المكان داك مسكون بي الجن . ... عان جاي لو سمت ظروفك يا فنان حاول جيب لينا صور البناية من الجهات الاربعة . انقل لينا كل الجمال . ولابد من كنداكات اليانكي وهن يقدلن بي احذية الكعوب الهاي هيل والفلات .. مع التحية
09-26-2019, 08:56 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
البناية فخمة فى معناها ومحتواها احرص فى كل زيارة لىمدينة نيويورك أنى أزورا فهى متاحة من خلال تور ومرشد يشرح ويوضح . هذا العام الجولة كانت أجمل لاحظت التغييرات والتجديدات، ودايما كنت اجد اخوانا من ابناء دارفور فى مسيرة هادرة امام المشن السودان القريب من مبنى الأمم المتحدة ، والبشير to icc شهدت وشاركت كم مرة فى مسيرة لاهلنا
09-26-2019, 10:27 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10336
مرحب بيك حبيبنا ود موسى طبعاً التصوير الفوتغرافي اقصى حد ليهو زاويتين او التصوير بواسطة الدرون بكون من خمسة زواية بالتتابع بالنسبة للجرافيك ممكن يكون برضو من خمسة زواية هنا فيديو و معلومات عن مبنى الامم المتحدة
09-26-2019, 10:29 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10336
يا ود موسى ال Time Square فوق البيعة :) دي مناطق نشاطك انا ما حصل مشيت امريكا و لا عندي رغبة دي بلد نسبة الأمن فيها زيرو مقارنة ببريطانيا اصحابي دعوني اكتر من مرة لكن ما استجبتا للدعوة قلت ليهم تعالوا بريطانيا جوني في الكريسماس كان انطباعم انو بريطانيا دي بلد ميتة ما صاخبة ذي امريكا قلت ليهم انا ما بحب الضجيج في منطقتنا من الساعة خمسة مساء المحلات في التاون سنتر بتقفل و بعدها بتفتح الديسكوهات و الاخيرة دي كمان ما بحبها لكن الحارات بتكون ساكنة ذي سكون المقابر
09-27-2019, 06:51 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
دفتر يوميات د. حمدوك يوم امس الخميس كان مستف اجتماعات . كلها كانت عالية المستوي . شغل مرتب ما زي جلفقة الحرامية . اشتغل في اربعة شغل الستين سنة الفاتت . جد ما كانت تلاتين سنة . الملاحظ و الواضح انو حمدوك زول مقبول جدا و متحدث من الدرجة الاولي . وهاكم بعض من الاجتماعات المهمة .
بلاي يا دكتور حمدوك قومتك من عنقريب فندقك امشي افتح الستاره الشرقية . و اجبد نفس عميق وعاين جهات منتزه عمك فرانكلين روزنفلت . عاين شديد لي ال freedoms park . منتزه الحريات والتسامح . اجبد نفس من داك الهمبريب العجيب . عشان بي جاي راجياك لملمة عربيات الكيزان المسروقة من عرق ده الشعب الفتران . اجبد نفس برضو تاني قبال ما تمرق .
09-27-2019, 01:52 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
في صفحات دفتر يوم امس الخميس من الاجتماتعات الكاربة جدا كان اجتماع د. حمدوك بي وكيلة وزارة الخزانة الامريكية . قابل الوكيلة سيجال ماندلكر . كان من الاجتماعات المهمة اتناولت في الاجتماع مع حمدوك كيفية المساعدة في الاصلاح الهيكلي للبنوك السودانية . بجانب المساعدة في برامج رفع القدرات في مكافحة تمويل الارهاب . وتعهدت الوكيلة في الاجتماع بالعمل الجاد لرفع اسم السودان من قايمة الدول الراعية للارهاب .
