|
|
|
 Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
سلام يا عظمة
و أرجو ان تكون بخير
إتفقنا او إختلفنا مع ذو النون ، لكن
للأمانة الحصل ما كدا !
ذو النون وصل المطار و توجٌه مباشرة لميدان الإعتصام
فعلاً كان هناك مجموعات كبيرة من الشباب رافقته و كانت متحمٌسة جدا لدرجة انها رفضت ان يخضع للتفتيش مثله مثل الآخرين
و لكن ذوالنون رفض ذلك لدرجة انه صاح غاضباً في اتباعه و قال ليهم انا داير إتفتٌش زيٌ و زي باقي الناس و تم تفتيشه
بعدها دخلوا ساحة الاعتصام قرب المنصة و كانت المجموعات التي مع ذوالنون كبيرة جداً و بدأت تصيح و تطالبه بصعود المسرح و المخاطبة
و طالبت الجموع بإعطاءه المايك !
الوقف كان محرج جدا في ظل هياج و غضب بعض المعتصمين المحبين ل ذو النون و هددوا بتكسير المسرح
مما اضطره لصعود المسرح و قدٌم إعتذار للجنة المسرح و الفرقة التي كانت تغني
و قال كلمة مقتضبة جداً و حاول النزول معتذراً
و لكن بدأت الجماهير تصيح مرة اخري و قالوا ما عايزين فرقة
عايزين ذو النون يتكلم !!
فقام إرضاءً لهم بإلقاء قصيدة البرجوكي و قد تم قطع الصوت قبل ان يكملها !!
الموقف حقيقة كان متوتر جدا في ظل الحشود الكبيرة التي رافقته من المطار الي القيادة
بالعكس ، رغم اختلافي مع ذو النون و لكني وحدته قد تصرف بحكمة و لباقة لإمتصاص هياج بعض الثوار
رغم ما في الموقف من حرج بالغ !!
تحياتي
| |
 
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: امير بوب)
|
بوب سلامات
تابعت اللايف مثار البوست، شفت بأم عيني ان الرجل
صعد الي المنصة لوقت وتحول الأمر الي فوضي
من بعض الحضور وهددوا بتكسير المسرح
الزول دا عاوز يبقي زعيم من زمان، سبق طرح نفسه
مرشح لرئاسة الجمهورية، عاوز يقود الحراك الثوري
دا باي طريقة، في واحد من لايفاته يهاجم تجمع المهنيين
وشكله عنده احساس الموضوع هنا في الخرطوم اتقفل صاح
قوي الحرية والتغيير وتجمع المهنيين مسيطرين علي ميدان الإعتصام
ومسيطرين علي المسرح السياسي فما في طريقة
الزول يبقي قائد ينتظر مع باقي الكيزان ال 4 سنين
ويجهز للإنتخابات، لكن السلطة الإنتقالية يشمها قدحا
تعرف يا بوب الزول دا إذا عمل ايه منصة كاربة
في ميدان الإعتصام بيكون خيب ظني وتوقعاتي
الكيزان بيقروا من كتاب واحد، لافي كوز تائب
ولا في كوز بيعقل
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
Quote:
واحد اسمه ذو النون
|
صعبّتها ياعظمة يأخ .. !! ..
مالك جعلته نكره !! الزول ده انتظرته جموع بالآلاف في المطار ..
لو ماك مقتنع بيهو (زيي كده ) خاف الله فيه ..
أديهو وضعه الأدتوا ليهو الآلاف الانتظرتو والمتابعه اللايفات بتاعته ..
ــــــــــــــــــــــــــــــــــــــــــــــــــــــــــــــــ
ياربي تكون قاصد ذا النون تاني .. 
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: منتصر عبد الباسط)
|
ياهو زاتو يا ود القوز
الكوز الموهوم دا، انا مخصوص ما كتبت اسمه في عنوان البوست
كادر حشد، ةقام بي دور كل الناس تابعت ما فعله شباب كثر
عبر البث المباشر في فيسبوك كثير من القيادات الحزبية
الشابة كانت بتشتغل لي تجرد، اغلبهم همهم نجاح الثورة
ورجعوا السودان دون هذه الهيلمانة
اما زولك دا يا ود القوز عاوز يركب فوق طوالي
من المطار عامل فيها جيفارا
هو ما عارف الناس شغالة تناضل 30 سنة
وفي ناس ماتوا وضحوا بي حياتهم حتي يتحقق
هذا النصر الكبير للثورة السودانية
الثورة دي فتحت الباب للعمل وليس للمكاسب والمغانم
ينتظر ال 4 سنوات دي مع باقي الكيزان أصحابه وما يعمل
جوطه علي الفاضي
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
كل السودانين دعموا الثورة دي كل من مكانه
بالطريقة المتاحة والهو بيشوفها مناسبة
مثلا بكري علي قام بي دور كبير في موضوع
الدعم المادي وفي موضوع عرض كفاءات سودانية
الزول دا جا السودان وقعد 6 ايام في ساحة الإعتصام
ورجع دون جوطة وضوضاء
الزول موضوع البوست يبدو أنه مختلف
وربما يسبب صداع لتجمع المهنيين في ميدان الإعتصام
لازم يتعاملوا معاه بي حزم حتي لا يتسبب في شق
الإعتصام، الشخصية الوحيدة اللي عملت بلبلة
ومؤكد سيجد دعم من فلول الكيزان الحيعملوا فيها
ثوار ومعتصمين..
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبداللطيف حسن علي)
|
لست من المهتمين بذي النون، شاهدت له عدد من الفيدوهات قبل فترة ولم اجد عنده ما يستهوني
هتافي وسطحي في طرحه ويحمل كماً من التناقضات..
