|
|
|
 Re: تسجيل مسرب : حميدتى يوجه إهانات بالغة للمج (Re: Yasir Elsharif)
|
التحية للحبيب يوسف .. قبل قليل كنت أقرأ في موقع النيلين
ونص كلام حميدتي كالتالي :
قال نائب رئيس مجلس السيادة الانتقالي، قائد قوات الدعم السريع الفريق محمد حمدان دقلو “حميدتي” بأنه لا يفتخر بعضوية مجلس السيادة الانتقالي، مؤكداً أنه لولا وجود قوات الدعم السريع لتم شنقه.
وأضاف حميدتي بحسب ما نقل ” صوت الهامش” : “السلطة تطير، وأنا لولا خوفي من انهيار البلاد لما قبلت بعضوية مجلس السيادة”.
وشن حميدتي هجوما عنيفا على قوة قوامها (600) مقاتل تتبع للقوات الخاصة للدعم السريع، سبق وأن كانوا في قوات حرس الحدود التي يتزعمها المعتقل موسى هلال، متهماً إياها بعدم الولاء للدعم السريع، وذلك عقب هروب عدد منهم.
وقال مخاطبا المجموعة: “خذلتونا وهربتو، أخضعناكم لتدريب كلف آلاف الدولارات، وتم إرسالكم لليمن رغم أنكم لا تستحقون”، وأضاف:”إنتو ناس ماعندكم ضمير، نحن دايرين ناس عندهم قضية ما ناس شماسة”. وزاد: “دي فرصة نعرفكم إنتو ذاتكم منو وبتعملو لصالح منو”..
وقطع حميدتي في حديثه بأن “عمل حرس الحدود سيحرم عليكم”.
وأكد حميدتي بأن قوات الدعم السريع مازالت مستهدفة، كاشفا عن تدوين نحو (300) بلاغ في مواجهة أشخاص انتحلوا صفة قواته، وطالب منسوبيه بعدم ارتداء “الكدمول” في المدن وحثهم في لوقت ذاته على الاهتمام بالنظافة والتقيّد بالسلوك الحضاري.
| |
 
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: علي عبدالوهاب عثمان)
|
حسب تحليلى لكلام حميدتى:
1. الرجل يمر بأزمة مالية.. ال 600 لم يصرفوا مرتباتهم المتأخرة
2. الجنود بأول التململ و البعض هرب.. يجوز نتيجة تاخر المرتبات
3. كان فى تشجيع واضح على الإستقالات (امرقوا بالباب ما تقدوا الباب و تخسرونا)
ربما اراد تقليص القوات بسبب تقلص الميزانية. و اعلن تقليص العربات بالتدريج. و قال الان ما فى خوف.. و بمعنى اخر فانه استقر فى السلطة و يريد أعادة هيكلة القوات و تقليصها.. او ربما اتفق مع الجيش لدمجها فى القوات المسلحة.
الخطاب كان اعمق مما ظهر.
| |
|
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: Abureesh)
|
قال ليهم التعيين بالقبائل وفي قبايل ما جات وقال ليهم انت قايلين شغل زمان بتاع حرس الحدود أنكم تتجندوا وتقبضوا المرتب وتمشوا ترعوا يعني مرتب ساكت وفي واحد من التماسيح زرزوهو قال ليه انت قلت ١٣٠ ضابط اعمل ليهم نمرة كاملة عد يعني لحس بسجلوا الأسامي ويقبضوا القروش وكان ما قبضوهم بقدوا الحيطة يعني بشردوا بقدوا السلك يعني قال ليهم حركات الجنجويد ما بتمشي على الجنجويد بس انا داير أفهم الصرفوا ليهم الفارغة بكبروا على رماد شنو
| |
|
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: muntasir)
|
شايفو هبدهم في موضوع النظافة
وقال لهم يعني لازم تتنضفوا ( المعني محلكو وسخان وانتو ما مهتمين)
وقال لهم ما تتحاوموا في الخرطوم بالشالات بتاعتكم بيضحكوا فيكم ولاد الخرتوم
البسوا نضارات ياخي ( اكان يقول كمامات لانو الشالات دي للغبار . دي فاتت عليهو خليها للمعسكر الجايي)
المهم انو ماذكر جيش ولا سيادة ولا حتى دعم سريع
عندوا معسكر خاص واظنهم بدو لولوة وشراد
قام عليهم
| |
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: ABDALLAH ABDALLAH)
|
من لا يتشرف بوجوده بمجلس السيادة اكيد له اطماع اخرى اكبر من رمزية المجلس
ففى مجلس السيادة لا يستطيع حميدتى ان يحقق به اطماعه السلطوية
حميدتى عايز يتبع خطوات سيسى مصر ويصبح حاكماً لعموم السودان
حميدتى ليس أمياً فى القراءة والكتابة فقط
بل أمى فى عدم معرفة اهداف الثورة ولمَ قامت وعدم معرفة معانى الحرية والديمقراطية و الانتخابات النزيهة
بإختصار كدا حميدتى عثرة وعقبة كبيرة فى طريق تحقيق الحرية والديمقراطية والسلام والعدالة وكل شعارات الثورة واهدافها والاستقرار المنشود
نحن محتاجين لقوة ضاربة لتفكيك النظام القديم واضعاف نفوذ الكيزان فى البلد
حميدتى قوة اسسها الكيزان لن تجدى نفعاً لتحقيق الاهداف المرجوة
| |
|
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: محمد النيل)
|
Quote: ونص كلام حميدتي كالتالي :
قال نائب رئيس مجلس السيادة الانتقالي، قائد قوات الدعم السريع الفريق محمد حمدان دقلو “حميدتي” بأنه لا يفتخر بعضوية مجلس السيادة الانتقالي، مؤكداً أنه لولا وجود قوات الدعم السريع لتم شنقه.
وأضاف حميدتي بحسب ما نقل ” صوت الهامش” : “السلطة تطير، وأنا لولا خوفي من انهيار البلاد لما قبلت بعضوية مجلس السيادة”. |
حميدتى فعلاُ انسان جاهل وما بيعرف هو بيقول فى شنو .
كلامو دا كووووولو كان ح يكون مبلوع لو ما جاب سيرة " لولا الدعم السريع لتم شنقى "
باعتبار انّ كلامه _ بأنه لا يفتخر بعضوية مجلس السيادة الانتقالى _ بسبب _ السلطة تطير وانا لولا خوفى من انهيار البلاد لما قبلت بعضوية مجلس السيادة .
الزول دا بيعترف بجرائمه وانه مهدد بالمحاسبة والعقوبة لولا الدعم السريع
وهذا يقودنا الى انه لن يرضخ للمحاسبة والعقاب فى حال تمت ادانته فى جرائم فض الاعتصام وسيحتمى بالدعم السريع .
| |
|
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: علاء سيداحمد)
|
اتفق مع نور تاور
كيف تكون الاهانة ؟؟ اكثر من انو يقول ما بتشرف بمجلس السيادة ؟اللى البمثل راس الدولة ورمز سيادتا ؟؟
حميدتى جاهل كبير والمصيبة انه على راس قوة مسلحة عمياء .حميدتى وجوده الان بتلك الكيفية خصم على وجود الدولة السودانية التى نعرفها جميعا .
| |
|
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: محمد النيل)
|
https://up.top4top.net/
الله يستر عليكم كديسة الدعم السريع الامارتي دي ما تصحي تقاكم في المحاصصة وشالو السيدة وخلو حرم
الدعم السريع مشليات غير دستورية
والمجلس السياسي عملية انتقالية
ونهب لذهب لصالح الامارات عمل غير مشرف من حميدتي وشركاتو الوهمية (16 مليار دولار )
بيع الجنود للامارات مرتزقة في اليمن والامارات عمل غير مشرف ومشين ووضيع جدا جدا
ابقاء موسي هلال في السجن بسبب حمدتي عمل غير مشرف
وق حت قعدت معاهم في الرصيف القذر ولوثت نفسا وما حققت اي ذرة تحول ديمقراطي حقيقي حتي الان ولا علي مستوى الاعلام
| |
|
|
|
|
|
|
|
|
|
Re: تسجيل مسرب : حميدتى يوجه إهانات بالغة للمج (Re: adil amin)
|
[QUOTE الله يستر عليكم كديسة الدعم السريع الامارتي دي ما تصحي تقاكم في المحاصصة وشالو السيدة وخلو حرم
الدعم السريع مشليات غير دستورية
والمجلس السياسي عملية انتقالية
ونهب لذهب لصالح الامارات عمل غير مشرف من حميدتي وشركاتو الوهمية (16 مليار دولار )
بيع الجنود للامارات مرتزقة في اليمن والامارات عمل غير مشرف ومشين ووضيع جدا جدا
ابقاء موسي هلال في السجن بسبب حمدتي عمل غير مشرف
وق حت قعدت معاهم في الرصيف القذر ولوثت نفسا وما حققت اي ذرة تحول ديمقراطي حقيقي حتي الان ولا علي مستوى الاعلام
| كلام مظبوط
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
يوسف الطيب احمد إدريس
Yasir Elsharif
علي عبدالوهاب عثمان
Abureesh
MOHAMMED ELSHEIKH
nour tawir
ABDALLAH ABDALLAH
محمد النيل
علاء سيداحمد
adil amin
فيس بوك
تويتر
انستقرام
يوتيوب
بنتيريست