|
Re: المجلس العسكري الانتهازي ... العصيان المد� (Re: Gafar Bashir)
|
يسارع المجلس العسكري مباشرة بعد الاجتماع لتوجيه اتهامات لقوي الحرية بتغيير الاجندة هو ما فاهم انها نفس الاجندة لكن طرحت بطريقة تانية عشان قلة ادب المجلس وممثلينه اللي مافهو لحد الان انهم كانوا جزء من الظلام الذي خيم ثلاثين عاما وان الثورة كانت ضدهم كجيش استولي علي اللطة ولا زالت الثورة ضدهم وفي النهاية حانقلعها رضوا ولا ما رضوا يمشوا ويجوا غيرهم وحواء والدة زي ما مشي زفت العابدين وبقية الساقطين
الادهي والامر ان يكذب المتحدث بالحديث عن فتح الطرق ويستبقها بانه (ليس فض الاعتصام) بل هو كذلك وصابنها وصايمنها
| |
|
|
|
|
|
|
Re: المجلس العسكري الانتهازي ... العصيان المد� (Re: Gafar Bashir)
|
اخطأ التجمع الركون لشعور النصر الثقة بالجيش طلب فترة انتقالية طويلة ومكنوا لعسكر البشير ال غير نزيه يتصرفون كموظفين حتي المفاوضون ( ما معني الوقوف السلام علي حميدتي الذي أتي متاخرآ مما يعني اولآ انه المسيطر والمضيف وثانيآ ان قوي الحرية والتغيير هم الطرف الاقل ). ثم ما معني انسحاب عبدالفتاح برهان
المفاوضون لم يتدربوا والجيش محترفون يجب إرجاع موظفي البشير وعسكره الي حجمهم وحقيقتهم كشركاء للبشير وبعضهم في موضع شك ومتهم
| |
|
|
|
|
|
|
Re: المجلس العسكري الانتهازي ... العصيان المد� (Re: ترهاقا)
|
يجب ان تكون الفترة الانتقالية ستة اشهر فقط الجيش بتكوينه غير ديمقراطي ومن في الواجهة الان يسعون لحكم السودان
ديل ما عارفين الناس ثارت ليه ما بس الكيزان ، الفكر المحتقر للآخرين فترة انتقالية من ثلاثة لستة شهور سنة ذاتها كتيرة ده الكذب بقي ما عيب من زمن المخلوع عمر
| |
|
|
|
|
|
|
Re: المجلس العسكري الانتهازي ... العصيان المد� (Re: Gafar Bashir)
|
Quote: ديل ما عارفين الناس ثارت ليه |
لحد الان مفتكرين انو ثارت علي عمر البشير 6 شهور 6 سنين مافرقت الملايين الفي الشارع بتديك الايمان بانهم في النهاية خسرانيين الملايين الفي الشارع معناها لا علي كيفهم وعلي علي كيف قيادة قوي الحرية قيادة قوي الحرية نفسها ما اشعلت ثورة لكن تم تفويضها ... وممكن ينسحب في اي لحظة
| |
|
|
|
|
|
|
Re: المجلس العسكري الانتهازي ... العصيان المد� (Re: عبدالقادر محمد)
|
Quote: استاذ جعفر الرجاء توضيح موقفك |
تحياتي اخلاص مافهمت حقيقة اي موقف واي حديث نفاه متحدث قوي الحرية والتغيير اذا كان ما يخص الاختلاف / فده ما يحتاج اثبات اول ما بدا المجلس العسكري وجه اتهامات بتغيير اجندة قوي الحرية وده علي قناة الحدث اذا كان الخلاف في موضوع الاعيب فض الاجتماع وفتح الطرق والكلام الفارغ ده
Quote: عناوين الصحف السياسية الصادرة اليوم الثلاثاء 30 أبريل 2019م أخبار اليوم: قوي الحرية والتغيير تنفي اتفاقها مع المجلس العسكري لازالة المتاريس وفتح الكباري
الانتباهة “المهنيون”: لا اتفاق بفتح الكباري وإزالة المتاريس
|
دي كلها مصادر وغير كدة يا اخلاص حتي قوي اعلان الحرية ما عندو اي صلاحية بدون الرجوع للقواعد في الشروع في فض الاعتصام وده فض اعتصام ما عايز ليهو ذكاء عشان نفهمو وهي محاولات شغالة من سقوط البشير بشكال والوان مختلفة
مافي حل يا اخلاص ياريت لو في حل المجلس ليس سو تركيبة عسكرية اترتب في حضن الحركة الالاسمية ودول المحور
اخر ما يهمها هو الثورة والعدالة والحرية والمماطلة الشغالة دي افضل انو قوي الحرية تتجاوزها لانها لا في مصلحتها ولا في مصلحة الثورة قوي الحرية نفسها تفهم انو ده تفويض ممكن ينسحب والثورة قادرة تخلق قادتها في كل مرحلة
| |
|
|
|
|
|
|
Re: المجلس العسكري الانتهازي ... العصيان المد� (Re: Asim Ali)
|
Quote: لان الجلس العسكرى بقياده حميدتى فى مؤتمر صحفى ومقدمه مؤشر لبدايه المواجهه |
ليست مقدمة انها المواجهة انا اشاهد الان في اللقاء يتحدث ممثل المجلس عن ان قوي الحرية لا تمثل الشعب السوداني هنالك حركات مسلحة هم يتفاوضون معها في الامارات في مهزلة اكثر من كدة وفي انتهازية وتسويف ومماطلة اكثر من كدة
هي اعلان مواجهة كامل الدسم
| |
|
|
|
|
|
|
Re: المجلس العسكري الانتهازي ... العصيان المد� (Re: Gafar Bashir)
|
Quote: يتحدث ممثل المجلس عن ان قوي الحرية لا تمثل الشعب السوداني |
سلام استاذ جعفر في بوست للاخ اسماعيل كان فيهو مقطع من حديث حميدتي في سلاح المدرعات. انا علقت و قلت انو المقطع فيهو كلام خطير جدا و قلت سوف انتظر قراءة الاخرين قبل الافصاح عما هو الخطير في الفيديو. كدا لو لقيت وقت اطلع علي الفيديو مرة اخري.
| |
|
|
|
|
|
|
Re: المجلس العسكري الانتهازي ... العصيان المد� (Re: Mahjob Abdalla)
|
Quote: يتحدث ممثل المجلس عن ان قوي الحرية لا تمثل الشعب السوداني هنالك حركات مسلحة هم يتفاوضون معها في الامارات |
و برضو في مكان اخر بمناسبة اقتراح ضم الحركات المسلحة للحكومة الانتقالية, قلت انو ده بمثابة Opening a can or worms يعني حيتفرخو ليك الف مصلحجي يعمل حركة و لو ما اديتوحيكون شايل السلاح و شوكة حوت و لو استعنت حتستعين بـ حميدتي عشان يقوم بالواجب, و في الاخر كأنك بتخدم مصالح افراد و ليس مصلحة الوطن الكل. الخلاصة انو الحكومة تكنوقراط يمثل كل المجمتع المدني السوداني بالمحاصصة و تتعامل مع الحركات المسلحة مثلها و الاحزاب السياسية تنتظر دورها في الانتخابات وفي هذه الفترة تبني قواعدها السياسية في الداخل.
قوي الحرية او المهنيين يمثلون المعتصمين. ظاهريا نتفق انو ده بمثل كل الشعب السوداني و لكن ليس هناك مطلق اليد للمهنيين في اختار من سيكون في التشكيلة الحكومية القادمة او ان تشكل حكومة.
___________ قولو ما يتفاضو او يوقعو اي اتفاق. هذه من اختصاصات الحكومة الانتقالية.
و لكن في ظني تجمع المهنيين ما دايرين يرثو التركة الثقيلة دي, و في ظني ايضا لو حسبوها صاح في الخطوة الاولي فلن تكون هناك اشكالية اطلاقا.
| |
|
|
|
|
|
|
Re: المجلس العسكري الانتهازي ... العصيان المد� (Re: Gafar Bashir)
|
موضوع الحركات المسلحة ده ليس سوي وسيلة تسويف ومماطلة الان علي المجلس العسكري ان يحدد في مؤتمر صحفي ماهية هذه الحركات المسلحة وماذا جري في مفاوضاتهم وبرعاية من زي ما كل دقيقتين جاري يخاطب بخصوص مفاوضات قوي الحرية ... عشان نشوف حبل الحركات المسلحة ده طولة كم
Quote: قوي الحرية او المهنيين يمثلون المعتصمين. ظاهريا نتفق انو ده بمثل كل الشعب السوداني و لكن ليس هناك مطلق اليد للمهنيين في اختار من سيكون في التشكيلة الحكومية القادمة او ان تشكل حكومة.
|
ده كلام متفق عليهو 100% ... نحن عمرنا كلو شغالين في مشكلة السودان الاساسية المواطنة المتساوية والتمثيل المتساوي لجميع السودان سواء في التشكيل الحكومي او داخل أحزابنا نفسها ... وهي ماهي مسالة بسيطة ولا يمكن انو نقول ياخي ده موضوع بسيط بيتحل بعدين ... ده اساس المشكلة والجبهة الاسلامية ليست سوي راس الرمح في الهيمنة الاسلامية العربية علي بقية المكونات والنتيجة تمزيق هذه المناطق اذا صحت تسميتها هامش او اقليات سواء كانت عرقية او جغرافية وفي مناطق اسوا من الاخري.... حاربنا فيهو الجبهة الاسلامية ثلاثين سنة وحانحارب فيهو بقية عمرنا ... لكن المطلوب في المرحلة الحالية الوحدة في مواجهة العسكر وده كلام موجه لقي الحرية بالتنازل لتكوين تشكيل مرضي داخليا ... وعدم التنازل شبر واحد تجاه المجلس العسكري
والله يوفق نحن الان برغم ما يحدث في مرحلة متقدمة من الثورة ما ننسي الكلام ده
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|