قبل قليل شاهدت فيديو استقباله في مطار الخرطوم
ظاهرة غريبة وغير مفهومة
هل لذي النون كل هذا التأثير والشعبية أم أنها اجواء الثورة ام هنالك شيء آخر خلف المشهد؟
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Hafiz Bashir)
|
إنت يا حافظ جبتها
ما حدث اليوم في ساحة الإعتصام
تحول خطير يجب أن يتم تداركه
لأول مرة يهتف الحضور بتكسير المسرح
الكلام دا لا طالع من ثوار ولا طالع من معتصمين
حسب قرايتي الشخصية
دي مجموعات عاوزة تعمل بلبلة
لقت في الزول دا فرصة، تستخدمه
وتهدد وحدة الإعتصام بإفتعال هذا الهرج
وتمرير عبارات العنف والتهديد داخل ميدان
الإعتصام، ربما الناس الإستقبلوه بعض منهم
من متابعي لايفاته، ولكن مؤكد أن كثير منهم
حضور مستجلب ليقوم بدور مرسوم
الحذر ثم الحذر
| |
|
|
|
|
|
|
|
|
 Re: تصرف حكيم من تجمع المهنيين في المنصة اليو� (Re: Hafiz Bashir)
|
ليه الزول دا ما جا بعد التغيير وليه فى التوقيت دا بالذات مع ضغط قوى التغيير ومحاولات انصار النظام البائد الناطق باسمهم الداغشى الفرفره بمسيره الاثنين ؟؟؟؟؟؟!!!1
قرات كم مره فى الوسائط عن اتجاهو لانشاء كيان منفصل عن قوى التغيير والحريه.
هذا الكائن لم اقتنع بصراخو من اول يوم فى مطاهره قبلمايهرب الى الى ماليزيا .هل هو من طينه اخرى غير طينه الشباب الاستشهد ؟؟
كيف خرج وكيف عاد ؟؟ هل كان اسمو محظور زى خالد عمر يوسف ؟؟؟
الزول حولو علامات استفهام واخاف ان يكون حضورو لشق صف وحده الثوار لصالح الكيزان.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبداللطيف حسن علي)
|
ياعزيزي،
كونو وقف من الاول مع الشارع فده كل المطلوب، ولايهم توجهو شنو طول ماهو مع شعارات الثورة.
ماممكن نعزل الكيزان فقط لانهم كيزان، كافراد، وبحكم طريقة تفكيرم.
ده غلط! الكيزان كافراد مواطنين كما الجميع او لهم كامل الحقوق كما اي مواطن.
بالذات الوقفو مع الثورة تحديدا، فهؤلاء لهم الاحترام. اما الهجوم علي التجمع من قواعدو، فده حق الهي، وواجب متي راي ايا منا هذا.
فده ماجريمة وانما حق، ثم واجب تشير الي البغلة الفي الابريق!
تفكيرك ماياهو ياعزيزي، ديماغوغي!
زيك انا عندي راي فيهو بيني او بين نفسي، ولكن ده مابديني الحق امنعو يقول رايو طول ماهو مؤيد للثورة واسهم اسهام مقدر له التقدير
| |
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Mohd Ibrahim)
|
يا جماعة الموضوع دا لا إغتيال شخصية ولا شئ
ببساطة الزول دا جا ميدان الإعتصام وكان مفروض يسأل
عم برنامج المنصة، ويطلب فرصة ليخاطب المعتصمين
لكن ان يحدث هذا التطور وان يهدد بعض من مرافقيه
او متابعيه بتكسير المسرح هذا الذي يجب الا يسمح به
الموضوع اكبر من شخصه او شخصيته
الموضوع وحدة ميدان الإعتصام خلف قوي الحرية
والتغيير.. إذا هو عاوز يشق الصف دا والتلاحم دا
الكلام لازم يتم التصدي له بكل حزم وقوة
الوحدة دي تمت بالدم والأرواح ما ممكن يجي
واحد كوز عاوز يعمل فيها جيفارا بي جيشه
تصرفه وتهديد بعض مرافقيه يهدد وحدة
الإعتصام ولأول مرة يدخل هذا الهتاف للميدان
وهنا الخطر... ونعلم ان الكيزان والامن الشعبي
همهم الأول والأخير هو ضرب وحدة الإعتصام
واضعاف قوة الحرية والتغيير بضرب ميدان الإعتصام
بعد الموقف الذي حدث بشكل هذا السلوم تهديد مباشر
لوحدة الإعتصام...
اي زول بيحب الزول دا يتخلص من العاطفة دي
ويعيد قراءة الموقف دا من الزاوية دي (وحدة ميدان الإعتصام)
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
يا بشاشا موضوع الكيزان دا اتحسم نهائيا
خلال الفترة الإنتقالية مافي ليهم مكان في
السلطة الإنتقالية، بي فهم بسيط
الناس ديل قاموا بي إنقلاب وقتلوا الديمقراطية
وهم سبب في العذاب والخراب البيعبشوا
الشعب السوداني ، ببساطة قوي الحرية والتغيير
هي المعبر عن قوي الثورة، وهي من ستقوم ببناء
هياكل السلطة الإنتقالية
الكيزان ينتظروا الانتخابات بعد 4 سنوات
ناس كانوا محتكرين كل شئ 30 سنة
إعادة التوازن وبناء منظومة القوانين وتفكيك
دولتهم العميقة هذا مؤكد انهم لن يقوموا به
هو ليس إقصاء بقدر ما هو ترتيب اوضاع
إنتقالية
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Mohd Ibrahim)
|
سلام يا عبدالعظيم
Quote: الزول موضوع البوست يبدو أنه مختلف
وربما يسبب صداع لتجمع المهنيين في ميدان الإعتصام
لازم يتعاملوا معاه بي حزم حتي لا يتسبب في شق
الإعتصام |
لا يوجد ما يدعو للتعامل معه بحزم
بالعكس تماماً يجب التعامل معه بكل اريحية
وبمقدار ما يقدمه للثورة
اما الخوف من شق الصف فليس من سبيل آخر غير مقارعة الحجة بالحجة
والإختيار حينئذٍ للجماهير
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Hafiz Bashir)
|
سلام ..
شعوب تصنع من الفسيخ شربات ...
اهو حميدتي عايزين يصنعوا منه بطل قومي !!
شنو ذو النون او غيره طيب هناك ايضا الضي بشارة !
