|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
سلام يا توفيق أنت صاحي ؟! الناس ديل شغالين تلتين سنة خصخصة ما خلو مؤسسة حكومية إلا خصخصوها وسلموها لجماعتهم من الكيزان . وآخر ما حاولوا خصخصته هو ميناء بورتسودان وتجىء إنت هسي تقول ليهم أقلعوا واستلمو وأمموا؟! الأمة البأمموا لصالحها دي ياتو أمة ؟! إلا تقصد أمة بني كوز! يأموا عشان يسلموا منو؟! وياتو أمة؟! دا هو السؤال. ول انت عايزنا نصدق تمثيلية العسكر وحرامية دي والحقيقة ما بفرقهم إلا الكاكي اللابس الكاكي والما لابس هم شكل ومضمون واحد. قال تأميم قال!!! . ناس تلتين ٣٠ سنة شغالين خصخصة للمؤسسات القومية تجي بعد أكبر فضيحة محاولةخصخصة قبل أيام قليلة تجي انت تتكلم عن تأميم!!! أصحي يا راجل.
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
يا ريسنا يا فارسنا ابقالنا بيتنا ومدارسنا ... هل في رئيس غيرك طول في حكمه ما جرب الاشتراكية .. بعدين ربنا بسألك ليي ما قلعت الاموال من القطط السمان اديتها للمساكين تقول ليه شنو ؟؟ انعش السكة حديد وجيب طيارات جديدة وانعش سودان طير والله فعلا السودان ده فيه ناس طير جد .. واهم حاجة تفرغ العاصمة من العطالة الجو من الضهاري .... وديهم الزراعة واللقيط والرعي وعمال دهب والماظ ونحاس نحن تالت اكبر احتياطي نحاس تالت يورانيوم تالت موية جوفية تالت بترول بس داسنو مننا ما داير تكون القائد الملهم عشان نحن بالملايين نقيف معاك ونهتف ليك نعم ونغم ....
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: منتصر عبد الباسط)
|
سلام يا توفيق أنت صاحي ؟! الناس ديل شغالين تلتين سنة خصخصة ما خلو مؤسسة حكومية إلا خصخصوها وسلموها لجماعتهم من الكيزان . وآخر ما حاولوا خصخصته هو ميناء بورتسودان وتجىء انت هسي تقول ليهم أقلعوا واستلمو وأمموا؟! الأمة البأمموا لصالحها دي ياتو أمة ؟! إلا تقصد أمة بني كوز! يأمموا عشان يسلموا منو؟! وياتو أمة؟! دا هو السؤال. ول انت عايزنا نصدق تمثيلية العسكر وحرامية دي والحقيقة ما بفرقهم إلا الكاكي اللابس الكاكي والما لابس هم شكل ومضمون واحد. قال تأميم قال!!! . ناس تلتين ٣٠ سنة شغالين خصخصة للمؤسسات الأممية القومية الوطنية تجي بعد أكبر فضيحة محاولةخصخصة قبل أيام قليلة تجي انت تتكلم عن تأميم!!! عايزهم ينتقلوا ل ١٨٠درجة مرة واحدة؟! أصحي يا راجل
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
Quote: يا منتصر التأميم عكس الخصخصة ... بتفهم كيف ...؟؟ وكمان مكرر كلامك .. |
طيب ما دا القلناهو ليك! كيف تطالبهم بالسير عكس ما الفوا السير فيه! أنت تريد أن يعكسوا الطريق ويهدموا ما بنوه من بناء فاسد ! وهذا أصعب مطلب ومستحيل أن يفعلوه أم أنك مستحي ولا تريد أن تقول لهم ردوا وأعيدوا ممؤسسات الدولة التي استوليتم عليها. وغلفت مطلبك تحت مسمى التاميم! وعموما مطلبك غير موفق لأنه يمكن أن يأمموا مؤسسات الغير كيزان ويتركوا المؤسسات المملوكة للكيزان دون تأميم ويكونوا بذلك زادوا الظلم بظلم آخر.
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: منتصر عبد الباسط)
|
بس عشان القصة ما تفشل تطلع قانون الفساد والرشوة ده اهم من اي شئ ... بالشبهات اعدام وقطع رقبة بس ... كل النجحوا فيها قبلك عملوا كده ... يعني انت ما الاول ... ولا الأخير حا تكون .. زمان في عهد الاسلام الاول كان بالسيف ... الحجاج وكده .. وكلهم الاقوياء .. هي الشغلة دي ده سر نجاحها ... أمم ساااي ...
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: Asim Ali)
|
زمااااااااااااااااااااااان يا أمير لمن كنا من سكان الضهاري .. كان في واحد حلبي كل فترة بنزل عندنا ... بصلح السراير والكوانين والطواري .. وكعادة الغجر في ذلك الزمان لا يستقر لهم مقام ويعشقون الترحال من مكان إلى مكان .. الاسرة كاملة في حالة ترحال. الحلبي دا كان ساخط ومسخوط ... وبذئ كمان. شغاااال بدقدق في الكوانين وينفخ في النار زهجان وقافله معاهو وراء وقدام آها الحلبي قال شاحد الكريم الدنيا دي يشكوها من أول ويوزعها تاني عمي قاااعد بعاين للحلبي قال ليهو ياخوي كان وقعن لي كوانينك ديل اقع بيهن وين؟ آها يا أمير دا فهم الشعب السوداني الحالي للتأميم ... كل واحد عاجبوا الصاريهو
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: الحجاج الصادق)
|
كاااااااااااااااااااااك..! ناسك ديل يا توفيق ، اليومين ديل الدرب رايح ليهم في ألمي..! قبل يومين البروف حسن مكي قال: خوفي من اعلان حالة الطوارئ..وعينك ما تشوف الإ النور..! هسع انت يا توفيق ، قول النصيحة: خايف على الفكرة ولا خايف على بشه؟؟ الإتنين لحقوا امات طه..!!..لا فكرة اسلام سياسي نافعة ، ولا فكرة البطل بشة نافعة..! الشفع في الشوارع قالوا: تسقط بس..!! يعني حكاية التاجر لمن يفلس يراجع دفاترو القديمة ديك تاني ما مابتقسم مع شباب الفي بي اٍن..قاعدين هناك أي انتهاكات لحقوق الإنسان ، في ثانية بتصل لعيون المتضهب العالمي..!! الموضوع مش انقاذ اقتصاد وتوفير سيولة لمدة ستة شهور عشان بعد داك حمار الشيخ يقيف في العقبة..الموضوع عميق يا عمك..عميق شديد..! غريبة يا توفيق.. ليه زايغ من ابراهيم السنوسي ، علي عثمان محمد طه ، على الحاج..الخ..وراميها في بشه؟..
اها بشه بتاع الليلة بعثي اشتراكي قومي..ولو طار او ركا..والباقي باقي ياقريبي..!!
كبر
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
Quote: بس عشان القصة ما تفشل تطلع قانون الفساد والرشوة ده اهم من اي شئ ... بالشبهات اعدام وقطع رقبة بس ... كل النجحوا فيها قبلك عملوا كده ... يعني انت ما الاول ... ولا الأخير حا تكون .. زمان في عهد الاسلام الاول كان بالسيف ... الحجاج وكده .. وكلهم الاقوياء .. هي الشغلة دي ده سر نجاحها ... |
والله يا أمير بس فقط لو سن القانون دا وطبقوا علي فاطمة بنت محمد لو سرقت وحاشا لله ان تفعل . لنجح النجاح يحتاج إرادة...
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
Quote: قاااعد بعاين للحلبي قال ليهو ياخوي كان وقعن لي كوانينك ديل اقع بيهن وين؟ |
عمك ده كوز سياسي ساي ... الاشتراكية كلنا نتشارك في الكوانين كلنا نتشارك في منجم الدهب كلنا نتشارع في البيوت والعمارات والسيارات والمزارع والمصانع وكلنا نجي التلفزيون ونظهر ونعبر عن حاجاتنا بالمناسبة المنبر ده منبر اشتراكي مش كلنا بنتشارك الاراء والافكار ونتحاور ... طيب المشكلة وين ... امم يا بشة ساااي المافاهم الواقع الجديد حا يفهمه ..
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
وبشة يشيل يدو ويطبز بيها عينو ! يعني يأمم - مزرعة السليت وقصور كافوري وفيلا المعمورة - ووقصر مجمع النصر الفاخر وملياراته المكتنزة في بنوك الخارج وثروة زوجته ومال أخوانه ويرجع لزمن السقالة وبيت الورثة "والجرورة "علي مرتب الجيش المحدود ! حراميها لايمكن حاميها - بل حامي فساده وفساد الاخريين ! فلاتنقب عن ذهب في منجم "الصفر" والنحاس ياتوفيق ضهاري ! -
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: عمر أبوعاقلة)
|
Quote: قبل يومين البروف حسن مكي قال: خوفي من اعلان حالة الطوارئ..وعينك ما تشوف الإ النور..! |
الليلة يا كبر الأمير قال يا بشة أمم ... يعني بشة بحبة عقل حا يعملها تقريبا تعداد السودان الحقيقي 50 مليون حسب نسبة معدل الزيادة السكانية للسودان 2.4% لانو مافي عاقل في الدنيا دي يتبع مليون واحد عنده المال ويترك 49 مليون زيتهم طالع ... اكيد حا ينحاز لل 49 مليون ويشيل من المليون الواحد اموالهم ويوزعها على الباقين بالتساوي ويسجل اسمه من نور في سجل الزعماء الخالدون ... الا يكون ما بعرف بفكر او يحسبها صاح خصوصا حا يلقى دعم خرافي من الصين وروسيا واثيوبيا ....
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
Quote: يعني يأمم - مزرعة السليت وقصور كافوري وفيلا المعمورة - ووقصر مجمع النصر الفاخر وملياراته |
اي انسان عاقل لو ختو ليه كل املاكه في كفة وقالوا ليه في النهاية حا تكون نهاية مأساوية ليك ... وختوا ليه في كفة قرار يسعده في الدارين دنيا وآخرة يختار شنو ؟؟؟؟ بشة قوي حا يهزم شيطانوا وخوفوا وحا يعملها ... وحا يأمم امكن من الليلة بالليل وبكرة بدل مظاهرات الناس تطلع مواكب يأييد ... اتوكل سااااي وأمم ما تخاف ... شعبنا ده شعب اشتراكي لو تتذكر بهستريا غنى للنميري قلناها نعم ملايين ملايين قلناها نعم ...
| |
|
|
|
|
|
|
Re: التأميم واجب ثوري ... انتهز الفرصة وامم يا � (Re: توفيق عيسى مكي)
|
كتب قسم الفضيل مضوي : ( توفيق ضهاري دا فقاع مرارة ، زيو وزي غريبة واحد ... الناس في شنو والوهم دا في شنو !!! اطبل يا بكري ... اطبل ... )
صدقت والله يا أخ قسم الفضيل ، وكمان توفيق ضهاري ده برضو بشبه الزول بتاع بلادي حقول بلادي سهول ، الجاب للمذيعة جلطة وفقع مرارتا .... غايتو الناس ديل يوم بكتلوا ليهم زول بالمغسة !!!!!
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|