|
كتب الكاتب الفاتح جبرا المتوفرة بمعرض الدوحة
|
|
 Re: الشارع يحدد الإتفاق ده كويس ولا كعب (Re: النصرى أمين)
|
برضو خت في الاعتبار يا النصري إنو الشارع ده برضو كان هلل وفرح نفس الفرحة دي للمجلس العسكري الجنجويدي يوم 11 أبريل
عندما خرج إبراهيم الشيخ متأبطاً ذراع القاتل البرهان :) في الصورة الشهيرة إياها.. وعندما رفعت صور حميدتي في الاعتصام
العاوز أقولو إنو الشارع بياخد وقت يا النصري لحدي ما تصلوا الحقائق والصورة كاملة بعيداً عن التأثير الأولي..
خصوصاً وإنو الوقعوا الاتفاق لحدي لحظات ما قبل التوقيع كانوا يمثلوا آمال وتطلعات الشارع
| |
 
|
|
|
|
|
|
|
|
Re: الشارع يحدد الإتفاق ده كويس ولا كعب (Re: النصرى أمين)
|
احيانا يكون عندى احساس انو نحن ناس بره irrelevant
وانه المحك الرئيسى هو ناس الداخل
...
نحن مهما نعافر و نصيح و نكورك it doesn't matter .
ناس الداخل هم ناس الحارة وهو الماشين على الجمر
هم البيدفعوا ثمن الديكتاتوريات..
عشان كده نحن بس علينا follow them اذا الاتفاقية دى عجبتهم
كان بها ؛ اذا لم تعجبهم نجهز كيبورداتنا لدعمهم
| |
|
|
|
|
|
|
|
|
Re: الشارع يحدد الإتفاق ده كويس ولا كعب (Re: محمد البشرى الخضر)
|
Quote: بينما الشارع
السودانى فى غالبه فى حالة عزلة من العالم الخارجى بسبب حظر الانترنت. |
الاخ النصري
انا ما عارف انت مصر لي علي القصة دي
بعد مليونية 30 يونيو مفرض انو غيرت رايك
مافي عززلة ولا يحزنون
في قنوات
في اتصاالات
في رسائل
الفي الشارع بحتفلو ديل ما عايشين في صحراء
عارفين كل حاجة
| |
|
|
|
|
|
|
|
|
|
Re: الشارع يحدد الإتفاق ده كويس ولا كعب (Re: Gafar Bashir)
|
نعم يا محمد البشرى..
نحن مهما حاولنا نكون طرف حقيقى من (المعاناة) ما نقدر .
الواحد فينا يفتح الجوال ؛ يشوف الأخبار يكتب شوية فى الفيسبوك
و تويتر و سودانيزاونلاين ثم يغلق الجوال و يعيش حياته
كل الخدمات متوفرة عنده من صحة و تعليم و امن بالإضافة الى دخل مستقر .
حياة سهلة بدون تعقيدات ..
بعد كم ساعات يفتح الجوال و يعيد نفس الشيء.
نحن و بصراحة لازم ندع ناس الحارة يحددوا اذا الاتفاق نافع معاهم ام لا .
ممكن نقول راينا لكن الكلمة الأخيرة لهم .
| |
|
|
|
|
|
|
|
|
|
Re: الشارع يحدد الإتفاق ده كويس ولا كعب (Re: النصرى أمين)
|
اهلا جعفر
وسائل التواصل من رسائل خطية و مكالمات و فضائيات لا تستطيع تحل محل الانترنت.
فقط للتوضيح ، اتخيل كمية المعلومات (من نقاشات و مقالات و فيديوهات ورسائل صوتية ) التى تحصلت عليها انت خلال الشهر الفات ، وتخيل السودانى فى الخرطوم لم يتحصل لا على جزء بسيط منها .
نعم ؛ ليست عزلة كاملة لكن اعتقد انها كافية تغير المفاهيم.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Elhadi
محمد البشرى الخضر
فيس بوك
تويتر
انستقرام
يوتيوب
بنتيريست