مع حق اي مواطن في التعبير ...
شاهدت صورة جواز سفر زي النون به خروج من مطار الخرطوم حيث انه ادعي بانه هرب الي اثيوبيا وسافر عن طريقها لماليزيا والله اعلم ...
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Hafiz Bashir)
|
| Quote: من يراهن علي انقسام وحدة الجماهير حول مطالب الثورة فهو واهم ! |
في دينا الذي يدعو لرب واحد ويتلقى من مصدر واحد
علمائه يقولون (في الإختلاف سعة ورحمة )
وكذلك المنطق والعقل إذا وجد صاحبه مخلصا ومتفانيا ويهدف للحق والعدل.
حتى يصبح شعار حرية سلام وعدالة صادقا وليس زيفا
وأنتم تعتبرون الإختلاف خيانة وجريمة !!!
وتسعون لفرض وصاية على الناس وممارسة شمولية مدنية
حزبية اقصائية.تفرض الرأي من أعلى إلى القاعدة بدلا عن العكس
فهذا نهجا لا يوصل لخير مطلقا.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: منتصر عبد الباسط)
|
سلام لكل المشاركين
يا عبدالعظيم وبناء على كلام اخونا بوب ظلمت الراجل
على المستوى الشخصى لم اتحمس لطريقه عثمان ذوالنون الإنفعاليه- الدراميه وما لم ينتبه له البعض ذوالنون منهجيا كوز لكن كوز زعلان يبقى شعبى او وطنى دى فروقات طفيفه لاتمس جوهر الايدلوجيه
الإقصاء بأسم الثوره مبدأ خطير وتطرف بثياب النضال
بعدين الزول فعلا عندو محبين ومتابعين ارتبطوا به فى فتره المنفا الماليزى....ضع فى إعتبارك إختلاف الاعمار المرتبط بحاله هستريا تصيب teeny لرؤيتهم مغنى محبوب....صدقنى الحاله دى بتكون حصلت للبعض وربما تفسر الحماس الزائد والتهديد ب العنف إذا لم يخاطبهم من على المسرح السيد ذو النون:)
وهذا لا يتعارض مع وجود مندسين يتربصون الفرص
التفسير التأمرى للاحداث سلاح ذو حدين ويعكس حاله حيره وعدم ثقه
الشارع الواعى يسبق ذوالنون وتجمع المهنيين وكل رسل الاستناره فى الصف الاول....بسنوات ضوئيه
اها عشان ما نبقى لى زى دا الكزو ناس التجمع ينجضوا شغلهم ويعلنوا حكومتهم... قبل أن يزيد العدد حاليا حميدتى ذوالنون:)
الميدان سيبطل سحر ذوالنون وهى ظاهره قصيره المدى وليس من الحكمه معاداه التجمع عنوان الثوره
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Hafiz Bashir)
|
كنت متعاطف معه عطفاً علي ما قدمه من جهد ايام الثورة الاولي
لكنني لك اكن اعلم انه مثله مثل اي كوز (يافيها يا نطفيها) ويريد ان يفتت الوحدة باجسام موازية
كحال ال بني كوز الذي جعلوا من كل حزب عشرة احزاب
بعد الفيديو دة مفروض لو قرب علي الساحة يتدق زي الترتيب وينطرد شر طردة
..
فعلا الكوز لا امان له ولا عهد ولا ذمة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Hafiz Bashir)
|
Quote: ربما الناس الإستقبلوه بعض منهم
من متابعي لايفاته، ولكن مؤكد أن كثير منهم
حضور مستجلب ليقوم بدور مرسوم
الحذر ثم الحذر |
تحذيرك مبرر جدا (ولو بالنسبة لي شخصيا ) لأني اليوم فكرت في النقطة دي لما شفت الجموع الما اتوقعتها بالكم ده في انتظار قدوم ذا النون في المطار غايتو الزول لو وسّع زاوية الشوف أكتر وأضاف الاحتمالات الضعيفة لنظرته ممكن يخلص لنتائج مش مشجعه خالص لأن ذا النون ممكن جدا يتم تحويله لحصان طرواده لمن يتشوّق لاهتبال الفرص لينفذ لقلب الاعتصام فيعمل على ضربه وفضه لأنه من الممكن تجييش وحشد اعداد كبيرة جدا من الكيزان بجميع تياراتهم لتاييد ذا النون خصوصا مع دعاويهم المتكررة في الآونة الأخيرة فممكن يتنفذ عمل خبيث زي ده حتى من وراء ظهر ذا النون ودون ان يدري فيتم شق عصا الاعتصام وتحصل الانقسامات والاختلافات العميقة فمع سيناريو زي ده ولو كانت احتمالاته ضعيفة جدا حيكون وفي أسؤا الفروض حدوث خطر محيق على الثوار لان أي خلاف أو انقسام لجموع الثوار أمام القيادة ولو لوقت قليل ممكن يغري أذيال النظام الكيزاني المجرم بالتدخل بالقوة لفض الاعتصام وتفريق الثوار بحجج قد تتوافر أو يتم توفيرها عمدا حينها حيكون موقف تجمع المهنيين وقوى الحرية والتغيير صعب ولن ياتم احراز أي تقدم في التفاوض ده لو ما قام المجلس العسكري بطردهم وقفل باب التفاوض والحجج حتكون راقدة هبطرش وقتها عموما إن انتفت الاطماع والطموحات الشخصية لذا النون لازم يكون مشارك وسط الجموع كشخص عادي لأن الكثير من المعطيات تغيرت الآن ولكل مرحلة أدواتها نحن الآن في كثير حوجة لقوة وتماسك الاعتصام لأنه يشكّل القعلة الحصينة التي يقتبس منها قوى الحرية والتغيير وتجمع المهنيين قوته والقاعدة الصلبة التي يرتكزون عليها غايتو الله يكضب الشينة لكن كما قلت انت الحذر واجب وجموع الثوار معلوم أن مستوى شكوكهم عالية جدا ودي ممكن تنفعهم في توقّع السيناريوهات الأبعد
