مرمي الله ما بترفع. أصلوا ما بنلومكم لقيتوها مدمرة وشعب منتهي الصلاحية ما عندو التكتح..
لكن سرقناها وعملناها فلل وعمائر وارصدة بالعملة في البنوك الخارجية يعني بالعربي حرامية ؛ السرقة والفساد زاتو ما ليهو علاقة بتدمير البلد.. "مش كده يا وداد" الشعب اصلا كان في حكم الميت والعملناه سارعنا باطلاق رصاصة الرحمة علي جموعه رحمة ورأفة به.. "مش كده يا وداد" لا تشكرونا ولا تظلمونا... "مش كده يا وداد"
دايرين تحكموا البلد تجوها بالصناديق وأنا زاتو برشح نفسي واخجها ليكم خج من أبوها والما عاجبوا يقابلنا في الشارع... "مش كده يا وداد" الوليدات القايمين في الشارع وعاملين لينا جوطة ومطيعين زمنا وزمنهم ما يقدروا يقلبوها كلهم صعاليق فيسبوك وواتس ومدمنين خرشة شارع النيل ده زاتو بنفكو ليهو ونرجع ستات الشاي.. "مش كده يا وداد" قانون النظام العام زاتو بنلغيهو والبنات ان شاء يمشوا في الشوارع انفكوا ما بنسعلهم.. "مش كده يا وداد"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة