|
|
|
 Re: التومة بت إبليس (Re: أبوبكر عباس)
|
في نهاية التمانينات قريت لي كلام بأنو ملكال هي تاني أعفن مدينة في العالم!!
وهي كانت تشبه باريس بالقرون الوسطى ومدني 1830 لمان قال فيها سائح إيطالي على ذمة المؤرخ ريتشارد هيل:
- تقع في منخفض شبة جزيرة سنار على الضفة الغربية للنيل الأزرق.
- معظم بيوت الأهالي من الطين والقش.
- تظل مياه الأمطار متجمعة في برك آسنة لمدة طويلة بعد موسم الأمطار (لسؤ التصريف الطبيعي) مما يؤدي لتكاثر البعوض وانتشار الأمراض المعدية.
- يقوم معظم الأهالي بقضاء حاجتهم على ضفاف النيل...
عشان كدة، القعاد على الشاطئ بيكون صعب خلاص وخاصة بالليل
- المدينة بصفة عامة قذرة الي حد البشاعة.
| |
 
|
|
|
|
|
|
|
|
Re: التومة بت إبليس (Re: أبوبكر عباس)
|
باتريك زوسكيند كتب واصفا سلخانة تمبول في رواية العطر ما معناهو:
"في سوق السمك هذا والقائم على قبور جماعية غابرة في حي"مونمارتر" وسط شارع "أوفير" وفي يوم حار جدا، وداخل أتون من الروائح العفنة واللاذعة لأحشاء السمك الدموية ولد "جان باتيست غرنوي" في السابع عشر من تموز يوليو 1738، خرج غرونوي من بطن أمه مثل قطعة لحم بشرية منزلقة على البقايا اللزجة للأسماك، قطعة لحم ليست أكثر، وكأن والدته اختارت له مصير أخوته الأربعة الذين ولدوا بنفس الطريقة وماتوا تحت طاولة بيع الأسماك دون أن يشعر بهم أحد، فالمنظفون في آخر النهار لم يميزوا بين الأجنة البشرية الحمراء وبين خياشيم الأسماك وبقاياها الدامية، ولكن "غرونوي" الرضيع الذي شرب وابتلع وتنشق كل روائح باريس العفنة في ذلك النهار، أعلن عن وجوده الصارخ من خلال البكاء المتواصل والحاد، وكان هذا البكاء كفيلا بإرسال والدته إلى حبل المشنقة !، وهكذا ارتبط مصير "غرنوي" بحدثين كبيرين: قدرته الشميّة الخارقة، وارتباط اسمه بالموت والقتل منذ إشراقته الأولى على الحياة."
من أمس بحاول ألقى اسم لأم التومة في هذا النص؟!
أخيرا استقريت على اسم جكنة
عينوها ناس المجلس مع تلاتة رجال لنظافة السلخانة يومي السوق
قول سبت وتلاتا
الأيام التانية شغالة في السوق بار تايم ، تنضف بعض الدكاكين والجامع، وبالليل بتنوم مع ست عرقي في طرف السوق.
ست العرقي حنستها تشتغل معاها أحسن ليها من الشلهتة، رفضت بحجة انو العرقي حرام
ست العرقي زعلت منها وقالت ليها بمنطق ناس المنتدى: ما تراكي بتجغمي فيهو كل يوم؟!
قالت ليها: دي مسؤولية فردية، لكن سواطو مسؤولية مجتمعية
أنا من عل، إستحسنت الكلام دا وإبتسمت.
ست العرقي مسكت ساعد يدها اليمين بكف يدها الشمال وهوززت يدها، وقامت على حيلها ممغوصة، وتفّت في الأرض
وتمتمت بكلمات قدرتها:
يحرق ميتينك لميتين المجتمع.
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
قصة حرام دي زعلت سهام بتاعت العرقي زعل شديد، وبقت تهري وتنكت، جات راجعة ووقفت جنب جكنة وقالت ليها: قومي لمي عفشك وأطلعي من بيتي،
كزبونة مرحب بيك في أي لحظة، لكن كرفيقة البيناتنا إنتهت.
