(adsbygoogle = window.adsbygoogle || []).push({}); زمان زمن الزمان كان زين ...جيت من الجامعة يوم العيد للسجانة بيت جدي عبدالله الامين ودخلت لقيت اولاد عمي كلهم ظريقين ونظيفين وحالقين ليهم حلاقة العيد وصدمني ان اجد نبيلة ايضا بنت عمي الصغيرة حالقين ليها مايكل جاكسون زي الاولاد الباقرين قلت ليهم ده شنو ؟؟ قالت لي حبوبة عشة الله يرحما ما شفت يا عادل الاولاد ديل كلهم سقتهم سوق السجانة لحلاقة العيد والبت دي قالت الا تمشي معاهم ونسيتا معاهم في الحلاق.. وهو في فكرة جنوبي ظريف اسمو جميس صديق العائلة وحلاق العائلة ايضا ومشت عشة تجيب الخدار ..لمن رجعت لقتو حلق للجميع بما في ذلك نبيلة قالت ليه عشة : يا خرابة يا جيمس دي بت ؟؟ قال ليها اعرف كيف انو بت يا هاجة آآشة ؟!!! ...يعني اجر اسروال اشوف بعدين اهلق ولي كيف!! والله اليوم داك ضحكت ضحك الجبال واشوف نبيلة بي فستانا بتاع العيد وحالقة مايكل جاكسون بالله مش تمييزايجابي تمام ,,,يا ريت تقوم المحاصصة علي طريقة جميس دي ونجيبو الله يطراه بالخير لو ما مات او مشى الجنوب يحلق لي المجلس السيادي كله صلعة ونكون متساوين ونتخارج من نسبة 40% دي في الحكومة كمان صلعة بس وتنهي مشكلة كيف يحكم السودان الفالقننا بيها دي https://up.top4top.net/https://up.top4top.net/
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة