|
|
|
 Re: الحراك؛ عبقرية التوقيت.... (Re: عبدالمنعم الطيب حسن)
|
مطلع التسعينات
والدنيا صيف
كنا بعد طلبة
معاي رفيق الدرب وصديق الليالي الطويلة
ابراهيم النعمة عضو المنبر
راكبين مواصلات ماشين امبدة
والناس ياخ تعاني مبالغة في المواصلات ترى في عيونهم الارق
والتعب والمسكنة وقلة الحيلة
قلت يا ابراهيم ياخ هل من حل لمعاناة هذا الشعب العظيم
رد:
في يوم ما في توقيت ما حا يطلع من نص هذا الشعب
من يحس بحسه ومن يعبر عنه
وعن اماله وطموحاته وحقه في الحياة الكريمة
بعد ربع قرن من الزمان
تحققت رؤية صديقي الاستبصارية او كادت...
| |
 
|
|
|
|
|
|
|
|
Re: الحراك؛ عبقرية التوقيت.... (Re: خضر الطيب)
|
مفجروا ثورة الوعي دي
ياهم ذاتم العناهم ابراهيم فوق
من عمق الشارع
اولاد وكنداكات الشارع
اختاروا التوقيت الصاح
الزمن الفلاني
الواحدة تماما بتوقيت الثورة؛
بعد ان لقَّط المواطن/ة
حق الوجبة البسيطة القنوعة الحامدة الشاكرة
وكمان حراك الحي الحلة دا
يبدا الخامسة بتوقيت الثورة
ويستمر ليلا في فسحة من الزمن؛
والليلة تسقط تب
............
الثورة ماشة في طريقها للنصر المؤزر
وعبقرية التوقيت لم تعطل ابا
ولم تمنع اما من مواصلة الكفاح
لحفظ ماء وجوههم الوقورة
..........
كنت يقينا من تفجر الثورة
ومن انتصارها الحتمي
وكنت يقينا ايضا ان مصالح الشعب ستتعطل
ريثما تنتصر الثورة
الان الثورة في كامل بهاءها
لم يتعطل احدا
وفرح الشعب كل الشعب بها
انها ثورة الشعب وقودها
الاطباء والمهندسين والمعلمين
والصحفيين والمحامين والطلاب
وكل فئات الشعب الاوسطى
وديل عبقرية في كل حاجة....
......
شكرا خضر
ساعود
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
مرحب الصديق الجميل منعم ..........وصباح الثورة والتغير ....
.....صباح الحل والانتصار ............ لن نسمح ان يطلع خازوق مرة اخري ....
.....بل الخازوق الحقيقي سيكون في جسد الاخوان المسلمين وسياخذون نصيبهم من
( ندوسهم دوس ) وهذه قسمة الله القاسمها ليهم ........ فطوبي ....
...... تحياتي عبرك لسودانيز اون لاين ولكل الاصدقاء شغلتنا عنهم ساحات معارك اخرى ولكن دون ان ننساهم .....
...فشكرا الصديق خضر وكمال عباس وجميع رفاق الهم الواحد ( الغلابة والشغيلة )
| |
|
|
|
|
|
|
|
|
|
Re: الحراك؛ عبقرية التوقيت.... (Re: ibrahim alnimma)
|
صاحبت عبقرية الزمان
عبقرية اخرى لا تقل الهاما وابداعا وتجلي؛
الا وهي ان الثورة سلمية سلمية ضد الحرامية
ياخ وجود الفريشة في الاسواق يبيعون حاجات
تسد رمق اسرهم
وسواقين الحافلات في نص المظاهرات والموكب والكتمات...
لا يخشون على انفسهم الا ضرب الرباطة
وبمبان الشرطة
ونار كتائب الظل والامن والامن الشعبي
الثوار اصحابهم واصحاب وجعتهم
لاحقا هم انفسهم ثوار
.......
شكرا تجمع المهنيين
شكرا دعاة التغيير
شكرا وقوده
شكرن شبابنا وكنداكاتنا اولادنا وبناتنا الوسيمين
......
نبض شخصي احساس ذاتي حصل لي شخصيا يا جماعة
حكاهو لي زول😂
انني قد شعرت كوني ازدت طولا وعرضا وارتفاعا
وبديت افتري على مدرائي؛
فانا ابن شعب عظيم
ثوري شعبي دا
ولفتاتو غزال
ياخ سعادتنا انَّا قد عشت وحضرنا شبابنا
وكنداكتنا بناتنا واولادنا وقد انتصرت ثورتهم
او كادت جدا
......
تسقط بس؛
سقطت تب
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
اذن عبقرية التوقيت
الزمن
وعبقرية الفكرة
سلمية
كانتا سببان اصيلان في
تغلغل الثورة في وجدان اي سوداني
الثورة عبرت وردتها مستحيلة
..........
تحياتي ابراهيم عبدالمجيد النعمة
شرفت البوست
ونورت المنبر
خليك قريب ما تبتعد
.........
الثورة على الحركرك
و
ستنتصر
.........
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
Quote:
مفجروا ثورة الوعي دي
ياهم ذاتم العناهم ابراهيم فوق
من عمق الشارع
اولاد وكنداكات الشارع
اختاروا التوقيت الصاح
الزمن الفلاني
الواحدة تماما بتوقيت الثورة؛
بعد ان لقَّط المواطن/ة
حق الوجبة البسيطة القنوعة الحامدة الشاكرة
وكمان حراك الحي الحلة دا
يبدا الخامسة بتوقيت الثورة
ويستمر ليلا في فسحة من الزمن؛
والليلة تسقط تب |
ما قلنا حاجة يا عبدالمنعم حسن الطيب ...
بس خليهم يطلعوا كل يوم وفي كل حي بس في حدود ولاية الخرطوم فقط ما عايز اعصر عليهم واقول في الولايات مرة او مرتين في كل مدينة بإنتظام ،
خلينا علي الخرطوم الولاية وأحياءها محل الريس بي ينوم والطيارات بتقوم ...
لسع الناس دي شويا .. شويا شديد يا عبد المنعم بس ضجيج الأسافير أعلي بكتير من الواقع ،
الناس ديل بسيطين لدرجة الناس ما شايفا حاجه او بفتكروهم مترفين أوعندهم أجنده شيوعيين وكدا ...
النظام خاف الخوف المعلوم دا وبداء يحلحل في أزماته والناس قبلت بالحد الأدني لحين ميسرة ...
الكلام دا يا منعم ما يزعلك لانو مشاهدات يوميه لزول قاعد هنا طالع نازل وواطي الجمرة وبقيف في صف العيش الصراف اقلها لانو ما عندي عربية وبي يتضرر من صفوف الجازولين ،
لانو اليوم دا بقيف كتير عشان اركب شماعة ...
| |
|
|
|
|
|
|
|
|
|
Re: الحراك؛ عبقرية التوقيت.... (Re: محمد حمزة الحسين)
|
محمد حمزة الحسين
حقيقة ضنب الكوز عمرو ما يتعدل
يظل يتناقض ويهرف عشان يصدق الاوهام العايش فيها؛
طيب وكت الناس ديل شوية شديد ليش حكومتك المجرمة خافت
عديل كدة؟؟؟
وكمان الناس قبلت بالحدالادنى لحين ميسرة
ياخ والله انت ما صادق ابدا
ولا محايد؛
ياخ الشعب دا انت شايفنا بعيدين بالجسم ولكنا قريبين
بالروح وبالدم وبالضمير
كلامك غير صحيح؛ انت محض كاذب كبير
ياخ والله انت اول زول اقابلو على الاطلاق مؤيد للعصابة دي بعد الثورة المباركة دي
الاتفرتك اصلا لستين عصابة
وكل عصابة تدفن للتانية
وكمان ترد في اوهام الحكومة ذاتا خلتا لسذاجتا وتفاهتا
قال له مآرب شيوعية
بعدين الحزب دا اعلنا عديل انه يعمل لاسقاط النظام
تاني شنو؟
ياخ انتو الحكومة
من الشوية ديل كتلتو ٥٤روح سودانية مسالمة وبريئة
ثم الناس الشوية ديل ياخ انت بتدخل لهم جوة البيوت وتنتهك حرماتا
وتروع اطفالها ونساءها وتتحرش بالحرائر
وتضرب شبابها ضرب انتقامي
معقولا بس عشان يبقوا شوية
كل يوم زايدين
ولكنك لا ترى او لا تود
والغريبة عصابتك الحاكمة ذاتا كل يوم
في حال
تحل الحكومة وتعلن طواري
وبكرة تطلع قانون تاني يحرم المظاهرات والتجمعات والمواكب
وبعد برضو شوية
ياخ كنداكات الاحفاد وجامعة الكلب الحقير مامون حميدة
براهن يسقطن حكومة الحرامية ديل
كنت حتى وكت قريب اتعامل معك كانسان يفهم ويقوم ويتناقش
فقد خذلتني جدا
موقفك من الحراك ودفاعك عن الحكومة غريب
لان لا احد الان يدافع هكذا الا اذا كان مستفيد مباشرة
من الحرامية ديل
او يتهيأ لان يمتص مزيدا من دم الشعب ودم شهداؤنا
وهذا شخص غير جدير بالاحترام
وسؤال كم معتقل الان ولماذا هم معتقلون اصلا
قال الناس اقتنعت لحين ميسرة ام انك كذاب اشر
تبا لك ياخ!!!
عموما حتى لا تتفاجأ ضحى الغد بسقوط هؤلاء المهابيل المرضى
من بشيرك لحدت اخر واحد حقير زي حسين خوجلي او الطاهر الزفت داك
انتم سقطوا وجدانيا وسياسيا من كل الشعب
لا نصير للحكومة دي الان عند الشعب
ابدا
وسؤال بالله الشعب يناصرا ليه؟
وتحكموا الان بالطواريء وبالعساكر المرضى وبالامن المخبول
وغدا تسقط بس
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
شاعر الشعب يتنأ
فعلا الشاعر ضمير الشعب
وهنا يرسم صورة زاهية لكنداكاتنا والشباب
يا دوب القصيدة دي فكت الاحاث طلاسما
بالله اقرا و
تامل
.............
و تطلع من شقوق الأرض
شجر متشابك الهامات
و يطلع حتى من قلب الحجر و الصي
و جيلا جاي حلو الشهد
صبايا و فتيه يمرحو في صباح الغد
عيونهم برقهن لماح
سؤالهم رد
خفاف و لطاف
وثابين أوان الجد
دفاعا عن حياض السلم و الإفصاح
سلموا لي عليهم جملة
حتى اللسه قبل الخلق و التكوين
صناع الحياة اليوماتي
ملح الأرض
نبض الشعر
و الموسيقى و التلوين
هدامين قلاع الخوف
كانت هذه الدراجة يوما ما كلاشنكوف
ما بين منارات السمع و الشوف
نقاشين جدار الصمت
نساجين خيوط الشمس
كهربجية الظلمات
و أجمل ما تكون الدنيا.. رسامين
حفارين مجاري العصر
نصرا .. نصر
*#تسسسقط_بس*✌🏼🇸🇩
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
Quote: النظام خاف الخوف المعلوم دا وبداء يحلحل في أزماته والناس قبلت بالحد الأدني لحين ميسرة ...
الكلام دا يا منعم ما يزعلك لانو مشاهدات يوميه لزول قاعد هنا طالع نازل وواطي الجمرة وبقيف في صف العيش الصراف اقلها لانو ما عندي عربية وبي يتضرر من صفوف الجازولين ،
لانو اليوم دا بقيف كتير عشان اركب شماعة ... |
يا عبدالمنعم اسمع كلام من بيبكيك ما تسمع كلام من بيضحكك ...
عايز تضحك مدخل الاسبوع القادم غرة مارس بجي بهتف هنا دا تسقط وتسقط وتسقط بس ...
ياخي تعال خافس شايل خفيف اسمع وشوف براك وقيّم بشرط ابداء من بوابة المطار وماتركب عربيه ...
| |
|
|
|
|
|
|
|
|
|
Re: الحراك؛ عبقرية التوقيت.... (Re: محمد حمزة الحسين)
|
Quote: كلامك غير صحيح؛ انت محض كاذب كبير
ياخ والله انت اول زول اقابلو على الاطلاق مؤيد للعصابة دي بعد الثورة المباركة دي |
يا عبد المنعم ياخي انا ما بيني وبينك تار حتي تصفني بــ كاذب وكبير كمان ...
انا بحكي الشايفوا
الآن الإحتجاجات مركزا في بري الدرايسه حتي صارت ايقونة يتغني بها ...
إنت قايل زمان لو كل الناس لزام تقيله وجبل ضرا كان غنو ليهم ...
بري الدرايسا نفسها بي تتظاهر 3 مرات في الاسبوع ...
الصالحة ظلط مره واحده في الشهر ...
الاربعين مره واحد في الاسبوع
شارع واحد مرتين في الشهر عطبره وبربر والدامر مرة واحدة في 3شهور
الفيس بوك والوات ساب 7 يوم في اربعه وعشرين ساعه في الشهر .
وقس علي ذلك ...
| |
|
|
|
|
|
|
|
|
|
Re: الحراك؛ عبقرية التوقيت.... (Re: محمد حمزة الحسين)
|
محمد حمزة الحسين
بتوصف الشفتو ومشيت ليهو
ممتاز
طيب انت مشيت الاستاد والسوق العربي عشان تشوف
وبري دي مشيتلها وشفتا ولّ حكو ليك ناس الامن؛
مشيت العباسية
مشيت شمبات
مشيت الكلاكلة
مشيت شارع واحد الحاج يوسف
مشيت المستشفيات كلها في الخرطوم وفي باقي المدن
مشيت قرى الجزيرة
مشيت عطبرة
مشيت خشم القربة حيث قتلوا الاستاذ احمد الزين بالخازوق
مشيت جامعة الكلب حميدة ومشيت الاحفاد
قول مافي مظاهرات كلو كلو
والحتات دي ما مشيت ليها كمتظاهر ولا محايد
طيب رايك شنو
في
١/ اربعة وخمسين مواطن ومواطنة قتلوا
ولماذا قتلوا؟
٢/ هل الدكتور بابكر قتلتوا بت شيوعية شايلة الطبنجة في شنطتا
٣/ رايك في مقتل معاوية داخل بيتو لانو ادخل بنات واولاد في بيتو
٤/ مقتل الاستاذ احمد الزين بواسطة الخازوق
٥/ دخول الامن والرباطة لحرم الجامعات واعتقال واهانة بناتنا
٦/ خطاب على عثمان حول ان الحكومة لها حماية بواسطة المليشيات
٧/ ول مش كدة يا وداد
٨/ هل ما زلت تعتقد ان للحكومة دي جماهير في الشارع
٩/ وكت المظاهرات دي شوية ومافي ليه عملتوا طواريء وليه لحقتوها
تاني بعدم المواكب والتجمعات
١٠/ هل تعتقد ان الطواري وقرارتكم دا بتوقف الشارع
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
| Quote: لسع الناس دي شويا .. شويا شديد |
يا محمد حمزة عملتها ظاااهرة
تصرفاتك دي جعلتنا نحس بشرف موقف ود الباوقة بأنو معلن نفسو كوز ما داسيها
لكن إنت عملتها شينة ...النفاق قبيح يا ود الحسين
أنا ضد الحجر على الكيزان أو طردهم وبتغاظ ممن يطالب بذلك
حتى لا يعطى حجة للمارسات وسلوك كسلوكك هذا.
| |
|
|
|
|
|
|
|
|
|
Re: الحراك؛ عبقرية التوقيت.... (Re: منتصر عبد الباسط)
|
يا محمد حمزة الحق لا يكتسب صدقيته بكثرة المطالبين به
يا محمد حمزة هل جماعتك الكيزان استولوا على هذا الحكم
بخروج الناس للشارع قلوا أو كثروا
أم جاءوا بإنقلاب قام به عسكر لصالح حزب أقلية؟
فهم سرقوا السلطة من حكومة منتخبة انتخاب حر
وإعادة الحقوق لأهلها المفروض يحدث دون أن يخرج فرد واحد للشارع
المظاهرات شيء رمزي لمطالب مشروعة
معايير الأكثرية والكثرة تكون في العملية الإنتخابية
وليس الثورات المحاطة بالقتل والسجن والتعذيب
ورغم ذلك أنت تكذب من خرجوا ولا زالوا يخرجون أعداد كبيرة جدا
وكما ذكرت المعيار ليس فقط الكثرة بل من معه الحق
وليس من هم الأكثرية.
| |
|
|
|
|
|
|
|
|
|
Re: الحراك؛ عبقرية التوقيت.... (Re: منتصر عبد الباسط)
|
حبيبنا عبدالمنعم تحية الثورة والوعي واعلم انو الكيزان
عقلية غير قابلة للتغير وكل صيحة يحسبونها عليهم
والشخص ان الذي يحدثنا عن حلول من نظام فشل
علي مدار ثلاثين عاما عن تقديم حلول وهو مثله
مثل النظام يحاول شراء الوقت وهو بالطبع
يعاني ازمة بنيوية لان مفهوم الوطن عنده
هو النظام لذا يتمترس في الدفاع عن النظام
وربما يبلغ انه عنده انه بدفاعه عن النظام
يدافع عن العناية الإلهية ممثله في البشير
وزمرته لذا تجد هولاء العبارة المحببه عندهم
هي الشيوعية لذا لا عليك فالفكرة بتاعت
الاسلام السياسي سقطت هذا هو المهم
اما سقوط النظام فهو مسالة زمن
كسرة
سؤال لمحمد حمزة
ممكن تورينا كيف نظامك بدا يحلحل مشاكلو
ومنو من الشعب قبل بالحلول ألقالها نظامك من الشعب
مودتي
| |
|
|
|
|
|
|
|
|
|
Re: الحراك؛ عبقرية التوقيت.... (Re: حسن ادم محمد العالم)
|
Quote: المظاهرات شيء رمزي لمطالب مشروعة
معايير الأكثرية والكثرة تكون في العملية الإنتخابية
وليس الثورات المحاطة بالقتل والسجن والتعذيب
ورغم ذلك أنت تكذب من خرجوا ولا زالوا يخرجون أعداد كبيرة جدا
وكما ذكرت المعيار ليس فقط الكثرة بل من معه الحق
وليس من هم الأكثرية. |
دا كلام جديد يا منتصر عبد الباسط ...
بس الكلام ليس عن الحقوق الحقوق مثبته معترف بيها حتي من الكيزان واصحاب السلطه انفسهم ...
الاكثريه البي نتكلم عنها عشان تنفي القيل والقال عن إنتماء مفجري الإحتجاج ...
الأكثريه البي نتكلم عنها عشان تشتت جهود العسكر وتفك الحصار علي بري وشارع الاربعين ...
الأكثريه البي نطالب بيها عشان كل زول يلقي حراك في حلتو ما يجي دكتور من كافوري يستشهد في بري...
الكترة مطلوبه ...
راجع بوست عبد العظيم في تحريضه لحراك اليوم الخميس 28 فبرائر وشوف انا قلتا شنو ...
يا انا ما ضد الحراك دا لو بقي ود حلال وشرعي وعندو منفستو يضمن للجميع حق العداله والمساواة ...
اشتغلوا صاح وطمنو الثلاث ارباع القاعده علي الرصيف ...
اهااا اسمع مني لو بقيت برضك مطمش برا البلد دي الناس اليوم ليس لهم حديث غير التفاءل بمقدم ايلا...
| |
|
|
|
|
|
|
|
|
|
Re: الحراك؛ عبقرية التوقيت.... (Re: محمد حمزة الحسين)
|
ايلا في عينيك يا كوز يا موهوم
جربناكم ٣٠سنة يا وهم
ما شفنا منكم غير الهم والغم والجوع والموت
الشعب كلو اليوم منتظر التغيير
ومعنوياتو عالية بيهو
تبا لك من كوز متخلف
وبعدين البوست دا موضوعو معين
ليه عاوز تفتلو
........
ليه ما جاوبت على العشر اسئلة السألتك ليهو
يا خفيف
.........
طالما حولت جهة البوست
جاوب
منتظرك يا كوز
يا براك
يا وحيد انت الوحيد هنا تدافع عن النظام بغباء
كلهم زاغو ؛
يخسي عليك!!!
