|
Re: الثورة لم تنتصر بعد. 1 (Re: محمد النيل)
|
الثوره تسرق لكن من يسمع ويعمل لجمايتها الناس مفتكره انو الناس القعدت فى مكاتب قياده الدوله هم من يملكو مفاتيح الحكم وكل يوم تتكرر احداث تؤكد ان الحكومه تمشى بلا سيقان والعسكر هم ومن خلفهم الكيزان(الدوله العميقه) بعرفون موظىء اقدامهم وتتصاعد اصواتهم يوما بعد يوم ومخططهم لسرقه حكم السودان مره اخرى يسير على قدم وساق . والشعب لاوجيع له ومطحون بالازمات المصنوعه تمهيد لتحييده- على الاقل- فى مرحله الانقلاب على السلطه وفرض الانتخابات المبكره. الملاحظ ثنايا تصريحات حميدتى تحديدا منذ استلام العسكر الحكم انهم يسعو الى الانتخابات المبكره وموضوع خوضهم المفاوضات والوثيقه الدستوريه والحكومه المدنيه ليس الا ستار لتمرير والترتيب والحشد البشرى والسياسى (الكيانات) لمخطط الانتخابات المبكره اكبر خطا من ق ح ت كان مهادنه حميدتى بشكل اساسى (قد نقبل الى حد ما مهادنه ومشاركه العسكر باعتبارهم على قمه المؤسسه العسكريه القوميه)
| |
|
|
|
|
|
|
Re: الثورة لم تنتصر بعد. 1 (Re: Asim Ali)
|
Quote: اكبر خطا من ق ح ت كان مهادنه حميدتى |
فعلاً دا أس المشكلة طالما حميدتى والجنجويد مشاركين فى السلطة كأنك يا اب زيد ما غزيت زماااان قلنا حميدتى أسوأ عمل قام به الانقاذ فما ممكن نخت سوأة الإنقاذ فى قمة مكاسب الثورة وعايزنها تنتصر خروج حميدتى من المشهد وقواته و معهم جهاز الامن وكل اذناب المؤتمر الوطنى والكيزان بصفة عامة بحظر حزبيهما مضافاً اليهم الشعبى غير ذلك لا إنتصار للثورة الثورة ما زالت مبتورة
شكراً على المرور اخ عاصم على
| |
|
|
|
|
|
|
Re: الثورة لم تنتصر بعد. 1 (Re: محمد النيل)
|
1- المسألة بقت أنا عندي سلاح ، حافرض شروطي غصبا عنكم يا مدنيين يا عواليق . 2- حاتقاسم معاكم السلطة غصباً عنكم ، مع إنو مهمتهم حماية البلد. 3- حنكون عبيد للإمارات والسعوية غصبا عنكم يا مدنيين ، مصلحة السودان ما من أولوياتنا ، المهم الكنجالات اقصد الورق الأخضر 4- وبعدين جبل عامر (منجم الذهب) ده جبل جابو معاهو حميتي ورثها من منطقة ما ، إياكم وإياكم تناقشوهو في المسألة دي، لأنو حيفض ليكم اللقاء الاسري السنوي
يا جماعة مشكلتنا عويصة ولابد من لجم العسكر والمليشيات دوليا واقليميا ، نحن نعيش في أسوأ مرحلة تمر بالسودان وكلو كان نتاج زبالة المتأسلمين الوطني والشعبي. واحدة زي حبوبة عشة تقول حميدتي زي ولدي على زمة الراوي ـ وواحد زي مين كدة التعايشي يدعم شباب كلنا حميدتي . مستوى حضيض ، كل يوم بنمشي للأسوأ
| |
|
|
|
|
|
|
Re: الثورة لم تنتصر بعد. 1 (Re: ترهاقا)
|
Quote: جماعة مشكلتنا عويصة ولابد من لجم العسكر والمليشيات دوليا واقليميا ، نحن نعيش في أسوأ مرحلة تمر بالسودان وكلو كان نتاج زبالة المتأسلمين الوطني والشعبي. واحدة زي حبوبة عشة تقول حميدتي زي ولدي على زمة الراوي ـ وواحد زي مين كدة التعايشي يدعم شباب كلنا حميدتي . مستوى حضيض ، كل يوم بنمشي للأسوأ |
والله فعلاً عويصة الثورة تغيير وجزء من التغيير المفروض يكون سحق الجنجويد وحميدتى وكل جهاز الامن وان يتم دوس الكيزان فعلاً ودا ما حصل انا ما عارف قحت وضعت يدها على يد حميدتى كيف واحد من اتنين يا إما فعلاً هناك مؤامرة وتدبير تحت تحت زي ما بيقولوا يا إما حميدتى وجماعتوا عملوا عمل للجماعة ديل خليهم تلاتة يا إما ناس قحت دقسوا والثوار اتخموا معاهم ودا الاحتمال الراجح
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|