|
|
|
 Re: جو رهيب في الخرطوم (Re: Gafar Bashir)
|
زحمة شديدة يا خضر علي مطاعم القراصة .
والطلبات كلها قراصة 8 لينية بالتقلية مع طافور شطة قبانيت ماركة بمبان .
واحد مسطول شاف تاتشر واقف جمب المطعم قال ليهم والله الجو ده جو متاريس ههههها
| |
  
|
|
|
|
|
|
|
|
Re: جو رهيب في الخرطوم (Re: Osman Musa)
|
في دردشة قديمة في سفرية بين دبي ونيويورك كانت جارتي
في المقعد الجمبي علي طيران الامارات سيدة امريكية من نيويورك تشتغل في
السياحة والسفر .. وكان عندها حماس عجيب وافكار حلوة عن مشاريع سياحة
في السودان .. ساعتين و السبدة دي تضرب في النبيز الوردي وتحكي عن
السياحة في السودان في زمن الفيضان .
والسيدة عندها كل الحلول والامكانيات مهما كانت الشدايد . زولة مهتمة جدا بي
سياحة مشهد مقرن النيلين . في زمن الفيضان . يجوز نحن في السودان
ما ندي المشهد اهتمام . لكن في الغرب المشهد ده بتدور حولو حكايات وحكايات .
امس ديك السيدة الجميلة والله اتذكرتها بالخير . عليك الله عان النعمة دي
| |
|
|
|
|
|
|
|
|
|
Re: جو رهيب في الخرطوم (Re: Osman Musa)
|
شوية من مكان واقف في نص ضهر جسر شمبات من جهات الشرق
جراني صوت موسيقي هناك . مشيت عليهن 3 بنات في عمر الزهور بي العبايات
الفي نصهن بتعزف في الة كلارنيت بي صورة بديعة . وهاديك يا صبة . البنية
بتعزف في اغنية يا ناسينا للفخيم وردي .
هي يا جماعة دي اغنية يا ناسينا بي لحمها ودمها . تتتتتتا تررا تتتتا تيلا تيلا تتتا .
هسع اعمل شنو ؟
اخد تلات شبحات للخلف وانط في البحر والحق مصطفي سعيد في موسم الهجرة للشمال ؟
عزف زي ده ثم دندنات ثم شيل نفس وخت نفس من 3 حوريات نيل والجو العجيب .
احلف ليكن يا جماعة السودان ده تصليحو ما صعب . بعون الله .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
فيس بوك
تويتر
انستقرام
يوتيوب
بنتيريست