|
Re: السودان يعترض على طرح مصر مناطق للتنقيب ف� (Re: قلقو)
|
هسة يطنشو من الموضوع الى ان تصبح المناطق دي ملك حر لمصر وعلى عينك يا تاجر ..... لك الله يا وطني فقد اصبحت دول الجوار تنهش في جسمك والجماعة ما فاضين ليك عشان هم مشغولين بي انفسهم .... اللهم الطف بالسودان وارض السودان واهل السودان ... وطن يتقطع ابا اربا على مراى ومسمع من حكومته ...
تحياتي : ياسر العيلفون ....
| |
|
|
|
|
|
|
Re: السودان يعترض على طرح مصر مناطق للتنقيب ف� (Re: ياسر السر)
|
Quote: وطالب الوزير الشركات والمكاتب الاستشارية ومكاتب الدراسات بوقف أي عمل في هذه المنطقة لأنه يعتبر غير قانوني، وتترتب عليه آثار قانونية سوف تتحملها الجهة التي تقوم به. وأشار إلى أن وزارة النفط والغاز السودانية، لا تمانع في أي عمل مشترك للتنقيب عن الغاز والنفط في منطقة البحر الأحمر على أن يكون وفق اتفاقيات مشتركة وموقعة بين البلدين.
|
وكأنما تصريح وزير الدولة للإستهلاك المحلي هذا خلاف حدودي بين دولتين ووزارة النفط ليست معنية بالحديث في هكذا شأن كان من باب اولي اولى تصريح من وزير الخارجية كحد أدنى مستصحبا حديث وزير النفط . في شأن تحذير الشركات
| |
|
|
|
|
|
|
Re: السودان يعترض على طرح مصر مناطق للتنقيب ف� (Re: اخلاص عبدالرحمن المشرف)
|
مع احترامي ليك يابوالريش انت الى الان مافاهم كيف تعمل الانقاذ .. لو زول اعتدى على ارضك واستولى عليها ، حيكون همك يرجع ليك ارضك ولا همك ما يبني فيها قطية ؟ لماذا لم تحرك الحكومة القضية بصورة جادة على كل المستويات ؟ لماذا لم تستغل كل الكروت المتوفرة لديها للضغط على مصر ؟ فائض مياه النيل ، سد النهضة ، فتح ملف اتفاقية مياه النيل ، العلاقات التجارية التي يميل فيها الميزان التجاري لصالح المصريين بشكل كبير جدا ، لماذا تسكت على الانتهاكات المصرية المتكررة ضد سكان حلايب ؟ لان حلايب لا تشكل تهديدا لعرش البشير لو اصبحت مصريه او عكسه مثلها مثل الجنوب ، نظام البشير مستعد للتفريط في اي شبر طالما لا يشكل ذلك تهديدا له. الانقاذ طوال عمرها بتفكر برزق اليوم باليوم ، محتاجة شند شعبي طوالي تقوم تعمل ليها "حركة في شكل وردة" تلم الناس عليها من زمن امريكا روسيا قد دنا عذابها .. ما محتاجة وامورا سالكة فــ طظ في الشعب ! سنة 89 لمن قامت الانقاذ روسيا كان باقي فيها باقي ؟ كانت خلاص "جمعت الورقة " واتكلت على الله ، لاكين لازم الاسلاميين يعملو قصة ضد عدو شيوعي لم يعد موجودا بعد شوية حليفهم الاكبر والى الان بقا منو ؟ الصين الشيوعية لدرجة ان الحزب الشيوعي اصبح يتبرع لحزب المؤتمر الوطني علانية في سابقة مافي زول سمع بيها كلو كلو .. حزب اجنبي يتبرع لحزب حاكم ، وكمان شيوعي
| |
|
|
|
|
|
|
Re: السودان يعترض على طرح مصر مناطق للتنقيب ف� (Re: Abdullah Idrees)
|
"لو زول اعتدى على ارضك واستولى عليها ، حيكون همك يرجع ليك ارضك ولا همك ما يبني فيها قطية ؟"
الاخ عبد الله ادريس. و الاحترام فى مكانه الذى تعرف. طيب. نعكس الآية. لو فى زول اعتدى على ارضك و بدأ يبنى قطيعة.. و انت ما قادر تطرده.. هل تقول ليه ابنى بناك ساى لغاية ما نقدر عليك؟ واللا تشهد عليه الناس و تذكر الناس الحوالينهم ان الارض بتاعتك و هو يتمادى فى السيطرة عليها؟ اى اتجاه فى الاعلان الفورى عن الاعتراض على اى محاولة لتثبيت الباطل يجب ان تشجع.. وبالعكس فيمكن السكوت يستعمل ضدك فى المستقبل.
تحياتى
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|