|
|
|
 Re: الريف يمتنع ناس المدن ادونا الرصة راس الس� (Re: بدر الدين الأمير)
|
قدمت الدعوة للعم كوستاوى
زجرنى قال ياعربى اربجى امش
ارعى بالبصل والجرجير والليمون فى مزرعة
والدك له الرحمة عشان تستفيد من الموسم
ثم قال انت بتعرف شنو عن راس السنة
فى كوستى
قلت انا بعرف راس السنة فى بيروت
وقلت له امش قوقل قصيدة نزار قبانى
لوكنت معى فى راس السنة ببيروت قفل
التلفون فى وجهى
| |
  
|
|
|
|
|
|
|
|
Re: الريف يمتنع ناس المدن ادونا الرصة راس الس� (Re: بدر الدين الأمير)
|
لكن بفكر فى دعوة الحنكوش
بتاع حب الكلاب بس خايف
يشبكنى نحن فى الحى البرطانى بمدنى
ماما كانت فى الكرسمس بتقدم لينا
الديك الرومى مطبوخ على الطريقة
اليونانية وانا كنت بمسك الشوكة باليمين
بس بت الجيران الكنت بحبها نبهتنى انو الشوكة
بمسكوها باليد الشمال وانا لمن بقيت كبير عرفت انها
تزوجت واحد من حى ود ازرق الشعبى
| |
|
|
|
|
|
|
|
|
|
Re: الريف يمتنع ناس المدن ادونا الرصة راس الس� (Re: بدر الدين الأمير)
|
انا ريفية بدوية قروية وامتنعنا ....
بالله الشوكة بمسكوها باليد الشمال !!يعني اكل بشمالي ولا شنو الحكاية!!
ونخالف أمر الرسول أن نأكل باليمين ...
كل عام وانتم بخير ونسأل الله أن يجعل عام ٢٠٢٠ عام خير وبركة ورخاء ونمو للوطن الحبيب السودان وأن يجعله خاليا من اللصوص والحرامية
| |
|
|
|
|
|
|
|
|
|
Re: الريف يمتنع ناس المدن ادونا الرصة راس الس� (Re: بدر الدين الأمير)
|
ههههههههه
ايه رايك كل الحاجات الذكرتها دي بعملها :~الا واحدة ..
لمن ارجع حلتنا بقش حوشنا الكبير الحدادي مدادي بالمقشاشة،
وبساعد امي في عمل ملاح التقلية وبفرك بالمفرتكة ، وان شاء الله تكون بتعرف التقلية
بس توب الجارات ما عندي ، لا في امريكا ولا في السودان ،،،في امريكا بلبس موضة ، وفي السودان تياب وارد سويسرا ..ههههه..
وبشحد بت اتبرا البرجوازية تجيب لي معاها bagel with cream cheese والبيقل مصنوع من العجين ، يعني بشحد من جارتي العجين ...
لكن كان جينا للصراحة انا ريفية بدوية ضللت طريقي لعاصمة العالم نيويورك ،،،لكن بحمد الله اني شفت نيويورك قبال اموت ....لكن عندكم
منطقة في الدوحة اسمها اللؤلؤة بنشوفها لمن نجي ترانزيت مع المسنوحة بسمات ونتفرج على يخوت اغنياء الدوحة ونتمشى في شوارعها البتشبه شوارع عاصمة العالم
..ومن هنا نحيي امير بلادكم ، حفظه الله ورعاه واطال الله بقاؤه، زي ما بتقول وضاحة،،،
| |
|
|
|
|
|
|
|
|
|
Re: الريف يمتنع ناس المدن ادونا الرصة راس الس� (Re: امتثال عبدالله)
|
امتثال يابدوية وأمريكية
المصرى مشى السعودية اشتغل
فيها سنة وبعد رجع سالوهو كيف
لقيت السعودية قال لقيت فى السعودية
ناس بدو وناس لسا مابدوش
وانت اظنك من اللسا مابدوش ههه
نصيحتى ليك ركزى مع بت عطبرة
وبنات عطبرة اصلا مفلقصات بطبعهن
معنا هنا صديقتى العطبراوية الحلفاوية
احلام وهبى زوجة الفنان الكبير محمد السنى
دى فلقصتها فايتا الحد والعجب لمن تقبل على
شوف ياعريبى الجزيرة اوعك تكلمنى عن بيروت
والجن الاحمر انا فى عطبرة الثانوية كنت بطلة التنس
وكنت بطلة السباحة الوقت داك انت لاشفت حوض سباحة
ولا ميدان تنس بتعرف السباحة فى الترعة ولعبة ام حفيرة
كتر خير قطر الجيتها بشنطة حديد وبقيت فيها مدير
صدقى كلامها صاح
المهم مستننكم انت و العطبراوية
تزورنا فى الدوحة عشان تشوفو العجب العجاب
| |
|
|
|
|
|
|
|
|
|
Re: الريف يمتنع ناس المدن ادونا الرصة راس الس� (Re: بدر الدين الأمير)
|
Quote: ندعوك لتقضى معنا ليلة راس السنة
بالسودان الجديد |
أخر الزمن الهامل بدر الدين يدعوني أنا لي راس السنة في السودان.
هسع أنا لو سألتك الناس بتحتفل وين وكيف في الخرطوم أكيد أنت ما بتعرف نوع الاحتفالات بتاعت الخرطوم.
أخير لك أحتفل في الكورنيش بتاع الدوحة من الخرطوم. الخرطوم دي ما بتقدر عليها.
أنا محتفل في واشنطن، لكن لو كنت في الخرطوم أكيد بكون في أحتفال في أحد النوادي المعروفة وأكيد قزازنا بكون فوق التربيزة ومن أجود الاصناف.
أها أنت بتقدر على نوع الاحتفال ده؟؟
| |
|
|
|
|
|
|
|
|
|
Re: الريف يمتنع ناس المدن ادونا الرصة راس الس� (Re: najma)
|
فى النادى الكاثوليكى
يا برنس
بعد غسله بالديتول
ثم البخور والعطور
من العصر تترصا الكراسى والحاجات القالا دينق فوق التربيزة
وبوفية مفتوح
والدخول بفاستين السهرة والبدل الاكسموكنج
والدخول زوجى فرادة وشماسة مافى
وفرقة شرحبيل
والهادى الجبل
ونانسى عجاج
مسابقة اجمل تسريحة واجمل فستان
ومافى داعى لعوارة نص الليل والناس خلاص طاشما واحد ينط يقولك نغنى النشيد الوطنى بمناسبة الاستقلال دا براهو ود براهو
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
بدر الدين الأمير
Deng
mohmmed said ahmed
يحي قباني
abdalla elshaikh
فيس بوك
تويتر
انستقرام
يوتيوب
بنتيريست