كراوي، زعل سهام دا ذكرني اللا دينيين بتاعين المنبر، أقدر أهبش ليك واحد قول ليهو إتّا ملحد
تعال شوف الورجغة والزعل وفقدان المنطق!!
بعد جكنة مرقت، سهام بكت بكاء فرقة لم تشف منها أبدا
| |
|
|
|
|
|
|
|
|
|
Re: التومة بت إبليس (Re: جلالدونا)
|
يا مستنير قصتك دي ذكرتني الطاهر الجلك _بفتح الجيم المعطشة_
والجلك كان بلقط (بعر) الحمير في صباه ولامن يملأ الشوال بيملص سروالو عشان يملاهو برضو
وبعد ما يفضيهو بلبسو تاني
سروال الجلك كان مكرفس من رجلينو لانو بعقد رجلينو الاتنين عشان يتملي بعر
ناس المريسه قالوا الطاهر ده اعفن من ...
| |
|
|
|
|
|
|
|
|
|
Re: التومة بت إبليس (Re: Elsanosi Badr)
|
مرّة راكبين بنطون الجنيد بعربيتنا البفلو لاحقين سوق تمبول، وكان معاي واحد من أولاد أم شانق سعد يقول لي:
ما تستعجل يا مستنير، تمبول دي ضروري تدخلها بعد صلاة الصبح، أوعة من تدخلا قيل الصلاة؟؟
قلت ليهو: ليه؟
قال لي: سوق تمبول مسكون مسكون؟؟
واصل: عارف الكلام دا ما بقع ليك
تخيلتو تمّ الجملة دي في سرو ب:
عارف الكلام دا ما بقع ليك، إتّا ذاتك ما ياكا إبليس الكبير
قلت ليهو: شوف، حركات ناس أم شانق حاج إبراهيم دي خلينا منها
ردّ لي بزعل شديد: مية مرّة أقول ليك أنا من أم شانق سعد، سعد سعد
وواصل وهو زعلان: خليني أحكي ليك قصتي مع دمازيق تمبول ديل
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
المكرفون ما زال مع صالح:
في يوم شتوي قمري جبنا لينا زي اتناشر ناقة من الصباغ قاصدين سوق تمبول، كان معاي نفرين من أولاد الكواهلة، وصلنا العصر قبل يوم السوق، مرحّنا ألبل شمال السلخانة تجنبا للريحة، بعد صلينا العشا، صحباني ديل قصدوا سهام وخلوني حارس النياق، نمت، زي الساعة تلاتة صحتني حركة النوق، قمت علي حيلي لقيت الاتناشر ناقة منططات اضنينن وبعاينن تجاه السلخانة، دخلت في نصهن وبديت أعاين في اتجاه نظرن، ألقى ليك تلاتة شواطين بلعبن ليك مع سبعة كلاب لعبة شليل بالعضام، ما خليت يس، ولا المعوذات، والجماعة يلعبوا في لعبهم!!
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
قلت ليهو أولاد الكواهلة المعاك شافوا منظر الدمازيق دا؟
قال لي: لا، بيّتوا في بيت سهام
قلت ليهو: القصة شنو؟ أي زول يحكي ليك قصة عن الجن أو الشياطين ما بكون عندو شاهد؟!
قال لي: أسأل روحك
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
يا مستنير والله قاعد في استار بكس ؤ بقرا في هوايلك ديل .
كان ما مصدقني برسلك صورة .
معاوية المدير،
استار بكس،
مداخلة من الجلكسي s5 ...
| |
|
|
|
|
|
|
|
|
|
Re: التومة بت إبليس (Re: معاوية المدير)
|
المكرفون ما زال مع صالح:
| Quote: وصلنا العصر قبل يوم السوق، مرحّنا ألبل شمال السلخانة |
| Quote: صحباني ديل قصدوا سهام وخلوني حارس النياق |
| Quote: نمت، زي الساعة تلاتة صحتني حركة النوق |
المكرفون مع دكنة :
| Quote: فرشت ليها قطعة كرتونة بتاعت بحاري، ونامت شمال السلخانة |
| Quote: بعد تسعة شهور وعشرة ايام واسبوعين |
| Quote: كانت واقفة قدام قاضي برفاعة بتهمة الزنى |
المكرفون عندي :
دي كما دايرالها DNA ؟
أي عريبي من بتاعين البعرة تدل على البعير بجيبلك اسم ابو.
التكنيك الحمورابي بتاعك فشوش.
| |
|
|
|
|
|
|
|
|
|
Re: التومة بت إبليس (Re: محمد على طه الملك)
|
يا ملك ممكن الميكرفون سلفة حبّة كدى
| Quote: مرحّنا ألبل شمال السلخانة |
| Quote: فرشت ليها قطعة كرتونة بتاعت بحاري، ونامت شمال السلخانة |
| Quote: نمت، زي الساعة تلاتة صحتني حركة النوق، قمت علي حيلي |
و برضو دايرلك عريبى يدلك على البعير البغر البعيرى
ياخى اسألو كرتونة البحارى !؟
| |
|
|
|
|
|
|
|
|
|
Re: التومة بت إبليس (Re: محمد على طه الملك)
|
أبدا يا ملك، الفكرة مختلفة خالص، ديل زمنين مختلفات.
الDNA لاثبات مكون غير بشري في عينة الطفلة
الحقيقة البوست دا عملتو عشان تصور ولادة عفن في سلخانة تمبول، تصور يفوق مشهد زوسكيند في العفانة!
لكن بعد موقف جكنة مع سهام، تعاطفت معها وغيرت ليها حياتها، وفالبا ألبس المشهد للتومة بنتها
مرّة في نقاش قلت ليهم انو المسيح لو رجع ممكن نتأكد منو بتحليل الDNA
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
| Quote: . مرّة في نقاش قلت ليهم انو المسيح لو رجع ممكن نتأكد منو بتحليل الDNA |
هههه بس ياها قولة الراجل لى مرتو الجات من التصويت وقالتلو اديت صوتي لى ربنا .
:
يا جلال المفارقة زمن كراتين البحاري عامل السخانة المعفن في تمبول بعرف دي ان آه واستخداماتو الطبية..
الظاهر الباشمهندس بقى يملح المستنير عشان كده بقى يجدع لينا الفى نصيب.
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
يا ملك، ما تستهين بثقافة الإلتقاط للعامل المعفن دا.
المفارقة انو مثلا سنة91 كان بكون في طالب دراسات عليا شغال فرز في سلالات ألبل عبر الDNA في تاني أعفن سلخانة.
العامل بجمع معاهو العينات، وبشيلوا كبدتم وبتونسوا في الفطور وما بعيد يكونوا مرات ببيتوا سوا عند سهام قدام السوق بيوم.
عادي، السلخانة ما فيها مجاري ولا سور ولا عرش، والDNA مدور!!
عادي
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
| Quote: ألقى ليك تلاتة شواطين بلعبن ليك مع سبعة كلاب لعبة شليل بالعضام، ما خليت يس، ولا المعوذات، والجماعة يلعبوا في لعبهم!! |
يا صديقي المستنير
زولك دا لو كان قرا آية الكرسي و الجماعة إستمروا في لعبهم كان قلت ليك قطع شك ديل ما شواطين
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
كنت داير أعمل لي مداخلة يضرب فيها القاضي تلفون لإلهام (فرع رفاعة) تجيب ليهو بالليل باقة، يعزم فيها واحد من أصحابو الدكاترة عشا ، ويضبح ا غلي شرف المناسبة دي لعتود الفاضل ليهو في البيت، ويفهم من الدكتور حكاية الDNA دي!!
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
| Quote: سنة91 كان بكون في طالب دراسات عليا شغال فرز في سلالات ألبل عبر الDNA |
ايوه كدا استعدل الشغل ..
على كدا بقى عندنا زمان ومكان فضلت الحبكة ..
حكاية الـ DNA وأبو الولد ما راكبين مع الزمان والمكان..
أشك الرواية دي تكون نزلت عليك في رمضان.
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
نفترض جكنة ما قالت الكلام المستنير بتاع الفرق بين شراب العرقي وصناعتو.
في الحالة دي، ما كنت تعاطفت معاها ومشيت القصّة في إتجاه تاني خالص.
نفترض إنها وافقت على إقتراح سهام ورضت تشتغل معاها في سوات العرقي،
وقالت للبوس الجديد:
خلاص يا سهومة، خليني الأسبوع دا أكملو في السلخانة منها وداع ومنها خم رماد.
أبدا ما كنت تعاطفت معاها وكنت ح أصنع ليها ولادة لطفلة تفوق ولادة جان باتيست بتاع العطر عفانة، وأعفن من الهادي الجلك وأم جِمعة بِت دَرَق البرِق
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
الحبيب الفاضل ابوبكر تحياتي واحترامي
ولك الشكر على ما تكتبه في هذا الحوش
رغم اني ما لي علاقة بالادب لكن النص ده عجبني بالحيل
غايتو اعتبرت الحتة دي هي البدأية الحقيقية للنص
.......................
القاضي بالرغم من انو ما فهم DNA يعني شنو، لكنو سأل العامل:
لشنو نعمل الفحص دا؟
قال ليهو: يمكن يكون فعلا كلامها صاح ما هبشها زول!!
........................
التومة في طريق ان تصبح (ولية صالحة ) لو جازت التسمية
| |
|
|
|
|
|
|
|
|
|
Re: التومة بت إبليس (Re: ASHRAF TAHA)
|
لو مشيت القصة دي حسب مداخلة الDNA ، فعلا يا الجنيد بتكون جكنة ولية صالحة وولدت ليها معجزة بالرغم انو لم يمسسها بشر.
شخصياتي القاعد ابنيها دي، يحز في نفسي أن أجعل لها مصير خيار واحد، و أن تجد نفس مصيري المرتبط بتراكم خيارات معينة من ضمن آلاف الخيارات الكانت متاحة!!
مثلا لو الشخصية مرقت من الخرطوم واتجهت جنوبا،
لمان تصل مدني بحتار أخليها تلف للقضارف، ولّ تمشي لحدي سنار
مرات يخيل لي انو الله دا هو الإحتمالات
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
جميل الدخول الى ماوراء الظاهر .. وجميل الدخول في عالم اعمال العقل والتفكير .. وجميل النظر في عالم المتناقضات في الموروثات
استمتع جدا لما اقرا لمتشككين في مجال كان
فالاسئلة تفتح الذهن وتحفز العقل
لكن يجب عدم الاستعجال للوصول الى الأجوبة
وتحياتي لملجة تمبول
| |
|
|
|
|
|
|
|
|
|
Re: التومة بت إبليس (Re: talha alsayed)
|
المدن والقرى بتكون مرتبطة في خيالك بأشياء محسوسة.
مثلا كسلا؛ بالمنقة والبرسيم وخلفيتهم جبل التاكا
أم درمان؛ طوالي بجيك بيت محمد الواثق:
لا حبذا انتي يا أم درمان من بلدٍ
أمطرتني نكدا لا زارك المطر
وشنو كد، يظلها النيم والهجليج والعشر
أم بادر؛ حفير محاط بشجر اكاشيا وفيهو ابل واردة
وأبالي من ضهر سنكيت بغني:
زولا سرب سربة خلى الجبال غربا
أها تمبول دي؛ مرتبطة عندي بالفول المدمس بقشرتو الرمادية!
شفتو الأولاد الشماشة الفي الخرطوم في الشتا قبل ما يضربوا موية الفول؟
وقبل ما يتمسحوا بزيت الفول؟
شفتو لونم بكون كيف وهم مولعين ليهم جرايد في خور للدفو؟
لونم بكون رمادي
كذلك زوار تمبول في الشتا!
أها تمبول دي ع
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
والله ياشافي سيد الحوش لو برضى اعمل ليك خلو رجل مكتبتي الناصية
ياخي بكري ده ماعندو نظر نهائي ... لاعب كبير مثلك مفروض يدوهو مكتبة ومحل مرطبات كمان
_
اكيد ناس نجاة وود موسى عاملين ليك سبيل عديييل:))
| |
|
|
|
|
|
|
|
|
Re: التومة بت إبليس (Re: حيدر حسن ميرغني)
|
تذكروا اللوري بتاع المداحين والسخل والمرة الكان ماشي تمبول وإنكسر بعد أم شانق سعد؟
حزّ في نفسي انو ما سلطت شويّة ضوء على السخل!
أجمل الصغار علي الإطلاق هم الدحوش الصغار
بجي بعدهم بفارق صغير طفيف؛ السخلان
بالمناسبة، سخلان دي ليست مثنى وإنما جمع
كلمة بعارين هي ما بتشبها، لكنها جمع وليست جمع للبعير المذكر، ولنها تعني إبل
السخل دا، وأنا بروي في تلك القصة تخيلت لون إضنيهو أبيض، وجسمو أسود وضنبو رمادي
رجلينو في نص الساق فيهن خط أبيض بخليك من بعيد تتخيلو لابس شراب أسود مخطط بالأبيض زي فنايل أهلي مدني.
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
لقوهن حملّ مكملات الشهر الأول وداخلات في التاني.
ح تسألني تقول لي: كيف عرفوهن حمّل؟ النسوان اتكلمن؟
قلت ليها: عرفت كيف عرفوهن
المشكلة في المتابعين لينا ديل، ما بكونوا عرفوهم كيف عرفوهن؟؟؟
| |
|
|
|
|
|
|
|
|
|
Re: التومة بت إبليس (Re: أبوبكر عباس)
|
وأنا بروي في تلك القصة تخيلت لون إضنيهو أبيض، وجسمو أسود وضنبو رمادي
رجلينو في نص الساق فيهن خط أبيض بخليك من بعيد تتخيلو لابس شراب أسود مخطط بالأبيض زي فنايل أهلي مدني.
-------------------------------------------------------
وهكذا اتضح لي جليا فصاحة اهلنا بصقيعة سلامة الاختصرو كلام المستنير الكتير المذكور اعلاه بكلمة واحدة بس ( أربش )
وكان دايرين يلخبطوا غزلك بقولوا ليك قول
عنزي الحوا السكا اللكا جابت عتود احو اسك الك
يقدرن معوز الحلة الحو السك اللك يجيبن عتود احو اسك الك ؟
زي ما عنزي الحوا السكا اللكا جابت عتود احو اسك الك ؟
على الجزيمة مو ان بقيت مستنير كان بقيت صلاح ود البادية ذاتو ما تقدر تلعب معاهم ضقل
وهذا مع اعترافي الصريح باني انتشيت لهاتيك الحكاية التي ذكرتني التهجة بت خالي البلولة
حين اتهمت عجبت بت شاع الدين ولد التهجة بسوي قلة اللدب لبتها
فردت عليها التهجة بان ولدها الناير مو قليل وحتكمان بدحيشتو
.
.
التحية مرفق طيها لك ولضيوفك القاعدين في سوكري حكيك
| |
|
|
|
|
|
|
|
|
|
Re: التومة بت إبليس (Re: عبدالله ود البوش)
|
بوست الفريج تترتج، قلنا نشوف دا وقرينا للشياطين وجعلنا من بين أيديهم سداً
نرجع للموضوع الأساسي:
"قد يقول قائل: الجن البسوي فيهو المستنير دا شنو؟ يبدأ النص وقبل يتمو يبدأ واحد تاني؟!
الحقيقة السبب هم ميوس* كتاباتي بنزلن علي بالطريقة دي، زي القرآن موش كان بنزل بالطريقة دي؟
المهم في النهاية تتمهن وتفرزن في نصوص مختلفة، ولو كمان نزلت ليك ميوس خطيرة كدا جمعت النصوص دي كلها في نص واحد، زي وديان النيل في الحبشة بتجمعن كلهن في عطبرة وبمشن مصر كتاب واحد، عسى ولعلى نفوز لينا ببوكر!!"
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أبوبكر عباس
جلالدونا
Elsanosi Badr
معاوية المدير
محمد على طه الملك
Hafiz Bashir
محمد فضل الله المكى
الجنيد حمد
ASHRAF TAHA
وضاح عبدالرحمن جابر
talha alsayed
حيدر حسن ميرغني
عبدالله ود البوش
فيس بوك
تويتر
انستقرام
يوتيوب
بنتيريست