|
|
|
 Re: تسقط بس والشارع بس مافي كلام تاني (Re: عبدالعظيم عثمان)
|
البشير يستمر في التلاعب بي مصير البلد
كل شوي يعلن حل حكومة وتشكيل حكومة جديدة
إنت رأس الشر وإنت أس الفشل
كل شوي يحل في حكومة ويعين حكومة، خلال أقل من سنتين
البشير يعين ويحل حكومتين (بكري ومعتز)
وكأنما عاوز يقول انا كويس بس ناسي كعبين
إنت المسؤول الأول والأخير عن كل الدمار والخراب والفساد والفشل
عشان كدا تسقط بس
| |
 
|
|
|
|
|
|
|
|
Re: تسقط بس والشارع بس مافي كلام تاني (Re: عبدالعظيم عثمان)
|
النظام غير راغب في التغيير
وما عنده أدنى مسؤلية وطنية للحفاظ علي الإستقرار
البشير في حالة غيبوبة وما قادر يقرأ الواقع صاح
وشغال يستفز في الشارع بعدم إدراكه للراهن
ومصر يمارس الاعيبه القديمة
ما معقول عاوز تجهض الثورة بي خطابك الفطير دا
ياتو حوار وياتو وثيقة وطنية الانت عاوز تختها أساس للحوار
العاوز يتحاور معاك منو أصلا؟
حتى وثيقتك المزعومة دي إنت وحزبك إنتهيتو منها
بلوها واشربوا مويتها
الشارع بس
تسقط بس
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: عبدالعظيم عثمان)
|
حتى هذه اللحظة البشير رئيس للمؤتمر الوطني
وحتى هذه اللحظة البشير لم يلغي مناقشة التعديلات
الدستورية إنما طلب من المجلس الوطني تأجيل المناقشة
يعني الزول دا ما قدم اي تنازل ولم يقدم أي تضحية
في سبيل حقن دماء السودانين
مجرد إستهبال ليس إلا
عشان كدا تسقط بس
الشارع بس
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: محمد الأمين موسى)
|
الأخ عبد العظيم عثمان و الاخوة الاكارم
لكم التحية والتقدير
لم تقل غير الحقيقة في صدر البوست
Quote: لاقيمة لقانون في ظل وجود البشير
الإعتقالات مستمرة ( طوارئ)
أماكن الإحتجاز غير معلومة(طوارئ)
القمع والبطش والقتل (طوارئ)
عدم توجيه أي تهمة والتحفظ (طوارئ) |
هذه فعلاً هي دولة اللا قانون منذ ان وطئت ارجلهم النجسة ارض السودان الطاهرة
في ليلٍ مدلهم نتيجة لضعف الحكومة الديمقراطية و التي كان رئيس وزرائها مشغولاً
بتعويضات آل المهدي كأن هذا السودان تم توريثه لهم كابراً عن كابر
اما فرض قانون الطوارئ في هذه الأيام و بالصورة التي وردت في خطاب العمبلوك
تعتبر خصماً عليه و معناها الروووب و ما عندي ليكم حلول و لا بحل عن سماكم
وكما هو معروف دائماً و في ظل الأنظمة الشمولية
تنشأ مراكز قوى داخل النظام و تتصارع لتحقيق مكاسب شخصية و آنية
و هؤلاء لا يهمهم امر الوطن و لا المواطن تهمهم فقط انفسهم و بقاء هذا النظام بكل علله
ورغم ذلك هم اكثر من يعجل بذهاب النظام اضف الى ذلك الشارع الذي لن يهدأ الا بعد ذهاب النظام
مع العلم ان تنظيم الأخوان المسلمين وهم حاكمين لا يعني لهم الوطن الذي يحكمونه شيء
لديهم وطن مفترض في طواييقهم , اين هو على الأرض ؟ الله اعلم !!
سقطت_تب
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: خضر الطيب)
|
مرحبا بالجميع
وتسقط بس
البشير وضع نفسه في مواجهة مباشرة مع كل السودانيين
جمع كل السلطات تحت قفطانه ويقسم في السلطة حسب مزاجه
وضارب بي مطالب السودانين عرض الحائط
لاوجود للمؤتمر الوطني
ولا وجود لأحزاب الحوار الوطني
يوجد شخص مهووس بالسلطة ويستميت في المحافظة عليها
هو العدو الأول والأوحد للسودانين
يسقط بس
والشارع بس
يجب تخليص البلد من يد هذا المهووس التعيس
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: Arif Nashed)
|
الزول التعيس دا أمس ضيع فرصة الخروج
وفق ترتيبات يحفظ بها كرامة أبناء السودان
ويمنع إراقة المزيد من الدماء، إختار الزول الهطلة دا
إعادة البلاد إلى مربع يونيو 1989 يعنى انا قاعد فوق راسكم
والبلاقينا مشمر بنلاقيه عرايا (دا مش كلامه)
لكن المهووس بالسلطة دا تناسي أن إرادة الشعوب لا تقهر
وان العنف والقمع لن يبقيان له سلطة
إختار مصالحه الشخصية وغلب امراضه وشهوته بالسلطة
وخوفه وجبنه من الجنائية على مصالح الشعب السوداني
وعاوز يحرق مستقبل الشباب عشان يقعد مدرق بالسلطة
حتى آخر يوم في عمره
ولكن هيهات
حتسقط يعني حتسقط
حواراتك بلها واشرب مويتها
الشارع بس
تسقط بس
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: عبدالعظيم عثمان)
|
تستمر الإنتهاكات ويستمر القمع
عنف من قوات ملثمة في كلية مأمون حميدة
تم توثيقها بالفيديو، سقطة جديدة للسلطة
وأدلة جديدة، فيديو اليوم في كلية العلوم الطبية
بحضور نائب رئيس الجامعة
عمل خسيس وجبان له ما بعده...
حصار بري بالتاتشرات ومطاردة الأهالى والشباب
وإقتحام المنازل وإنتهاك الحرمات
سيعجل من سقوط الطاغية
كلما استمر صمود الثوار كلما فقدت الأجهزة الأمنية صوابها
وتراكمت اخطائها
تسقط بس
الشارع بس
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: عبدالعظيم عثمان)
|
الأجهزة الأمنية منهارة
خروج المتظاهرين كسر صبر هذه القوات
اليوم المواكب الموزعة على نطاق واسع جعلها تائهة
الثورة مستمرة في تحقيق مكاسب كبيرة على الأرض
ومحافظة على سلميتها
فقط تلاحم أكبر من قبل المواطنين المتواجدين حول المواكب سيسقط هذا النظام
حاجز الخوف مضى إلى غير رجعة
تسقط بس
| |
|
|
|
|
|
|
|
|
|
Re: تسقط بس والشارع بس مافي كلام تاني (Re: عبدالعظيم عثمان)
|
معقول بعد الضرب المبرح والاعتقالات واقتحام المنازل عنوة وضرب المواطنين واغتصاب النساء واستعمال الخوازيق ضد المعتقلين ورمي البنبان داخل المنازل وليس خارجها واستعمال عربات الدفع الرباعي من دون لوحات يقودها ملثمين لاتعرف لهم هوية معقول بعد دة كلوووووووووووووووووو في لغة غير تسقط بس؟؟
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالعظيم عثمان
احمد حمودى
محمد الأمين موسى
خضر الطيب
Arif Nashed
محمد محمد قاضي
Mohamed Foto7li
Maher AlMahi
Nasser Amin
فيس بوك
تويتر
انستقرام
يوتيوب
بنتيريست