في بدايه سنه 1987 و انا بكابس في السفر لبلاد العم سام قدمت لي بت خالتي لمنحه دراسيه في الجماهيريه العظمي و طبعا دي ليبيا ..لانه بعد ضربوهم الامريكان سنه 86 بقت دوله عظمي ..المهم سافرت في منحه الالف طالب و الدفعه الاولي كانت مكونه من 379 طالب و انا رقم 377 لاني ماااا كنت مقتنع شديد و للسفر قصه طويله لا مجال لذكرها
معاي طلاب كتار كانوا بيدرسوا صيدله و بيطرة في جامعه الخرطوم و خلوها عشان يخشوا طب.. قاموا الليبين اي زول علمي ودوه علوم، و اي زول ادبي ودوه تربيه الا العبد لله علمي و رغبتي ادرس علوم ودوني تربيه بس كده..تسالهم يقولوا ليك الله غالب..
المهم بعد جهد جهيد قالوا لي امشي العلاقات ( التقافيه) و عشان زول يفهم قصتي دي كانت مشكله مافي زول مستعد يسمع 😭😭 ..كل يوم امشي و ارجع قام واحد من السودانيين قال لي اكتب طلب و قدمه مكتوب الناس ديل ما حا يسمعوك كتبت طلب منمق السيد مدير العلاقات الثقافيه المحترم التاريخ اليوم و الشهر 1987 الموضوع ..نقلي من كليه الترييه لكليه العلوم و ختمت الطلب بالشكر لكم سلفا دخلت المكتب و قدمت الطلب. ..الليبي قراه سريع و وقال لي بي زعل ده شنو ده امشي اكتبو زي الناس و تعال
انا زعلت شديد و طلعت رزعت الباب وراي و ما عارف اكتب شنو تاني ..لقيت طالب سوداني ما بعرفوا جاي لموضوع هناك سالني مالك زعلان كده ؟؟شرحت ليه قال لي كدي اديني جوابك ده مديت ليه الورقه..صاحبنا شايل ليه آله عود مسكني العود و قرا الجواب لحظات قال لي جوابك ده كلووو غلط طبعا علي زعلي داك قلت ليه قايلني ساقط املاء والله شنو؟😡 الغلط شنو التاريخ غلط لا ما غلط الليله يوم كده شهر كده لالا انت شكلك جديد الليله يوم ١٧ من شهر الطير 1368 و.ر ده شنو كمان ؟ دي شهور الليبين اي النار و النوار و المريخ و الطير و الماء و قعد يعد لي و شافني بعاين ليه باستغراب و.ر دي شنو ؟ وفاة الرسول 🤔 بعدين انت كاتب السيد و ليبيا مافيها سيد لازم تكتب الاخ .. في النهايه انت كاتب و الشكر لكم سلفا ده غلط طيب اكتب شنو؟؟؟ الفاتح ابد و الكفاح الثوري مستمر حتي النصر العربي المقدس المهم صاحبنا جاب ورقه و كتب الطلب من الاول ..طلعت انا فعلا ما بعرف اكتب و صاغ الطلب بطريقتهم ديك و دخلته تاني حتي الزول المسؤؤل استلمه و بعد ايام حولوني لكليه العلوم و طبعا بعد داك اتبحرت في علم الكتاب الاخضر و بقيت مفسراتي كبير خاصه لم الامور يصعب فهمها و تفسيرها عايز علم تقيل ..زي المرأه تحيض و الرجل لا يحيض و الدجاجه تبيض و الديك لا يبيض و المركوب ضروري للفرد و المجتمع ..
انتظرت صديقي الجديد و سالته ماشي وين ؟ المهم اقنعته يمشي معانا الداخليه في عين زاره و عرفته بالشباب بالليل الونسه دورت و ظبطنا الفول الما قال كلام و انا جايب معاي زيت سمسم اصلي من القضارف قمت سالته انت بتغني لمنو ..قال لي الجابري حقيقه احبطت لاني ما من معجبي الجابري.. قام بعد الشايات باللبن المقنن قعد ينقرش بالعود و حقيقة لم زول يغني جنبك الاستماع للغنيه و الكلمات بيكون بطريقه مختلفه
حد يشعر بالسعاده و يمشي يختار البعاد حكمه والله و حكايه تشغل اذهان العباد ناس بتتعذب وحيده و ناس بتنعم بالوداد
يا سلااااام ياخ ...ده كلام عجيب و كمان مع ترخيمه الفول ديك وقع الكلمات كان اجمل بعد سته شهور قضيتها في اول جماهيريه في التاريخ غادرت سبها مدينه الشراره الاولي ..خليت القرايه و رجعت السودان ..خليت الدحي( البيض) و المفروم( سندوتشات اللحمه المفرومه) و شبعت شاي اخضر ...لم وصلت السودان حسيت باني رجعت للحضاره... و اول يوم مشيت المحطه الوسطي امدرمان و حايم وسط الاكشاك و الليمون و المنقه و المسجلات مدوره و في حياااااة و عالم جميل
قال الدجاجه تبيض قال. الوليد السر. لندن... لا تكثروا من الفضفضة !!
في أحد سجون ألمانيا وفي حقبة الستينيات، كان السجناء يعانون من قسوة حراس السجن والمعاملة السيئة في كل النواحي.. ومن بين السجناء كان سجين يدعى "شميدث" والمحكوم عليه لفترة طويلة، لكن هذا السجين كان يحصل على إمتيازات جيدة ومعاملة شبه محترمة من قبل الحراس، مما جعل بقية نزلاء السجن يعتقدون أنه عميل مزروع وسطهم، وكان يُقسِم لهم أنه سجين مثلهم وليس له علاقة بالأجهزة الأمنية.. لكن لم يكن أحد يصدقه، فقالوا : نريد أن نعرف السبب الذي يجعل حراس السجن يعاملونك بأسلوب مختلف عنا. فقال لهم شميدث : حسناً، أخبروني عن ماذا تكتبون في رسائلكم الأسبوعية لأقاربكم؟ فقال الجميع : نذكر لهم في رسائلنا قسوة السجن والظلم الذي نتكبده هنا على أيدي هؤلاء الحراس الملعونين. فرد عليهم باسماً : أمّا أنا في كل إسبوع أكتب رسائلي لزوجتي وفي السطور الأخيرة أذكر محاسن السجن والحراس ومعاملتهم الجيدة هنا، وحتى أنني أحياناً أذكر أسماء بعض الحراس الشخصية في رسائلي وأمتدحهم كذلك. فرد عليه بعض السجناء : وما دخل هذا كله في الإمتيازات التي تحصل عليها وأنت تعلم أن معاملتهم قاسيه جداً؟ فقال : "لأن جميع رسائلنا لا تخرج من السجن إلا بعد قراءتها من قِبل الحراس، ويطّلعون على كل صغيرة وكبيرة فيها، والآن غيروا طريقة كتابة رسائلكم.. تفاجأ السجناء في الأسبوع التالي بأن جميع حراس السجن تغيرت معاملتهم للسجناء للأسوء، وحتى "شميدث" كان معهم وينال أقسى المعاملات.. وبعد أيام سأل "شميدث" بعض السجناء وقال: ماذا كتبتم في رسائلكم الإسبوعية؟ فقالوا جميعاً: لقد كتبنا أن "شميدث" علّمنا طريقةً جديدة لكي نخدع الحراس الملاعين ونكسب ثقتهم ورضاهم! حينها لطم "شميدث" خديه حسرةً، وجلس يسحب شعر رأسه كالمجنون.. 🖤 العبرة: •من الجميل أن تساعد الآخرين، والأجمل أن تعرف مع من تتكلم، فليس كل مستمع ناصح وحافظ للسر، فبعض من حولنا قد يسيئون التصرف وفقاً للموقف، وما يتناسب معك قد لا يتناسب مع غيرك..
سأخبرك بأمر من أسرار النساء هل علمتي أن الزعل والنكد والتوتر يسرق هرموناتك الأنثويه ويزيد هرموناتك الذكوريه التي تسبب لك الاكتئاب وتقلبات المزاج وعدم الرغبه في التزين والتجمل كأنثى لأنها قلت هرموناتك الأنثويه نصيحتي لك . ابتعدي عن التوترات وعن كل مايزعجك حافظي على مزاجك عالي طوال اليوم ولاتزعجي نفسك وتزعلي نفسك على أي أمر يسوى ومايسوى هدي أعصابك الزعل يؤثر على صحتك وبيطلع الشيب في راسك وبيجعل شكلك أكبر من عمرك بكثير أمر الله سبحانه و تعالى مريم عليها السلام وهي في موقف صعب بأن لاتحزن( ولاتحزني )فالحزن منهي عنه في القران لأن الحزن يؤثر على النساء ويلخبط الهرمونات ويرفع السكر والضغط ويزيد ضربات القلب ويهيج القولون الحزن يتعب جميع اجهزة الجسم الحيويه فلاتحزني ياحبيبتي أمرنا ديننا بالتسامح وكظم الغيظ وغض النظر عن أخطاء الآخرين بكظم الغيظ والعفو والصفح فالدين اوصانا بذلك لمصلحتنا لأن التسامح يجعل صدرك منشرح يجعل طاقتك الأنثويه تزداد يحافظ على هدوءك على مزاجك على سعادتك بينما الشحناء والعصبيه والغضب يقلل هرموناتك الأنثويه وتزيد هرموناتك الذكورية **تجدي السيده المتوترة دائما أنوثتها تقل جاذبيتها تقل التوتر يقضي على اشراقتها التوتر يقضي على روحها المرحه التوتر والزعل والنكد يقضي على جاذبيتها وجميل اطلالتها التوتر والزعل ينقص من جمالها يطفيء نضارتها يسحب صحتها التوتر والزعل والنكد يسرق ايامها الحلوة وشبابها عندما ذهب أحد الصحابه إلى رسولنا وحبيبنا صلى الله عليه واله وسلم قال له أوصني قال لاتغضب فكرر الصحابي اوصني قال له رسول الله صلى الله عليه واله وسلم ثانيه لاتغضب فكررها ثلاثا ماأجمل ديننا لم يترك صغيرة ولاكبيرة الا علمنا إياها فوصيتي لك لاتحزني غيري أفكارك تتغير حياتك. 👌🏼🌹
════ ❁✿❁ ═══ #منقول... 😂 قصه مباااااالغه😂 ..... ..... وحده بتحكي انا متزوجة وعندي 5 أطفال الحمدلله وراجلي شغال رزق اليوم باليوم وحياتنا حلوة ومبسوطين وكنت داخلا لي صندوق مع نسوان الحلة على قدر حالنا
اها أدوني صرفتي قلت امشي السوق اجيب للشفع ملابس صيف ماعندهم وفعلا مشيت السوق اشتريت حاجاتي وانا بحب عصير العرديب قلت أمشي الكافتريا اشرب لي عصير وارجع البيت.
دخلت الكافتريا لقيتا مليانة
المهم في واحدة قامت وانا قعدت في كرسيها وبديت اشرب في العصير كان اشوف ليك راجلي الما بيغباني قااااعد مع بت وديك يا الجدادة ومعاها شوربة والبطاطس الشبس وكمية من الحاجات وانا و أولادي ناكل في الفول والعدس
هو ماشايفني طوالي مشيت لي بتاع الكاشير قلت ليهو أدينى كيس. شلت الكيس ومشيت على طريبزتهم شلت الجدادة ختيتا في الكيس. طبعا رفع رأسه شافني لمن اتهجم والبت تعاين لي مخلوعة أظن قالت دي مجنونة ولا اشتغلت بيها. والناس دي كلها تعاين لي وشربت الشوربة حقت البت كلها وختيت الكورية. قلت ليها براحة كدا انا مرة عمو دا.
البت في لمح البصر اختفت وهو طوالي اتخارج وانا لميت باقي الاكل لي أولادي ومافي اي حركة .. بتاع الكاشير حارقو الشمار قال لي لوسمحتي في شنو؟
قلت ليهو ما في شيء دا راجلي قاعد يحب وانا قبضتو .. الولد وناس الكافتريا ماتوا بالضحك.
ورجعت البيت واكلنا انا واولادي.
قالو لي ياماما دي جبتيها من وين؟
قلت ليهم رزق من الله.
وراجلي رجع متأخر البيت شال سريره ختاهو جنب الباب تحسبا لي اي طارئ.
الأولاد مشو ليهو بالعشا قال ماداير
ولدي الصغير قال ليهو يابابا الليلة ماما جابت لينا جدادة.
قال ليهو اي عارف.
بعد الشفع نامو جاء قال لي البت ديك كانت عندها مشكلة وكنت بحاول احلها ليها وكنت حا اجي اكلمك
قلت ليهو انا مامشكلتي في البت!! مشكلتي في مائدة الرحمن العاملها ليها دي.
😂😂😂😂😂😂😂😂😂😂😂😂
واعيه لكن😂 تخيل الزول يمشي للقمل طواعية..!!
كنا في الابتدائي في الشتاء الحمام ده بتتمرد عليهو تمرد جون قرنق ونص الفصل مقمل قمل تاريخي والصواب الابيض ده ما بديك الدرب ياخ ناس مية غرب ديل الحصة كلها يتحكحكو وينكرشو..اها مرة كده قلت ياخ اجرب القمل ده واقمل ياخ مع فردي ديل فقمت شلت قملة كانت سارحة نواحي رقبة واحد منهم وختيتها في شعري ههههههههه وياخ بعد كم يوم كده عينك ما تشوف الا الكرش والحكحكة ياخ القمل ده بق كبار كبار وسرح ومرح وبعد علاج وقبقبة من الوالدة اخدت فترة طويلة قمالي نحرير... ياخ حلقوني صلعة ومسحوني بقرض مع زيت سمسم لمن راسي اندبغ ياخ اها احنا الزرعنا القمل انتو منو...؟؟ عبد الكريم الأمين.... .....
في مسلسل رأفت الهجان الشهير ، الكاتب صالح مرسي مؤلف المسلسل ذكر لقطة مهمة و ظريفة جدا ، اشار فيها للمجموعه التي كانت حول رأفت في إسرائيل حيث كان منهم ضباط جيش وتجار وسياسيين ........... هؤلاء كانو ا يدافعوا عن تصرفات الحكومة ويرقصوا يغنوا ويطبلوا لاي عمل يقوم به الجيش ...... ★ الا واحدة هي سيرينا اهاروني التي قامت بدورها الممثلة تهاني راشد كانت الوحيدة التي (( تنتقد )) تصرفات الحكومة بل احيانا تدافع عن مواقف العرب و تهاجم افعال الجيش لدرجة ان رأفت نفسه كان يزعل منها حتى يحبك دوره .... ★ ولما عرض رأفت الاسماء والصفات على القياده المصرية أنذاك كي تختار بعضهم للتجنيد لصالح مصر، و كان يظن ان اول شخص سيقع عليه الاختيار هي تلك المرأه؛؛؛؛؟؟؟ لكن العكس هو ما حدث فقد رشحت المخابرات اسماء المزمرين والمطبلين والمصفقين كي يتم تجنيدهم.... وهنا تعجب رأفت من عدم اختيار سيرينا اهاروني وهي اشد المنتقدين للحكومة الاسرائيلية ومتعاطفة مع العرب..؟؟؟؟؟ لكن الجواب كان بأن سيرينا اهاروني هي اخر شخص تفكر بتجنيده لانها::
(((( اكثرهم وطنية واخلاص لوطنها ..))))
.لا يعني انك عندما تنتقد السلبيات تكون خائن وعميل....!!!!! بل احيانآ يكون العكس. ويكون المطبلين اول من يبيعون الاوطان بشعاراتهم الكاذبة. مجاهد قاسم... .... ازمه حااااده في المشاعر البنات السمحات ديل وحات الله عارفات روحن تلقي الواحدة لابده ليك كده في ركن زي الكمثري في رفوف الفكهاني مشيت لي وكالة سفر كده مع واحد صاحبي ماشي القاهره ده كمان بمرقا لي مصر بجيب زراير الزراير الوااااحدة دي قلت ليهو عليك الله انت الزراير دي هسه دايرا ليها مشوار قدر ده وهي ذاتا البشتريها منو قال لي السودان ده كان جبت ( نمل ) بتباع غايتو الزول ده جهجه لي النظريات الاقتصادية القريتا كلها كدي خلوني من الزراير الكلام في ( الزراره ) اللقيناها في الوكالة ياخي دي جنس قيامه قيامه وربطت لابسه ليك الطرحة دي كيف وزي ماقال الغناي لفت قلبي زي لفه طرحتها اللافحابا واييي حاجه في محلها والعجب العيون شدة ماكبار لما ماقادره ترمش وبتشرب ليها في أنناس انا ماعرفت العصير في الكبايه ولا الكرسي من شده ماحلقها ناصع بعدين هي النوع داك الباسم خلقه وتحس بيها نعسانه كده وهي مفتحه (ناعس الاجفان) والكلام براااحه مش ذي فلانه ديك (ورجغك ورجغك) بس مكنة خياطه ولا الظرافه والذوق واللطافه والله وقت قالت تشربو شنو ؟؟ داير أقول ليها نشرب السم نحن ماخلاص شربنا وانتهينا خلينا نتفرج بس في البتشربي فيهو دا الكويسه حظنا الضارب ده اول مره يصدف لقيناها فاضيه صحبي قال لي البت دي اول مره تكون ماعندها زباين عادة بكون واقف صف طويل عريض نصهم مامسافرين بس ياخدو ليهم قعده قداما كده اي واحد( يلتخ ) ليهو بلد من راسو وهي تديهو الأسعار ويبقي مارق ولا بكون فاهم ذاتو هي قالت شنو اهااا قعدنا ليك انا والاخو في كرسيين قداما اهتمت بزولي دا شويه عارفاهو زول (زراير ) وزبون وانا ( مزرزر ) في النص بس أعاين قالت ليهو التذكره عايزا بالمصريه ولا أحسن ليك السودانية انا هنا ماقدرت اصبر قلت ليها السودانية لو زيك كده انا ذاتي بالسودانية والله يااخوانا اخدت ليها بسمه كده لمن جاني ابو الشهيق بسبوسة وعطنوها في عسل نسيت ليك المواصلات والزحمة والكتمه آمنت بالله قال ليها ده بكري صاحبي قالت لي اهلًا بيك اتشرفنا ولو مسافر اي مكان نحن تحت الخدمة طوالي جاني صداع قلتا ليها نسافر وين نحنا نخلي البلد دي البلد دي لسه بي خيرا والله صحي السودان ده حلو بي ناسو اها صحبي حسا بي منبهل كده حاول يلمني قال ليها بالمناسبه بكري ده رجل اعمال قلتا ليها في الحقيقه انا (رجل رمتال) صحيح انا رجل والرجال قليل ...لكن لسه الاعمال ماجات الله يصلح اعمالنا بس والله البت دي ادتني نظرة إعجاب كده بي كلامي ده لما راسي لف وانا لفيت عكسه قالت للضو دا صاحبك ده زول مريح ولطيف اتخيلت نفسي (بندول) انا غايتو الليله الا (اضبح) لانو بنات الحله عملو لي نفسيات موده بت جيرانا عصعوص ديك شابكاني ليك مالا رقبتك ملويه واضنينك ديل مالم يابكري وجبهتك الليله ناطا كدا مالها تعالي اسمعي (لطيف) دي اخدي ليك نقله الله لا جاب باقيكم ياخ والله فعلا الدنيا لسه بخير المهم فردتي خلص حاجاتو قلت ليها انتي اسمك منو اااالسمحه عشان لو جينا مره تانيه قالت لي أنا (اخلاص) اخلاص الأرباب قلتا ليها وانا بكري بكري الحباب ماشفتو الضحكه الضحكتا النوع داك البتروح فيهو العيون وممكن تروح فيها انت ذاتك وقبيلتك كلها اقسم بالله لو عندي قروش كان قطعت لي تذكره لأي محل بس عشان اعز البت دي ينعل ابو الفلس ذاتو الله يحفظك انتي طلعنا من الوكالة والله ذي السافرت وجيت مرات الزول بحتاج لي جرعات ذي دي في الحياة تجدد الخلايا العاطفيه ورقاد السهله دا غايتو الناس المالاقيه طريقة تسافر بس يجوا لي اخلاص دي يسألوها من التذاكر والاجراءات ويرجعوا البيت بكونوا سافروا وغيروا جو الله يغتيك يا اخلاص قلت لي الفرده (زرارتي) دي انقطعت لو جبت زراير عليك الله اديهم اخلاص دي بجي آشيلم منها صدقوا قال لي سمح ودعنا السمحه قلت ليها فتناك بعافيه مع انو كيفن افوتك وانتي عشراقه الفرح الواقفه في حلق الظروف وهاك ياابتسامه تاني من النوع الاحلي من ديك كل المطلوب منك حق المواصلات لحدي الوكالة تكون سافرت (اخلاص) وشربت اناناس
ح احتفظ باسم الاخو لدواعي امنيه والعايز اسم الوكاله يجيني خاص...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف اليزل برعي البدوي
فيس بوك
تويتر
انستقرام
يوتيوب
بنتيريست