كتب الكاتب الفاتح جبرا المتوفرة بمعرض الدوحة
|
Re: تجمع المهنيين (المواجهة والتصعيد والإضرا� (Re: عبدالعظيم عثمان)
|
دا الكلام يا عبداللطيف اي نقل للسلطة للمدنيين يحتاج ترتيبات وهذه الترتيبات تتم عبر التفاوض علي التسليم والتسلم.. وفي نفس الوقت التصعيد يستمر عشان نقد عين الشيطان ونهزم فلول الكيزان ونبطل مؤامرات وخبث الدولة العميقة تماسك الشعب السوداني حول قياداته في الشارع وحول إعتصاماته ومواكبه ومقاومته هو السبيل للسلطة المدنية وتحقيق مطالب الثوار
| |
|
|
|
|
|
|
Re: تجمع المهنيين (المواجهة والتصعيد والإضرا� (Re: عبدالعظيم عثمان)
|
مافي زول تاني بيقدر يلعب علي الشعب السوداني الناس ديل مكروبة في ثورة لأكثر من خمسه شهور جايين الكيزان وأشباه الكيزان وفلول الدولة العميقة عاوزين يلعبوا علينا مافي طريقة الثورة دي لازم تصل نهايتها ولازم قطر الثورة يصل محطته الأخيرة الشعب متحزم وحارس ثورته ومن خلفه تجمع المهنيين وباقي قوي الحرية والتغيير القصة دي ما لعب يا كيزان دي ثورة وعندها مطلوبات وعندها أهداف مافي نص ثورة او ربع ثورة ثورة كاملة تنتهي بسلطة مدنية كاملة غير كدا حتستمر ثورة أبدية حتي تتحقق مطالب الثوار
| |
|
|
|
|
|
|
Re: تجمع المهنيين (المواجهة والتصعيد والإضرا� (Re: عبدالعظيم عثمان)
|
الكيزان وعرفناهم فلول الكيزان وأصحاب المصالح معروفين الناس في النص الشغالين يقولوا مصالحنا تعطلت وامورنا وقفت وكلام كثير ديل نفس الناس الكانو بيقولوا الحمد لله علي نعمة الأمن والأمان في عهد البشير وكانوا بيقولوا خلونا مع البشير دا احسن لينا، وكانو بيقولوا مستحيل تقوم ثورة، ومستحيل الشعب يطلع الشارع هم نفسهم الآن شغالين تخزيل في الشعب وشغالين نشر الكلام الفارغ عن أفضلية المجلس العسكري للحكم وكلام كثير يصيب بالغثيان
مافي حل غير البل الثورة دي لازم تحقق أهدافها تجمع المهنيين خلف الثوار وخلف الشعب السوداني يعني القيادة للثوار وللشعب السوداني مافي زول يجي يزايد علي الثوار طلعوا عاوزين سلطة مدنية وبس
| |
|
|
|
|
|
|
Re: تجمع المهنيين (المواجهة والتصعيد والإضرا� (Re: عبدالعظيم عثمان)
|
مافي حل مع المجلس العسكري دا إلا البل بلوهم بلاهم البلا
الكيزان عاملين فيها شطار لكن المرة دي صفرجت بالجد احهزوا للمحاكمات ابقوا مارقين يا ناس علي الإعتصام
مافي رجعة علي البيوت الا البيوت تلقي الخلاص شقيش تقبل وين تمش تلقي ناس طالباك جنا
التصعيد الثوري السلمي المدني هو صمام امان الثورة
الحل في البل
| |
|
|
|
|
|
|
Re: تجمع المهنيين (المواجهة والتصعيد والإضرا� (Re: عبدالعظيم عثمان)
|
المواكب والمسيرات والإعتصام والعصيان دي كلها أليات مقاومة سلمية مدنية مفروض التصعيد الثوري يسير في مسار نحو تحقيق أهداف الثورة وهي : تصفية النظام من جهاز ومؤسسات الدولة والهدف الثاني إقامة وتأسيس السلطة المدنية الإنتقالية يعني التصعيد الثوري الأعلان عنه تجمع المهنيين وحلفائه ليس تصعيد عبثي او غضب عابر ، إنما دي آليات العمل الثوري السلمي المدني من أجل تحقيق أهداف الثورة الكلام دا مفروض ينشر علي أوسع نطاق حتي لا يمارس فلول الكيزان التضليل ونشر الإشاعات والأكاذيب دي ثورة عندها منهج وخطط واضحه ولديها أدوات وآليات مقاومة سلمية متعددة
| |
|
|
|
|
|
|
Re: تجمع المهنيين (المواجهة والتصعيد والإضرا� (Re: عبدالعظيم عثمان)
|
ترتفع وتيرة التصعيد الثوري اليوم في شوارع الخرطوم في المقابل اللجنة الأمنية للنظام السابق تمارس نفس السلوك القمعي وتاني رجعت المليشيات والتاتشرات
الحل في البل دي المرحلة الثانية من المواجهة بين الثوار واللجنة الأمنية المرحلة كانت قبل خلع البشير والمرحلة التانية بعد أن تحولت هذه اللجنة الي مجلس عسكري ويحاول إختطاف السلطة عشان كدا اللجنة الأمنية تسقط بس سلطة مدنية او ثورة أبدية
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|