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبداللطيف حسن علي)
|
سلام اخ عبد العظيم عثمان
تاريخ عثمان ذو النون لم يكن متاحاً للكثيرين وهو انتمائه للهالك الترابي و فكره المقيت
و الذي قاد السودان لمنحدر خطير و دمر كل مكتسباته التي كانت راسخة منذ الاستقلال
الى مرحلة استغلال المؤتمر الشعبي و الوطني و استباحتهم لهذا الوطن بإسم الدين المفترى عليه
لا أحد ينكر مساهمة عثمان في هذا الحراك من خلال لايفاته سوا كانت من الداخل او من ماليزيا
حيث وفر له جماعة المؤتمر الشعبي ملجأ آمن
و لكن الحاجز النفسي بيننا و هذا الكوز كبييير جداً و لن ينجبر
باختصار هو لا يستحق كل هذا الإحتفاء من خلال جماعته المأجورة من المؤتمر الشعبي
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: خضر الطيب)
|
دي النقطة الرئيسية يا جمال
الثورة دي متماسكة وكتبتها الشعبية
متماسكة وتتوسع بالدرجة البقت بعبع
للكيزان.. إنا مقتنع بأنه في غرفة عمليات
خاصة بالكيزان شغالة وتدرس كل شئ
بالتفصيل، اهم معركة مع الثورة ستكون
في ميدان الإعتصام ومنها سننتقل الي
المجلس العسكري، اولا لا بد من ضرب
الإعتصام باي طريقة مهما كلف الأمر
الآن وجدوا ضالتهم في الزول
الاسمه ذو النون ، سيحالون استخدامه
اذا هو جزء من المخطط اوحتي اذا لم يكن
سيدعمونه بقوة كبيرة ولوجستيك
وكل شئ حتي يحدثوا مركزين للقيادة
في ميدان الإعتصام ، السيناريو دا ممكن يقيف
إذا رفض ذو النون إستخدامه كمخلب للدولة العميقة
التخطيط سيكون واضح، إذا افترضنا حسن النية
في هذا الرجل سيدخلون عليه بنقاط ضعفه
وبي نفس الطريقة الشقوا بيها الأحزاب
سيعملوا علي شق ميدان الإعتصام
دا خوف مبرر ويحتاج الي تصدي
وتعامل دون نوايا حسنة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: ترهاقا)
|
سلامات عظمة
رأيي في ذو النون كشخص غض النظر عن انتماؤه السياسي (السابق) انه ذو طموح للعب دور كبير و يخدم طموحه دا ويشتغل عليه بجدية, ويعرف كيف يوظف الميديا بامتياز ليخدم هذا الطموح
اول مشهد له في مظاهرة في الخرطوم واضح توظيفه للكاميرا و حاملها, حتى مشاهد مقابلته مع حمدوك في اثيوبيا امس ايضا واضح توظيفه للصور
ما تسرب من تسجيل له قال عنه انه كان في بداية ايام الثورة يقوّي احتمال ان الاستقبال الجماهيري لم يكن أمرا عفويا وكذا ربما ما جرى في المنصة
من يسمع التسجيل ومن يرى كيف زوايا التصوير يبدو له بوضوح كيف يوظف ذو النون الأمور - التي تبدو عفوية - في خدمة مشروعه
وهذا حقه بالطبع ك(سياسي) ذو طموح
بالنسبة لإنتماؤه السابق في حد ذاته ليس سببا لمعاداته او اقصائه
فا ليذكر كل من يكاكي: كوز ..كوز..كوز
أن الشهيد أحمد الخير ايقونة شهداء الثورة ايضا كان كوز رحمه الله!
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: محمد البشرى الخضر)
|
أحمد الخير لن يغسل عار المؤتمر الشعبي وذو النون ليس مفجرا لثورة!!
دم الشهيد الأستاذ أحمد الخير لن يغسل عار المؤتمر الشعبي وذو النون ليس مفجرا لثورة!! دم الشهيد الأستاذ أحمد الخير لن يغسل عار المؤتمر الشعبي وذو النون ليس مفجرا لثورة!!
والأستاذ أحمد خير - ليس هو قرشي الثورة وإنما هو شهيد مجيد - سبقته كوكبة من الشهداء الأبرار وأعقبته كوكبة أخري - ونفول هذا عن طفل الجزيرة أبا ودكتور بابكر وشهداء كريمة الخ
والأستاذ أحمد خير لم يعد معبرا عن حزبه لأنه فارق خط حزبه المشارك والحليف للنظام فدم أحمد خير الطاهر لم ولن يغسل عار المؤتمر الشعبي ولن يعطيه صك براءة ! أحمد خير - كادح وموظف فرض عليه واقعه الإجتماعي والمادي أن يقف مع مصالح شعبه وهموم البسطاء وفرض عليه وعيه أن ينحاز للحرية وأن يقف ضد الجلاد الذي يحالفه ويشاركه المؤتمرالشعبي - ويشاركه الكرسي السنوسي ومحمد الأمين خليفة ! فالأستاذ أحمد خيرإذا هو نقيض لنهج وموقف وتركيبة المؤتمر الشعبي ورديفه المؤتمر الوطني!أ**حمد خير أشرف ممن يقال في حقه إذهب للشارع قتيلا وسا أذهب للقصر شريكا!ليس هو جزء لعبة توزيع أداوار بائسة علي غرار إذهب للقصر رئيسا وساأذهب لكوبر حبيسا!
** أما وذو النون ليس مفجرا لثورة - ولايملك لامنهج ولافكر ولاماضي ثوري يؤهله لهذا الدور - مفجروا الثورة هم في قلب الشارع والثورة لم تبدأ اليوم ولم تفتح صفحات الشهادة فيها الآن - بل هي صفحات دشنها سليم وبشير والتاية ومن تلاهم فأين كان ذو النون وقتها ؟
هل كان في ضفة التاية أما في خندق قاتلها ؟ الثوار لم يسمعوا بذي النون والجماهير لم تحركها هتافيته والثورة لم يفجرها هو وأنمافجرتها عوامل موضعية ! فليواصل ذو النون ما أكتشفه من دروب النضال =صوتي أوقلمي- فهو ليس حكرا لنا أو له والحساب علي سابق مواقفنا سياتي لاحقا !-
* والخلاصة فإن عار ودنس ودموية المؤتمر الشعبي منذ 1989 والمستمرة بعد فاصل معارضة قصير النفس - مستمرة حتي الآن بإعتباره شريك أصيل في السلطة فلامجال لضخ دم علي راية الشعبي ورفع قميص الشهيد أحمد خير ليداري سوءة الحزب أو يكون عربونا لإدعاء سرقة الثورة أو إدعاء تفجيرها
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: كمال عباس)
|
نقطة نظام لو سمحتو:
هناك خلط من دون قصد، مابين متطلبات المرحلة دي، والمرحلة االلتي تلي المرحلة الحالية.
كالاتي:
(1) في تصوري، المرحلة الاولي تتمثل في اسقاط او تصفية النظام الحالي ليستلم السلطة ممثلي الثورة، في شكل حكومة انتقالية من المهنيين.
(2) قيام انتخابات ديمقراطية اساسا صناديق الاقتراع.
المرحلة (1) هي الاخطر علي الاطلاق!
لهذا لابد من المرونة الفائقة.
هذا يتطلب ان نقبل باي مخلوق ايا كان مؤيد لشعارات واهداف الثورة المتمثلة في نظام وحكومة مدنية للمرحلة الانتقالية.
بالفهم ده الف مرحب بامثال ذو النون دون اي شروط طول ما هو مؤيد لي برنامج نظام مدني للمرحلة الانتقالية.
اذا ده واقع للمعترضين علي ذو النون، فمافاهم المشكلة وين؟
لما تجي المرحلة (2) ونصل الي برها بسلام، فمافي مانع كناخبين نفتح نار في ذو النون هذا اللي واضح للكل انو هو ساكي وباي طريقة يبقي رئيس او شئ من هذا القبيل، من منازلهم، دون اي مؤهلات او تاريخ، بخلاف انو كوز!!
اي مخلوق تشوفو متلهّف ويلهث خلف المناصب، ده طوالي اختو وادو ضهركم!
ما منو فائدة اطلاقا!
يبقي في وكتو خلونا نقول زي كلامكم ده، ولكن ليس الان لانو المعادلة صفرية!
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: كمال عباس)
|
ذو النون بتاع الساعة كم كمان ؟
اي زول ارتبط مع الكيزان ديل في السابق بأي شكل وكان منظم لا يصلح أن يتولي أدنى منصب ...
كوز سابق وكان في ماليزيا كمان !!!
يعني وقت الحارة هرب ومشى ماليزيا وما تستبعد يكون خمش ليه خمشة ومشى عاش بيها بهناك ...
مشيهو لي ماليزيا لوحده كافي لادناته حيث استثمارات الكيزان العابرة للمحيطات ...
والآن بعد ما شباب الثورة روحم طلعت جاي يتزعمهم ويعمل فيها مانديلا ...
.
.
حريقة تحرقوا ان شاء الله ...
.
.
..
.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: ترهاقا)
|
هذا الرجل ليس وحده.. لو هتف ضد الحكومة فى الخارج فملايين هتفت فى الداخل و تعرضت للقتلِ.
الثورة انتصرت يا بشاشة و لا تحتاج لاحد يلمع نفسه او تلمعه جهات معينة .. تقول:
"بالفهم ده الف مرحب بامثال ذو النون"
طيب هو ما وصل فى زول مانعو من التظاهر وسط الناس واللا الفهم شنو؟
ما أخشاه ان يكون هذا الرجل ضمن خطة الشركة الروسية لانقاذ نا يمكن انقاذه من مصالحها .
المهم الشارع اهونديك.. ما فى زول مانعو.. بل الثوار يرحبون باى مواطن يركب عربة الثورة.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Abureesh)
|
موضوع الزول دا يكتنفه الغموض والريبة
دخولة المطار، خروجه من السودان
دخوله ساحة الإعتصام بي زفة عربات
الأمر ليس نظرية مؤامرة ولكن تعقيدات
المرحلة، ونية مبيتة من الرجل ومن معه في زعامة
الحراك والشارع دي معطيات لايمكن اسقاطها
مع هتاف تكسير المسرح، أمامنا شغل تم ترتيبه
بدقة لشق ميدان الإعتصام
اي زول عنده قراية تانية مختلفة يقولها
لا رغبة لي بتجريمه وهو لا يعني شئ
ولكن ما يهمني هو ميدان الإعتصام ووحدة الشارع الثوري
وضرورة تحصينه من مؤامرات الكيزان وفلول الدولة العميقة
وحلفاء الدولة العميقة من كافة الأحزاب والقوي التي تحاول
ان تضعف موقف الحرية والتغيير علي حساب الثورة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
Quote: موضوع الزول دا يكتنفه الغموض والريبة
دخولة المطار، خروجه من السودان
دخوله ساحة الإعتصام بي زفة عربات
الأمر ليس نظرية مؤامرة ولكن تعقيدات
المرحلة، ونية مبيتة من الرجل ومن معه في زعامة
الحراك والشارع دي معطيات لايمكن اسقاطها
مع هتاف تكسير المسرح، أمامنا شغل تم ترتيبه
بدقة لشق ميدان الإعتصام
اي زول عنده قراية تانية مختلفة يقولها
لا رغبة لي بتجريمه وهو لا يعني شئ
ولكن ما يهمني هو ميدان الإعتصام ووحدة الشارع الثوري
وضرورة تحصينه من مؤامرات الكيزان وفلول الدولة العميقة
وحلفاء الدولة العميقة من كافة الأحزاب والقوي التي تحاول
ان تضعف موقف الحرية والتغيير علي حساب الثورة |
السلام عليكم جميعا يا رفقاء
ما هو عشان قراْتك دي يا عظمة يبقى رفضه وطرده بصورة عنيفة هو وقوع في فخ المخطط نفسه . شق الصف الاعتصام وينتهي بمضاربة بين مؤيديه وباقي الثوار ويكون مبررا كافيا لتدخل القوات الأمنية لفض الاعتصام
أذكر في بداية الثورة وابان الفخ بتاع مبادرة الجزولي دفع الله كتبنا في الفيس قلنا هي فخ لكن الفخ ليس في قبولها وانما في رفضها .لأنهم يحتاجون لمبرر يثبت أن الحراك يرفض المبادرات السلمية .. مفروض التجمع يقبلها شكلها ويطويها ويرفعها في رأس الدولاب أو يضيف لها شروط وتعديلات وكدا تكون نفست .. فعلا تجمع المهنيين كان حكيما جدا واصدر بيان بأنه يقبل أي مبادرة سلمية . ليحدث العكس وترفضها الحكومة نفسها وترفض الاعتراف بها على لسان مساعد الرئيس فيصل ابراهيم ..
من باب السياسة هي فن الممكن وبعض المستحيل .
فاليكن قبول ذو النون بكل التحفظات من ضمن جدول بعض المستحيل .
يعني بالبلدي كدا
ذو النون مرحب بيك انت زول وبطل ومن ايقونات الثورة التي لها يد بارزة في تحريك الشارع .
وماله يطلع المتحدث باسم قوى التغيير على خشبة المسرح ويرحب بقدومه ويقدمه للناس يهتف ويلقي قصيدة البرجوكي .
خلاص جماعته يعودوا الى الصف
ونمشي في السكة نمد
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: ahmedona)
|
شكرا يا شباب علي المشاركة في البوست
مساهماتكم كملت فكرة الموضوع
وحتي وجهات النظر المختلفة موضوع نقاش
موضوع الإقصاء لازم نفهمه في سياق التغيير الثوري
طبيعي ان يتم عزل الذين كانوا جزء من النظام الساقط
وليس من الطبيعي ان يثور الشعب السوداني
ويقدم الشهداء ثم نأتي بدعوي عدم الإقصاء ان نفسح
المجال للذين كانوا جزء من النظام الذي تسبب في هذه المعاناة
لا يمكن من تسبب في هذه الكارثة ان يكون جزء من الحل
او جزء من قوي الثورة
وبعدين الثورة دي تتويج لي نضالات عمرها 30 سنة
كل القوي الموقعة علي إعلان الحرية والتغير تناضل منذ
30عام ، كل القيادات السياسية التي تتصدر الثورة
مكانها الدائم كان معتقلات النظام الني اشرف علبها
نظام الترابي والبشير
عشان مافي زول بيقدر يزايد علي قوي الثورة
طبيعي جدا اي ترتيبات إنتقالية ام تشرف عليها
قوي الثورة ليحدث إنتقال كامل للسلطة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Nasser Amin)
|
يقول الذين زاملوا الرجل
دي حركاته منذ الصراع الطلابي في الجامعات
حاول أكثر من مرة ان يشق تحالف القوي الوطنية
الديمقراطية (دا تحالف طلابي) بيشبه إعلان الحرية والتغيير
في جامعة شندي وجامعة الجزيرة
يعني الذي يقوم به ليس بجديد علي زملائه
وانه غريب المواقف، وكان يتحرك في الجامعات لوحده
ويعمل جاهدا لدخول تحالف الوحدة الطلابية
لكن الشفوت كل مرة كانوا بيقطعوها ليه في رأسه
المشكله وقت جا ميدان الإعتصام لقاهم نفسهم
في قيادة الإعتصام.. يعني ما حاتقدر تعمل حاجة
ياها نفس حركات الكيزان القديمة...
الفرصة امامه ان يلتحق بالقطاع المهني بتاعه
ويمشي يشوفهم شغالين شنو ويلحق الثورة
هو قال محامي يمشي تحالف المحامين الديمقراطيين
او ينضم لي حزب موقع علي إعلان الحرية والتغير
غير كدا القصة دي مقفلة بالضبة والمفتاح
المنصة عندها برنامج ويدار عبر قوي الحرية والتغيير
يمشي بشوف ليه شغلة يقضاها
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
يا عظمة ناس بكري علي شغالين شهور تحضير و تجهيز
جمع مئات الالاف من الدولارات من اجل الثورة
عمل اذاعة و قناة تلفزيونية لصالح الثورة
جاء من امريكا لساحة الاعتصام و رجع بدون ضجة و هرجلة
محمد حسن التعايشي من لندن ومن شهور كان برسم في الثورة خطوة خطوة ,نقطة نقطة ,شولة شولة
و غيرهم كثُر.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Nasser Amin)
|
محاولة جديدة لحكومة الظل لفض الإعتصام
و دا كله من التجمع المهنى الذى تلكع فى اعلان حكومته و وضع المجلس امام الواقع. هم عاوزين المجلس يسمى ليهم الحكومة عشان يعترضو عليها ههههه.
ما عندهم شئ غير الاعتراض. العمل الإيجابي فى قاموسهم ما فى. لذلك حيل الإخوان المسلمين لو فشلت اليوم ستنجح بكرة..
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Abureesh)
|
يا ريت واحد من الشباب يعمل لقاء مع ذو النون و يواجهه بصور جوازه و شكوك الناس فيه .
أما المندسين ، أكيد الدولة العميقة شغالة ،كمال عبد المعروف ، غازي صلاح الدين ، رزق
،
الداعشي الجزولي ،علي الحاج ،كل ديل بيقولوا عضويتنا مشاركة على الأرض ،
ربما اندسوا وسط عضوية ذو النون .و ربما قوات الظل أيضاً كما أشار احد الزملاء .
اهم شئ مراقبة المتحدثين و عدم إعطاء الفرصة للفلول المندسين للوصول إلى الميكروفون .