اعوك تزوغ
ون باي ون
والنشوف اخرتا معاك
ولسع ماسك نفسي
| |
|
|
|
|
|
|
|
|
|
Re: الحراك؛ عبقرية التوقيت.... (Re: مرتضي عبد الجليل)
|
شكرا مرتضى
والشعب لي قدام يتش عين الظلام بالضوء
تفرهد شتلة لا هدام
ولا فيضا يفوت الحد
في اليوم داك نكون يانا
ونكون اهل البلد بالجد
ونكون اهل البلد بالجد
............
عبقرية الشعار
وتلك مبالغة كلمات بسيطة
مختصرة موسيقية
مدوزنة وموزونة ومتزنة
نوافير انتشاء
حشمة وحمار العين
حرية سلام وعدالة والثورة خيار الشعب
سلمية سلمية ضد الحرامية
ياعسكري ومغرور كل البلد دارفور
كدة بالواضح ما بالدس
تسقط تسقط تسقط بس
الطلقة ما بتكتل بكتل سكات الزول
دم الشهيد بكم ولا السؤال ممنوع
يا نجيب حقهم يا نموت زيهم
واي كوز ندوسوا دوس
ما بنخاف ما بنخاف ما ينخاف
شعارات سار بها الشعب
وترنم
اهزوجة اصبحت
حفظها الاطفال قبل الكبار
صرت ايقونات الفرح في ليالي الفرح
في اعراسنا وملماتنا العذبة المفرحة
وصارت خاتمة حوارتنا ولقاءاتنا وغنواتنا
تسقط بس
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
شكرا عارف ناشد
ولا حا ينعدل اصلا الكوز اعوج
خلقة معوج ومعوَّج
يلف ويدور بغباء يسحد عليه
ولكن الشعب هذه المرة انتظرهم
في اللفة وبشتن حالم
.............
والشعب يريد تغيير النظام
تسقط بس؛
.........
الثورة مستمرة
و
سننتصر
نحن الشعب العظيم
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
| Quote: الاكثريه البي نتكلم عنها عشان تنفي القيل والقال عن إنتماء مفجري الإحتجاج |
أنت تتحدث كأنما هناك حرية كاملة للناس في إقامة مسيرات
ضد النظام !
إذا الأعداد قليلة بهذا الوصف
لماذا إذا اطلاق الرصاص والقتل ومداهمة البيوت وانتهاك العروض
ومنع وصول الثوار للوصول الشوارع الكبيرة واستخدام القوة بصورة لم
يسبق لها مثيل .
وكذلك لماذا حالة الطواىء؟!
أنت تعلم أن الثوار من كل أطياف الشعب لكنك تنافق
وهذا دائما ديدن الكيزان أعداء البشرية وأعداء الخلق السوي.
| |
|
|
|
|
|
|
|
|
|
Re: الحراك؛ عبقرية التوقيت.... (Re: منتصر عبد الباسط)
|
وتتوالى العبقريات
مدد مدد
اعلان الحرية والتغيير
كل الشعب وقواهو الحية
كانوا في هذه الثورة العظيمة
في تمام الموعدا
كل الشعب
انها يوميات سقوط معلن
سقوط مكتوب بدماء الشهداء
الانقياء الكرام
............
اجمل ايقونة في الثورة
هو استمرارها؛
هو زيادة زخمها
وفي نفس الوكت ان حياة الناس اليومية
لم تتوقف
في نص المظاهرة الفريشة تواصل عملها
وتهتف سرا مع الثوار وعلنا حال انقشاع الفلاشات
وانشغال الكجر
.........
الثورة مستمرة
و
ستنتصر
انتصارها حتمي
نتمناها باقل دم ممكن
وبلا دم ان امكن؛
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
اجمل واروع مثال على استمرارية الثورة
واستمرارية الحياة اليومية للشعب
هو مراسم احتفالات زفاف الكنداكة وفاق قرشي
الخارجة لتوها من زنازين السفاحين
نعم فرح الشعب وردد المحتلفون الاغاني الثورية
وهتافات الحراك الثوري
العبقرية تكمن ان اي من الثورة ومصالح الشعب لا تتعطل
يمشيان معا كتفا لكتف
انها ثورة الشعب وبديهي ان لا تعطل حياته؛
يا سلام
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
السلام عليكم
اخي وشقيقي
عبدالمنعم الطيب
نحمد الله كثيرا
ان ابقانا في الحياة حتي نري الثورة التي حلمنا بها وعملنا من اجلها
وان نري شباب مثلك يضي النور للثوار ليستمروا حتي تحقيق النصر
في دواخلي اريد لسقوط نظام هؤلاء الفجرة ان يتاخر قليلا حتي تنكشف كل عواراته لكل من بداخله ذرة شك في انه نظام فاسد وقاتل وقاهر
مع تحياتي
| |
|
|
|
|
|
|
|
|
|
Re: الحراك؛ عبقرية التوقيت.... (Re: محمد حمزة الحسين)
|
Quote: أنت تعلم أن الثوار من كل أطياف الشعب لكنك تنافق
وهذا دائما ديدن الكيزان أعداء البشرية وأعداء الخلق السوي. |
يا منتصر الموضوع ليس اطياف الشعب وإنما كمية المتفاعلين مع الثورة في الحراك ...
الأطياف والجهويات والجندر والحاجات دي الشباب ديل اتجاوزوها كتروا العدد ...
قصة كوز والشتايم دي ما بتزيد العدد بل بتزيد الطين بِلة كمن يدفن رأسة في الرمال وعدوه يراهـ ...
| |
|
|
|
|
|
|
|
|
|
Re: الحراك؛ عبقرية التوقيت.... (Re: محمد حمزة الحسين)
|
عبدالقادر علي عبدالرحيم شخصيا
يا الف مرحب بالاخ والصديق الاستاذ عبدالقادر
مرحبا بالمناضل الجسور
اعرف الرجل منذ نحو عشرين عاما
لا لان يوما ولا استكان
دوما في مقدمة الركب بوقته وبجهده وبفكره وبماله
وعبدالقادر لمن لا يعرفه كادر خطابي مفوه يملا المنابر ثورة
ويشد اذان سامعيه باعذب المواقف؛
واحدا من انبل واجمل ابناء السودان المؤهلين فكرا وثقافة
والمرتبطين بانسان الوطن الجميل...
انها ايام الثورة
ايام الفرح يا صديقي
وشخصيا بديت افتري على الاغتراب
واحلم بالرجوع لوطن القماري
لوطن الشباب والشابات الجميلين وعُدال
البناءين طوبة طوبة مدماك مدماك
لوطن الثورة والحرية والسلام والعدالة الاجتماعية
اولادنا وبناتنا المعتوقين ومعتقين ومنعتقين
نوافير انتشاء
حشمة وحمار العين
يثورون كل ما وقعت مصيبة او سوط الجلاد وناره القاتلة حيث لا فرق
......
| |
|
|
|
|
|
|
|
|
|
Re: الحراك؛ عبقرية التوقيت.... (Re: عبدالمنعم الطيب حسن)
|
فكرة ان الثورة تنضج على نار هادية؛
دي ذاتا عبقرية
السودانيين ديل كشعب عريق ومعلم...
باله طويل كالمدى
ولا يتعجل النتائج
صبور وحليم وجبار
طوال تلاتين عاما تعايش مع التنانين
حياة الشعب كانت براها ضحوكة ومتئدة ومبسوطة رغم التتار والتنانين
وانعزلت دولة الكيزان براها تفسد
الشعب في وادي كبير ومبهج فسيح وبارح ومنبرح
والدولة التافهة براها تافهة ومنعزلة وشوية....
ويومو القرر ينهي هذه الدولة التافهة وينحيها
عمل بصبر واصرار وارادة
مظاهرات تنطلق في الواحدة تماما بتوقيت الثورة؛ او الخامسة...
صغيرة تبدا بزغرودة وهتاف ثم تنتاح في ثواني
وتكبر خلال دقائق تملا المدى وتفيض بالشوارع والطرقات
وتكبر الدوائر وتكبر
........
الاضرابات عن العمل تحول الخرطوم لمدينة اشباح
ولسع العبقريات تتوالى
والشعب اكبر
والانتصار حتمي
........
شكرا الشعب السوداني
الشعب العظيم؛
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالمنعم الطيب حسن
خضر الطيب
ibrahim alnimma
محمد حمزة الحسين
منتصر عبد الباسط
Arif Nashed
فيس بوك
تويتر
انستقرام
يوتيوب
بنتيريست