|
Re: التعايشي وفدوي عبدالرحمن ابتزاز رخيص ومر� (Re: Gafar Bashir)
|
سلام أخ جعفر الحقيقة إنو الطريقة التي إستبعد بها التعايشئ صادمة - مفترض إن تجمع المهنيين يخضع إي مرشح للمنصب للمعايير والمواصفات وأسس التأهيل - ليتعرف علي مدي - تطابق المرشح مع تلك المعايير - بعدها يخضع الأمر للإختيار عبر المؤسسة والهئيات وبعد حصوله علي الأغلبية يتم إعتماده للمنصب ثم يعلن الأمر.. وفي هذه المراحل وحتي الإعلان - يمكن أن يعتبر الإمر مجرد مفاضلات ولكن ماحدث هو إعلان متأخر ينم عن إرتجال أو خضوع لضغوط ! مفترض علي الأقل أن يعرف الرأي العام كيف تم الإختيار وعلي إساس ولماذا تم سحبه ؟ كما أن الجهة صاحبة الإختيار والخيار هي تجمع المهنيين لاغير ... ثانيا موضوع الأخت فدوي تم فهمه وكأنه - حرد وزعل وعقلية يا التعايشي جوة يا أنا برة بس الموضوع أعمق ففدوي في مرافعتها - رفضت التعين والإختيار الذي يقوم علي أساس جهوي وقبلي ... وذكرت إنها لم تكن تعلم إنها هي شخصيا قد خضعت لهذه المعايير! ..
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: كمال عباس)
|
Quote: رفضت التعين والإختيار الذي يقوم علي أساس جهوي وقبلي ... وذكرت إنها لم تكن تعلم إنها هي شخصيا قد خضعت لهذه المعايير! |
مع احترامي يا كمال عباس فدوي لما عرفت انو هي غلطانة في فهم الالية ليي ما طلعت بيان زي بيانها وقالت انا غلطانة وقحت لها اليتها التي تحترمها بدون مزايدة وابتزاز
ماهو الاساس الذي تم به استبعاد د.مضوي في رئاسة الوزراء مقابل حمدوك وماهي المعايير وهل مارس نفس الابتزاز
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: كمال عباس)
|
هواة هواااااة قالوا لينا. طالبنا لينا مدة بعرض الاسماء والتمحيص قبل اللحظات الاخيرة حتي يكون في مساحة للتدارك علي الاقل قبل ما تحصل فضائح زي دي.. انتظر لحدي ما تشوف الوزراء واضبط اعصابك كمان للحرب المنتظرة في قسمة ونسب كراسي التشريعي دا لو كتب ليه زااااتو يقوم. مش قالوا للمراة تمثيل بنسبة 40% في كل المجالس؟ ح نشووووووف. سلام يا جعفر وضيوفك.
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Deng)
|
Quote: أنا لا أدري ما هي المشكلة في إختيار جهوي؟ |
ولا انا كذلك يا دينق بل اصر علي التمثيل الجهوي سواء كان قبلي او جغرافي لحفظ الموازنة في حق التمييز الايجابي للمناطق التي عانت ويلات الجبهة الاسلامية مثل دارفور والجنوب ان كان لازال موجودا في الخارطة لذا لا اري مانع في ترشيح التعايشي ومن ثم استبعاده باعتباره لا يمثل زرقة دارفور ... او التأمين عليه باعتباره اكثر المثلين زرقة انها معايير ومقاييس خضع لها الجميع ولا داعي لابتزازنا
يكفي مزايدات وسخافات يا دينق
الثورة كان علي قيادتها قحت هي وحدها المخولة وفق تركيبتها الداخلية لتحديد من هو الصالح لانها مكونة من كيانات فوضناها بانفسنا تشمل تجمع المهنيين واحزابنا
ان كان التعايشي حزب الامة او كان التعايشي المستقل او كانت فدو عبدالرحمن او غيرها منتمي او لا منتمي سياسيا
لا يستحقون تمثيلنا بهذا السلوك
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Deng)
|
Quote: الإختلاف في السحب بعد خضوع المرشح لكافة المعايير والغربلة - ثم سحبه قبل الإعلان عنه |
طيب يا كمل عباس لو اصلا ما تم الاعلان عنه كيف يتم سحبه؟؟؟؟ مليون استفهام يبقي اصلا هم في مرحلة مفاضلة مافي داعي للردحي ياخي حتي لو تم الاعلان عنه وتم سحبه شنو المشكلة؟
شنو الداعي للنشر الاعلامي والتكتل والابتزاز
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Gafar Bashir)
|
المشكلة فى انهم قاموا باختيار فدوى للمجلس السيادى مبكراُ اثناء تداول عضوية المجلس 7 مدنيين و 3 عسكريين . فدوى بالاضافة الى 6 أعضاء آخرين يمثلون اقاليم السودان الستة . ولكن جرت مياه كثيرة تحت جسر المفاوضات وافضت الى 5-5 واختيار عضو مدنى بالتوافق بين العسكر و ق ح ت ليصبح العدد 11 بدل 10
الآن اختيار ال 5 اعضاء للسيادى جداً عصية على الجميع ..
والاكثر الماً من هذا هو رفض المجلس العسكرى لمرشح قوى الحرية والتغييير القاضى - عبدالقادر محمد احمد رئيساً للقضاء بعد ان فرح وهلل وكبر الشعب - بضغوط من الدولة العميقة
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Deng)
|
Quote: طالبنا لينا مدة بعرض الاسماء والتمحيص قبل اللحظات الاخيرة حتي يكون في مساحة للتدارك علي الاقل قبل ما تحصل فضائح زي دي.. |
يا معتصم والله صوتنا بح وبقت الكلمات البنقولها عايزة ليها شهر حتي حروفها توضح ويكون الزمن فاتها .... من زمن ياخي بطلوا السذاجة في ازالة المتاريس بي يدكم يا قحت، لحد وين جكومتكمم، وين بطيخكم لكن في النهاية مافي خيار غير دعم قحت ... مافي خيار غير دعمها بكل اخطاءه وبكل خرابيطها ... ما حصل ياخ حاولنا حاولنا ابتزازهم لا افراد ولا احزاب ولا حصصلت من زول قبل مرشحي المجلس السيادي ولا الوزراء
ده سلوك انشالله ما يتجاوز المرحلة لو قحت اتعاملت معاهو بحزم
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Gafar Bashir)
|
Quote: المشكلة فى انهم قاموا باختيار فدوى للمجلس السيادى مبكراُ اثناء تداول عضوية المجلس 7 مدنيين و 3 عسكريين . |
زي موضوع الجبهة الثورية من البداية جهة مؤسسة ومؤثرة في نداء الحرية لكن كتروها ومسخوها ... وفي النهاية ما لقت قحت غير انها تتجاوزهم ... تضيف للوثيقة قدرقدرتها والماقدرت عليهو تقدر عليهو الستة شهور بتاعت السلام ... عملو شنو ؟ولا شاركوا في فرحة السودان وعنهم ما شاركوا نفس الوضع ينظبق علي فدوي وغيرها اذا كان الواحد ما قادر يتجرد من ماهو شخصي الي هو في مصلحة السودان ولا اسفا عليهو
ده الحسم المفروض يكون في ادارة قحت وهم عارفين اي قرار يطلعوا بيهو حتي ولو كان غلط الناس ساندتهم وقفت معاهم لكن موضوع انهم يدوا اي اهتمام للابتزاز علي حساب الثورة ده مرفوض
زي ما عملوا مع الجبهة الثورية يتعاملو مع الاتنين ديل
مصيبة الافراد والتكنوقراط انو في مصائب وكوارث كثيرة ( شخصية) عايزين نعلمها ليهم من البداية نحنا اتجاوزناها بفعل تعلمنا واحتكاكا السياسي ووراثة تنظيماتنا وتاريخها عشان كدة من الاول قلنا موضوع الافراد والتكنوقراط ده ما جايب همو زفت الطين فلانة حردت وفلان زعلان ونبقي عايزين بايبي سيترز
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Gafar Bashir)
|
سلام يا جعفر
Quote: لكن في النهاية مافي خيار غير دعم قحت ... مافي خيار غير دعمها بكل اخطاءه وبكل خرابيطها |
قحت قادت الثورة بنجاح لا سابق له في تأريخ الثورات في العالم ولكن خطواتها في تأسيس الدولة مهتزة ومتخبطة. الضمان الوحيد لإكمال نجاح الثورة هو وحدتنا في دعم قحت وتصحيحها من داخلها ومن غير أن نقف في الضد منها.
نقطة سطر جديد
أختلف معك في فهمي لموقف البروفيسور فدوى . أعتقد أن فدوى إحتجت على الآلية التي تتبعها قحت في إختيار مرشحيها للمناصب. وهي آلية في نظري تفتقر للمعايير وتعتمد على الآراء الشخصية لأعضاء لجنة الترشيحات دون أي محددات ومواصفات مسبقة للإختيار. كما أن غياب الشفافية في طريقة الإختيار سيكون له إنعكاساته السلبية لاحقاً
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: Hafiz Bashir)
|
Quote: أختلف معك في فهمي لموقف البروفيسور فدوى . أعتقد أن فدوى إحتجت على الآلية التي تتبعها قحت في إختيار مرشحيها للمناصب. وهي آلية في نظري تفتقر للمعايير وتعتمد على الآراء الشخصية لأعضاء لجنة الترشيحات دون أي محددات ومواصفات مسبقة للإختيار. كما أن غياب الشفافية في طريقة الإختيار سيكون له إنعكاساته السلبية لاحقاً |
ياخي والله لو فدوي قالت الكلام الراقي والمحترم بتاعك ده اتخلي عن كل انتماءاتي واقول انها بتمثلني
لكن اقرا الكلام الكتبته ياخ قبلنا موضوع القران يت تاويله وتفسيره علي مضض تطلع لينا فدوي ناقين نحن نبرر ليها ونفسر ليها
| |
|
|
|
|
|
|
Re: التعايشي وفدوي عبدالرحمن ابتزاز رخيص ومر� (Re: ترهاقا)
|
Quote: أختلف معك في فهمي لموقف البروفيسور فدوى . أعتقد أن فدوى إحتجت على الآلية التي تتبعها قحت في إختيار مرشحيها للمناصب. وهي آلية في نظري تفتقر للمعايير وتعتمد على الآراء الشخصية لأعضاء لجنة الترشيحات دون أي محددات ومواصفات مسبقة للإختيار. كما أن غياب الشفافية في طريقة الإختيار سيكون له إنعكاساته السلبية لاحقاً
|
كلام زى بول الجمل
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|