خضر الطيب تحية طيبة في مدينتين في العالم اذا انت ما زرتهم كانك ما شفت الدنيا...المدينة الأولى عطبرة في السودان ،أم المدائن، والمدينة الثانيةنيويورك ، عاصمة العالم ... اجمل مدينة في العالم ..انا زرت قبل كده مدن كثيرة في العالم وفي السودان ،،،في العالم زرت مدن زي برلين ، باريس ، لندن،تورنتو ، مونتريال الدوحة، دبي ، وفي السودان زرت مدن كثيرة زي الخرطوم، سنار، كسلا ، مدني، بورتسودان ، الدامر ، بركات ، ،،، لكن ما شفت زي عطبرة ونيويورك .... لندن مدينتكم ، مدينة كئيبة ومملة ، والناس تنوم من الساعة ٨ مساء،،، أما نيويورك ما في ليل ونهار ..كله نهار ...فهي المدينة التي لا تنام ..
09-27-2019, 06:22 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
Quote: خضر الطيب تحية طيبة في مدينتين في العالم اذا انت ما زرتهم كانك ما شفت الدنيا...المدينة الأولى عطبرة في السودان ،أم المدائن، والمدينة الثانيةنيويورك ، عاصمة العالم ... اجمل مدينة في العالم ..انا زرت قبل كده مدن كثيرة في العالم وفي السودان ،،،في العالم زرت مدن زي برلين ، باريس ، لندن،تورنتو ، مونتريال الدوحة، دبي ، وفي السودان زرت مدن كثيرة زي الخرطوم، سنار، كسلا ، مدني، بورتسودان ، الدامر ، بركات ، ،،، لكن ما شفت زي عطبرة ونيويورك .... لندن مدينتكم ، مدينة كئيبة ومملة ، والناس تنوم من الساعة ٨ مساء،،، أما نيويورك ما في ليل ونهار ..كله نهار ...فهي المدينة التي لا تنام ..
اتفق معاك انو بريطانيا بلاد ينوم اهلها الساعة ثمانية عموماً بحب المدن الهادئة و الساحلية على وجه التحديد عطبرة الجميلة و الجميلين اهلها كنت في طريقي لكسلا بالقطار في رحلة مع اصدقائي لزيارة صديق في السواقي الجنوبية في كسلا وقف القطار في عطبرة لمدة اربعة ساعات و كما هو معروف بأن عطبرة هي المحطة الرئيسية للقطارات في الشمال و فيها رئاسة السكة الحديد ولا بديل للسكة الحديد الا السكة الحديد يجب على الحكومة الانتقالية اعاد هيبة السكة الحديد و تأهيلها كما ينبغي تنسمت عبيرها و عبق تاريخها النضالي و الانساني و ترابط اهلها من الداخلة حتى حي ام الطيور الفاضلاب جاني صاحبي عطبراوي هو عبد الرحيم الفاضلابي بعربية لفينا نص عطبرة و الوكت كان بعد منتصف الليل البلد هادية و جميلة و نسيم الصباح , عشقتا عطبرة و اتمنيت اني اعيش فيها اما امريكا من حجم الجرائم البسمع عنها عمري ما اتمنيت ازورا رغم وجودي في بريطانيا و امريكا تبعد سبعة ساعات و دعوات الاصدقاء غلبني ازورا , وهسي من الدوحة 16 ساعة تقريبا , ما بحب السفر الطويل حدي 6 ساعات من اوربا للخليج وبالعكس
09-28-2019, 06:18 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا خضر سلام ومشكور كتير علي صور السيتي البديعة . ليلة البارحة كانت بحق ليلة السودان بعد ان توهج د. حمدوك . لكن قبل ما نرجع لاحديث عن حديث حمدوك المصيري بالنسبة للامة . دايرك تحدف ناحية السنترال بارك . وتكب صور ديك الجنات .
09-28-2019, 09:12 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10336
يا سلام على السنترال بارك ...وهي على ما اظن أكبر وأوسع حديقة عامة في مدينة نيويورك ...اذا ما قلنا في أمريكا... وبالمناسبة ، المراكب دي في الحديقة جربناها لكن من مكانا ما اتحركنا لأننا ما قدرنا نجدف غير خطوتين أو ثلاثة خطوات وما قدرنا نرجع المركب للمرسى في شاطئ البحيرة....لولا مساعدة الآخرين الاتفضلوا ولزوا المركب بمجاديفهم ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
walid taha
خضر الطيب
Amira Hussien
فيس بوك
تويتر
انستقرام
يوتيوب
بنتيريست