Quote: تراخي و تأخر الحكومة في محاسبة رؤوس النظام هو ما قاد هؤلاء لتنظيم هذه المسيرة و قبلها حدثت منهم تفلتات كثيرة لم يتم اعتقال رؤوس الفتنة فيها
بتولول مالك.... انت لمن ما عندكم مشروع حقيقي لتفكيك دولة الانقاذ من 30 يونيو 1989 ولحدي الليلة وخمستو السجارة مع حميدتي والبرهان ...والمؤتمر قاعد ومستشري في 18 ولاية وبقضو قضيضو وداير تدور بي السودان بي المحاصصة وشالو السيدة وخلو حرم وتشتغل في الظلام عبر اللجان وشغل الجوستابو كن تتوقع شنو شفت غلاة الشيعة في العراق جابو قانون اجتثاث البعث وجو مع حزب الدعوة ومقتى الصدر وقوائم الموت وبدو يصفو في البعثيين ابو يسمعو كلام الاكراد الراقيين حصل شنو ..كل جماعة صدام حسين بقو دواعش بما فيهم ابوبكر الغدادي واشتغلو قرعة في العراق لحدي الليلة العراق ما رسا علي بر وشوف كردستان هادئة كيف لانه حتي مام جلال طلباني ابا يوقع علي اعدام صدام حسين لانه ضد عقوبة الاعدام نفسها انتو يا ق ح ت عايزينت تصفو حساباتكم مع المؤتمر الوطني علي حساب بناء الدولة والمؤسسات وشوفو الجاييكم من ناس عبدالحي وغيرهم وداعش فرع السودان قلنا ليكم تصفو النظام بالدستور واعادة الهيكة وليس الاشخاص 1- المحكمة الدستورية 2- المراجع العام=القلم الاخضر 3- الاعلام الحر والمسؤال البعري الاخوان المسلمين فكريا من الاساس ويعري نفاقهم واعلامك لحدي هس في التجويد سورة النمل وادغان بغن والحبر وعشة والغبشاوي 4- قلنا الغاء ال18 ولاية المترهلة في السودان دي وترجع الاقليم الخمسة بتنهي 90% من مشروع الانقاذ علي المؤتمر الوطني هسة خم وصر ...واقعد ولول بس وراك والزمن طويل ,,,لحدي تصحي كديسة الدعم السريع وتتنهي السريك الامريكي القالو عليه ثورة ده وتاكلكم واحد واحد بعد تنتهي مرحلة المؤتمر الوطني https://up.top4top.net/
12-14-2019, 05:48 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10107
صباح الخير عدولي يا دفعة مافي ولولة يا عادل الموضوع واضح انو البعملو فيهو الفلول ديل شئ غير مقبول و غير عقلاني يعني ديل مفتكرين و راسخ في طواييقم انهم لازم يسلموهو لسيدنا عيسى عليه السلام الحاجة دي في طواييقم المعفنة و ما عاوزين يقتنعو رغم المعطيات الواضحة انهم ذهبوا الى مزبلة التاريخ والى الأبد لن يكون لهم دور في مستقبل السودان السياسي لما نزل الترابي في دائرة الصحافة سقط سقوط مريع رغم انوالناس ما خاضو قبل نزول الترابي في الصحافة اي تجربة حكم كيزانية رغم ذلك اسقطوهو يبقى الناس ديل لازم ما يخربو الموت بالرفسي اما بالنسبة لحاجاتك الاربعة دي او عشان اكون اكثر دقة سحارتك ضهر التور الداخل فيها دي في اتنين انا ما عندي فيهم مشكلة رؤية جون قرنق و مسألة الدستور اما انك تقصي احزاب اليسار انت كدا بتقصي 80% من الاحزاب مع العلم انو احزاب اليمين لوطارت السماء ما بتتجاوز نسبتا العشرين في المية بالنسبة لمقارنة السودان بكوردستان والعراق و افغانستان وبلوشستان و الصومال دي مقارنة بعيدة كل البعد عن الواقع السياسي و المكون الاثني في السودان هسي فرقك شنو من ايتام الهالك الترابي لما كانوا بقولو السودان حيبقى ذي الصومال؟ بعدين يا عادل ذي ما قلت ليك المرة الفاتت و بكرر الجيل الحالي دا غير جيلكم دا جيل راكب راس رافضين احزاب البيوتات التجارية وما ليهم علاقة بوستمنستر و لا علمك القديم و لا الثورة المهدية الكانت قبل 200 سنة و لا غيرو دا جيل غير و الله اسمعا مني و انا اخوك انا بقول ليك الكلام دا و انا على يقين من انو البتنادي بيهو دا ما بحصل حتى يلج الجمل سم الخياط او يبيض الثعلب او يشيب الغراب حينها ممكن القيامة تكون قامت عشان بعدين ما تغني ظلموني هاك الليمون البارد دا عشان ترتاح شوية :) رائعة العاقب محمد الحسن بصوت الجميلة مكارم بشير ظلمونى الحبايب وقالوا لي أنسى من بعد المحنة العشتها همسة همسة بعد ما قلبي حبّ وعشت مع الأحبة تكفي عيوني نظرة وتكفي قليبي لمسة قالوا لي أنسى وكيف انسى الليالي والعين الخجولة والخد البلالي كانت أمسياتم حلوات زي حلاتم فيها الشوق بيظهر والحب المثالي قالوا لي أنسى وما عرفو العليّا لو عرفوا الحبايب كانوا يعودوا ليّا ونعيد الخوالي ونسهر في الليالي ويفضل ريدنا يكبر ويبقى الليل شوية
12-14-2019, 06:48 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10107
الحربوية (تراشي مصطفى ) في اللجنة العليا للزواحف و الله يا تراجي حالتك سعبة قالوا : إذا كان الغراب دليل قوم سيهديهم إلى دار الخرابِ إذا كان الغراب دليل قوم فلا فلحوا ولا فلح الغرابُ و كذلك : لمر بهم على جيف الكلاب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر الطيب
adil amin
فيس بوك
تويتر
انستقرام
يوتيوب
بنتيريست