|
|
|
 Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
السبت القادم سيتم التوقيع النهائي علي
الإتفاق
الجدول الزمني لتأسيس هياكل السلطة الإنتقالية لن يتم تأخيره
او تعديله
يوم 28 أغسطس سينتهي كل شئ
ما معقول التأخير والتعطيل دا
حكومة كفاءات غير حزبية دا الإتفاق من قبل ٨ شهور
مافي اي طريقة لأي نوع من المحاصصة
قضايا السلام التفصيلية ستناقش في أول ٦ شهور
مع كل حملة السلاح والحركات والقوى الأخري
منبر السلام سيكون مفتوح
مع السلطة الإنتقالية المستقلة
مش كان مشيتو القاهرة مافي طريقة لأي محاصصة
السلام في أول ٦ شهور
السلام لا يناقش في غياب عبدالواحد وعبدالعزيز الحلو
ما تبحث عنه الجبهة الثورية لن تجده
قوى الحرية والتغيير لا سلطة لديها لتقتسمها معكم
وإذا فعلت فهي لا تمثل الثورة
دا عطاء من لايملك لمن لا يستحق
| |
 
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
سلام عبدالعظيم وكل سنة وإنت طيب
| Quote: قوى الحرية والتغيير لا سلطة لديها لتقتسمها معكم |
السلطة سلطة الشعب
قوى الحرية والتغيير لديها تفويض محدود لتمثيل الشعب
وليس لها صلاحيات في تعديل ما توافق عليه شعبياً مثل حكومة كفاءات من غير أحزاب ولا محاصصات
لو التزمت قوى الحرية والتغيير بحدود الصلاحيات الممنوحة لها في كل مفاوضاتها واعلنت عن إلتزامها لكفتنا شروراً كثيرة.
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
يا بشار القصة واضحة
الشعب السوداني عمل ثورة عظيمة
عاوز يعيد بناء السودان
عاوزين حكومة كفاءات مستقلة غير حزبية
قصة المحاصصة وقسمة السلطة الموضوع
دا تاني طريقه الإنتخابات
عشان ما كل مرة ينط لينا حزب يطلع الشارع
ويعمل ثورة شعبية ويقوض النظام الدستوري
وعشان ما كل زول حردان او ما لقى سلطة بالصندوق
يمشي يشيل سلاح ويعمل حركة
القصة دي منهكة وما حتقيف كله كله
عشان كدا دي فرصة كل الأحزاب والحركات المسلحة
تنتظر الإنتخابات وترشح كفاءات وطنية مستقلة
تسوق البلد لغاية الإنتخابات
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
قضايا السلام بكافة التفاصيل
ستناقش في أول ست شهور من عمر السلطة المدنية
الجرجرة هسي فوق شنو
ناس الجبهة الثورية عاوزين تحتكروا قضية السلام
دون إشراك عبدالواحد والحلو
هل يستقيم هذا الأمر؟
كل الحق الذي تمتمتع به أحزاب الحرية والتغيير
في الوقت الراهن هو ترشيح الكفاءات المستقلة
يلا اذا عاوزين ترشحوا كفاءات الباب مفتوح للكل
حتى للحركات غير الموقعة علي إعلان الحرية والتغير
لكن قسمة سلطة والكلام الفارغ الكان بيعمل فيه البشير
دا تاني مافي ليه مجال
إذا اصلا المسار السياسي حينتهي بمحاصصة
الناس ما كلن تقسم مع البشير وبلاش منها ثورة
اقلاها كان حقنا دم أولادنا الماتوا
دي ثورة تغيير وإعادة بناء
حرام السياسين يشتغلوا بي نفس عقلية
الكيزان وتقسيم الكيكة والكلام الغريب الكان بيحصل
الشارع واعي وصاحي وجاهز يثور
اي مجمجة من لوردات الحرب الشارع كله حيولع
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
كل عام وانت بخير اخي عبدالعظيم
والله انا مستغرب جدا من اعتقادك واعتقاد الكثيرين
انه مافي محاصصة , دا كلام فاضي وعلى الورق لطالما
في ناس ركبت على ظهر الثورة في اللحظة الاخيرة واختطفت
وتقاسمت الحكم مع مجلس قاتل , والغريب لما يجي الدور على قوى
الهامش يكون الكلام التفاف على حقوقهم. طيب سؤال منطقي وموضوعي
الحرية والتغيير ما كانت عارفة انه في حركات رفضت الاجتماع لاتفاق , وبرغم
دا اتفقت , يعني دا لعب ولا تخبط ولا ضحك على الناس ؟ ما هكذا تدار الامور يا اخي.
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
سلام عبد العظيم وعيد مبارك.
Quote: ناس الجبهة الثورية عاوزين تحتكروا قضية السلام
دون إشراك عبدالواحد والحلو
هل يستقيم هذا الأمر؟ |
ومن الذي تجاهل التنسيق مع الحلو وعبد الواحد وكذلك قيادات أخرى في شرق السودان وغيرها ؟!
أليس من فعل ذلك وتخطاهم كانت قوى قحت نفسها ؟!
| |
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: AMNA MUKHTAR)
|
\ ده وطن ولي جمعية تعاونية
(الشعب السوداني ) ما تضرسنا بيها
ذى قوى الاجماع الوطني
الشيوعيين والبعثيين والناصريين
متي اجمع (الشعب السوداني ) علي مشاريع الصرف الصحي دي ؟؟؟
https://up.top4top.net/
عشان كده تلثهو ورا البوتيكات المضروبة والعرب مصر والسعودية والامارات وامريكا الحايمة ام فكو...عشان تحكمو فقط مثلث الحمدي حدود علمكم وشعاركم وتقول الشعب السوداني
اعلانك الدستوري ده ما فيه ذرة فدرالية واسوا من دستور 2005 بعض الخفاض السنة العملتو السعلوة بدرية سليمان
انا عايز في المحاصصة دي
وزير الخارجية يكون دينق الور او فرانسين دينق
هو من دينكا نقوك المعانا في ابيي شمالي
رايك شنو
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: adil amin)
|
الجبهة الثورية على الحركات المسلحة ، مرتزقة
مستهبلين ، انتهازيين ومافي داعي للتفاوض مع أفراد
ليس لهم أي قاعدة جماهيرية ولا قوة عسكرية ، تعاملوا مع
النظام البائد تارة نواب ومستشارين ، وربما كانوا عصب الانقاذ
خليل ابراهيم وشقيقه مثالا
لو في تفاوض الناس تتفاوض مع ناس محترمين اصحاب مبادىء امثال عبد العزيز الحلو
باب الترشيح مفتوح للكفاءات وليس للوردات الحروب
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: ترهاقا)
|
محمد علي النقرو سلامات
ميثاق الحرية والتغيير واضح وقطع موضوع
السلطة الإنتقالية وحكومة الكفاءات المستقلة
مجلس السيادة التمثيل المدني فيه لكل أقاليم السودان
مجلس الوزراء حكومة كفاءات وطنية مستقلة
الكلام واضح ولا نكوص فيه
ناس الجبهة الثورية طرحوا عاوزين أربعة مقاعد في مجلس السيادة
وعاوزين يتم تضمين اتفاقههم مع قحت في أديس للوثيقة الدستورية
ويكتبوا اسم الجبهة الثورية في في الإتفاق النهائي كطرف ثالث
وهم اصلا ممثلين في الحرية والتغيير عبر كتلة نداء السودان
والكلام دا خطير فيه رغبة في إحتكار قضية السلام وترتيباتها
وفيه طمع في السلطة وطلب محاصصة وقسمة سلطة
كأنهم بيفاضوا في الكيزان..
الكلام دا إنتهي والثورة دي نسفت كل الطرق القديمة
عندهم الفرصة يرشحوا كفاءات وينتظروا الإنتخابات
مافي اي فرصة لاعادة العملية السياسية لمربع المحاصصة
يوم السبت القادم التوقيع النهائي
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
آمنة كل سنة وانتي طيبة
اتفق معاك ناس قحت اهملوا التنسيق
مع الحركات المسلحة كلها بشأن قضية السلام
وما اشتغلوها صاح كلن قدامهم فرصة ذهبية
يعقدوا مؤتمر سلام لمدة أسبوع ويتفقوا علي إعلان مبادئ
لكنهم لم يفعلوا وهسي قاعدين يدفعوا الثمن
والجبهة الثورية شغالة تبتز فيهم
قضية شرق السودان وتمثيل الشرق في مجلس السيادة
الموضوع دا برضه فيه خرمجة شديدة
والأهم من الكلام دا عدم تضمين قضايا الإقليم
الإستراتيجية في الإتفاق.. ولكن لم يفت شئ
يمكن ادراج إتفاقية الشرق وإعادة مناقشة قضية
الإقليم في منبر السلام بعد تأسيس السلطة المدنية
المهم ناس الشرق يكونوا جاهزين
الثورة تصحح نفسها بنفسها
الناس تكون صاحية وتقلع حقوقها
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
البتعمل فيه الجبهة الثورية في القاهرة لا علاقة له بالثورة او التغيير
محاولة إعاقة نقل السلطة للمدنيين بصورة قبيحة
انتو وقت عندكم القدرة على إخراج مظاهرات
منتظرين شنو 30 سنة
معقولة الإبتزاز ال بيعملوا فيه لوردات الحرب دا
ما قادرين يستوعبوا نقل السلطة للمدنيين بدون محاصصة وقسمة سلطة
وتوزيع مناصب!!!
قلنا ليكم الكلام دا في أول البوست الحرية والتغيير ما عندها سلطة
ولا بتقدر توعدكم باي صيغة لقسمة السلطة
شغالين شغل الثورة المضادة افضل من صلاح قوش
وأفضل من الكيزان
الثورة دي محروسة بالوعي المدني وبالنضال السلمي
دي ثورة مدنية وسلمية تتخذ من اللاعنف سبيل لتحقيق
أهداف الجماهير.. اولي شروط نقل السلطة عدم المحاصصة
وعدم اقتسام السلطة
قضايا السلام كلها ستفتح في منبر السلام
خلال ال 6 شهور الأولي من عمر السلطة المدنية
اي كلام تاني عن تأجيل تشكيل السلطة او إعادة التفاوض
حول الوثيقة الدستورية دا شغل ثورة مضادة بإمتياز
مافي زول حيوقف العملية السياسية ونقل السلطة
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
السيناريو القادم مرسوم بعناية
تحتشد الثورة المضادة وتحاول ان تضرب الثورة
وتعطل نقل السلطة للمدنيين
هذه المرة اذا دعت الجبهة الثورية الي تظاهرات كما تقول
سيخرج الكيزان تحت راية الجبهة الثورية لتأجيج الشارع
وقطع الطريق علي إكمال المسار السياسي ونقل السلطة للمدنيين
لازم الناس تكون صاحية
لوردات الحرب ديل لا عندهم جماهير ولا عندهم نقابات ولا عندهم قطاعات فئوية
كل قضايا السلام ومعالجة القضايا الناجمة عن الحرب ستناقش
في أول ٦ أشهر
اي محاولة لتعويق نقل السلطة دا شغل ثورة مضادة
مليون تحية للقائد عبدالعزيز أدم الحلو
الذي قال سيتفاوض مع السلطة المدنية بشأن السلام ووقف الحرب
بينما حلفاء الحرية والتغيير في الجبهة الثورية يعملون على
نسف المسار السياسي وتعطيل نقل السلطة للمدنيين
دي مصيبة شنو دي
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
علي الحكومة المدنية القادمة أن تضع وفي قائمة أولوياتها - مخاطبة قضايا الهامش والتنمية المتوازية والتمييز الإيجابي - إقتصاديا - للمناطق المتضررة بالحروب - ومعالجة قضايا النزوح والإستقرار
والتوزيع العادل للسلطة والثورة ... الخ
إي التركيز علي القضايا والجانب الموضوعي - ووقف الإقتتال والعمل علي جذب الفصائل المسلحة للعمل المدني والسياسي وفي إعتقادي أن جماعة عبد الواحد تملك ثقلا علي
أرض الواقع وكذلك تيار الحلو ممايسهل عليهم الدخول في إي برلمان - منتخب -** حاليا أقف مع تمثيل هذه الفصائل .التشريعي في الجهاز بإعتبارها جزء من مكونات نداء السودان.
* والحقيقة لا أدري لماذا - يدعي تحالف - الدقير -المهدي تمثيل نداء السودان والتحدث بإسمه بينما أغلب فصائل التحالف - تقف خارج دائرة ما يتفق عليه المهدي والدقير..
علي الأقل الحزب الشيوعي - في المواقف التي تخصه - لايدعي تمثيل قوي الإجماع ولايتحدث بإسمها - إنه يضع فاصلا بينه وبين قوي الإجماع في القضايا الخلافية بينما يمارس المهدي
والدقير - الكوار - وتزييف إرادة الحليف والظهور بمظهر وحجم أكبر - من حجمهم - إي التفاوض والتمثيل - تحت قبة نداء السودان الذي تختلف معظم فصائله مع خط الدقير والمهدي -
إنها الفهلوة وعدم الأمانة والخم الجزافي -
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: كمال عباس)
|
إذا في توافق حول تعديل الوثيقة الدستورية بإضافة
الجبهة الثورية، يجب أخلاقيا ان تضاف اسماء
حركات عبدالواحد وعبدالعزيز الحلو
(الجبهة الثورية والحركات المسلحة) الكلام دا لايستقيم
وغير منصف لحركات الحلو وعبدالواحد
ربما يكون هذا النص (إذا تم تعديله كما هو متداول)
سيكون عقبة في المستقبل أمام إتمام ملف السلام
يجب الا ترضخ قوى الحرية والتغيير لابتزاز لوردات الحرب
في القاهرة..
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: عبدالعظيم عثمان)
|
Quote: اتفق معاك ناس قحت اهملوا التنسيق
مع الحركات المسلحة كلها بشأن قضية السلام
وما اشتغلوها صاح كلن قدامهم فرصة ذهبية
يعقدوا مؤتمر سلام لمدة أسبوع ويتفقوا علي إعلان مبادئ
لكنهم لم يفعلوا وهسي قاعدين يدفعوا الثمن
والجبهة الثورية شغالة تبتز فيهم
قضية شرق السودان وتمثيل الشرق في مجلس السيادة
الموضوع دا برضه فيه خرمجة شديدة
والأهم من الكلام دا عدم تضمين قضايا الإقليم
الإستراتيجية في الإتفاق.. ولكن لم يفت شئ
يمكن ادراج إتفاقية الشرق وإعادة مناقشة قضية
الإقليم في منبر السلام بعد تأسيس السلطة المدنية
المهم ناس الشرق يكونوا جاهزين |
سلام عبدالعظيم
الني برجع للنار.
ما اشتغلوها صاح لكن فرصة ذهبية في المستقبل
و فيها خرمجة شديدة لكن لم يفت شئ.
يا عبدالعظيم احنا بنتكلم عن مستقبل بلد كامل, كيف تضمن ان تأتيك الفرص الذهبية مرتين؟
و كيف لي ان اثق في زول من اول مرة جلاها و بقول لي انتظرني انا ابقي في السلطة و بعداك بجيب ليك حقوقك؟
ليه يا جماعة المنطق الغريب ده؟
لو الناس عايزة تعمل حاجة صاح, تعملها من اول مرة و فضوها سيرة.
______________
كلامك الفوق مؤلم حقيقة.
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: Mahjob Abdalla)
|
مشالله عليك ويا سلام
من متبن كانوا مهتمين بحركه عبدالواحد والحلو بطريقه ولا اشان رفض جلوس معكم انتو عازبن كل قوي ما يشترك معاكم في حكومه الانتقاليه. لابد من جود الهامش في حكومه الانتقاليه بمجلسين كمان.
اذا بكره حركتين قالوا عازبن نشترك في حكومه الانتقاليه. الشيوعيين والبعثيين والناصريين والعروبيين تفتشوا علل تانيا.
خطأ الذي ارتكبته قوي الحركات الثوريه ترك الحبل على القارب لفتره طويله من المفروض يتدخل من اول يوم أولادكم المستعجلين لسطه بمفاوضه مجلس الانقلابي واعطوه شرعيه لتقسيم السلطه من مفروض الحركات تتدخل ويوقف العبط والعبث ويقولوا لا.. وثم لا. لأي تفاوض حتى توافف.
والان اسلم طريقه والحل الوحيد استمرار العسكر حتى يتم اتفاق على الدستور الذي يحكم بها السودان حتى موعد الانتخابات وخاصه بنود السلام من الأولويات الحرب والسلام في السودان
قديمه..
| |
|
|
|
|
|
|
|
|
|
Re: باب ترشيح الكفاءات مفتوح لكل الحركات المس (Re: Suleiman Todi)
|
الأكثر ايلاما يا محجوب ان تضيع ثورة الشباب
بين اجندات طبقة سياسية مليانة علل وبين أمراء حرب
استمرؤوا المحاصصة..
المتوفر الآن من توافق ومسار سياسي يمكن البناء عليه
لأنه الخيارات الأخري كارثية بمعنى الكلمة
طبقتنا السياسية يا محجوب مأزومة عنصرين وصفوين وامراء حرب
من وين يجينا الفرج مع الجوطة دي
ما تم إنجازه من قبل الثوار على الأرض يجب أن نحافظ عليه
لا ابرئ احد كلهم في متسببون في هذه الكارثة
مع أول إختبار في إعادة بناء الدولة خرجت كل الامراض
انا تقدمت ب إقتراح ان يتم طرح كل الشخصيات المرشحة من قبل
كل الكتل داخل الحرية والتغيير من الكفاءات لشغل مناصب في الجهاز التنفيذي على الشعب السوداني
قبل تقديمها لرئيس الوزراء (عشان نشوف الشغل النئ والمحسوبية جاية من وين)
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالعظيم عثمان
Hafiz Bashir
د. بشار صقر
AMNA MUKHTAR
adil amin
ترهاقا
كمال عباس
Mahjob Abdalla
Suleiman Todi
فيس بوك
تويتر
انستقرام
يوتيوب
بنتيريست