اولا تسقط بس ملاحظ أن هذه الثورة أعادت علم السوداني القديم بهائه وجماله، حيث رفرفت الراية خفاقة العلم بألوانه الثلاث اليوم يرفرف في بروكسل وحملته كنداكات الأحفاد، وزين شوارع الخرطوم في الثلاث أشهر الماضية هذا العلم لا يخص الإتحادين وحدهم إنه رمز للعزة والكرامة إنه الغابة والصحراء والنيل هذا العلم يمثلني أكثر من علم الجامعة العربية أتمني أن يكون شعارا للثورة السودانية وعهدا جديدا نستعيد فيه بلدنا ومستقبلنا
تسقط بس
03-02-2019, 07:50 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الثائر الذي كان متوشحا بعلم السودان القديم اليوم في مدريد حاملا مذكرة التنحي لسفير البشير في اسبانيا رفضت السفارة إستلام المذكرة، وضعت على بريد السفارة هذا العلم رمزا للحرية والديمقراطية والسلام
اتذكر جيدا عندما كنا ترفعه عاليا في فعاليات المعارضة بالجامعات عندما تهجم قوات أمن الكيزان كلنا تمزق هذا العلم بغبن وغبينة أرادوا أن يعيدو فرمتة ذاكرة الشعب السوداني ودق إسفين بين الشعب السوداني وموروثاته سيظل هذا العلم خفاقا ورمزا لكل السودان
03-02-2019, 08:13 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
سلامات محمد أبو العزائم ربما يكون لبعض القوى السياسية حساسية في رفع العلم السوداني الأصلي وقد يكون تميز الإتحاديون برفعه ليكون لهم شعار ما يثير حفيظة البعض، ولكن أقول إن هذا العلم بألوانه الثلاث يناسب الثورة السودانية ويضع حدا فاصلا بالنسبة الشعار ورمزية هذا الشعار ويضع العلم حدا فاصلا بين القديم والجديد فليرفرف خفاقا يحمل اشواق السودانين في الحرية والسلام والعدالة
03-04-2019, 01:47 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
صحيتو هسة يا ناس مايو 1969 وعلم بابكر عوض الله ونحن من 2005 نطالب بعودة العلم علم الاستقلال وشوف التعليقات نفسها لانه ما علم الاتحاديين ؟؟؟ طيب الاتحاديين مالهم يا غاغات مايو 1969؟؟ عاش ابو هاشم والسيد علي الميرغني والختمية سفينة نوح ..بعدين علم حزب الشعب الديمقراطي ايضا وفي فرق هنا ورجعنا لحجوة الجابون كمان طيب العلم الهسة ما نفس علم فلسطين والكويت والامارات مقلبن والجابون عكست اللون الازرق والاخضر معقول انتو قاعدين في البورد د ه من 2001 بعاعيت ذى كده ما شفتو الفرق في الوعي بين العلمين في بروفايلي ده با عبدالعظيم في حاجة اسمها الملكية الفكرية من اقترح رفع علم الاستقلال في كل بيوت السودان ومتي .. بالله المرة دي خلو القصر الجمهوري امشو حاصرو المحكمة الدستورية العليا والقضاة التسعة الفيها ديل اما يستقيلو التسعة او يقيلو البشير بالمادة 57 من الدستور وماهي المادة في الدستور ايضا التي تبطل شرعية تا17 والي المعيين وليس منتخب
الثورة الدستورية اصلا جات مع جون قرنق 2005 وفتحت المسار الي جيل الاستقلال الذهبي وديمقراطية وست منستر ومعاكم قاضي في البوست ده شايفو ضيف دائم في راديو دبنقا الكسيح نسالو هل دستور 2005 واتفاقية نيفاشا غير كافية اوقادرة علي ازالة النظام دستوريا واعادة البديل الديمقراطي وطيب كلمو ناس كوستاوي في كل الفاعليات الامريكية تكون بعلم الاسقلال بس والله يرحم بابكر عوض الله ارتكب خطا فادح في حق السودان والسودانيين بانقلاب مايو1969 المدعوم من المخابرات الامريكية والنماذج لا نجمة نجمة الليل نعدو والسنين يا حليلنا عدو يا جلادونا حبيبي وحيد القرن لازم يرجع برضه ولا ده كمان توم قلبي الشالتو الزهرة وجروح قلبي الابت تبرا https://up.top4top.net/
وكمان ابادماك "الاسد" رمز الحضارة السودانية الكوشية https://up.top4top.net/
بالله احترمو الملكية الفكرية للسريرة بت مكي مصممة العلم وحوا الطقطقة الذكية في الاصرار علي العلم حتي اخر يوم من عمرها https://up.top4top.net/
سيدة وجمالا فريد خلوقها ذى ما تريت.. ويا عبدالعظيم اركز..... في قاضي في البوست وفي قانون الملكية الفكرية بينا ...على مستوى البورد وقد افلح من استعلى ..(نيران صديقة )
03-04-2019, 07:38 AM
محمد جلال عبدالله
محمد جلال عبدالله
تاريخ التسجيل: 06-24-2011
مجموع المشاركات: 4552
Quote: للأسف يا عبد العظيم العلم بالوانه الثلاثة أصبح علما لدولة القابون .
أبدا أخ محمد علم الجابون هو مقلوب علم السودان القديم علم السودان الأزرق فوق والأخضر تحت وبينهم الأصفر، وعلم الجابون العكس الأخضر فوق والأزرق تحت وبينهم الأصفر للعلم علم السودان استمر حتى عام 1969 وانقلاب النميري في حين علم الجابون موجود منذ استقلالها عام 1960
هذا هو علم السودان القديم حتى 1969
وهذا هو علم دولة الجابون منذ عام 1960
وهذه ليست حالة التشابه الوحيدة فمعظم أعلام الجامعة العربية تتشابه فلا تستطيع التفرقة بين علم سوريا ومصر والعراق واليمن إلا بعدد النجمات فيه أو خلوه منها وعلم فلسطين يشبه علم السودان وعلم قطر يشبه علم البحرين وووووووو وبالتالي فلا مشكلة في العودة للعلم القديم بإذن الله .. بس كدي خليها التسقط بس
03-04-2019, 07:52 AM
adil amin
adil amin
تاريخ التسجيل: 08-01-2002
مجموع المشاركات: 37010
Quote: طيب العلم الهسة ما نفس علم فلسطين والكويت والامارات مقلبن والجابون عكست اللون الازرق والاخضر
طيب انت يا محمد جلال لحنت الكلام القلناه فوق ده ولي الله قعد يعمي بصائركم من الكلام بالنقولو هنا من 2001 لحدي الليلة 2019 انتو في البورد ده مشكلتكم شنو؟؟بالظبط كده هسة الناس واحد فيهم بجي يعقب مافي وده اصلا ما بغير راي في الشيوعيين والبعثيين والناصريين وانقلاب 1969 والعلم القبيح ده وكان ايتام الترابي في الشعبي الوطني والعدل المساواة كلهم ملة واحدة وناس تسقط بس والفورة الف وصورة البروفايل دي من 2005 في البورد وكل علم يعبر عن وعي والسودان ضاع بين وعيين من بعد الاستقلال الدولة المركزية الفاسدة والفاشلة والفاشية القائمة على اقليات المركز المشوهة والمشاريع المصرية والانقلابات مشروع المصريين والدولة الديمقراطية الفدرالية ااشتراكية المكونة من ستة اقاليم ومحكمة دستورية عليا فاعلة وقبائل السودان واحزاب الاستقلال الوطنية = مشروع الانجليز https://up.top4top.net/
03-04-2019, 07:54 AM
adil amin
adil amin
تاريخ التسجيل: 08-01-2002
مجموع المشاركات: 37010
يا عادل امين ياخي روق الموضوع بي بساطة لنقاش إتخاذ علم السودان القديم علما للثورة الآن في الوقت الراهن يرافق التظاهرات ليميز هذا الحراك الثوري بشعار له دلالة وطنية.. دا كل الموضوع بعد سقوط النظام عودة العلم القديم رسميا يناقش في وقته واي زول يقول رأيه وقتها بعد سقوط النظام الآن ما هي الموانع من رفع علم السودان القديم شعارا لهذه الثورة؟
03-04-2019, 08:00 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
هلا ومرحبا بالجميع معذرة علي الرد بالجملة مولانا الملك تحياتي، ممكن العودة للعلم القديم بعد سقوط النظام ولكن ضروري أن ترفع الثورة علمها، كما رفعت شعاراتها حناجر السودانين العلم القديم جاهز ليرفع ويصبح رمزا للثورة
تحياتي جلال ومحمد جلال وعادل الموضوع بسيط جدا العلم السودان الثورة تحتاج علم وليس هنالك أنسب من علمنا القديم يا عادل بالله روق المنقة (الموضوع ما محتاج تويرتة النفس دى)
03-04-2019, 08:16 AM
adil amin
adil amin
تاريخ التسجيل: 08-01-2002
مجموع المشاركات: 37010
Quote: يا عادل بالله روق المنقة (الموضوع ما محتاج تويرتة النفس دى)
يا مواطن انت ينقصك التواضع فعلا وعامل الثورةدي حقتك في البورد ده وهي اصلا ما ثورة من الاساس وينقصها الحامل الفكري الاصلي والمشروع السياسي والواضح احترم رؤية الاخرين وانا بمارس حقي الديمقراطي في بوستك وبكتب كلام واعي جدا لو بتعرف الوعي فعلا وطبعا عدم التواضع والرجوع الحق وعدم بخس الناس اشياءهم دي ما مشكباك دي مشكلة الناس للبخسو السيد علي والسيد عبدالرحمن ومحمود محمد طه ود جون قرنق وهم عارفين نفسهم كويس ما تعمل لي فيها مدرس تتواضع اهم حاجة
03-04-2019, 08:50 AM
محمد جلال عبدالله
محمد جلال عبدالله
تاريخ التسجيل: 06-24-2011
مجموع المشاركات: 4552
Quote: طيب انت يا محمد جلال لحنت الكلام القلناه فوق ده ولي الله قعد يعمي بصائركم من الكلام بالنقولو هنا من 2001 لحدي الليلة 2019 انتو في البورد ده مشكلتكم شنو؟؟بالظبط كده
حقيقة لم أنتبه لكلامك هذا رغم مروري السريع على مداخلتك وأعتقد إنو كلامك ما كلام الله أو كلام الرسول عليه الصلاة والسلام عشان أقرا كل جزئية فيهو وأتدبرها عادي جدا الغفلة وعدم الانتباه بتحصل والإنسان في الصلاة نفسها ممكن يسهو وهو واقف قدام ربنا والناس لمن تحصل حاجة زي دي بتذكر بعضها أو بتمشي الموضوع .. يعني ما حاجة خطييييرة كان بإمكانك الإشارة إلى أسبقيتك في ذكر المعلومة دون هذا الأسلوب السخيف لكن يبدو أنك مركب مكنة دون كيشوت وتهوى مصارعة طواحين الهواء إن لم تجد من تصارعه ** أتوقف هنا عشان ما أبوظ البوست على صاحبه غفرانك ربنا وإليك المصير
03-04-2019, 09:12 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12482
مولانا الملك تحياتي، ممكن العودة للعلم القديم بعد سقوط النظام ولكن ضروري أن ترفع الثورة علمها، كما رفعت شعاراتها حناجر السودانين العلم القديم جاهز ليرفع ويصبح رمزا للثورة ============ حبيبنا عبدالعظيم .. تحياتي .. ما في طريقة لرفع العلم الجديد مرة أخرى لأن العلم القديم أصبح هو علم دولة أفريقية تقريباً هي ( الغابون) اصبح العلم من حق دولة أخرى .. ممكن يكون شعار لحزب الوطن الاتحادي كما هو معتاد والذين يرفعون العلم القديم هم أبناء الحزب الاتحادي التحية لهم ولجميع الاحزاب التاريخية في السودان
مع التحية للحبيب عبدالعظيم .. واصل حتى النصر
03-04-2019, 09:23 AM
adil amin
adil amin
تاريخ التسجيل: 08-01-2002
مجموع المشاركات: 37010
