لكن في المنبر ده في ناس خاينين بالشكل .. عارفين ولاء عصام البوشي جمهورية .. لكن ساكتين وما في واحد عايز يفشي السر ده .. وفي نفس الوقت مشوا لموا ليك في الدبلوماسي الدارفوري عمر مانيس ( ده كوز .. ده كوز) .. مع إنو عمر مانيس وبشهادة الكثيرين لا هو كوز ولا عندو علاقة بالكيزان .. لكنه الكيل بمكيالين وإزدواجية المعايير لدى أبناء الشمال النيلي ..
وأنا من البداية كنت محتار وأنا أتساءل : لماذا تم تعيين واحدة متخصصة هندسة ميكانية وزيرة للشباب والرياضة؟ ولكن الآن إنقشعت السحب ووضحت الرؤية .. أكيد الجمهوريين مشو لحمدوك وقالوا ليهو ( وين نصيبنا من الكعكة دي ؟ إحنا الجمهوريين لينا 30 سنة محرومين في ظل حكم الإخوان المسلمين .. كمان عايزين تحرمونا معاكم؟ ) وذرف البعض منهم الدموع وهم يحكون لحمدوك كيف أن الإخوان المسلمين حرموهم من رضاعة أي ثدي للسلطة لأكثر من ثلاثين عاماً .. وكيف أعدموا زعيمهم محمود محمد طه .. وكيف شردوهم من السودان .. ومن بقي منهم في السودان أسكتوهم وكمموا أفواههم وصادروا كتبهم .. فأشفق عليهم حمدوك وأمرهم أن يرشحوا 5 من الجمهوريين والجمهوريات ليختار واحد منهم لمنصب وزير .. فقدموا قائمة من خمسة جمهوريين وأختار حمدوك أصغرهم وأجملهم .. هذا أصح سيناريو لكيفية إختيار ولاء البوشي وزيرة للشباب والرياضة .. فما تقولو لي كفاءات ولا بطيخ
طبعا نحن ليس لدينا أي مشكلة مع الجمهوريين .. فهم كمواطنين سودانيين لهم حقوق المواطنة وعليهم واجبات تجاه الدولة السودانية .. لكن الجمهورية كفكر .. فهو فكر باطل وعقيدة باطلة تتعارض مع مبادئ الدين الإسلامي .. وأنصح أي جمهوري بالتخلي عن هذا الفكر الباطل والعودة إلى الدين الإسلامي الصحيح
09-06-2019, 06:29 PM
Abureesh Abureesh
تاريخ التسجيل: 09-22-2003
مجموع المشاركات: 30182
"أكيد الجمهوريين مشو لحمدوك وقالوا ليهو ( وين نصيبنا من الكعكة دي ؟ إحنا الجمهوريين لينا 30 سنة محرومين في ظل حكم الإخوان المسلمين .. كمان عايزين تحرمونا معاكم؟ ) وذرف البعض منهم الدموع وهم يحكون لحمدوك كيف أن الإخوان المسلمين حرموهم من رضاعة أي ثدي للسلطة لأكثر من ثلاثين عاماً ."
راى الاسلام شنو يا على فى اخذ الناس بالظن و (تأكيد) الكذب؟ "اكيد الجمهوريين مشوا لحمدوك" هل هذا دينك الذى تعتبره الاسلام و هو ضد تعاليم الاسلام.؟ الكذب و الظن بالآخرين؟ كيف علمت ان من عارض عمر مانيس كان على علم ان ولاء جمهورية؟ اليس هذا رمى بالغيب و الظن الذى حرمه الاسلام؟ و كيف عرفت ان المرشحة حزبية ؟ و كيف عرفت ان الجمهوريين يسعون للسلطة و انهم يشاركون فى اى انتخابات؟ و هل اى شخص يختلف مع مفهومك الفاسد هذا عن الاسلام .. والذى يبيح لك الكذب و رمى الناس بالظن لا يحق لهم الترشح؟ انا حكاية ان حمدوك اختار من بين خمسة جمهوريين أصغرهم و اجملهم فهذه وقاحة و قلة أدب لا تليق إلا بك و بقبيلك ..
وأننا الموضوع دا حارقك كدا مالك؟ جمهورية و عاجبانا..بعدين طالما طلعت خبر زي دا بالله ورينا الأربعة الجمهوريين التانين و كمان مصدرك الخطير دا...دا ما يكون من الجماعة البوظوا المايك للوزير الألماني !!
09-06-2019, 08:51 PM
عباس محمود عباس محمود
تاريخ التسجيل: 11-26-2004
مجموع المشاركات: 1441
السلام عليكم مادام ماكوزة مافى مشكلة. بالمناسبة هل انت عارف انه وزيرة الدفاع البريطانية بينى موردونت خريجة فلسفة . والله اى زول يجى أخير من الكفوات والعبر الحكمونا 30 سنة
09-06-2019, 09:17 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
لا ادري مدي صحة "جمهورية" سعادة الوزبرة- ولكن ان صحة انها امرأة جمهورية فان الوزارة تتشرف بها ! متعلمة وثائرة وإمراة - ومؤهلة انها اضافة حقيقية للطاقم الوزاري ولقوي التغيير الاجتماعي والثقافي والقانوني ومضمار حقوق المرأة ! انها نعمة ان يصفو ويسمو المناخ السياسي من عكر مستنقعات أمثال سعاد الفاتح -ووصال المهدي وروضة الحاج وعفاف تاور ونحلق في سماء عائشة موسي والبوشي ورجاء عبد المسيح وبقية الكوكبة الثورية !
09-06-2019, 10:02 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48860
Quote: طبعا نحن ليس لدينا أي مشكلة مع الجمهوريين .. فهم كمواطنين سودانيين لهم حقوق المواطنة وعليهم واجبات تجاه الدولة السودانية .. لكن الجمهورية كفكر .. فهو فكر باطل وعقيدة باطلة تتعارض مع مبادئ الدين الإسلامي .. وأنصح أي جمهوري بالتخلي عن هذا الفكر الباطل والعودة إلى الدين الإسلامي الصحيح
ومنذ متى ليس للإسلاميين "أي مشكلة مع الجمهوريين". هل يعلم علي عبد الله أن الجمهوريين كانوا ممنوعين من إقامة حزب ، وأن المركز الثقافي باسم الأستاذ محمود قد تم إغلاقه قبل عدة سنوات؟؟ وهذا ينفي قولك: "فهم كمواطنين سودانيين لهم حقوق المواطنة وعليهم واجبات تجاه الدولة السودانية .." أما بقية كلامك فالرد عليه مقال قرأته قبل قليل للأخ الدكتور مصطفى الجيلي في باب المقالات أحب أن أضعه لك ولزوار البوست، ومعه شريحة فيديو من إخراج مصطفى الجيلي وهو يلقي قصيدة سيد أحمد الحردلو في الأستاذ محمود:
Quote: القمع والتحريم والمضايقة الممنهجة لتلاميذ الاستاذ محمود محمد طه خلال ثلاثين عاما بقلم د. مصطفى الجيلي
05:51 AM September, 02 2019
سودانيز اون لاين د. مصطفى الجيلي-USA مكتبتى رابط مختصر
لقد تعودنا، نحن الجمهوريون، ليس فقط على اختلاف الأفكار، وإنما تعودنا على الشطط والغلو في المعاداة من مخالفينا الرأي، معاداة فاجرة في الخصومة ولا تهتم بمنطق ولا أخلاق، وعنيفة كما وكيفا، وليس أكثر من اغتيال الأستاذ محمود فقط لأفكاره، وحرق كتبه، واستتابة أتباعه بالقوة وعلى شاشات التلفزيون..
أكثر من ذلك تكيفنا على منع أفكارنا من التداول، ومنع كتبنا كتلاميذ من النشر داخل السودان، ومن دخول المنشور منها خارج السودان لداخله.. ثم أكثر غلوا من ذلك، تدريس مادة إجبارية تصف الجمهوريين بالفرقة الضالة وتصف الأستاذ محمود بالخارج من الدين والملة وهذه المادة إجبارية لكل طلاب الجامعات وكل الكليات—طب، هندسة، علوم، زراعة، اقتصاد، قانون،... سم ما شئت وبلا استثناء-- في كل أنحاء السودان، سواء جامعة خاصة أو عامة أو معهد أو كلية –اسمها "مطلوبات جامعة".. يعني لا يوجد شاب أو شابة درس باي كلية أو جامعة إلا وقد درس هذه المادة.. وأنا أعرف هذا جيدا لأنني كنت أدرس بكلية التربية جامعة الخرطوم لعشر سنوات بعد الدكتوراه (١٩٨٨-١٩٩٨) وكنت رئيس قسم فيها لأربع سنوات وأعرف مطلوبات الجامعة وما تعنيه.. هذا القمع الفكري والذي تمثل أبلغ تمثيل في هذه المادة سيسجله التاريخ "بالتوثيق" وصمة عار لا أرى لها، فيما هو منظور، وسيلة لمحوها، أو التنصل عنها..
هذا، بينما الفكرة الجمهورية تتمدد وتتوسع في الجامعات والمكتبات العالمية والعربية وتتم ترجمتها لعديد اللغات في العالم ولا توجد جامعة أو كلية تهتم بالأديان أو الفلسفات، تخلو من كتب الأستاذ محمود محمد طه أو تدريسها.. وشخصيا دعيت كمتحدث في واحدة من كليات الأديان (كلية كارلتون بمدينة مينابولس بولاية مينيسوتا) وفوجئت بأن المادة الدراسية كانت مباشرة كتاب "الرسالة الثانية من الإسلام" المترجم طبعا، كنموذج.. وكانت معي نسخ بالعربية فتلهف الطلاب عليها باحترام وحالة اقرب إلى التقديس.. والآن تم خلال الشهور الماضية توقيع عقود مبدئية مع منتج من هوليوود لإنتاج فيلم عن الأستاذ محمود محمد طه..
وهكذا توسعت البحوث عن أفكار الأستاذ محمود، في الجامعات، ودور البحث الغربية منها والشرقية، وكتبت العشرات من رسائل الدكتوراه والماجستير، وصدرت المئات من المؤلفات والكتب والترجمات عبر المكتبات العالمية.. وصار لا يكاد يمر يوم لا يرد فيه اسمه، أو سيرته، على عديد الصحف، والمنابر الإلكترونية.. وموقع الفكرة، يحوي كل مؤلفاته، وتاريخ حركته، ويعرض تفاصيل التراث المسموع والمقروء، والمسجل خلال مسيرة الأستاذ محمود..
وهكذا، تأمل ذلك القمع والمنع والقتل والمضايقة الممنهجة والذي واجهه ويواجهه الأستاذ محمود وتلاميذه الجمهوريون من أهلهم وبلدهم عبر ثلاثين عاما، قد جعله الله حسن استماع واستحسانا وتقديرا متزايدا من شعوب بعيدة.. فالأفكار لا تموت، خاصة تلك التي كتبت بشحنات الأنوار العالية.. الإسلام الذي يعتنقه الملايين من الأجيال المتلاحقة قد بدأ بنبي وامرأة وصبي في قرية صغيرة وسط الصحراء.. وأي من الطرق الصوفية التي تتمدد عبر الأجيال وتنتشر في البلاد إنما هي عادة أصداء حياة فرد واحد حقق الكمالات فأصبح منارة هدى ومصدر إشعاع.. والمسيحية التي تملأ الأرض الآن لم تنتشر وتنتصر، إلا بعد نحو ثلاثمائة سنة من الاضطهاد والتعذيب والقتل لأتباعه عقب حادثة صلب المسيح وتشتت تلاميذه..
09-06-2019, 11:55 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7160
فى زول بحكم ليهو بلد تلاتين سنة منفرد يعمل فيها اى حاجة عايزها بكون عندو جرءة يجى يقول الوزيرة دى جمهورية و دى ملكية؟ليه ما تكون جمهورية و لا اى حاجة ؟ فى مخيلتى الجمهوريين مرتبطين بالتهذيب...مبروك للشباب وزيرتهم المهذبة
09-07-2019, 02:43 AM
احمد حمودى احمد حمودى
تاريخ التسجيل: 01-11-2013
مجموع المشاركات: 4364
علي " الكوزي" نوع كلامك العنصري دا خلاص انتهى عهده وولى وزمن ركاكة الفكر انتهى. نحن الٱن نستشرف عهد جديد وامل جديد وفكر واحساس جديدين. بعدين الاستاذ محمود اعدمه نميري ولا قوى الحرية والتغيير؟
و الله البت دي لو بقت مش جمهوريه لو بقت ام جميل حماله الجطب برضوغلى فلوبنا زي العسل و لو جلبتو لينا واحده من ناسك مبشرة بالجمة فلن يقبل بها الناس نقطة سطر جديد
قال جمهورية قال
09-07-2019, 07:25 AM
Deng Deng
تاريخ التسجيل: 11-28-2002
مجموع المشاركات: 52569
Quote: الجمهوريين مشو لحمدوك وقالوا ليهو ( وين نصيبنا من الكعكة دي ؟ إحنا الجمهوريين لينا 30 سنة محرومين في ظل حكم الإخوان المسلمين .. كمان عايزين تحرمونا معاكم؟ ) وذرف البعض
سلام
لو ما عندك دليل معناتا كضاااب
شوفة عينك الكضب دخّل بشة القفص و الحمدلله !!