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: نعمات عماد)
|
الناس ما تخاف علي منصة الإعتصام لأنها محروسة بي شباب واعي
وفي برنامج مفصل، وواضح ومافي زول بيعمل فوضي نهائيا
اول حالة فوضي خلال ال 3 اسابيع كانت أمس من ذو النون
ومعاه بعض الفلول، والزعلانيين من سقوط النظام، قد لا يكون
هو يعلم بهم ولكنهم يستغلونه بإفتراض ان الرجل يبحث عن مغنم
وليس جزء من المؤامرة، ولكن لا أحد يستطيع أن يجزم بحقيقة الأمر وتفسيره
المهم الموضوع مقفل صااح والناس تكون صاحية في السوشيال ميديا
ميدان الإعتصام محروس كويس
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
Quote: وماله يطلع المتحدث باسم قوى التغيير على خشبة المسرح ويرحب بقدومه ويقدمه للناس يهتف ويلقي قصيدة البرجوكي .
خلاص جماعته يعودوا الى الصف
ونمشي في السكة نمد |
يا سلام يا درديري! انها الحكمة التي غابت بالأمس
لكن لسة الفرصة موجودة يمكن احتواء ذو النون ببساطة وتفويت الفرصة على الفتنة بهذه الحكمة
فقط البعض عليه ان يتجاوز احنه الشخصية واحساسه بالغيرة و يفكر في الصالح العام
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Yasir Elsharif)
|
سلامات الدرديري وود البشري
المنصة امس تعاملت مع الموقف بي حكمة وفوتت فرصة علي المتربصين وصناع الفوضي
بعدين قصة الترحيب به وتقديم بي صورة رسمية من إدارة المنصة
الموضوع دا خطير ، اولا لأنهم يعلمون تاريخ الرجل، وثانيا يعلمون موقفه من تجمع المهنيين
زول شغال يحفر لي المهنيبن ويضرب فيهم، وثالثا الزول دا ما عنده علاقة بي قوي الحرية
والتغيير يعني يقدمونه للثوار باي صفه (زول شغال لايف) كل السودان كان شغال لايف
والنقطة الأخيرة المهنيين وقوي التغيير ناس سياسة واغلب الشباب ديل صارعوا
الكيزان و أعين جدا لكل مؤامرات واللاعيب الكيزان
مافي ايه طريقة كله كله
بمشي يشوف شغلته في ميدان الإعتصام يشتغل توعية يخاطب الناس
بس ممنوع يعمل تكتل او يتفاوض مع المعتصمين
ميدان الإعتصام مرتب كويس.. الموضوع الرئيسي في معتصمين في الميدان
في مطالب واضحه في جهة بتمثل المعتصمين في سلطة حقة الناس ديل
مع المجلس العسكري وهم مفوصين قوي الحرية والتغيير..
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
ما يا عبد العظيم طالما هم واعين ليه ولغرضه يفوتوه عليه, مش هو جاي بجماعته عشان يصل نقطة منعوني و اقصوني و يرسخ فكرة الاقصاء الحايمة عن التجمع و يعوف على وترها ناس محمد على الجزولي الداعشي و مبارك الفاضل وآخرين!!
يبقى دقائق مخاطبة - وفي النهاية أخذها - ما ح تفرق بل كان يمكن توظيفها لصالح التحالف
السياسة فيها الحكمة وفيها الانحناء للعاصفة, مرحلة الثورة انتهت الآن مرحلة السياسة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: نعمات عماد)
|
زى ما قلت فى بوست مجاور عن تلميع حميتى
تلميع اى شخص ومهما كان مرفوض مرفوض مرفوض
لاننا فى مرحلة البناء وهذه المرحلة تحتاج الى جهود الجميع لا الى تلميع اشخاص لهدم البناء
على : عثمان ذو النون عدم تضييع الفرصة والالتحاق حالا بلجنة مهنته المحامين والتعبير عن ارائه ومقترحاته
عبر الجسم الذى يمثله وخلاف ذلك لن يجد له موطئ قدم سوى فى اللايفات .
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Abureesh)
|
لو كانو أهل صدق وإخلاص للشعب والوطن
لا تمنع حتى البشير نفسه لو أراد الكلام وأن يأتي بكلبشاته
ونستمع له ما دمنا نملك حق الرد عليه
يبدو أننا رضينا أن نبدل نفاق بنفاق وكذابون بكذابين
وانتهازيون بإنتهازيين
اللهم خلصنا من الصنم الجديد كما خلصتنا من القديم
بحق دماء الشهداء وبيؤس الجوعى
وآهات المظلومين ودعوات الصالحين وبسيد المرسلين
صلى الله عليه وسلم.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: محمد أبوزيد)
|
البوست دا انا كتبته في نفس يوم صعود ذو النون
للمنصة الرئيسية للإعتصام ، زي ما حشد الجداد ال الاكتروني
لإستقباله، وعملوا الحوطة في ساحة الإعتصام
اليوم نائب رئيس المجلس العسكري يستخدم
الموضوع في مواجهتته مع قوي إعلان الحرية والتغيير
الكيزان تكتيكاتهم قديمة ومكشوفة
ما عندهم غير الفبركات والمسرحيات دي
الزول الورط المجلس العسكري في تناول الموضوع
دا قصد يحرق ذو النون وقصد يحرج المجلس العسكري
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: محمد البشرى الخضر)
|
المهرجل دا امس اتبل بل الجن من الثوار
حاول يشكك في قوي الحرية والتغيير عشان يصرف
نظر الناس عن موقفه وهرجلته، كلما يزوغ
يختوها ليه في وشه (انت منو وقابلت حميدتي لشنو)
يلا بلا وهم بلا عباطة كوادر خطابية
دا قايل القصة بتمشي بالجوطة
ميدان الإعتصام دا حاااااار والثوار مفتحين
غايتو الكيزان حرقوا الزول دا وإنتهوا منه
وجا حميدتي كمل الناقصة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
السلام عليكم يا عبدالعظيم وضيوفه الكرام
المطمن حقاً هو الوعي الكبير لدى الشباب في ساحة الاعتصام
الحقيقة يمثلوا وجه مشرق جداً وطمنونا على مستقبل البلد .. شباب واعين جداً ومسئولين مسئولية كبيرة
الرأي بتاع الدرديري دا يمكن أهم ما جاء في البوست دا ..
الزول دا لازم يمتصوه براحة كدي والأيام بتثبت إن كان فعلاً مفيد للثورة وللبلد
انا اعتبر دي أخطر مرحلة في عمر الثورة وكانت حتعصف بكل ما بنوه الشباب في الفترة السابقة لكن الحمد لله اتجاوزوها بصبر وحكمة
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: بدرالدين بابكر مصطفى)
|
سلامات بدر الدين
نعم أخطر ما يواجه الثورة الآن هو خطر ان تكون هنالك قيادة
موازية في ميدان الإعتصام
ويبدو أن اعد اء الثورة من فلول الكيزان
سيقفوا بقوة مع هذا الذو نون ليشق صف الميدان
المفرح حقا هو وعي الشباب في ساحة الإعتصام
وتصديهم لهذه المحاولة بالمنطق
تصدوا له بالأمس بقوة حتي ظهر علي حقيقته
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
الإنتقال للخطة (ب) سيكون قريب
الخطة الرئيسية ان تنشأ قيادة موازية من داخل
ميدان الإعتصام حول هذا الكوز ، والتي يب القديم
يؤكد هذا المخطط.. ويبدو امس كانت نهاية
هذا المخطط..
الخطة (ب) هي إفتعال العنف المواجهة داخل
ميدان الإعتصام بين كيزان وجداد علي شكل ثوار
مناصرين لهذا الكوز.. لابد من عدم الإستحابة
لأي نوع من انواع الإستفزاز داخل ميدان الإعتصام
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
سلام يا عبد العظيم
ذوالنون اتحرق
الغريبة إنو إتحرق بغباء شديد جداً
المنصة الإتكلم منها شهدوا ناس كتيرين بإنها جات محمولة على تاتشرات الدعم السريع
ذوالنون ما إتكلم خالص عن الثورة ومطالب الثوار وموقفو منها
ذوالنون يردد نفس التهديدات التي يكررها المجلس العسكري
ذوالنون يعيد نفس اكاذيب الجداد عن مقابلات سرية بين قوى التغيير والسفير السعودي
ذوالنون يسوق بطريقة فجة للتدخل السعودي الاماراتي في شؤننا الداخلية
ذوالنون بعد زنقوهو يقر بأنو قابل حميدتي وبرهان
الثوار المعتصمين كانوا واعين جداً وأدوهو فرصة يقول كلامو ويورط نفسو
وبعداك مرقنو كرعينو
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: عبدالعظيم عثمان)
|
أيام حماس ذا نون ولايفاته الوصلت ألاف ، قلت إن هذا الشاب مؤتمر شعبي ، ولن ينفع الثورة بشئء أكثر من أن يضر بها.
قصة إنو نخلي وسطنا ونتسامح دي ، ح يقوم يطعنكم من وراء ، أبعدوه لسلامتكم ، فالكوز كوز ولو إغتسل بماء النيل لسنين .
الرجل يحب السلطة وعنده جنون عظمة ، يعمل الآن إلى إزاحة تجمع المهنيين عن القيادة لشق الصف، قالها لي زميلي وهو مؤتمر شعي أن ذا النون كادر من كوادرهم وكنت بغالط فيه ولكن أتضحت لي الصورة من قبل سقوط النظام.
ابعدوه ، أبعدوه ، أبعدوه ، ولكن بحكمة ، لا تدعوه وسطكم .
| |
|
|
|
|
|
|
|
|
 Re: تصرف حكيم من تجمع المهنيين في المنصة اليو� (Re: Yassir Ahmed)
|
وسائل التواصل كاعلام بديل مثلما هى وسيله فعاله وايجابيه لكنها ايضا تصنع اصنام ينخدع فيهم الكثير وينقادو لها كالقطيع. ذا النون مجردد دقائق من حديثو فى اللايفات لاولى وضح تماما انو مجردبالونه تجتهد انها تتمدد الكبر من ماهو متاح لها لاداء قذر لكن الحمدلله ابره الثوار امس نفستو باقل مجهود.
| |
|
|
|
|
|
|
|
|
|
Re: تصرف حكيم من تجمع المهنيين في المنصة اليو� (Re: Asim Ali)
|
الشباب العاصروا ذو النون في الجامعات
توقعوا هذه الخطوة بالكربون
قالوا الزول دا من زمان دي شغلته
في تحالف في الجامعات السودانية
اسمه تحالف القوي الوطنية الديمقراطية
التحالف يضم أحزاب المعارضة في الجامعات
وكان هو التحالف الطلابي في إنتخابات الجامعات
عجز جهاز الأمن والمؤتمر الوطني في هزيمته
او تفكيكه
ظهر ذو النون في منطقة وسطي بين الطلاب الإسلامين الوطنيين
وهي قائمة المؤتمر الوطني وحلفائه في مقابل تحالف المعارضة
ذو النون كانت شغلته التشويش علي كتلة المعارضة
يستخدم نفس خطاب المعارضة
ويشكك في المعارضة بغرض شق
الصف وتشتيت الأصوات...
في النهاية كان كلام فارغ
وكان بيعمل نفس الحركات دي
منصة وساوند سيستم ويكورك
نفس هذا الأمر نقلته الجهة التي كانت تقف
خلفه في السابق الي ساحة الإعتصام
دا ربط للأحداث عشان الناس تقدر تقرأ
الموقف وكيف يفكر فلول الكيزان
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالعظيم عثمان
جمال ود القوز
منتصر عبد الباسط
عبداللطيف حسن علي
Hafiz Bashir
Asim Ali
Bashasha
Mohd Ibrahim
Arif Nashed
Abdelrahim Mohmed Salih
عبدالقادر محمد
خضر الطيب
ترهاقا
محمد البشرى الخضر
كمال عباس
قسم الفضيل مضوي محمد
Abureesh
ahmedona
Nasser Amin
نعمات عماد
Yasir Elsharif
علاء سيداحمد
محمد أبوزيد
بدرالدين بابكر مصطفى
Yassir Ahmed
فيس بوك
تويتر
انستقرام
يوتيوب
بنتيريست