الشللية تشل الدماغ في البورد في السودان ده نوع الوعي المباري علم بابكر عوض الله ومايو 1969 القصة وعي معسم وعنطزة كمان ودون كيشوت ديل انتو يا حبيب وانا ما جيت البورد ده الليلة عشان تعلمني اكتب شنو واكتب كيف فكرة علم الاستقلال واصلية وخلفها هدف معلن هنا م2005 مش تراهات ساكت رد اعتبار جيل الاستقلال الختمية والانصار والجمهوريين خلي البوست يبوظ ما تبوظو افكار الاخرين والارشيف موجود خليك في تسقط بس تباعتك وعلم مايو ما تفك راسي ساكت ما تشوه رؤيتي في علم الاستقلال في البورد ده المهم وعاين للبروفايل ده علي الاقل عشان تعرف الفرق بين الوعيين بعدين ما تتصورو انكم الغزالة الفوق في السلم فوق النقد والمساءلة والله دون كيشوت دي الا ابلعك ليها بالارقام كمان فرقك من القذافي شنو مش اخر انتخابات نوعك ده كان عنده ثلاث مقاعد بس وما في ناصري ولا بعثي واحد فاز في السودان في انتخابات ..عايزين تعملو ثورة لي شنو طيب
03-04-2019, 09:29 AM
adil amin
adil amin
تاريخ التسجيل: 08-01-2002
مجموع المشاركات: 37010
Quote: حبيبنا عبدالعظيم .. تحياتي .. ما في طريقة لرفع العلم الجديد مرة أخرى لأن العلم القديم أصبح هو علم دولة أفريقية تقريباً هي ( الغابون) اصبح العلم من حق دولة أخرى ..
تاني جاب سيرة البحر.... two legs bad four legs good **** انتو ما تزعلو جون قرنق صاحب الثورة الدستورية الحقيقية 2005 وانتخابات 2010 المجهضة دي الثورة السودانية ... قال التحرر في السودان من شنو ...شفاو شنو دي ازمة الدماغ المؤدلج ...الثورة تحتاج دماغ حر وحامل فكري محترم..ومشروع سياسي واضح ولحدي هسة ما عندكم انت اقرا البوست من الولو بي اخره بعدين علق صاحب البوست اكتشف في مارس 2019 اهمية علم الاستقلال .. مش علم مايو ...1969
03-04-2019, 10:54 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا عادل امين ياخي بطل مزايدة انا لسنوات طويلة هذا العلم كان يزين البروفايل قبل صورة رئيس تنزانيا (ما إتذكرت أهميته هسا) ونحنا طلبة في الجامعة كان هذا العلم وشاحا لنا شوف ليك شغلة تانية وبطل شغلة الهجوم على أي زول قدامك بأي كلام منجور من راسك ساي
موضوع البوست الرئيسي هو إتخاذ الثورة السودانية لعلم السودان القديم شعارا لها
03-04-2019, 02:24 PM
adil amin
adil amin
تاريخ التسجيل: 08-01-2002
مجموع المشاركات: 37010
Quote: موضوع البوست الرئيسي هو إتخاذ الثورة السودانية لعلم السودان القديم شعارا لها
انت علمك هو علم مايو وبابكر عوض الله ده يا مفلس تمسك فيه بس لانه عالم كارثة وجزء من ماساة السودان قتل في مايو الازهري والسيد الهادي المهدي وعبدالخالق محجوب والشفيع احمد الشيخ وحسن حسين ومحمد نور سعد ومحمود محمد طه 1969-1985 اذا عايز تجعل علم الاستقلال شعارك 1= تدين كل الانقلابات التي حصلت في السودان من 1958 و1969 و1989 2-تحترم جيل الاستقلال وترد الاعتبار لجيل الاستقلال الذهبي الختمية والانصار والجمهوريين السيد عبدالرحمن المهدي السيد علي الميرغني الاستاذ محمود محمد طه والمهنيين ديل ما احتفلو بي ذكرى الاستاذ محمود لا خصصو ليه وقفة يوم الجمعة 18 يناير 2019 3- تحترم رؤية جون قرنق مهدي الجنوب 2005 وطلعو ليه الملاييين وسجلو 18 مليون في انتخابات 2010 واجضها لفاشلين الزيك ديل .. دستور 2005 كافي لازالة النظام وولاية البشير انتهت بي المادة 57 من 2018 مش بي تسقط بس الغوغائية بتاعتك دي ال17 والي ديل غير دستوريين ويجب اسقاط المستوى والولائي واستعادة الاقاليم اولا .. 