|
|
|
 Re: حمدوك في زيارة واشنطن لو قدر ينفرد بي ديل (Re: Osman Musa)
|
نفر من دي الاسرة المحبة لكل ما هو سوداني ممكن تلم حمدوك بي الشيخ هنري كسنجر .
والشيخ كسنجر هو سيدا . هنري اسمو لحاق بعيد . وحمدوك لو قدر يحنك الشيخ عينك ما تشوف
الا البيرقر . بعض الامريكان يحبوا حنك انجليزي السودان القديم .
واكيد حمدوك بي داك الحنك حيطلع في الكفر
| |
  
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Gafar Bashir)
|
واهم حاجة هو يكون رئيس وفد السودان في اجتماعات الجمعية العامة ويلقي خطاب السودان ، ولازم بكون خطابه قوي شديد ، ويستعين ب جهابذة السياسة والدبلوماسية في صياغة الخطاب ،،،ويؤكد فيها أن السودان الان دولة ديمقراطية ١٠٠ في الميه ، وأن القضاء السوداني أصبح مستقلا ويؤكد أن لا إرهاب في السودان ، ويطلب من الدول الغنية تقديم مساعدة مارشال للسودان وإعفاء الديون الخارجية بالكامل لان السودان بدأ عهدا جديدا ....والان الفرصة مواتية لحمدوك بمخاطبة العالم كله ....
| |
|
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Osman Musa)
|
لازم ولازم ولازم حمدوك يجد فرصة مقابلة تلفزيونية
يتحدث فيها عن العلاقة الجديدة بين السودان وامريكا .
مقابلة في قناة من القنوات الكبيرة .التلفزيون في امريكا مهم جدا .
والواشنطن بوست . ولابد من الوقوف علي قبر بوش
وجدع كلمتين عن الراحل بوش وما قدمة من تسهيل للمساعدات
للسودان ايام كان بوش الاب وزير دفاع . اي كلمة يقولها حمدوك
في حق بوش . تعني فك كتير من العقد وانبهال كتير
من المساعدات العاجلة .
| |
|
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Osman Musa)
|
عثمان سلامات..
رئيس وزراء دولة ذات سيادة يمثل غزة و كرامة شعب بحاله.. عاوزه يتحاوم على مسؤولين سابقين؟
المرة هذه السودان لا يحتاج يتسول اموال او حتى مواقف. اقترح عليه الحديث مباشرة مع نده الرئيس
الأمريكى .. و لو قدمت له دعوة من الكونجرس ممكن يتكلم فيه. و تكون لفتة طيبة لو زار متحف الهولوكوست فى العاصمة واشنطن.. تلك المجزرة التى تعتبر وصمة عار و نقطة سوداء فى. تاريخ البشرية.
لازم يكون تقيل.. الخفة تفقده الوقار و الاحترام تبعا لذلك.
| |
|
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Abureesh)
|
الاخ ابوالريش سلامات .
تقيل ؟ تقيل دي حركات سعوديين بس .
صدقني السودانيين بخلاف الكيزان ناس محبوبين جدا في العالم كلو .
بس سل منهم الكيزان .
دحين داير اقوليك تفتيش الرجل لي مدخل ضروري .
واكيد حمدوك قدرها وقدود . كان حضور كان توصيل رسالة . كان لغة .
بي الجد نرجو له التوفيق
| |
|
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Osman Musa)
|
التفتيش لمدخل لشنو يا اخ عثمان؟
هو عنده الباب .. و دخل البيت من بابه.. البيت الابيض. و ليس من باب النسوان.
هذا اسلوب الانقاذ.. كانوا على علاقة قوية بالابواب الخلفية بما فيها السى اى ايه..
و حتى لو فرضنا جدلا ان تكون اتصالات فهذه لا يقوم بها رئيس الدولة او رئيس الوزراء..
و انما شخصيات تتساوى بروتوكوليا مع الاطراف المستهدفة مثل الرؤساء السابقين
او مواطنين عاديين لهم معارف و علاقات. و بمناسبة تقيل فهذه صفة السودانيين التى مرغها
الانقاذيون فى التراب.
| |
|
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Abureesh)
|
الاخ ابوالريش سلامات
ومشكور علي الكلام الواضح . لكن برضو دخلة البيت الابيض
من الكاربت الاحمر ما بتكفي .
انا قاصد ليك الدخلة المجلجلة . الانقاذ بعد الحركات البليدة كرهت الامريكان
في التعامل مع السودان . وبعد ٣٠ سنة لابد من يكون في تحضير وتعريف
بي السودان الجديد . والتعريف صدقني لو كان عبر واحد من مراكز القوة
في امريكا يكون ده المطلوب .
يعني لو بتتذكر عليك الله ارجع لي بيل كلينتون الامريكي لمان فكر يعمل
دعايتو الانتخابية استعان بي منو . عشان الشعب يعرفو .
وعشان الدعم . والله حمدوك يا اخ ابوالريش زول فيه العشم
ويستحق النجاح .
| |
|
|
|
|
|
|
|
|
|
Re: حمدوك في زيارة واشنطن لو قدر ينفرد بي ديل (Re: Osman Musa)
|
وزي ما قال الكاتب الكبير تاج السر الملك : قال حمدوك شغال في مجالو .
نعم الرجل مكرب مجالو تكريب السنين . وخابر بطون عواصم العالم وجحور
التمويلات وصوالين الاتفاقيات . وعندو الكاريزما النايوليتية البتوديهو لقلوب
الناس وعندو اللغات .
وسامع عن انو بي اللغة الانجليزية بدقش لهجات اهلنا في تنزانيا دقش رهيب .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
Abureesh
فيس بوك
تويتر
انستقرام
يوتيوب
بنتيريست