09-07-2019, 09:12 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
المهم في الموضوع انو الجمهوريين مبسوطين للتعيين دا، بشكل عام الفكرة تشهد مرحلة جديدة وانفتاح وبالأمس الأخوان قدموا إنشاد بواحدة من قنوات الكيزان التلفزيونية سودانية ٢٤
التحيّة المستنيرة ولاء البوشي
09-07-2019, 09:35 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48860
بصفتي انتمي الى فكر الأستاذ/ محمود ( الفكرة الجمهورية) ارى من حقي كسوداني أولا واخيرا انا ارى نفسي ممثلا في السلطة السودانية، وارفض اي تهميش يمس حقوقي في التعبير عن نفسي وفكري، ومعتقدي، دون اي مني ولا اذى، ولست ملزما بتقديم الشكر لحصولي على حقي. وليس من حق احد أن يتغول على حقوقي الدستورية تحت اي بند وشكرا
09-07-2019, 09:48 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48860
اهم حاجة في الكلام دا النصيحة التي قدمها هذا الرجل الحادب على قيم الاسلام للاخوان الجمهوريين بترك فكرتهم الضلالية والعودة الى الاسلام الصحيح
يا سلااااام ياخي مازال هناك رجال يدافعون عن الاسلام والرجال قليل ارجو من الجمهوريين التنفيذ فورا والا ستأتيهم جحافل المؤمنين الصادقين ذوي النخرين المستنشقةوالمستنثرة والماسحون على الرؤوس من اصحاب الوجوه المتوضأة لتدكهم دكا وتعيد للدين مجد قد مضى
ولاء لا اعرفها ولكن والدتها فعلا جمهورية من عندنا ناس الباوقة وكمان قريبة حبيبنا ونسيبنا عمر ود الباوقة رد الله غربته
09-07-2019, 10:13 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: بصفتي انتمي الى فكر الأستاذ/ محمود ( الفكرة الجمهورية) ارى من حقي كسوداني أولا واخيرا انا ارى نفسي ممثلا في السلطة السودانية، وارفض اي تهميش يمس حقوقي في التعبير عن نفسي وفكري، ومعتقدي، دون اي مني ولا اذى، ولست ملزما بتقديم الشكر لحصولي على حقي. وليس من حق احد أن يتغول على حقوقي الدستورية تحت اي بند
الفترة الانتقالية محكومة بالوثيقة و ما فيها خيار و فقوس لا احزاب فيها ... بعدها الحشاش يملأ شبكتو صندوق الأختراع هو الفيصل لا تهميش و لا تشويش ... و كل حزب او طائفة الشعب حا يعرف مدى شعبيتها ...
09-07-2019, 10:17 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: اهم حاجة في الكلام دا النصيحة التي قدمها هذا الرجل الحادب على قيم الاسلام للاخوان الجمهوريين بترك فكرتهم الضلالية والعودة الى الاسلام الصحيح
يا باشمهندس / محمد الشيخ كيفك ضلال شنو البقول عليه الأخ / المسلم الناصح لينا ده.. يا محمد الشيخ اي دعوى دينية تبيح (الظلم) وتبرر له تحت اي بند لا يمكن تكون دعوى حق .. شوف يا باشهندس / ربنا ربط في الأية الأتية القتال في سبيل الله، بالقتال في سبيل نصرة المستضعفين الذي يعانون من الظلم: (وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا (75) في الأية البعدها طوالي ربط الإيمان بالقتال في سبيل الله، وارتباط الظلم بالطاغوت، يعني بصريح العبارة الذي ينصر المستضعفين هو على سراط الله المستقيم، والذي ينصر الظالم هو على سراط الطاغوت وقس على ذلك : (الَّذِينَ آمَنُوا يُقَاتِلُونَ فِي سَبِيلِ اللَّهِ ۖ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ ۖ إِنَّ كَيْدَ الشَّيْطَانِ كَانَ ضَعِيفًا (76) النساء..\
ياخي الحق بين والباطل ابين.. الا من ابى محبتي
09-07-2019, 10:04 AM
تماضر الطاهر تماضر الطاهر
تاريخ التسجيل: 04-16-2018
مجموع المشاركات: 925
والله إنهم قوم مؤدبون تربوا على القيم الجميلة والأخلاق الفاضلة ....والصدق ، لا يهمنى لأي جهة تنتمي طالما هي من "البشر"..الذين لا ينتمي إليهم الكيزان.... ، ولديها ما تقدمه للبلد وإنسانه الآمل.
09-07-2019, 10:20 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: الفترة الانتقالية محكومة بالوثيقة و ما فيها خيار و فقوس لا احزاب فيها ... بعدها الحشاش يملأ شبكتو صندوق الأختراع هو الفيصل لا تهميش و لا تشويش ... و كل حزب او طائفة الشعب حا يعرف مدى شعبيتها ...
انا لا انتمي الى اي حزب، انما انتمي الى فكرة الفوق دي حقوق اساسية ما عندها علاقةبي فترة انتقالية ولا ديمقراطية.. دي ليها علاقة بحقوق الإنسان.. الله يملا ليك شبكتك بقدر نيتك
09-07-2019, 10:29 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: انا لا انتمي الى اي حزب، انما انتمي الى فكرة الفوق دي حقوق اساسية ما عندها علاقةبي فترة انتقالية ولا ديمقراطية.. دي ليها علاقة بحقوق الإنسان.. الله يملا ليك شبكتك بقدر نيتك
اذا اتباع فكرتك دي اغلبية فمبروك عليكم حكم السودان اما اذا كان اتباع فكركم لا يملأون حمولة دفار فحقو توطو صوتكم السياسي شوية ...
09-07-2019, 10:41 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: اذا اتباع فكرتك دي اغلبية فمبروك عليكم حكم السودان اما اذا كان اتباع فكركم لا يملأون حمولة دفار فحقو توطو صوتكم السياسي شوية ...
طبعا أنصار الفكرة الجمهورية ليسوا أغلبية، ولا يطمحون لحكم السودان، ولكن يكفيهم جدا أن يكون حكم السودان ضامنا للحقوق الأساسية وينجح في تحقيق شعار الثورة "حرية سلام وعدالة". بس.
مع تحياتي لك وللممنصوري والجميع
ياسر
09-07-2019, 11:00 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: الفكر الجمهوري عندهم وطي صوتك معناها اسكت ... ؟؟
خليني اشرحها ليك ببساطة يمكن ما تكون انتبهت لى انك بتقول شنو؟ وطي فعل امر مرادف لكلمة اخفض لايهم شوية ولا كتير المهم انك عاوز صوتي ما يكون مسموع ، اها انا بقول ليك نحن يفترض في الفترة الإنتقالية التي من ضمن مهامها اتاحة الفرصة للإصوات المهمشة زي صوتي ده. يبقى انت لمن تقول وطي صوتك، بتحرمني من حقي في التعبير بحرية لأنك ادخلت فيما يخصني ولا يخصك.. وقع ليك
09-07-2019, 12:18 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
ولاء لا اعرفها ولكن والدتها فعلا جمهورية من عندنا ناس الباوقة وكمان قريبة حبيبنا ونسيبنا عمر ود الباوقة رد الله غربته ====================== حبيبنا محمد الشسخ تحياتي دلالة على ان عائلة ودالباوقة فيها تنوع سياسي (هههه) ودالشيخ محاولاتك لارجاع قريبك ودالباوقة
تحياتي اللحبيب ودالحبيب
09-07-2019, 01:55 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
الفكر الجمهوري هو نسخ من البهائية ويتضارب مع الرسالة المحمدية وفيه تناقض بائن لا يخفى على اي عين بصيرة والاستاذة ولاء لا نعرف عنها إلا ما كتب هنا وإن كانت جمهورية فهي حرة في اعتقادها ونحكم عليها باعمالها مع تمنياتنا الصادقة ان ينتقل السودان لمرحلة جديدة وأن لا يسود القهر وحكم الفرد بلادنا مرة رابعة وإن شئت قل خامسة
09-07-2019, 02:36 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
اجمل مافي البوست ان ارى صوت جمال المنصوري يرتفع له تحياتي وكل المتداخلين وصاحب البوست. الفكرة الجمهورية تعلمنا منها الكثير قيم الحرية والعدالة واحترام الاخر والحوار بالتي هي احسن وووو ... لاتحصى. ويا صحبي ابو حسين الدفارات المليانة والحناجر المرتفعة بالضجيج مثل اصوات البراميل الفارغة ماذا جنينا منها طوال ٣٠ سنة حسوما. اقول قولي هذا واقر واعترف بفضل الفكر الجمهوري علي شخصي دون ان التزم به الا كصديق لهذا الفكر الذي علم السودانيين ادب الحوار
09-07-2019, 02:46 PM
Abureesh Abureesh
تاريخ التسجيل: 09-22-2003
مجموع المشاركات: 30182
الاخ على الكنزى.. سلام يا اخى من تواضع لله رفعه. لو قعدت شوية فى ارض الله دى و تركت دعوى ان كل من يختلف مع قناعاتك بالفكر الجمهورى ان عينه ليست بصيرة.. يحصل شنو؟ ساحترم رايك لو قلت فيه تناقض بائن و سكت.. اما الأعين الاخرى و ما اذا كانت بصيرة ام عمياء فتحتاج الى احصائيات من المصحات العقلية .
تحياتى
09-07-2019, 03:03 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: اما اذا كان اتباع فكركم لا يملأون حمولة دفار فحقو توطو صوتكم السياسي شوية ...
الكلام ده يا صاحبي اذا كنا نحن في مرحلة الديمقراطية وأنا طرحت نفسي عشان ينتخبوني، عندها كلامك ده يكون معقول... لكن يا سيدي الفاضل انا عبرت عن رائي في حقوقي الأساسية وما مشيت ناحية السياسة نهائي، قوم انت ختفت الكلام وحورتو لسياسي مع انو انا برضوا شرحت ليك انو دي حقوق اساسية غير قابلة للتفاوض أو المساس.. عشان كده انا قلت ليك عاوزني اسكت ولا ايه... بس تقول شنو؟ انت شلت الكلام وهاك طاخ لصقتو في الجمهوريين.. مع انو نا اتكلمت عن نفسي .. عشان كده سألتك انت عاوزني اسكت ولا شنو ؟؟ (الضمير في عاوزني رلجع لي انا وليس الجمهوريين) يا خي دي فترة انتقالية الناس بما فيهم صاحب البوست عبروا عن اراءهم بكل حرية، يا خي خليك ديمقراطي، حاول افهمني انا قلت شنو؟ ياخي طلباتي دي حقوق انسان يعني انا وانت متساويين فيها. ما فيها اغلبية واقلية .. وقع ليك؟
اها تقدر تقول لي الجاب الدفار، وحقو توطوا صوتكم، والجوطة دي كلها شنو؟ كدي راجع نفسك شوية وشوف تسلسل الموضوع: وده كلامي للذكرى:
Quote: الإخوة جميعا لكم محبتي
بصفتي انتمي الى فكر الأستاذ/ محمود ( الفكرة الجمهورية) ارى من حقي كسوداني أولا واخيرا انا ارى نفسي ممثلا في السلطة السودانية، وارفض اي تهميش يمس حقوقي في التعبير عن نفسي وفكري، ومعتقدي، دون اي مني ولا اذى، ولست ملزما بتقديم الشكر لحصولي على حقي. وليس من حق احد أن يتغول على حقوقي الدستورية تحت اي بند وشكرا
وده كلامك الما عندو علاقة بموضوعي:
Quote: الفترة الانتقالية محكومة بالوثيقة و ما فيها خيار و فقوس لا احزاب فيها ... بعدها الحشاش يملأ شبكتو صندوق الأختراع هو الفيصل لا تهميش و لا تشويش ... و كل حزب او طائفة الشعب حا يعرف مدى شعبيتها ...
وده ردي ليك:
Quote: انا لا انتمي الى اي حزب، انما انتمي الى فكرة الفوق دي حقوق اساسية ما عندها علاقةبي فترة انتقالية ولا ديمقراطية.. دي ليها علاقة بحقوق الإنسان.. الله يملا ليك شبكتك بقدر نيتك
طبعا ما في داعي اقول ليك انو الماء انواع، فيه المالح وفيه العذب، وفيه ماء المجاري، وفيه الماء المهين الا انو صاحبك بتاع المثل ما شاف غير انو كلو موية,, ويمكن شربها كمان.
09-07-2019, 03:50 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
كل سودانى له الحق فى المشاركه فى اداره وطنه حسب امكاناتو وكفاءتو طبغا الا الكيزان كائنات مخربه لاتعترف بشىء اسمو وطن او دوله . باى حق طالب بممارسه ديمقراطيه وحق فى اداره كيان لا يعترف به (حسب فكرو وثقافتو )
09-07-2019, 03:58 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
صباح الخير رفيقاتي ورفاقي شباب وشابات السودان العظيم نحن الآن بدآنا مرحلة ممارسة الديمقراطية التي حرمنا منها سنين عددا، سنخطأ أحيانا ونصيب، وستختلط بعض الأوراق بين الشأن العام والخاص أحيانا وبين المرحلة الثورية التي عشناها من ديسمبرومرحلة البناء الآن فلكل لغته وطريقته وإستراتيجياته، فكما كنا ثوار شرسين يجب أن نقاتل كوحدة واحدة بشراسة في هذه المرحلة، المهم يجب أن نتذكر لايوجد ماهو مقدس علي هذه الأرض وكل يمكن أن ينتقد وينظر فيه ويفاد وسأستمع لكل الإنتقادات بغرض التصويب وإيجاد الحلول والبدائل، لايوجد خير محض كما لايوجد شر محض، لكن لنتفق لنتفق لنتفق ثلاثا المرحلة القادمة هي المرحلة الثانية لثورتنا المجيدة وهي حرجة جدا بما فيها من عقبات ومطبات وعراقيل، وهدفها تتويج حكومة مدنية منتخبة وتحتاجنا جميعا دون فرز. أتعهد أنا ولاء أمامكم و كما فعلت حين مشاركتكم خبر حوزنا علي وزارة الثورة كشباب من باب الشفافية التي ستكون بيننا وتمليك المعلومة التي طالما غابت عنا، أتعهد أن أبذل طاقتي القصوي من أجلكم/نا جميعا شباب السودان (الشباب والرياضة) دون فرز ، شرقا وغربا، شمالا وجنوبا وفي كل بقاع الوطن الحبيب، منتمين لأحزاب سياسية أو غير منتمين، لنبني السودان الذي عشناه أمام إعتصام القيادة المجيد في كل السودان، وطن لايفرق بناء علي عرق، دين، حزب سياسي أو طائفة سودان موحد بسماحتنا المعهودة، سنواجه بعض المعارك هنا وهناك، سننجح أحيانا وقد نفشل أحيانا أخري ولكن المهم أن نستمر وأن لانحيد عن مطلب الثورة الأساسي وأن لانستلق أثناء المعركة كما وصانا صديقنا الشهيد عبدالعظيم "عظمة" وزارة الثورة هي بيتنا الكبير الذي طالما حرمنا منه وماهي إلا إستكمال لما إبتديناه في ديسبمر المجيد سنقودها جميعا كما قدنا مرحلة الثورة الأولي، لأننا نطمح بتتويج الحكم المدني المكتمل الأركان بقيادة شبابية واسعة مدنيا وسياسيا ومجتمعيا. ستكون لنا وسائل تواصل متنوعة ومباشرة لمشاركة، الأفكار والأراء والحلول والهم العام.
المجد والخلود للشهداء في عليائهم
حي علي العمل #حنبنيهو #الثورة_مستمرة ولاء البوشي
09-07-2019, 05:26 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: الكلام ده يا صاحبي اذا كنا نحن في مرحلة الديمقراطية وأنا طرحت نفسي عشان ينتخبوني، عندها كلامك ده يكون معقول... لكن يا سيدي الفاضل انا عبرت عن رائي في حقوقي الأساسية وما مشيت ناحية السياسة نهائي، قوم انت ختفت الكلام وحورتو لسياسي
Quote: بصفتي انتمي الى فكر الأستاذ/ محمود ( الفكرة الجمهورية) ارى من حقي كسوداني أولا واخيرا انا ارى نفسي ممثلا في السلطة السودانية
المقتبسين أعلاه من مداخلتين موجودات في هذا البوست .. !!! و تبعتها بي تهمة ختف الكلام و تحويره .... !!!!!!
09-08-2019, 03:41 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: : الكلام ده يا صاحبي اذا كنا نحن في مرحلة الديمقراطية وأنا طرحت نفسي عشان ينتخبوني، عندها كلامك ده يكون معقول... لكن يا سيدي الفاضل انا عبرت عن رائي في حقوقي الأساسية وما مشيت ناحية السياسة نهائي، قوم انت ختفت الكلام وحورتو لسياسي Quote: بصفتي انتمي الى فكر الأستاذ/ محمود ( الفكرة الجمهورية) ارى من حقي كسوداني أولا واخيرا انا ارى نفسي ممثلا في السلطة السودانيةالمقتبسين أعلاه من مداخلتين موجودات في هذا البوست .. !!!و تبعتها بي تهمة ختف الكلام و تحويره .... !!!!!!
اوع تقول لي انك مستند على الكلام المقتبس ده في دفاعك عن فهمك لي كلامي..تبقى مصيبة كبيرة جدا...!!شوف يا الحبيب ما مرت عليك العبارة دي؟
Quote: ارى من حقي كسوداني أولا واخيرا انا ارى نفسي ممثلا في السلطة السودانية، وارفض اي تهميش يمس حقوقي في التعبير عن نفسي وفكري، ومعتقدي، دون اي مني ولا اذى، ولست ملزما بتقديم الشكر لحصولي على حقي. وليس من حق احد أن يتغول على حقوقي الدستورية تحت اي بند
ارى من حقي كسوداني، دي ما شفتها؟اها دي معناها شنو يا سيد اللمنتي عليك؟ دي ببسيط العبارة انو انا كسوداني مجرد سوداني عادي (بعيدا عن انتمائي الفكري) وبعدها قلت (انا أرى نفسي ممثلا في السلطة السودانية) يعني السلطة السودانية الحالية معبرة عني كسوداني، برضو يعني شنو؟ يعني ببساطة كده لحدت دلوقت عندها التزام بالشعارات الثلاث التي يتبناها السودانيون جميعا :حرية سلام وعدالة.بجانب ما ورد في ديباجة الوثيقة الدستورية.اها ده علاقتو شنو بالجمهوريين؟وعلاقة شنو بالسياسة؟اذا ماك عارف الفرق شنو بين الحقوق الأساسية وبين الممارسة السياسية، ما في مشكلة ممكن تستعين بالخبراء السياسيين والحقوقيين في المنبر عشان يوضحوها ليك اكنر مني بحكم تخصصهم.كده وقع ليك؟
Quote: اوع تقول لي انك مستند على الكلام المقتبس ده في دفاعك عن فهمك لي كلامي
و مال عايزني أستند علي مخدة مثلاً عشان أفهم كلامك ...؟؟؟؟؟ إستندت علي كلامك و أهو قدام الجميع (( انا ارى نفسي ممثلا في السلطة السودانية)) دي شنو ...؟؟؟؟ و ل عايز تنجر ليك مبرر لي تهكمك و تريقتك و الإتهام الباطل ....
09-08-2019, 05:52 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: (( انا ارى نفسي ممثلا في السلطة السودانية)) دي شنو ...؟؟؟؟ و ل عايز تنجر ليك مبرر لي تهكمك و تريقتك و الإتهام الباطل ....
باطل شنو يازول كدي امش شوف المداخلها في موضعها وجيبها براك وشوف انا كاتب شنو؟ المداخلة موجودة تحت مداخلة ياسر الشريف البعد مداخلة ابوبكر عباس، وموجودا في اقتباسك الأنت جيبو وعلي فكرة ما فيها اي تعديل عشان ما تقول لي مشيت عدلتها ، وبعدين تعال قول كلامك ده. بعدين شنو نجر ومبررات ؟ خليك محترم كلامي واضح وموثق اما اذا كنت عاوز تجرني للمهاترات فشنو شوف ليك زول غيري انا ما زول مهاترات..
09-08-2019, 06:29 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
بصفتي انتمي الى فكر الأستاذ/ محمود ( الفكرة الجمهورية) ارى من حقي كسوداني أولا واخيرا انا ارى نفسي ممثلا في السلطة السودانية، وارفض اي تهميش يمس حقوقي في التعبير عن نفسي وفكري، ومعتقدي، دون اي مني ولا اذى، ولست ملزما بتقديم الشكر لحصولي على حقي. وليس من حق احد أن يتغول على حقوقي الدستورية تحت اي بند وشكرا
دي المداخلة كااااااااااااااااااااااااملة ..... و لا تعليق .......
09-08-2019, 06:31 AM
Kabar Kabar
تاريخ التسجيل: 11-26-2002
مجموع المشاركات: 18537
صباح الخير رفيقاتي ورفاقي شباب وشابات السودان العظيم نحن الآن بدآنا مرحلة ممارسة الديمقراطية التي حرمنا منها سنين عددا، سنخطأ أحيانا ونصيب، وستختلط بعض الأوراق بين الشأن العام والخاص أحيانا وبين المرحلة الثورية التي عشناها من ديسمبرومرحلة البناء الآن فلكل لغته وطريقته وإستراتيجياته، فكما كنا ثوار شرسين يجب أن نقاتل كوحدة واحدة بشراسة في هذه المرحلة، المهم يجب أن نتذكر لايوجد ماهو مقدس علي هذه الأرض وكل يمكن أن ينتقد وينظر فيه ويفاد وسأستمع لكل الإنتقادات بغرض التصويب وإيجاد الحلول والبدائل، لايوجد خير محض كما لايوجد شر محض، لكن لنتفق لنتفق لنتفق ثلاثا المرحلة القادمة هي المرحلة الثانية لثورتنا المجيدة وهي حرجة جدا بما فيها من عقبات ومطبات وعراقيل، وهدفها تتويج حكومة مدنية منتخبة وتحتاجنا جميعا دون فرز. أتعهد أنا ولاء أمامكم و كما فعلت حين مشاركتكم خبر حوزنا علي وزارة الثورة كشباب من باب الشفافية التي ستكون بيننا وتمليك المعلومة التي طالما غابت عنا، أتعهد أن أبذل طاقتي القصوي من أجلكم/نا جميعا شباب السودان (الشباب والرياضة) دون فرز ، شرقا وغربا، شمالا وجنوبا وفي كل بقاع الوطن الحبيب، منتمين لأحزاب سياسية أو غير منتمين، لنبني السودان الذي عشناه أمام إعتصام القيادة المجيد في كل السودان، وطن لايفرق بناء علي عرق، دين، حزب سياسي أو طائفة سودان موحد بسماحتنا المعهودة، سنواجه بعض المعارك هنا وهناك، سننجح أحيانا وقد نفشل أحيانا أخري ولكن المهم أن نستمر وأن لانحيد عن مطلب الثورة الأساسي وأن لانستلق أثناء المعركة كما وصانا صديقنا الشهيد عبدالعظيم "عظمة" وزارة الثورة هي بيتنا الكبير الذي طالما حرمنا منه وماهي إلا إستكمال لما إبتديناه في ديسبمر المجيد سنقودها جميعا كما قدنا مرحلة الثورة الأولي، لأننا نطمح بتتويج الحكم المدني المكتمل الأركان بقيادة شبابية واسعة مدنيا وسياسيا ومجتمعيا. ستكون لنا وسائل تواصل متنوعة ومباشرة لمشاركة، الأفكار والأراء والحلول والهم العام.
المجد والخلود للشهداء في عليائهم
حي علي العمل #حنبنيهو #الثورة_مستمرة ولاء البوشي
09-08-2019, 07:13 AM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
قبل أيام راجت في الأسافير قائمة نسبت لحسين خوجلي تقدّم فيها بمقترح وزراء لحمدوك ... في اللستة كان في اتنين من الجمهوريين (ثاني اللستة كان د. النور حمد) وبعد مسافة جاب بروفسير عصام البوشي ---- وجدت في الأسافير حديثا لأحد زملاء الأخ بروف عصام في جامعة الجزيرة (المقال الوقع في ايدي غير مذيل بأسم وبحثت عن أسم كاتبه ولم أعثر عليه ولكن واضح عندي أنه ليس من الجمهوريين). ==== والشخصية التي سنتناولها بالحديث هو شخص غير عادي يشار إليه بالبنان ويحظى بالتقدير والاحترام من لدن الجميع ، هو أول السودان في امتحان الشهادة السودانية ، وهو ذلك الطالب النجيب الذي قيل أنه نبه الأستاذ المراقب في قاعة الامتحان لخطأ في إحدى مسائل مادة الرياضيات ، وتبين لاحقاًً صواب ما ذهب إليه ، إنه ( عصام البوشي ) ...
عندما فكرت في كتابة هذا المقال المتواضع عن بروفسير عصام عبد الرحمن أحمد عساكر ، هذا الرجل المتفرد الذي جمع بين الدين والعلم مع سمو الأخلاق وكريمها ، ذلك العلم البارز في جميع مراحل حياته ، تذكرت أولئك العمالقة من الرجال المخلصين في مرحلة التأسيس لجامعة الجزيرة في السبعينات ، وهم كوكبة من العلماء والأساتذة ، ضحوا بأوقاتهم وقدموا عصارة جهدهم وعلمهم حتى تبوأت هذه الجامعة الفتية وعن جدارة صدارة مؤسسات التعليم العالي ، حيث كان من الأوائل ، الذين انضموا لهذه الجامعة الفتية ، ولقد رسم لنفسه منهجاً متوازناً يستشرف المستقبل ويؤصل فكرة ثوابت أمته ، فعمله في محيط التعليم الجامعي جعل الكثير من طلابه يتأثرون بالكثير من الأفكار والرؤى التي يقدمها بأسلوب حضاري علماً بأنه في ذلك الوقت لم يكن المناخ مناسباً وملائماً لحالة الانفتاح التي يعيشها مجتمعنا الآن ، فلهذا برزت لديه الكثير من المهارات التي أهلته ليكون قيادياً في حياته الوظيفية ، التي كان موعده معها بداية عندما عين عميداً للدراسات العليا والشؤون العلمية ، وبروفسير عصام البوشي يحمل صفات جمة ، لعل أبرزها : ـ له شخصية مهيبة ومؤثرة تتسم بالخلق الرفيع وبالسماحة والقوة في الحق وحب الآخرين وحبه لفعل الخير وحرصه على ذلك . ـ الحلم والأناة وعدم الغضب ، فقد عرفته طاهر القلب ، عف اللسان ، هادئ الطبع وقراً ، يبتسم للشـدائد ، محبوباً عند الناس واصلاً لرحمه ، باراً بوالديه ، راعياً لهما حق رعايتهما ، ولم يقف عند هذا الحد بل أتى ذوي القربى حقهم وزيادة . ـ متحدثاً بليغاً وحكيماً مع خبرة عميقة بالحياة والناس . ـ ومن أهم ما يميز هذا الرجل تواضعه الجم وثقته بنفسه وسمو أخلاقه ، ومن الأمورالتي تسجل له الدعوة إلى الله بالحكمة والموعظة الحسنة ، كذلك تواده في المناسبات الرسمية والاجتماعية فهو لا يمكن بأي حال من الأحوال أن يهمل تلك الدعوات التي توجه إليه من الوسط الرسمي والشعبي فالمناسبات الوطنية والأمسيات الأدبية والدينية والمناسبات الاجتماعية تجده حاضراً فيها يستمع ويناقش ويحاور أيضاً. ـ سيدة المدائن ( ودمدني ) التي ولد وتربى وترعرع فيها هي وأبناؤها في قلبه حاضرة يشارك أهلها أفراحهم ويحضر مناسباتهم الاجتماعية والرياضية ، وقبل هذا وذاك حرصه الشديد على التواصل مع أطياف المجتمع.
وبروفسير عصام البوشي من أسرة طيبة مباركة عريقة في الحسب والنسب ، عُرف أفرادها بالأخلاق الحميدة والسجايا الفاضلة والتواضع الجم ، ورث الصفات الطيبة والأخلاق الحميدة من جده لامه الشيخ مدثر البوشي ووالده وأعمامه الأفاضل ـ رحمهم الله ـ وكأني بالشاعر يقول:
أولئك آبائي فجئني بمثلهم
إذا جمعتنـا يا جرير المجامـع
ولهذا فأن علاقاته بالآخرين طابعها الاحترام والتقدير ومعرفة عميقة بأهل ودمدني وأنسابهم ، ويحضرني هنا أننـا كنا في إحدى المرات جلوساً في صباح أحد الأيام أمام مباني الكلية الإعدادية كعادتنا في كل يوم قبل بداية الدوام اليومي ، حيث يجتمع هنا جل أعضاء هيئة التدريس والعاملين بالجامعة وكان عددهم وقتها محدوداً ، فقدم إلينا أحد خفراء الجامعة القدامى ( كان قد تقاعد عن العمل منذ فترة ) ، فسـلم على الجميع بالاسم وكان من بيننا بروفسير يوسف قمر ، والذي رد تحية الشيخ بقوله : \" أهلاً يا حاج \" .. الرجل امتعض وقال والألم واضح في نبرات:\" صوته خلاص نسيتونا يا قمر يا ولدي !!؟\" ، ومن عجب أن جميع الجالسين لم يتذكروا اسم الرجل .. بروفسير قمر تلفت يميناً ويساراً ، وقال والحرج والارتباك بادياً على وجهه\" وين يا جماعة عصام البوشي يحلنـا !! ؟ \".. وصدق فلو كان عصام البوشي موجوداً بيننــا لسـلم على الشيخ باسمه ، حيث عرف عنه أنه يعرف جميع العاملين بالجامعة بالاسم ـ بلا مبالغة ـ مثلما يعرفونه هم كذلك بالاسم .... فمن رابع المستحيلات أن تجد بالجامعة شخصاً لا يعرف عصام البوشي وهذا طبعاً ليس لأنه حفيد الشيخ مدثر البوشي فحسب وإنما لأنه خالط جميع شرائح المجتمع فأحبهم وأحبوه ، إنه شخصية فريدة فذة .
وأيام ( بروفسير عصام البوشي ) بجامعة الجزيرة كانت حافلة بالعطاء والشموخ والمسؤولية . وكان بحق رجل المسؤوليات الكبيرة والمواقف المشرفة ، وساهم ضمن صفوة من الأساتذة والعاملين في أن تحتل جامعة الجزيرة هذه المكانة المتميزة بين مؤسسات التعليم العالي بالسودان ، هؤلاء أبلغ وصف فيهم مقولة أ. عبد الحليم سر الختم في أول حفل لاستقبال الطلاب الجدد ، حيث وصفهم بأنهم : ( مصابيح دُجُى وقناديل خير ) صدقت أخي عبد الحليم إنهم والله لكذلك .. نذكر منهم على سبيل المثال لا الحصر الأساتذة الأجلاء المرحوم بروفسير محمد عبيد مبارك وبروفسير عمر حسن جحا وبروفسير ميرغني عبدالعال حمور ودكتور محمود عبد الله إبراهيم وبروفسير يوسف قمر والمرحوم الأستاذ / محمـد عمـر أحمـد ، وبروفسير سامي فيرجون والمرحوم بروفسير صلاح الدين طه صالح وبروفسير عبد السلام محمود وبروفسير مبارك مجذوب وبروفسير إسماعيل حسن حسين وبروفسير النور أبو صباح وبروفسير عثمان طه ودكتور عباس الكارب،والمرحوم بروفسير بشير الفاضل مكي ودكتور يوسف طه جمعة ودكتور يوسف على رجب ودكتور محمد الطريفي ودكتور محمداني ودكتور مكي الطيب و الأستاذ هاشم عوض والمهندس قاسم بيطري والأستاذة نور عبدالرحيم والسيدة الفضلى الأستاذة نفيسة يوسف صبير ،والأستاذ مبارك عبدالوهاب ومحمود كنانة والأمين الطيب وعبد الرحيم عمر المبارك والحاج مكي مدني ويوسف محمد بابكروالمهندس مكي دفع الله والأخوان مبارك وبابكر وعلي عبد القادر وهاشم محمد أحمد ومحمد إبراهيم خالد ودريسه وعبد الكريم ومحمود محمد محمود، وغيرهم من الأفذاذ ، وكانت بصمات ونجاحات بروفسير عصام البوشي واضحة في كافة الأعمال القيادية والمهام والمسؤوليات التي تولاها بالجامعة وكان في مستوى المسؤولية . وبعد فصله من الجامعة ضمن قائمة تجاني حسن الأمين الشهيرة التي حرمت الجامعة من كوكبة من خيرة الأساتذة والعاملين ، كانت محطتة الثانية ( كلية ودمدني الأهليــة ) ، وهناك استطاع أن يحقق نجاحاً مرموقاً ، وكان عند حسن ظن القائمين على أمر هذه الكلية ، ففي بضع سنين أستطاع النهوض بها لتكون (جامعةً أهليـةً ) بها عدد من الكليات ، ولها مبانيها المستقلة بعد أن كانت تستأجر بناية بشرق مطار ودمدني القديم ، لأنه بتنويره العلمي المتعدد الثقافات وبإلمامه بمهارات القيادة جعلته إنساناً مبدعاً ، ووسط هذا العطاء المتواصل ، تحقق ما يشبه المعجزات فالمال ( على أهميته ) لا يحقق ما تحقق ، ولكنه توفر الإرادة لدى هذا الإنسان صاحب التجارب المتنوعة ، فقد كان يوظف أفكاره وتطلعاته لخدمة هذه الجامعة ، وهذا الإنجاز الكبير الذي تحقق كان بفضل الله تعالى أولاً ، ثم بمعاونة كوكبة من المخلصين(مواطنين وأساتذة وعاملين ) ، فلهم جميعاً التحية والتجلة والتقدير ، فجامعة ودمدني الأهليـة هي اليوم مفخرة للتعليم الأهلي ... وهي مفخرة لكل أهل ودمدني ، فهنيئاً لك أخي عصام على هذا الإنجاز العظيم ، وندعو الله لك بالتوفيق والنجاح في حياتك .
وحيث أن السلسلة الذهبية التي ذكرتها أنفاً من الأطوار والأدوار التي قام بها بروفسير عصام البوشي خلال أكثر من ثلاثة عقود مضت لم تزده إلا تواضعاً وحباً لهذا العمل الشاق لما فيه خير مدينتنا الحبيبة ودمدني ، وامتداد أفضاله لتشمل كل المجتمع بطريقة مباشرة أو غير مباشرة فقد غرس خيراً وجنى عقولاً ورجالاً شاركوا في بناء وطننا المعطاء وقد استفادوا من أساتذتهم الأفاضل علماً وأدباً وخلقاً ، فقد كان أستاذنا الفاضل البوشي يمتاز بحسن تعامله وأدبه الجم ومحبتة للناس ومحبة الناس له ، وجاء في الأثر من أحبه الله حببه إلى الناس . وحقيقة الأمر أنني مهما تحدثت عنه لن أستطيع أن أحيط بهذه الشخصية التي تتنكر لذاتها في كل شئ ، ولكنها مشاعر صادقة تريد أن تعبر عن وجدانها بطريقتها الخاصة وبأسلوبها المتواضع ، حفظك الله أيها الأستاذ الجليل عصام البوشي ومتعك الله بالصحة والعافيـة . والله نسأل أن يديم علينا فضله وأنعامه ، لنظل من خير أمة . وحفظ الله بلادنا الحبيبة ، بلد الخير والتكافل ، وجعلها واحةً للأمنِ والمحبةِ والأمانِ .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ali Abdalla Hassan
Abureesh
د.نادر عديل
عباس محمود
كمال عباس
Yasir Elsharif
النذير حجازي
بدر الدين الأمير
Amin Abubaker Abdalla
احمد حمودى
عبدالله عثمان
Ahmed Yassin
Deng
نعمات عماد
ABUHUSSEIN
جمال المنصوري
MOHAMMED ELSHEIKH
تماضر الطاهر
علي عبدالوهاب عثمان
Ali Alkanzi
Asim Ali
Kabar
فيس بوك
تويتر
انستقرام
يوتيوب
بنتيريست