4- تمشي تحاصر المحكمة الدستورية العليا والقضاة التسعة الفيها ديل اما يتسقيلو او يقيلو البشير وال17 والي ده معنى ترفع علم الاستقلال في البيوت في كل السودان ومعلن في البورد من زمان وشافو وقروهو كثيرين غيرك ************** ولمن ثورتك دي تخستك وتكمل بتبدا ثورة الاستقلال الحقيقي التي تحرر كل السودان وكل السودانيين من شنو مش من منو انتو خليكم في الردح في فلان وعلان بس وذلك مبلغكم من العلم انا بس لفتني العنوان وقلت ادخل اشوف قصة علم الجابون دي انتهت ولي لسه ؟؟
03-04-2019, 02:45 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا عادل امين ثورة الشعب السوداني نجحت باقى بس نزح آخر شعبة يستند عليها النظام شوف ليك شغلة لايك ليك فرمالة قديتنا بيها قد روق بالله وامشي شوف شغلة اقضاها ما تجي راجع تاني وشايل صور على الميرغني وعبدالرحمن المهدي وخاتيهم في سدرك ومتلح خلق في المنبر، شغلة الدروشة دي بطلها
03-04-2019, 03:03 PM
adil amin
adil amin
تاريخ التسجيل: 08-01-2002
مجموع المشاركات: 37010
Quote: يا عادل امين ثورة الشعب السوداني نجحت باقى بس نزح آخر شعبة يستند عليها النظام شوف ليك شغلة لايك ليك فرمالة قديتنا بيها قد روق بالله وامشي شوف شغلة اقضاها ما تجي راجع تاني وشايل صور على الميرغني وعبدالرحمن المهدي وخاتيهم في سدرك ومتلح خلق في المنبر، شغلة الدروشة دي بطلها
فاااااااااااااااااااااااااااااااااااشك موهوم وغبي كمان والزمن بينا وفعلا ذى كلامي ده ما بتفهو ابدا حتى ترى التتار جهرة وهم يراهنون على غباء الزيك ديل خليك مع علم بابكر عوض الله مايو ده افضل لمن تحرر من شنو بعد الف سنة ضوئية حتعرف ليه سماكم منصور خالد النخبة السودانية وادمان الفشل وانا ذاتي ما فاضي ليك . https://up.top4top.net/
03-04-2019, 03:30 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
فوق محمد جلال سماك دىنكيشوتى يبدو أنه أصاب ياخي انت مستعد تشاكل نفسك عشان تأخذ الجرعة (كايس ليك شكلة) موضوع البوست يتسق مع صورة البروفايل بتاعك الملاوة فوق شنو يا (ساري الليل ما شفت عوض) "قوم لف وشيل قفتك معاك فيها نفس الكلام حايم بيه المنبر ليك مية سنة يا خلف الله ما عذبتنا امشي اشرب عصير ليمون بالنعناع يريح أعصابك يمكن تبطل الشمطه الفارغة العملتها في البوست دا وتسقط بس
03-04-2019, 03:32 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
لنجعل من العلم السوداني راية عالية خفاقة فوق المنازل ، لنرسمه علي الجدران ، لنحمله علي الشارع في المواصلات وفي أماكن العمل تعبيرا عن الدعوة لعودة السيادة الوطنية، فلنرفع علم السودان القديم بألوانه الثلاث رمزا لعزة وسيادة وحضارة السودان العلم القديم يمثلني ويعبر عن سودان التسامح يعبر عننا جميعا أرضا وشعبا
03-16-2019, 12:16 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة