|
Re: الجبايات (Re: بدرالدين بابكر مصطفى)
|
التاريخ: 2014 تقريباً العربية : متسوبيشي جامبو المشوار : من الخرطوم للفولة السعر : 8 مليون الجاز بي 1.200.000 ج (بوديك وبجيبك) اول شي بتفك مبلغ 3 مليون (خمسات وعشرات) وتخليهو معاك لزوم الجبايات والمصاريف
| |
|
|
|
|
|
|
Re: الجبايات (Re: بدرالدين بابكر مصطفى)
|
اول تفتيش في الجبل تلاتة تفاتيش التفتيش فيهو ناس الاستخبارات والأمنية ومكافحة المخدرات في حالة انو ورقك مكتمل تفتيش مرور بتدفع فيهو 5 ج براجعو المنفستو الضريبي ودايرين يفتشوا العربية (ودي ممكن تتفاداها بي دفع مبلغ عشرة جنيه تزيد أو تنقص حسب الشخص البتفاوض معاك وممكن تصل 100) بتدفع 50 ج ناس الضرائب مع ناس التفتيش .. بعد ناس الاستخبارات وبديهو اشارة لو انت دفعت ولا ما دفعت لو ما دفعت حتتعرض لمرمطة لا يمكنك أن تتخيلها حتى .. لو المنفستو مافي ولا ضاع منك وغالباُ يكون ما عندك منفستو .. بدي إشارة للضرائب يمررك لو دفعت .. لو ما دفعت ممكن يرجعك الخرطوم العبور بتدفع فيهو اذا شاحن لحدي الفولة بتدفع 217 ج ودا الشي الوحيد البتدفعو بي إيصال غير ذلك كل الدفع بتم بدون أي إيصال المبلغ (267 + المبلغ الذي يدفع رشوة عشان ما تتفتش العربية وينزلوا شحنتها ، متوسط نقول 40 ج) المبلغ الكلي 307 ج
| |
|
|
|
|
|
|
Re: الجبايات (Re: بدرالدين بابكر مصطفى)
|
بعد كدي في نقاط صغيرة بتقيف فيها بتدفع فقط ولا يبسألوك عن أي شي فقط قروشك برة قوز الرحمة فيها نقطة مرور (5 ج) القطينة (10 – 5 لي بتاع المرور و5 لي مكافحة المخدرات) نقطة مرور في نعيمة (5 ج) قهاوي القوز (5 ج) اللعوج نص المسافة بين كوستي والخرطوم (مرور وعبور) (5 للمرور فقط) تقاطع الدويم (مرور) (5ج) التفتيش بتاع ربك في الجزيرة ابا (عبور ومرور ومكافحة) (10 + 5) ربك السكة حديد التقاطع (5 ج) تقاطع التقاء الشارع البجي من سنار مع طريق الخرطوم في مرور (5 ج) مدخل الكوبري في كوستي (تفتيتش وعبور) (25 ج) قطعت الكوبري تفتيتش (10 ج) آخر نقطة تقاطع برة كوستي (10) قبل عبور الوساع في نقطتين تفتيش (واحدة حامية جيش + واحدة نقطة تفتيش) (5 + 5 + 10) نقطة الوساع (20 ج) (5 مرور + 15 لي ناس التفتيش) المبلغ الكلي: 140 ج
| |
|
|
|
|
|
|
Re: الجبايات (Re: بدرالدين بابكر مصطفى)
|
يا أخ بدرالدين على جميع السائقين الأمتناع عن دفع أى رسوم على الطريق لأنهم لا يجدون اى خدمات مقابل تلك الرسوم والجبايات . على افراد الأمن ومتحصلى الجبايات أن يعلموا ان لارسوم بدون خدمات وأن عهد الفوضى والعبث الكيزانى قد ولى و انتهى إلى الأبد .
| |
|
|
|
|
|
|
Re: الجبايات (Re: قلقو)
|
يا قلقو .. رمضان كريم المدهش إنو القروش دي كوووولها ما بتخش في خزينة الدولة .. بشيلوها الناس ديل لي روحهم بصرفوها على رقبتهم وعلى ضباطهم اصبر شوف المصيبة خدمات شنو ياخ ..
| |
|
|
|
|
|
|
Re: الجبايات (Re: بدرالدين بابكر مصطفى)
|
بعد كدي أي دفع بتضاعف : يعني لو بتدفع 5 بتبقى 10 في كل نقطة نقطة تفتيش سليمة (10 ج) نقطة عبور في أم كويكة (10 ج( نقطة عبور تندلتي (10 ج) الغبشاء (10 ج) ام روابة هنا فيها تفتيش وعبور (35 ج + شرطة موحدة وأمنية ومكافحة واستخبارات وجيش) (المرور) وجهة تانية السميح (تفتيش) (15 ج) الله كريم (تفتيش ومرور) 25 ج الرهد (تفتيش ومرور) 25 ج الأبيض عبور (المدخل البرة) وهنا بتدفع في سبعة مكاتب تفتيش وواحد مرور (35 + 10) مدخل الأبيض في تقاطع الطريق الدائري (مرور وضرائب) إذا كان عندك منفستو وأمورك سليمة ما بتدفع لي بتاع الضرائب وإذا ما عندك ورق بتدفع 20 ج المرور 5ج نهاية الطريق الدائري تقاطع شارع النهود وشارع الدلنج فيهو نقطة كبيرة (50 ج) (10 مرور و40 للتفتيش) كازقيل آخر نقطة في شمال كردفان .. ومن هنا بتبدأ معاك قصة جديدة (تفتيش ومحليات ومرور) بتاع المحلية بياخد 20 ج التفتيش 40 والمرور 10 (330 ج )
| |
|
|
|
|
|
|
Re: الجبايات (Re: بدرالدين بابكر مصطفى)
|
من طيبة اتوجهنا غرباً اول نقطة اب زبد (رسوم محلية وتفتيش ومرور 70 ج) محلية الصمود (40 ج) من هنا تاني ما بلاقيك مرور إلا في الفولة بعد الصمود في نقطة تفتيش (نسيت اسمها) (40 ج) (20 محلية و20 تفتيش) كدام (60 – 20 محلية و40 تفتيش) المنقايات (قهاوي) فيها تفتيش (20 ج) البيجة (20 ج) الفولة (300 ج + تسجل المنفستو تمشي تفضي وتجي راجع توريهو انك فضيت) 555 ج
المسافة الكلية 900 ك من الخرطوم لحدي الفولة بتقطعا في 4/5 يوم
| |
|
|
|
|
|
|
Re: الجبايات (Re: بدرالدين بابكر مصطفى)
|
عشان تعرف أثر الجبايات دي على حياتنا ذكر لي إنو مرة مشى منطقة اسمها كيلك البحيرة شحن فحم الشوال لحدي ما شحنوه ليهو فوق ضهر العربية كان بمبلغ 35 ج والله قال لي وصل الخرطوم باعو بي 450 ج وخسر فيهو يعني 415 من قيمة الفحم دفعناها نحن لا إيدنا لا كراعنا وقس على ذلك بقية المنتجات دا غير التأخير الشديد في أي مشوار .. يعني بصرف حوالي 3 يوم بدفع للناس القاعدين في الطريق ديل وما عندهم أي شغلة ولا مشغلة
| |
|
|
|
|
|
|
Re: الجبايات (Re: بدرالدين بابكر مصطفى)
|
المبلغ الذي دفعه في الرحلة دي يساوي 2022 ج ودا أكتر من 90% منو تم دفعه بدون إيصالات .. اي أنه لا يدخل في ميزانية الدولة وإنما يذهب لأفراد أو لجهات وما في زو ل عارفا بتسوي في شنو اغرب شي قال مرة اتعطل قريب من عربية مرور .. بقى يتونس مع العسكري وصاحبو العسكري قال ليهو أنا دفعت 5 مليون عشان يختوني في المكان دا .. لأنو في اليوم بطلع مبلغ محترم يصل أحياناً لي 2 مليون في اليوم وهم اتنين يعني المبلغ 4 مليون في اليوم بشتغلوا يوم كامل وبريحوا يوم كامل يمسكوا الوردية لي مجموعة تانية
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|